دعوتِ اسلامی کےزیرِ اہتمام 21اکتوبر2021ءبروزجمعرات فیصل آباد ریجن کے شعبہ تحفظِ اوراقِ مقدسہ کے اراکینِ زون کا فیصل آباد میں مدنی مشورہ ہوا۔

مرکزی مجلسِ شوریٰ کےرکن ابو ماجدحاجی محمد شاہد عطاری مدنی نے ذمہ داران کی اخلاقی اور تنظیمی اعتبارسےتربیت کی۔رکنِ شوریٰ نے شعبے کی کارکردگی کا جائزہ لیتے ہوئے آئندہ کےاہداف طے کئے۔

اس کےعلاوہ رکنِ شوریٰ نے ٹیلی تھون کےحوالےسے ذہن سازی کی ۔ مزیدشعبےکےدینی کاموں میں بہتری لانےکے حوالے سے مدنی پھول دیئے۔بعدازاں ذمہ داران کی کارکردگی پر تحائف بھی تقسیم کئےگئے۔( کانٹینٹ:غیاث الدین عطاری)

شعبہ رابطہ برائے وکلاء کے تحت 21 اکتوبر2021ء بروز جمعرات ڈسٹرکٹ اینڈ سیشن ملیر کورٹ میں واقع ڈسٹرکٹ ملیر بار ایسوسی ایشن میں اجتماعِ میلاد کا اہتمام ہواجس میں ممبر سندھ بار کونسل، ڈسٹرکٹ اٹارنی ملیر، ملیر بار ایسوسی ایشن کے کئی سابق صدر، موجودہ جنرل سیکریٹری اور ممبرانِ منیجنگ کمیٹی سمیت وکلاو اسٹاف کی بڑی تعداد نے شرکت کی ۔

رکنِ مرکزی مجلسِ شوریٰ حاجی محمد امین عطاری نے سنتوں بھرا بیان کرتے ہوئےوہاں موجوداسلامی بھائیوں کی تربیت ورہنمائی کی اور دعا بھی کروائی۔ بعدازاں وکلانے مدنی چینل کو اپنے تاثرات دیتے ہوئےاپنی نیک خواہشات کااظہارکیا۔ (رپورٹ: ابو مصعب محمد صہیب عطاری شعبہ رابطہ برائےوکلاء کراچی ساؤتھ سنٹرل زون،کانٹینٹ:غیاث الدین عطاری)

دعوتِ اسلامی کےتحت 20اکتوبر2021ءبروزبدھ رکنِ زون مکرم عطاری نے دینی کاموں کے سلسلے میں اطراف حافظ آباد کابینہ کی دو ڈویژن کےچھ علاقوں کادورہ کیاجس میں انہوں نےعلاقہ وائز مدنی مشورےکئے۔

رکنِ زون نےان مدنی مشوروں میں دعوتِ اسلامی کے12دینی کاموں کےحوالے سےکلام کیااورسابقہ مدارس کی رپورٹ کاجائزہ لیتے ہوئے مزید بہتری کےلئےنئےاہداف دیئے۔اس کےعلاوہ چھ مساجدکےائمہ کرام سےملاقات کا بھی سلسلہ رہا۔

آٹھ گھنٹے اوردوگھنٹے کےلئےعلاقہ وائز ناظمین تلاش کرنے کے بارے میں مشاورت کی گئی۔ (رپورٹ: اعظم عطاری کابینہ ذمہ دار شعبہ اسلامی بھائیوں کے مدرسۃالمدینہ حافظ آباد زون،کانٹینٹ:غیاث الدین عطاری)

ملک پاکستان کے بعد اب یوکے میں بھی دعوت اسلامی کے زیر اہتمام دستار فضیلت اجتماع ہونے جارہا ہے۔ یہ اجتماع 30 اکتوبر 2021ء کو مدنی مرکز فیضان مدینہ یوکے برمنگھم بریڈ فورڈ میں منعقد ہوگا جس میں دوپہر 2 بجے مرکزی مجلس شوریٰ کے رکن حاجی مولانا عبد الحبیب عطاری سنتوں بھرا بیان فرمائیں گے۔

اجتماع بعد درسِ نظامی (عالم کورس)مکمل کرنے والے Qualified Scholarsکی دستار بندی کی جائیگی۔

یوکے کے تمام عاشقان رسول سے اس عظیم الشان اجتماع میں شرکت کرنے کی درخواست ہے۔

واضح رہے کہ سال 2021ء میں یوکےمیں 32 طلبہ کرام نے عالم کورس مکمل کرنے کی سعادت حاصل کی ہے۔

