عاشقانِ رسول کی دینی تحریک دعوتِ اسلامی کے تحت 20 جون 2024ء کو شعبہ رابطہ برائے شخصیات للبنات کے تحت  ہونے والے دینی کاموں کے سلسلے میں آن لائن مدنی مشورہ ہوا جس میں ملک سطح کی ذمہ دار، صوبہ پنجاب کی نگران ،صوبائی سطح کی ذمہ دار، راولپنڈی ڈویژن، میٹروپولیٹن اور ٹاؤن نگران اسلامی بہنوں نے بذریعہ انٹرنیٹ شرکت کی ۔

شعبہ معاونت برائے اسلامی بہنیں دعوت اسلامی کے تحت27مئی 2024ء کو ساہیوال میں مدنی مشورہ منعقد ہوا جس میں صوبائی ذمہ داراور ڈویژن ذمہ دارسمیت ڈسٹرکٹ ذمہ دار نے شرکت کی ۔

نگران شعبہ معاونت برائے اسلامی بہنیں غلام الیاس عطاری نے نیو فیضان صحابیات بنانے کے متعلق گفتگو کرتے ہوئے 8دینی کاموں کو مضبوط کرنےکے حوالےسے کلام کیا جس پر حاضرین نے اپنی اچھی اچھی نیتوں کا اظہار کیا ۔(رپورٹ: صوبہ پنجاب آفس شعبہ معاونت محمد علی رفیق،کانٹینٹ:شعیب احمد عطاری)

دینی و دنیاوی معاملات میں لوگوں کی رہنمائی کرنےوالی عاشقانِ رسول کی دینی تحریک دعوتِ اسلامی کے تحت تخصص فی الفقہ الاقتصاد الاسلامی (سالِ اول و سالِ دوم) کے اسٹوڈنٹس نے پاکستان اسٹاک ایکسچینج اور نیشنل کلیئرنگ کمپنی پاکستان لمیٹڈ (NCCPL) کا مطالعاتی وزٹ کیا۔

معلومات کے مطابق اس دوران پاکستان اسٹاک ایکسچینج اور نیشنل کلیئرنگ کمپنی پاکستان لمیٹڈ کی منیجمنٹ نے اسٹوڈنٹس کے درمیان معلوماتی سیشنز کا انعقاد کیا جس میں انہوں نے نیشنل کلیئرنگ کمپنی پاکستان لمیٹڈ، اسٹاک مارکیٹ، کیپیٹل مارکیٹ اورCDC سمیت دیگر چیزوں کے متعلق بریفنگ دی۔اس موقع پر استاذ الفقہ مولانا فرحان احمد عطاری مدنی بھی اسٹوڈنٹس کے ہمراہ موجود تھے۔(کانٹینٹ:غیاث الدین عطاری)

عاشقانِ رسول کی  دینی تحریک دعوت اسلامی کے شعبہ ائمہ مساجد کے زیرِ اہتمام 18 اگست 2023ء بروز جمعہ کراچی کی جامع مسجد مدینہ رضوان سوسائٹی ،مین یونیورسٹی روڈ پر سیکھنے سکھانے کے حلقے کا سلسلہ ہوا ۔

مرکزی مجلسِ شوریٰ کے رکن مولانا حاجی محمد عقیل عطاری مدنی نے فرض علوم کا حلقہ لگایا جس میں آپ نے نماز پنجگانہ ،نماز جمعہ اور دیگر عبادات کےاوقات میں عمدہ،صاف ستھرا لباس پہننے، صفائی کو اختیار کرنے اور ممکنہ صورت میں عمدہ خوشبو لگاکر مسجد میں حاضری دینے کی ترغیب دلائی۔ مزید مدنی حلقہ میں شرکا کو شریعت وسنت کے مطابق زندگی کے شب وروز گزارنے کی ترغیب دلائی۔(کانٹینٹ:رمضان رضا عطاری)

