دعوتِ اسلامی کے زیرِ اہتمام 9، 10، 11 فروری 2022ء بروز بدھ، جمعرات، جمعہ عالمی مدنی مرکز فیضانِ مدینہ کراچی میں ایچ آر ڈیپارٹمنٹ کے ذمہ داران کے لئے 3 دن کی نشستوں کا انعقاد کیا گیاجس میں نگرانِ ایچ آر ڈیپارٹمنٹ حاجی سیّد اسد عطاری، مختلف شعبہ جات کے نگران اور اراکین سمیت ڈیپارٹمنٹ کے پورے عملے نےشرکت کی۔

دورانِ نشست مرکزی مجلسِ شوریٰ کے رکن حاجی محمد عقیل عطاری مدنی نے نرمی اور حسنِ اخلاق کے حوالے سے گفتگو کرتے ہوئے ملازمت کےحصول اور ملازمت کرنےوالےاسلامی بھائیوں کے ساتھ شریعت و اخلاق کے مطابق اچھے انداز میں پیش آنے کا ذہن دیا۔

اس کے علاوہ رکنِ شوریٰ نے مسائل کو سنجیدگی سے لے کر انہیں بہتر انداز میں حل کرنے اور اپنی اصلاح کےلئے 12دینی کاموں میں عملی طور پر شرکت کرنے کے متعلق مدنی پھول دیئے۔بعدازاں نشست میں شریک اسلامی بھائیوں نے دعوتِ اسلامی کے شعبہ جات کی ترقی کے لئے اچھی اچھی نیتوں کا اظہار کیا۔(کانٹینٹ:غیاث الدین عطاری)

اللہ پاک کے آخری نبی صلی اللہ علیہ واٰلہٖ وسلم نے فرمایا:اللہ پاک ارشاد فرماتا ہے:میں نے تمہاری اُمَّت پر دن رات میں پانچ نمازیں فرض کی ہیں اور میں نے یہ عہد کیا ہے کہ جو ان نمازوں کی ان کے اوقات میں پابندی کرے گا،میں اس کو جنت میں داخل کروں گا اور جو پابندی نہیں کرے گا،اس کے لئے میرے پاس کوئی عہد نہیں۔اللہ پاک قرآنِ کریم میں ارشاد فرماتا ہے:ربّ کو سراہتے ہوئے اس کی پاکی بولو،سورج چمکنے سے پہلے اور اس کے ڈوبنے سے پہلے۔نمازِ فجر پر 5 فرامینِ مصطفٰے صلی اللہ علیہ واٰلہٖ وسلم:1۔صحابی ابنِ صحابی حضرت عبدُاللہ بن عمر رَضِیَ اللہ عنہما سے روایت ہے،پیارے آقا صلی اللہُ علیہ واٰلہٖ وسلم نے ارشاد فرمایا:جو صبح کی نماز پڑھتا ہے،وہ شام تک اللہ پاک کا ذمّے میں ہے۔تم اللہ پاک کا ذمّہ نہ توڑو،جو اللہ پاک کا ذمّہ توڑے گا،اللہ پاک اسے اوندھا یعنی اُلٹا کرکے دوزخ میں ڈال دے گا۔2۔حضرت سلمان فارسی رَضِیَ اللہ عنہ سے روایت ہے،اللہ پاک کے آخری نبی صلی اللہ علیہ واٰلہٖ وسلم کا فرمانِ عبرت نشان ہے:جو صبح کی نماز کو گیا،ایمان کے جھنڈے کے ساتھ گیا اور جو صبح بازار کو گیا،ابلیس(یعنی شیطان)کے جھنڈے کے ساتھ گیا۔ حضرت عمارہ بن رویبہ رَضِیَ اللہُ عنہ فرماتے ہیں:میں نے نبی کریم صلی اللہ علیہ واٰلہٖ وسلم کو فرماتے سنا:جس نے سورج کے طلوع و غروب ہونےسے پہلے نماز ادا کی،(یعنی فجر و عصر کی)وہ ہرگز جہنم میں داخل نہ ہوگا۔4۔حضرت ابو عبیدہ بن جراح رَضِیَ اللہ عنہ بیان کرتے ہیں:رسولِ اکرم صلی اللہ علیہ واٰلہٖ وسلم نے ارشاد فرمایا:جمعہ کے دن پڑھی جانے والی نمازِ باجماعت سے افضل کوئی نماز نہیں ہے،میرا گمان یعنی خیال ہے تم میں سے جو اس میں شریک ہوگا،اس کے گناہ معاف کردیئے جائیں گے۔5۔حضرت انس رَضِیَ اللہ عنہ سے روایت ہے،سرکارِ مدینہ صلی اللہ علیہ واٰلہٖ وسلم نے ارشاد فرمایا:جس نے 40 دن فجر و عشا باجماعت پڑھی،اُس کو اللہ پاک 2 آزادیاں عطا فرمائے گا،ایک نار(یعنی آگ)سے،دوسری نفاق(یعنی منافقت سے)۔ نماز جنت کی چابی ہے۔اللہ پاک ہمیں وقت پر پانچوں نمازیں پڑھنے کی توفیق عطا فرمائے۔اٰمین بجاہِ النبی الکریم صلی اللہُ علیہ واٰلہٖ وسلم