نبیٔ کریم ﷺکی ولادت  کی خوشی میں پچھلےدنوں دارالمدینہ ہیڈ آفس کراچی میں سالانہ محفلِ میلاد منعقد کی گئی۔محفلِ میلاد کا آغاز تلاوتِ قراٰنِ پاک سے ہوا جبکہ نعت ِ رسول ِ مقبولﷺپڑھ کر نبی ِکریم ﷺکی بارگاہِ اقدس میں نذرانۂ عقیدت بھی پیش کیاگیا۔

اس موقع پر دار الافتاء اہلسنت کے مولانا کفیل عطاری مدنی نے سنتوں بھرا بیان کیا۔مولاناکفیل عطاری مدنی صاحب نے نبیِ کریم ﷺکے فضائل پرگفتگو کرتے ہوئے کہا کہ آپ ﷺسبب ِ وجودِ کائنات ہیں ،اگر آپﷺ کی ذاتِ مبارکہ نہ ہوتی تو کچھ بھی نہ ہوتا۔

گناہوں کی  پہچان اور ان کی نحوستوں سے نجات دلانے والا ایک منفرد تحریری رسالہ

گناہوں کی نحوست

پیشکش: مرکزی مجلس شوریٰ، دعوتِ اسلامی

اِس رسالے کی چندخصوصیات:

٭دیدہ زیب ودِلکش سرورق (Title) وڈیزائننگ (Designing) ٭عصرحاضرکے تقاضوں کے پیشِ نظرجدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علاماتِ ترقیم‘‘(Punctuation Marks) کا اہتمام ٭اُردو، عربی اور فارسی عبارتوں کو مختلف رسم الخط (Fonts)میں لکھنے کا اہتمام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭بعض جگہ عربی عبارات مع ترجمہ کی شمولیت ٭آیات کے ترجمہ میں کنزالایمان کی شمولیت ٭حسب ضرورت مشکل اَلفاظ پر اِعراب اور بعض پیچیدہ اَلفاظ کے تلفظ بیان کرنے کا اہتمام ٭قرآنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، اَحادیث،توضیحی عبارات، فقہی جزئیات کےحوالوں (References) کا خاص اہتمام ٭ اغلاط کوکم سے کم کرنے کیلئے پورے رسالے کی کئی بار لفظ بہ لفظ پروف ریڈنگ۔

112صفحات پر مشتمل یہ رسالہ2013ءسے لیکر3مختلف ایڈیشنز میں33 ہزارکی تعداد میں پرنٹ ہو چکا ہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوتِ اسلامی کے میڈیاڈیپارٹمنٹ کےتحت دوڑمیں 12ربیع الاول کےموقع پرجلوسِ میلاد کااہتمام کیاگیاجس میں دعوتِ اسلامی کے ذمہ داران سمیت مقامی علمائےکرام وکثیرعاشقانِ رسول نےشرکت کی۔

اس جلوسِ میلاد کاآغازمدنی مرکزفیضانِ مدینہ گوٹھ نظیر احمد کمبوہ سےہواجبکہ یہ جلوسِ میلاد نواب شاہ چوک ، علمدار چوک ، محلہ رضا آباد،ریلوے فلائی اوور ، محلہ غریب آباد ، شاہی بازار ، مورو روڈ سےگزرتاہواواپس مدنی مرکزفیضانِ مدینہ پہنچا۔

دنیا بھر میں چار فقہی مسلک پر عمل کرنے والے مسلمان موجود ہیں۔ جن میں سے ایک فقہی مسلک ”حنبلی“ بھی ہے۔ حنبلی مسلک کے امام ”امام حمد بن حنبل رحمۃ اللہ علیہ“ہیں۔ آپ رحمۃ اللہ علیہ فقیہہ ہونے کے ساتھ ساتھ بہت بڑے محدث بھی تھے۔ ”مسند احمد“ آپ کا سب سے مشہور مجموعۂ احادیث ہے۔ آپ کے پیروکار میں بڑے بڑے اولیاء اور علمائے اکابرین گزرے ہیں جن میں سے ایک نام ”امام الاولیاء، سرکار غوث پاک شیخ عبدالقادر جیلانی رحمۃ اللہ علیہ“ بھی ہیں۔

