کراچی کے علاقے گارڈن میں پچھلے دنوں دعوتِ اسلامی کے تحت اسلامی بہنوں کے ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں کی کثیر تعداد نے شرکت کی۔

تفصیلات کے مطابق اس اجتماعِ پاک میں صاحبزادیِ عطار سلمہا الغفار نے سنتوں بھرا بیان کرتے ہوئے وہاں موجود اسلامی بہنوں کی دینی و اخلاقی اعتبار سے تربیت کی اور انہیں مدنی پھولوں سے نوازا جبکہ نگرانِ عالمی مجلسِ مشاورت نے اختتامی دعا کروائی۔

بعدِاجتماع صاحبزادیِ عطار سلمہا الغفار اور نگرانِ عالمی مجلسِ مشاورت نے مقامی ذمہ داران کے ہمراہ گارڈن کی پرانی اسلامی بہن سے عیادت کی اور گارڈن کی یوسی نگران اسلامی بہن کی والدہ کے انتقال پر اُن کے گھر والوں سے تعزیت کی۔

دعوتِ اسلامی کےشعبہ کفن دفن للبنات کے تحت گزشتہ روز ریجن سطح کی اسلامی بہنوں کا ماہانہ مدنی مشورہ ہوا جس میں آسڑیلیا، نیپال، ساؤتھ افریقہ، ساؤتھ کوریا، بنگلہ دیش، موریشس، کینیا اور تنزانیہ کی ذمہ داران شریک ہوئیں۔

دورانِ مدنی مشورہ مبلغۂ دعوتِ اسلامی کے شعبے کے دینی کاموں کی کارکردگی کا جائزہ لیتے ہوئے آئندہ کے اہداف طے کئے اور دینی کاموں میں مزید بہتری لانے کا ذہن دیا۔

نیکی کی دعوت عام کرنے کے لئے  76 ویں جشن آزادی 14 اگست 2023 ء کے موقع پر دعوت اسلامی کے تحت پاکستان بھر سے اسلامی بھائیوں نے مدنی قافلوں میں سفر کیا۔

اسی سلسلے میں وفاقی دارالحکومت اسلام آباد کے سیکٹر G11 میں قائم مدنی مرکز فیضان مدینہ سے 12 اگست2023ء کو نابینا افراد کا مدنی قافلہ سفر پر روانہ ہوا جس میں نابینا اسلامی بھائیوں نے ملک کی سلامتی اور ترقی کے لئے دعائیں کیں جبکہ سٹی ذمہ دار محمد کامران عطاری نے شرکا کو طہارت، نماز اورنجاستوں کے مسائل کے ساتھ ساتھ عقائد اہل سنّت سے آگاہ کیانیزنماز و وضو کا عملی طریقہ بھی سکھایا ۔

علاوہ ازیں مدنی قافلے کے آخر میں نابینا اسلامی بھائیوں کو اسپیشل پرسنز ڈیپاٹمنٹ میں عملی طور پر کام کرنے اور اپنی اور ساری دنیا کے لوگوں کی اصلاح کی کوشش کرنے کا ذہن دیا گیا اس پر انہوں نے اچھی اچھی نیتوں کا اظہار کیا۔(رپورٹ:محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ :رمضان رضا عطاری)

دعوتِ اسلامی کے  دیگر شعبہ جات کی طرح اسپیشل پرسنز ڈیپارٹمنٹ بھی ماہ اگست 2023ء میں شیخ طریقت امیر اہل سنت دامت برکاتہم العالیہ کی ترغیب پر شجرکاری کرنے میں مصروف ِعمل ہے۔