عالمی مدنی مرکز فیضانِ مدینہ کراچی  میں 17 اگست 2023ء کو غسلِ میت وکفن کورس کا انعقاد ہوا جس میں ڈونیشن سیل کے اسلامی بھائیوں نے شرکت کی۔

مبلغ دعوت اسلامی عزیر عطاری نے شرکائے کورس کو غسل میت دینے کی فضیلت ،اس کی اہمیت بیان کی نیز غسل میت دینے اور نمازِ جنازہ وتدفین کا طریقہ سکھایا۔مزید کفن کی لمبائی اور چوڑائی کے بارے میں بتاتے ہوئے کفن کاٹنےاور پہنانے کا عملی طریقہ بھی سمجھایا۔ (کانٹینٹ:رمضان رضا عطاری)

پچھلے دنوں  شعبہ حج و عمرہ دعوت اسلامی کے ذمہ داران نے حاجی کیمپ کا دورہ کیا اور وہاں ڈائریکٹر حاجی کیمپ سجاد حیدر ، ڈپٹی ڈائریکٹر گلزار سومرو اور ان کے دیگر عملے سے ملاقات کی ۔

ذمہ دارانِ دعوت اسلامی نے ڈائریکٹر حاجی کیمپ سمیت حاجی کیمپ کا عملہ جو اس سال حج پر گئے تھے انہیں مبارکباد کیساتھ تحائف میں کتب و رسائل پیش کئے نیز مدنی مرکز فیضانِ مدینہ کا وز ٹ کرنے اور مدنی مذاکرے میں شرکت کی دعوت دی جس پر وہاں موجود اسٹاف نے ذمہ داران کا شکریہ ادا کرتے ہوئے اچھے خیالات کا اظہار کیا۔(کانٹینٹ:تسلیم رضا مجلس حج و عمرہ کراچی سٹی،،کانٹینٹ:رمضان رضا عطاری)

مؤرخہ 17 اگست  2023ء کو نارووال ریسکیو 1122 کا رکنِ شوریٰ حاجی محمد اظہر عطاری نے دیگر ذمہ دار اسلامی بھائیوں کے ہمراہ دورہ کیا اور وہاں ڈسٹرکٹ انچارچ مقصود احمد اور ریسکیو کے جوانوں کے ساتھ مل کر ان کے دفتر میں پودے لگائے ۔

اس موقع پر رکنِ شوریٰ نے افسران کو نیکی کی دعوت دیتے ہوئے مدنی مرکز فیضانِ مدینہ آنے کی دعوت دی اور ملک و قوم کی خوشحالی کے لئے دعا کروائی۔ آخر میں مکتبۃ المدینہ کے مطبوعہ رسائل تحفتاً پیش کئے۔(رپورٹ: رابطہ برائے شخصیات گوجرانوالہ ،کانٹینٹ:رمضان رضا عطاری)

عاشقانِ رسول  کی دینی تحریک دعوت اسلامی کے شعبہ ایف جی آر ایف کے تعاون سے 17 اگست 2023ء کو ڈسٹرکٹ جیل نارووال میں مرکزی مجلسِ شوری ٰ کے رکن حاجی محمد اظہر عطاری نے سپریڈنٹ جیل کا دورہ کیا۔

رکنِ شوریٰ نے وہاں محمد سرور اور ڈپٹی سپریڈنٹ جیل عدیل چیمہ کے ساتھ مل کر جیل کے باغیچہ میں شجرکاری کی اور دعا ئے خیر کروائی نیز افسران کو پیر و مرشد علامہ محمد الیاس عطارقادری دامت برکاتہم العالیہ کے تحریر کردہ رسائل تحفے میں دیئے۔(رپورٹ: رابطہ برائے شخصیات گوجرانوالہ، کانٹینٹ:رمضان رضا عطاری)

17 اگست 2023ء کو نارووال میں رکنِ شوریٰ حاجی محمد اظہر عطاری نے  DHQ اسپتال میں FGRF کے تحت فروٹ کے 450 پودوں کے باغ کا افتتاح کیا جس میں ڈپٹی کمشنر نارووال چوہدری محمد اشرف، ایم ایس ڈاکٹر محمد فیاض اور سینئر ڈاکٹروں نے شرکت کی۔