اس ہفتے امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کو امام عزیمت امام احمد بن حنبل رحمۃ اللہ علیہ کی سیرت سے آراستہ کرنے کے لئے رسالہ ”فیضان امام احمد بن حنبل“ پڑھنے/سننے کی ترغیب دلائی ہے اور پڑھنے والوں کو اپنی دعاؤں سے بھی نوازا ہے۔

دعائے عطار

یاربُّ المصطفٰے!( عَزَّوَجَلَّ و صلَّی اللہ علیہ واٰلہٖ وسلَّم) جو کوئی 17 صفحات کا رسالہ ”فیضان امام احمد بن حنبل“ پڑھ یا سُن لے اُسے بُرے خاتمے سے بچانا، مدینے میں محبوب کریم صلَّی اللہ علیہ واٰلہٖ وسلَّم کے جلوُوں میں شہادت کی موت نصیب فرمانا۔ اٰمِیْن بِجَاہِ خاتمِ النَّبِیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

سال 2021ء میں شعبہ جامعۃ المدینہ کے قیام کو 25 سال مکمل ہونےکو ہے۔ سلور جوبلی کے موقع پر شعبہ ماہنامہ فیضان مدینہ 200 صفحات پر مشتمل اسپیشل میگزین جامعات المدینہ نمبر بنام ”فیضان جامعات المدینہ“ شائع کرنے جارہا ہے۔

اسی سلسلےمیں 20 اکتوبر 2021ء بروز بدھ ماہنامہ فیضان مدینہ کے ہیڈ مولانا مہروز عطاری مدنی نے مدیر اعلیٰ مولانا آصف عطاری مدنی اور نائب ایڈیٹر مولانا راشد عطاری مدنی کے ساتھ فرداً فرداً مدنی مشورہ کیا۔ مدنی مشورے میں میگزین ماہنامہ کا اسپیشل ایڈیشن کے حوالے سے گفتگو ہوئی جس میں ماہنامہ فیضان مدینہ میں جامعۃ المدینہ کے حوالے سے کیا کیا شائع کرنا ہےاس حوالے سے معاملات طے پائے۔

دعوت اسلامی کے زیر اہتمام  گزشتہ دنوں کو ڈنمارک کے علاقے کوپن ہیگن( Copenhagen) میں محفل نعت کا انعقاد کیا گیا جس میں تقریباً 18 اسلامی بہنوں نے شرکت کی ۔

ڈنمارک کی کابینہ نگران اسلامی بہن نے سنتوں بھرا بیان کیا اور محفل میں شرکت کرنے والی اسلامی بہنوں کو دعوت اسلامی کے دینی کاموں کے بارے میں بریفنگ دیتے ہوئے دعوت اسلامی کے دینی ماحول سے وابستہ رہنے اور دینی کاموں میں عملی طور پر شرکت کرنے کی ترغیب دلائی۔ 

دعوت اسلامی کے زیر اہتمام  گزشتہ دنوں یورپین یونین ریجن کی کابینہ نگران اسلامی بہنوں کا بذریعہ انٹرنیٹ مدنی مشورہ ہوا جس میں اٹلی، ڈنمارک، سویڈن، بیلجیم، آسٹریا ، اسپین ، ناروے اور ہالینڈ کی کابینہ نگران اسلامی بہنوں نے شرکت کی۔

یورپین یونین ریجن نگران اسلامی بہن نے مدنی مشورے میں شریک اسلامی بہنوں کی کارکردگی کافالواپ کرتے ہوئے تربیت کی اور نکات برائے ٹیلی تھون سمجھاتے ہوئے اس کے لئے بھرپور کوشش کرنے کی ترغیب دلائی۔

دعوتِ اسلامی کے شعبہ شب و روز(اسلامی بہنیں) کے زیرِ اہتمام گزشتہ دنوں یورپین یونین ریجن کی ذمہ دار اسلامی بہنوں کا بذریعہ انٹرنیٹ مدنی مشورہ ہواجس میں ڈنمارک ، سویڈن، بیلجیم، اسپین، ناروے ، جرمنی اور آسٹریاکی کابینہ نگران اسلامی بہنوں نے شرکت کی۔

شعبہ شب و روز پر مقرر ریجن نگران اسلامی بہن نے مدنی مشورے میں شریک اسلامی بہنو کی کارکردگی فالواپ کرتے ہوئے تربیت کی اور شب و روز کے دینی کام مضبوط کرنے نیز ماہنامہ فیضانِ مدینہ کے تحریری مقابلے میں حصہ لینے اور ماہنامہ فیضان مدینہ کی مطالعہ کارکردگی کے حوالے سے کلام کیا۔