اس سلسلے میں 12 اگست2023ء کو شعبے کے نگران مجلس سید عمیر ہاشمی عطاری نے صوبائی ذمہ دار حافظ محمد وقاص عطاری ( پنجاب) ، ڈویژن ذمہ دار محمد زبیر عطاری (ساہیوال)اور ڈسٹرکٹ ذمہ دار شیخ محمد احمد عطاری(پاکپتن) کے ہمراہ پاکپتن سٹی کے علاقے گرین سٹی میں شجر کاری مہم میں شرکت کرتے ہوئے پودے لگائے۔)رپورٹ: اسپیشل پرسنز ڈیپارٹمنٹ ، کانٹینٹ :رمضان رضا عطاری)

اسپیشل پرسنز ڈیپارٹمنٹ  دعوتِ اسلامی کی جانب سے 14 اگست2023ء کو لاہور کے علاقے جوہر ٹاؤن میں واقع مدنی مرکز فیضانِ مدینہ میں جاری 63 دن تربیتی کورس کے شرکا میں سیکھنے سکھانے کا حلقہ لگایا گیا۔

نگرانِ مجلس سید عمیر ہاشمی عطاری نے کورس میں شریک اسلامی بھائیوں کو اسپیشل پرسنز ڈیپارٹمنٹ اور اس کے تحت ہونے والے دینی کاموں کا تعارف پیش کیا اور ان کی دلچسپی کے لئے کچھ اشارے بھی سکھائے، اس موقع پر صوبائی ذمہ دار حافظ محمد وقاص عطاری ( پنجاب) بھی ہمراہ تھے۔(رپورٹ:احمد اویس عطاری رکن مجلس پاکستان اسپیشل ایجوکیشن ذمہ دار، کانٹینٹ :رمضان رضا عطاری)

عاشقانِ  رسول کی دینی تحریک دعوت اسلامی کے شعبہ عطیات بکس کے ذیلی شعبہ (TND)ٹرینگ اینڈ ڈولپمنٹ کے تحت 15 اگست 2023ءکو فیضانِ مدینہ آفندی ٹاؤن حیدرآباد میں ٹرینگ سیشن ہوا جس میں ڈونیشن بکس اور گھریلو صدقہ بکس ڈیپارٹمنٹ کی مینجمنٹ کے اسلامی بھائیوں نے شرکت کی۔

ٹرینر سر شبیر عطاری نے شعبہ عطیات بکس اور شعبہ گھریلو صدقہ بکس کی مینجمنٹ کی ’’وژن گول‘‘ کے موضوع پر تربیت کی جس میں شرکا کو اپنے اہداف طے کرنے اور انہیں جلد اچھے طریقے سے مکمل کرنے کے متعلق آگاہ کیا۔(رپورٹ: فرحان عطاری ڈویژن ذمہ دار عطیات بکس، کانٹینٹ :رمضان رضا عطاری)

عاشقانِ رسول  کی دینی تحریک دعوتِ اسلامی کے شعبہ فنانس ڈیپارٹمنٹ کے زیرِ اہتمام16 اگست 2023ء کو چشتیاں میں مدنی مشورے کا انعقاد ہوا جس میں تحصیل چشتیاں،تحصیل فورٹ عباس،تحصیل ہارون آباد،تحصیل بہاولنگر ،تحصیل منچن آباد کے فنانس ذمہ دار اور تحصیل نگران اسلامی بھائیوں کی شرکت ہوئی۔

نگران ڈسٹرکٹ بہاولنگر محمدناصر عطاری نے مدنی مشورے میں چرم قربانی کی کھالوں کے حوالے سے فائنل رپورٹ سے آگاہ کیا اور آمدن و خرچ کے متعلق تحصیل وائز ذمہ داران کو نکات بتائے نیز آنے والے مہینے میں آمدن کے حوالے سے اہداف دیئے ۔ مزید تحصیل فنانس ذمہ داران کی تربیت کرتے ہوئے انہیں دعوت اسلامی کے تحت ہونے والے 12 دینی کاموں میں حصہ شامل کرنے کا ذہن دیا ۔ (رپورٹ: محمد رمضان عطاری چشتیاں، کانٹینٹ :رمضان رضا عطاری)