یا الٰہی فجر میں ہم کو اُٹھنے کا شوق دے سب نمازیں ہم پڑھیں وہ ذوق دے

دعوتِ اسلامی کے زیرِ اہتمام 10 فروری 2022ء بروز جمعرات اسلام آباد جی الیون میں قائم مدنی مرکز فیضانِ مدینہ میں ہفتہ وار سنتوں بھرے اجتماع کا انعقاد کیا گیا جس میں کثیر اسلامی بھائیوں نے شرکت کی۔اس اجتماعِ پاک کے اختتام پر نماز جنازہ کورس کا بھی سلسلہ رہا جس میں عاشقانِ رسول کو چند ضروری مسائل سکھائے گئے۔

بعدازاں شعبہ ذمہ داران کے درمیان ایک میٹنگ ہوئی جس میں شعبے کے دینی کاموں کے حوالے سے اہم امور پر تبادلۂ خیال کیا گیا۔(رپورٹ:ظہیر عباس، کانٹینٹ:غیاث الدین عطاری) 

صحابی ابنِ صحابی حضرت عبدُاللہ ابنِ عمر رَضِیَ اللہُ عنہما سے روایت ہے،سردارِ مکۂ مکرمہ،سرکارِ مدینہ منورہ صلی اللہُ علیہ واٰلہٖ وسلم ارشاد فرماتے ہیں:جو صبح کی نماز پڑھتا ہے،وہ شام تک اللہ پاک کے ذمّے ہے۔(معجم کبیر،12/240،حدیث:1321) حضرت سلمان فارسی رَضِیَ اللہ عنہ سے روایت ہے،میرے آقا،تاجدارِ مدینہ صلی اللہُ علیہ واٰلہٖ وسلم کا فرمانِ عبرت نشان ہے:جو صبح کی نماز کو گیا،ایمان کے جھنڈے کے ساتھ گیا اور جو صبح بازار گیا،ابلیس(شیطان کے) جھنڈے کے ساتھ گیا۔(ابن ماجہ،3/53،حدیث: 2234)

یا الٰہی فجر میں اُٹھنے کا شوق ہم کو دے سب نمازیں ہم پڑھیں،وہ ذوق دے

حضرت ابو ہریرہ رَضِیَ اللہ عنہ سے روایت ہے،حضور پرنور صلی اللہُ علیہ واٰلہٖ وسلم فرماتے ہیں:جب تم میں سے کوئی سوتا ہے،تو شیطان اُس کی گُدّی میں تین گرہیں لگا دیتا ہے،ہر گِرہ پر یہ بات دل میں بٹھاتا ہے کہ ابھی رات بہت ہے سو جا،پس اگر وہ جاگ کر اللہ پاک کا ذکر کرے تو ایک گِرہ کُھل جاتی ہے،اگر وُضو کرے تو دوسری گِرہ کُھل جاتی ہے اور نماز پڑھے تو تیسری گِرہ بھی کُھل جاتی ہے،پھر وہ خوش خوش اور تروتازہ ہوکر صبح کرتا ہے،ورنہ غمگین دل اور سستی کے ساتھ صبح کرتا ہے۔(بخاری،1/387،حدیث:1142)حضرت عثمانِ غنی رَضِیَ اللہ عنہ سے روایت ہے،رسولِ کریم صلی اللہُ علیہ واٰلہٖ وسلم نے ارشاد فرمایا:جو نمازِ عشا جماعت سے پڑھے،گویا اس نے آدھی رات قیام کیا اور جو فجر جماعت سے پڑھے،اس نے پوری رات قیام کیا۔(مسلم،ص258،حدیث:1491)حضرت عبدُاللہ بن مسعود رَضِیَ اللہ عنہ بیان کرتے ہیں:بارگاہِ رسالت میں ایک شخص کے متعلق ذکر کیا گیا کہ وہ صبح تک سوتا رہا اور نماز کے لئے نہ اُٹھا،تو آپ نے ارشاد فرمایا:اس کے کان میں شیطان نے پیشاب کر دیا ہے۔(بخاری شریف،1/388،حدیث:1144)