اس موقع پر حاجی صاحب نے ڈاکٹروں کو اب تک دعوتِ اسلامی کے تحت ملک بھر میں جتنے پودیں لگے ان کے بارے میں بتایا نیز اس سال جو پودے لگانے ہیں اس کےمتعلق آگاہ کیا اور بعد میں ملک و قوم کی سلامتی کے لئے دعائے خیر کروائی اور انہیں مکتبۃ المدینہ کےمطبوعہ رسائل تحفے میں دیئے۔(رپورٹ: رابطہ برائے شخصیات گوجرانوالہ ،کانٹینٹ:رمضان رضا عطاری)

نارووال میں دعوت اسلامی کے تحت  17اگست 2023ء کو DPO نارووال رانا طاہر رحمان کے دفتر میں سیکھنے سکھانے کے حلقے کا سلسلہ ہوا جس میں DSP سٹی محمود ، DSP ٹریفک محمد عمران،ڈسٹرکٹ سیکیورٹی انچارج حافظ قدیر نے شرکت کی ۔

رکنِ شوریٰ حاجی محمد اظہر عطاری نے دفتر میں بیان کیا جس میں شخصیات کونیکی کی دعوت دیتے ہوئے انہیں ہفتہ وار سنتوں بھرے اجتماع میں آنے اور مدنی مذاکرہ دیکھنے کا ذہن دیا ۔بعد میں DPO اور DSP کے ساتھ رکنِ شوریٰ نے وہاں موجود گارڈن میں شجرکاری کرتے ہوئے پودے لگائے۔(رپورٹ: رابطہ برائے شخصیات گوجرانوالہ ،کانٹینٹ:رمضان رضا عطاری)

16  اگست2023ء بروز بدھ فیضان آن لائن اکیڈمی بوائز کے تحت فیضانِ مدینہ اوکاڑہ برانچ سے بذریعہ انٹرنیٹ مدنی مشورے کا انعقاد کیا گیا جس میں ساہیوال ڈویژن کے شفٹ تعلیمی ذمہ داران و معاونین نے شرکت کی ۔

ساہیوال ڈویژن کے تعلیمی امور کے ذمہ دار مولانا شفیق عطاری مدنی نے ذمہ داران کو خود جدید ٹولز اور دیگر مختلف زبانیں سیکھنے اور مدرسین کی تدریسی صلاحیتوں کو بڑھانے کا ذہن دیا ۔

مزید مختلف امور پر تربیت بھی کی اور دینی کاموں میں خود اور مدرسین کو شرکت کروانے کی ترغیب دلائی جس پر شرکا نے اچھی اچھی نیتوں کا اظہار کیا۔ (رپورٹ: محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

دعوتِ اسلامی کے شعبہ مدنی کورسز  کے تحت النجیب پبلک ماڈل ہائی اسکول لاہور میں 17 اگست 2023ء کو 7 دن پر مشتمل فیضانِ نماز کورس کا آغاز کردیا گیاہےجس میں 6 تا th 10 کلاس کے اسٹوڈنٹس کی شرکت ہورہی ہیں۔

کورس کے پہلے دن ،دوران تربیت راوی ٹاؤن کے معاون ذمہ دار محمد منور عطاری نے وضو و غسل کا طریقہ سکھایا اور 17 اگست 2023ء کو ہونے والے دعوت اسلامی کے ہفتہ وار سنتوں بھرے اجتماع میں آنے کا ذہن دیا جس پر ا سٹوڈنٹس نے اجتماع پاک میں آنے کی اچھی نیت کا اظہار کیا۔

٭ 18اگست 2023ء کو محمد منور عطاری نے طلبہ کو نماز کی شرائط کی تفصیل بتائیں اور شرائط یاد کروانے کے ساتھ ساتھ نماز کی چند سنتیں و آداب بیان سمجھائے۔(کانٹینٹ: رمضان رضا عطاری)