ہم ہر سال14اگست پر اپنے وطن پاکستان کایوم آزادی مناتے ہیں ۔احکام اسلام پر آزادی سے عمل کرنے کے لئے ہمیں جو یہ ملک ملا،ہمیں دل سے اس کی قدر کرنی چاہیے،آزادی کے ساتھ اسلام کی تعلیمات پر عمل کرنا چاہیے تاکہ ہم دنیا و آخرت میں کامیاب ہوسکیں۔اس کے ساتھ ساتھ وطن عزیز کے بلند و بالا پہاڑ، ہرے بھرے کھیت،باغات، گہرے سمندر اوردریا سمیت بہت سی نعمتیں آزادی کی برکتیں ہیں ۔ ہمیں چاہیے کہ ایک ہوکر محنت، دیانت داری اور لگن سے کام کریں تاکہ پاکستان کا مستقبل شاندار ہوسکے۔

76 ویں جشن آزادی کے موقع پر فیضان اسلامک اسکول سسٹم (پاکستان )کے پنجاب ،سندھ ، خیبرپختونخوا اور بلوچستان ریجن کے کیمپسز میں یوم آزادی کی تقریبات پورے جوش و خروش اور ملی جذبے کے ساتھ منعقد ہوئیں۔ اس موقع پر کیمپسز کو پاکستانی جھنڈوں ،سبز اور ہرے رنگوں سے مزین غباروں سے سجایا گیا تھا۔ کیمپسز میں یوم آزادی اور امیر اہل سنت حضرت علامہ مولانا محمد الیاس عطار قادری دامت برکاتہم العالیہ کے حب الوطنی پر مبنی فرامین کےچارٹس بھی لگائے گئے تھے۔

ان تقریبات کا آغاز تلاوت ِقرآن پاک سے ہوا ۔بعدازاں طلبہ وطالبات نے حمد باری تعالیٰ اور نعت ِ رسول مقبول صلی اللہ علیہ وسلم پیش کیں، یوم آزادی کی مناسبت سے تقاریر کیں ، ننھے منے بچوں نے پاکستان کے ملی نغمے خاص کر یوم آزادی کی مناسب سے پڑھے نیز ایک آواز میں قومی ترانہ بھی پڑھا ۔

اساتذہ ٔ کرام نے طلبہ کی تربیت کرتے ہوئے انہیں قیام پاکستان کے حقیقی مقاصد سے آگاہ کیا اور یوم ِآزادی کو اسلامی اصولوں کے مطابق منانے کی ترغیب دلائی۔ ان تقریبات میں ملک و ملت کی سلامتی اور خوشحالی کے لئے دُعائیں بھی مانگی گئیں۔ (رپورٹ: غلام محی الدین ترک ، کانٹینٹ :رمضان رضا عطاری)

شعبہ رابطہ برائے وکلا (دعوت اسلامی) کے تحت 11 تا 13 اگست 2023ء تین دن کا عالمی مدنی مرکز فیضان مدینہ کراچی میں سنتوں بھرا اجتماع ہوا جس میں پاکستان کے کئی شہروں سے سٹی /ہائی کورٹ اور سپریم کورٹ کے وکلا و ججز سمیت متعلقہ شعبے سے وابستہ عاشقانِ رسول حصول علم دین کے لئے شریک ہوئے۔ تین دن کے ہونے والے اجتماع میں مبلغین دعوت اسلامی کے اصلاحی بیانات سمیت سیکھنے سکھانے کے سلسلے ہوئے۔

دورانِ اجتماع مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے شرکا کو حقوق اللہ ادا کرنے اور اس میں کوتاہی نہ کرنے کا ذہن دیا۔آپ نے مزید فرمایا کہ ہمیں یہ طے کرکے زندگی گزارنی ہے کہ کل بروز قیامت ہمیں ظالم بناکر نہ اٹھایا جائے، اس کے علاوہ ہماری کوشش ہو کہ ہمارے پروفیشن میں ہمارے ساتھ اگر کچھ نہ مناسب ہوجائے تو غصے کا اظہار اپنے اہل و عیال پر نہیں کرنا۔