فجر کا وقت ہوگیا اُٹھو اے غلامانِ مصطفٰے اُٹھو

پچھلے دنوں دعوتِ اسلامی کے زیرِ اہتمام سانگھڑ جھول سنھجورو شہداد پور میں مدنی مشورے کا انعقاد ہوا جس میں مقامی ذمہ داراسلامی بھائیوں نے شرکت کی۔

اس مدنی مشورے میں نگرانِ ڈسٹرکٹ سانگھڑ احمدرضا عطاری نے ذمہ داراسلامی بھائیوں سے گفتگو کرتے ہوئے 12 دینی کاموں کا فالواپ لیا اور انہیں ہفتہ وار سنتوں بھرے اجتماع میں آنے والے اسلامی بھائیوں کی تعداد بڑھانے کا ذہن دیا۔اس کے علاوہ رمضان عطیات کے متعلق چند اہم امور پر مشاورت کی۔( کانٹینٹ:غیاث الدین عطاری)

شعبہ کفن دفن دعوتِ اسلامی کے زیرِ اہتمام 10 فروری 2022ء بروز جمعرات کوٹ رادھا کشن میں نمازِ جنازہ و کفن دفن کورس انعقاد کیا گیا جس میں معلم مدنی قاعدہ کورس کے اسلامی بھائیوں نے شرکت۔

دورانِ کورس مبلغِ دعوتِ اسلامی محمد دانش تفسیر عطاری نے نماز جنازہ پڑھنے کی فضیلت بیان کرتے ہوئے چند ضروری مسائل بتائے اور تدفین کا طریقہ سکھایا۔

بعدازاں ذمہ داران کے درمیان مدنی مشورے کا انعقاد ہوا جس میں شعبے کی ترقی کے حوالے سے اہم نکات پر تبادلۂ خیال کیا گیا۔(رپورٹ:محمد سرور رضا عطاری کابینہ ذمہ دار کفن دفن کوٹ رادھا کشن، کانٹینٹ:غیاث الدین عطاری)