وکلا برادری کے درمیان بیان کرتے ہوئے رکن شوریٰ مولانا حاجی عبد الحبیب عطاری نے کہا کہ ہمیں اپنے پروفیشن میں رہتے ہوئے دین کا کام کرنا ہے اور ہمیشہ مظلوم کی مدد کرکے اس سے اچھی دعا لینے کا سبب بننا ہے۔

سنتوں بھرے اجتماع میں رکن شوریٰ حاجی یعفور رضا عطاری نے بیان کرتے ہوئے کہا کہ دنیا میں ہماری حیثیت مسافر کی ہے، ہمیں دنیا میں بس تھوڑی دیر کے لئے رُکنا ہے اور آگے چلا جانا ہے، اللہ پاک نے زندگی اور موت کو اس لئے پیدا فرمایا کہ ہمارے اچھے اعمال کی جانچ ہوسکے۔ اسی طرح رکنِ شوریٰ حاجی فضیل رضا عطاری نے بھی اپنے بیان میں شرکا کو سنت کے مطابق زندگی گزارنے کی ترغیب دلائی۔

قرآن کریم  خالص اللہ پاک کا کلام ہے جسے آخری نبی حضرت محمد مصطفٰے صلَّی اللہ علیہ واٰلہٖ وسلَّم پر نازل کیا گیا۔ کلام اللہ کو درست مخارج کے ساتھ پڑھنا ہر مسلمان کے لئے ضروری ہے جبکہ اس کی تلاوت سے بے شمار اجر و ثواب کا خزانہ ہاتھ آتا ہے اور خوب خوب برکتیں بھی حاصل ہوتی ہیں۔

عاشقانِ رسول کو تلاوت قرآن اور اسے دُرست مخارج کے ساتھ سیکھنے کی ترغیب دلانے کے لئے خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے اس ہفتے 14 صفحات کا رسالہ ”امیر اہل سنت سے تلاوتِ قرآن کے بارے میں سوال جواب“ پڑھنے / سننے کی ترغیب دلائی ہے اور پڑھنے/سننے والوں کو اپنی دعاؤں سے بھی نوازا ہے۔

دعائے جانشین امیر اہلسنت

یا اللہ پاک! جوکوئی 14صفحات کا رسالہ ”امیر اہل سنت سے تلاوتِ قرآن کے بارے میں سوال جواب“ پڑھ یا سُن لے اسے قرآنِ کریم کی تلاوت کرنے اور اس پر عمل کرنے کی توفیق عطا فرما اور اس کی بے حساب مغفرت فرما۔ اٰمین بِجاہِ خاتَمِ النَّبِیّیْن صلّی اللہُ علیهِ واٰله وسلّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

دعوت اسلامی کے زیر اہتمام آج رات مؤرخہ 17 اگست 2023ء بروز جمعرات بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جائےگا۔ ان اجتماعات کا باقاعدہ آغاز تلاوتِ قرآن پاک سے ہوگا جبکہ اراکینِ شوریٰ اور مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات مدنی مرکز فیضان مدینہ کاہنہ نوفیروز پور روڈ لاہور سے مدنی چینل پر براہِ راست ہونے والے ہفتہ وار اجتماع میں مرکزی مجلس شوریٰ کے نگران مولانا حاجی عمران عطاری مُدَّ ظِلُّہُ العالی سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

دعوتِ اسلامی کے دینی کاموں کے سلسلے میں ساؤتھ کوریا  میں موجود مرکزی مجلسِ شوریٰ کے رکن حاجی محمد امین عطاری نے ایچھن شہر کے مقامی اسلامی بھائی سے اُن کی رہائش گاہ پر ملاقات کی۔