ایمان اور عقائد کے بعد نماز تمام فرائض میں سب سے اہم اور بلند مرتبے پر ہے۔ذیل میں نمازِ فجر کے فضائل پر پیارے آقا صلی اللہ علیہ واٰلہٖ وسلم کے پانچ ارشادات پڑھئے تاکہ نمازِ فجر کی اہمیت کو جان کر اس کی مضبوط پابندی کی جاسکے۔1۔طبرانی ابنِ عمر رَضِیَ اللہ عنہ سے راوی:حضور اکرم صلی اللہ علیہ واٰلہٖ وسلم فرماتے ہیں:جو صبح کی نماز پڑھتا ہے،وہ شام تک اللہ پاک کے ذمہ میں ہے۔(معجم کبیر، حدیث:13210،12/240)دوسری روایت میں ہے:تو اللہ پاک کا ذمہ نہ توڑو،جو اللہ پاک کا ذمہ توڑے گا،الله پاک اسے اوندھا کر کے جہنم میں ڈالے گا۔(مجمع الزوائد،ص27، حدیث:1640)2۔ابنِ ماجہ سلمان فارسی رَضِیَ اللہ عنہ سے روایت ہے،حضور اقدس صلی اللہ علیہ واٰلہٖ وسلم نے ارشاد فرمایا:جو صبح کی نماز کو گیا،ایمان کے جھنڈے کے ساتھ گیا اور جو صبح بازار گیا،ابلیس کے جھنڈے کے ساتھ گیا۔(ابنِ ماجہ،حدیث:2234،ج3 /53)3۔بیہقی نےشعب الایمان میں حضرت عثمان رَضِیَ اللهُ عنہ سے مرفوعا روایت کی ہے:جو نمازِ صبح کیلئے طالبِ ثواب ہو کر حاضر ہوا،گویا اس نے تمام رات قیام کیا( عبادت کی) اور جو نمازِ عشا کیلئے حاضر ہوا،گویا اس نے نصف شب قیام کیا۔( شعب الایمان،حدیث:2852، 3/55)4۔خطیب نے حضرت انس رَضِیَ اللهُ عنہ سے روایت کی،آقا صلی اللہُ علیہ واٰلہٖ وسلم نے ارشاد فرمایا: جس نے چالیس دن نمازِ فجر و عشا باجماعت پڑھی،اس کو اللہ پاک دو برائتیں عطا فرمائے گا،ایک نار سے،دوسری نفاق سے (تاریخِ بغداد،حدیث:6231،11 /374)5۔امام احمد ابو ہریرہ رَضِیَ اللهُ عنہ سے روایت کرتے ہیں:حضور صلی اللہُ علیہ واٰلہٖ وسلم نے فرمایا:رات اور دن کے ملائکہ نمازِ فجر اور عصر میں جمع ہوتے ہیں،جب وہ جاتے ہیں تو اللہ پاک ان سے فرماتا ہے:کہاں سے آئے؟حالانکہ وہ جانتا ہے،وہ عرض کرتے ہیں:تیرے بندوں کے پاس سے،جب ہم ان کے پاس گئے تو وہ نماز پڑھ رہے تھے اور انہیں نماز پڑھتا چھوڑ کر تیرے پاس حاضر ہوئے۔(مسندامام احمد ،مسند ابی ہریرہ،حدیث: 3،394/69)ان احادیثِ مبارکہ سے نمازِ فجر کی اہمیت کا باخوبی اندازہ لگایا جاسکتا ہے،لہذا اُمَّتِ محمدیہ کو چاہئے کہ آقا صلی اللہُ علیہ واٰلہٖ وسلم کے ارشادات کی پیروی کرتےہوئے نمازوں کی پابندی کو خود پر لازم کر لیں۔اللہ پاک ہمیں ان احادیث پر عمل کرنے کی توفیق عطا فرمائے۔اٰمین بجاہِ النبی الکریم صلی اللہُ علیہ واٰلہٖ وسلم

گزشتہ دنوں فیصل آباد کے علاقے غلام آباد میں شیخ محمد افتخار کے گھر اُن کے بیٹے شیخ محمد عمار کی عیادت کے سلسلے میں دعوتِ اسلامی کی مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری کی آمد ہوئی۔اس دوران نگرانِ پاکستان مشاورت نے شیخ محمد عمار سے ملاقات کرتے ہوئےاُن کی خیریت دریافت کی۔

بعدازاں رکنِ شوریٰ نے انہیں اللہ عزوجل کی رضاء پر راضی رہنے اور بیماری پر صبر کرنے کے بارے میں مدنی پھول دیئے۔بعدازاں نگرانِ پاکستان نے دعاؤں سے نوازا۔ اس موقع پر نگرانِ پاکستان مشاورت کے ہمراہ دیگر ذمہ داران موجود تھے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

اللہ پاک نماز کے بارے میں ارشاد فرماتا ہے:ترجمۂ کنزالایمان:اور میری یاد کے لئے نماز قائم رکھ۔(فیضانِ نماز،ص9،پ 16،سورۂ طہٰ: 14) نمازِ فجر ادا کرنے میں حکمت:حضرت آدم علیہِ السَّلام نے صبح ہونے کے شکر میں دو رکعتیں ادا کیں تو یہ نمازِ فجر ہو گئی۔نمازِ فجر کے بارے میں چند فرامینِ مصطفٰے درج ذیل ہیں:1)امام سمر قندی رحمۃُ اللہ علیہ نے تابعی بزرگ حضرت کعبُ الاحبار رحمۃُ اللہِ علیہ سے نقل کیا ، انہوں نے فرمایا:میں نے توریت کے کسی مقام میں پڑھا کہ اللہ پاک فرماتا ہے:اے موسیٰ! فجر کی دو رکعتیں احمد اور اس کی اُمَّت ادا کرے گی،جو انہیں پڑھے گا اس دن رات کے سارے گناہ اس کے بخش دوں گا اور وہ میرے ذمے میں ہوگا۔(فیضانِ نماز،ص 86،حاشیہ فتاویٰ رضویہ،5/52 تا 54)۔2)حضور صلی اللہ علیہ واٰلہٖ وسلم ان کی(یعنی فجر کی) جتنی محافظت فرماتے،کسی اور نماز کی نہیں کرتے۔(بہار شریعت، حصہ:2 ،1/ 659 ۔ بخاری،حدیث:1،1196/365)۔3) طبرانی عبدُ اللہ بن عمر رَضِیَ اللہ عنہ سے روای: ایک صاحب نے عرض کی:یا رسولُ اللہ صلی اللہ علیہ واٰلہٖ وسلم! کوئی عمل ارشاد فرمایئے کہ اللہ پاک مجھے اس سے نفع دے؟ فرمایا:فجر کی دونوں رکعتوں کو لازم کر لو،ان میں بڑی فضیلت ہے۔(بہارِ شریعت،حصہ:1،2/ 659-الترغیب والترہیب، حدیث:3،1/223)۔4) مسلم و ترمذی اُمّ المؤمنین حضرت عائشہ صدیقہ رَضِیَ اللہ عنہا سے راوی،نبی کریم صلی اللہ علیہ واٰلہٖ وسلمفرماتے ہیں:فجر کی دو رکعتیں دنیا و ما فیہا سے بہتر ہیں۔(بہارِ شریعت،حصہ:2،1/ 659- مسلم، حدیث:725/365)۔5) ابو داؤد ابو ہریرہ رَضِیَ اللہ عنہ سے روایت کرتے ہیں:رسولِ کریم صلی اللہُ علیہ واٰلہٖ وسلم نے فرمایا:فجر کی سنتیں نہ چھوڑو،اگرچہ تم پر دشمنوں کے گھوڑے آپڑیں۔(بہارِشریعت،،حصہ:1،2/ 660- ابو داؤد، حدیث:1258،ج2/31)

دعوتِ اسلامی کے تحت 10 فروری 2022ء بروز جمعرات پاکستان کے شہر کراچی میں قائم نیو میمن مسجد میں ہفتہ وار سنتوں بھرا اجتماع منعقد ہوا جس میں مقامی عاشقانِ رسول سمیت دیگر اسلامی بھائیوں نے کثیر تعداد میں شرکت کی۔

اس دوران مرکزی مجلس شوریٰ کے رکن حاجی محمد علی عطاری نے سنتوں بھرابیان کرتے ہوئے انہیں دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔بعدازاں رکنِ شوریٰ نے ذمہ داران کے ہمراہ رات مسجد میں اعتکاف کیا نیز نمازِ تہجد اور سحری و مناجات کا بھی سلسلہ رہا۔(کانٹینٹ:غیاث الدین عطاری)

نماز دینِ اسلام کا دوسرا اہم رکن ہے۔ہر مسلمان عاقل و بالغ،مرد و عورت پر روزانہ پانچ نمازیں فرض ہیں۔اللہ پاک قرآنِ پاک میں ارشاد فرماتا ہے:ترجمہ:اور نماز قائم رکھو،دن کے دونوں کناروں اور کچھ رات کے حصّوں میں۔(ھود:114)تفسیر صراط الجنان میں ہے:دن کے دونوں کناروں سے مراد صبح اور شام ہیں۔صبح کی نماز تو فجر ہے،جبکہ شام کی نمازیں ظہر و عصر ہیں اور رات کے حصّوں کی نمازیں مغرب وعشا ہیں۔(تفسیرصراط الجنان، 4/511)مندرجہ بالا آیتِ مبارکہ سے نمازِ فجر کی فرضیت کا ثبوت ملتا ہے۔فجر کو صبح کہتے ہیں۔حضرت آدم علیہِ السَّلام نے صبح ہونے کے شکرانے میں دو رکعتیں ادا کیں تو یہ نمازِ فجر ہو گئی۔(فیضانِ نماز،ص29،بحوالہ ردا لمختار،2/ 16) فضائلِ نمازِ فجر بزبانِ شاہِ بحروبر:1۔فجر کی نماز پڑھنے والا اللہ پاک کے ذمے:آخری نبی صلی اللہ علیہ واٰلہٖ وسلم نے فرمایا:جو صبح کی نماز پڑھتا ہے،وہ شام تک اللہ پاک کے ذمے میں ہے۔(فیضانِ نماز،ص87،بحوالہ معجم کبیر،12/240)یعنی جو فجر کی نماز اخلاص کے ساتھ پڑھے،وہ اللہ پاک کی امان میں ہے۔(ایضاً،ص88)2۔شیطان کا جھنڈا:آخری نبی صلی اللہ علیہ واٰلہٖ وسلم نے فرمایا:جو صبح کی نماز کو گیا،ایمان کے جھنڈے کے ساتھ گیا اور جو صبح بازار کو گیا،ابلیس کے جھنڈے کے ساتھ گیا۔ (ایضاً،ص 88) 3۔جمعہ کے دن با جماعت فجر:آخری نبی صلی اللہ علیہ واٰلہٖ وسلم نے فرمایا:جمعہ کے دن پڑھی جانے والی فجر کی نمازِ باجماعت سے افضل کوئی نماز نہیں ہے۔) ایضاً،ص96)4۔جہنم سے حفاظت:آخری نبی صلی اللہ علیہ واٰلہٖ وسلم نے فرمایا:جس نے سورج کے طلوع و غروب ہونے سے پہلے نماز ادا کی(یعنی فجر و عصر کی نماز پڑھی)وہ ہرگز جہنم میں داخل نہیں ہوگا۔)ایضاً،ص(1005۔تین شیطانی گرہیں:آخری نبی صلی اللہ علیہ واٰلہٖ وسلم نے فرمایا:جب تم میں سے کوئی سوتا ہے تو شیطان اس کی گدی میں تین گرہیں لگا دیتا ہے،ہر گرہ پر دل میں یہ بات بٹھاتا ہے کہ ابھی رات بہت ہے سو جا،پس اگر وہ جاگ کر اللہ پاک کا ذکر کرے تو ایک گرہ کھل جاتی ہے،اگر وضو کرے تو دوسری گرہ کھل جاتی ہے اور نماز پڑھے تو تیسری گرہ بھی کھل جاتی ہے،پھر وہ خوش خوش اور تر و تازہ صبح کرتا ہے،ورنہ غمگین دل اور سستی کے ساتھ صبح کرتا ہے۔

یا الٰہی!فجر میں اُٹھنے کا ہم کو شوق دے سب نمازیں ہم پڑھیں وہ ذوق دے

فجر کا وقت نُور کا وقت ہے،یہ برکت،اللہ پاک کی رحمت اور اللہ پاک کی نوری مخلوق یعنی نورانی فرشتوں کے نزول کا وقت ہے۔نمازِ  فجر سے غفلت ایک مسلمان کی زندگی کو بدمزہ کر دیتی ہے۔ہماری زندگی میں جتنی بھی مصیبتیں،پریشانیاں اور مشکلات ہیں،اِن سب کی وجہ نمازِ فجر سے ہماری دوری ہے۔Fajar is the success of the dayتزکیۂ نفس کے حوالے سے سب سے اہم اور ضروری بات نمازِ فجر کی ادائیگی ہے۔اس حوالے سے پانچ فرامینِ مصطفٰے صلی اللہ علیہ واٰلہٖ وسلم پیشِ خدمت ہیں:1۔جو صبح کی نماز سورج نکلنے سے پہلے پڑھ لے،یعنی باجماعت ادا کرے،ایسا بندہ اللہ پاک کے ذمہ میں چلا جاتا ہے۔2۔جو دو نمازیں یعنی فجر اور عصر کی نماز شوق سے پڑھتا ہے،اللہ پاک اُس کے لئے باقی نمازیں پڑھنا آسان کر دیتا ہے،جب اُسے موت آئے گی،اللہ پاک اس کے لئے جنت کے آٹھوں دروازے کھول دیتا ہے۔3۔فجر کی سنتیں دنیا کے خزانوں سے بہتر ہیں۔4۔اللہ پاک قیامت کے دن اُسے اپنا دیدار نصیب کرے گا۔5۔اے میرے صحابہ!منافق بندے پر بوجھل اور سب سے بھاری نماز نمازِ فجر ہے۔فجر کی نماز کی فضیلتوں کو مدِّنظر رکھتے ہوئے گزارش ہے کہ اگر آپ اپنی دنیا اور آخرت سنوار نا اور دونوں جہاں میں کامیابی حاصل کرنا چاہتی ہیں تو فجر کی نماز کو اپنے اُوپر لازم کر لیجئے۔اللہ پاک ہماری موت اور آخری سانس بھی نماز ِفجر ادا کرتے ہوئے عطا کرے۔اٰمین بجاہِ النبی الکریم صلی اللہُ علیہ واٰلہٖ وسلم