شعبہ  رابطہ برائے شخصیات دعوت اسلامی کے تحت 25 دسمبر 2023ء کو عزیز بھٹی ٹاؤن لاہور میں ایصال ثواب اجتماع ہوا جس میں علاقے کے عاشقانِ رسول اسلامی بھائیوں نے شرکت کی ۔

شعبہ رابطہ برائے شخصیات پنجاب ذمہ دار محمد لیاقت عطاری نے ایصال ثواب اجتماع میں بیان کیا اور شرکا کو اپنی زندگی کے شب و روز اللہ و رسول عزوجل و صلَّی اللہ علیہ واٰلہٖ وسلَّم کی فرماں برداری والے کاموں میں گزارنے کا ذہن دیا۔

٭دوسری جانب شعبہ رابطہ برائے شخصیات کے تحت صوبائی ذمہ دار محمد لیاقت عطاری نے پنجاب مشاورت کے رکن ندیم عطاری کے ہمراہ زمان پارک لاہور میں سابقہ پی ایس او ٹو ڈپٹی کمشنر لاہور طارق زمان خان کے والد جاوید زمان خان سابقہ وزیراعظم پاکستان کے ماموں کے انتقال پر نماز جنازہ میں شرکت کی۔نماز جنازہ کے بعد ذمہ داران نے مرحوم کے صاحبزادوں سے تعزیت بھی کی ۔(رپورٹ : شہزاد عطاری شعبہ رابطہ برائے شخصیات پنجاب آفس ، کانٹینٹ: رمضان رضا عطاری مدنی )

پچھلے  دنوں نواب شاہ میں دعوتِ اسلامی کے شعبہ رابطہ برائے حکیم کی طرف سے ایصال ثواب اجتماع رکھا گیا جس میں مقامی اطبا و حکما نے شرکت کی ۔

اجتماع کا باقاعدہ آغازتلاوتِ قرآنِ پاک ونعت رسول مقبول صلَّی اللہ علیہ واٰلہٖ وسلَّم سے کیا گیا اور صوبائی ذمہ دار مولانا محمدمحسن عطاری مدنی نے ”فکرِ آخرت“ کے موضوع پر بیان کیا۔

دورانِ بیان مولانا محمد محسن عطاری مدنی نے آنے والے مہمانوں کو دعوت اسلامی کے دینی ماحول سے وابستہ ہونے کی ترغیب دلائی اور انہیں ہفتہ وار اجتماع میں شرکت کرنے کا ذہن بھی دیا جس پر انہوں نے اچھی اچھی نیتیں کیں۔(کانٹینٹ:رمضان رضا عطاری )

پاکستان پبلشرز اینڈ بک سیلرز ایسوسی ایشن کے زیر اہتمام ایکسپو سینٹر، کراچی میں ہونے والے 18ویں کراچی بین الاقوامی کتاب میلے میں دارالمدینہ انٹرنیشنل اسلامک ایجوکیشن سسٹم کے ادارے دارالمدینہ انٹرنیشنل یونیورسٹی پریس (قادری پبلی کیشن ) نے باوقارانداز میں شرکت کی ۔ دارالمدینہ کے اسٹال پر دعوت اسلامی کی مرکزی مجلس شوریٰ کے رکن سید ابراہیم عطاری،نگران شریعہ ایڈوائز دارالمدینہ انٹرنیشنل اسلامک ایجوکیشن سسٹم مفتی کفیل عطاری المدنی ، مولانا کوکب نورانی اوکاڑوی،دیگرمعززسیاسی وسماجی شخصیات اور اسکولز کے نمائندوں نے بھی اسٹال کا دورہ کیا ۔ بچوں نے دارالمدینہ کے ریڈرز میں خصوصی دل چسپی ظاہر کی اور دارالمدینہ کی نصابی کتب کے حوالے سے معلومات حاصل کیں۔ اسٹال پر دارالمدینہ کی شائع کردہ 125سے زائد کتب رکھی گئی تھیں جن میں یکساں قومی نصاب سے منظور شدہ 92کتابیں بھی شامل تھیں۔ان کتابوں میں اسلامیات کا راہ اسلام سلسلہ،روشن سفر اردوسلسلہ، SRMاُردو خوش خطی ، ڈائنامک انگلش (Dynamic English) یونیک میتھ میٹکس( Unique Mathematics) ، ایوری ڈے نالج (Everyday Knowledge) کے علاوہ اسمارٹ آئی سی ٹی (Smart ICT)کی کتابوں کے علاوہ گول مٹول ،بطخ رانی اور دوسرے ریڈرز بھی رکھے گئے تھے۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ فیضان اسلامک اسکول سسٹم ،ہیڈ آفس کراچی) 

نیو کراچی ٹاؤن میں  قائم بخاری مسجد میں 26 دسمبر 2023ء کو کفن دفن کورس کا انعقاد ہوا جس میں بخاری مسجد کے نمازی صاحبان نے شرکت کی ۔

عزیر عطاری نے شرکا کو غسل میت دینے کی فضیلت بتاتے ہوئے انہیں غسل میت دینے کا طریقہ بتایا نیز کفن کاٹنے اور پہنانے کا عملی طریقہ کروایا ۔اختتام پر مسلم فیونرل اپلیکیشن کا تعارف پیش کیا اور ڈاؤن لوڈ کروائی۔(کانٹینٹ:رمضان رضا عطاری )

دعوتِ اسلامی  کے عالمی مدنی مرکز فیضان مدینہ کراچی میں 25 دسمبر 2023ء کو کفن دفن کورس ہوا جس میں دارالسنّہ میں مختلف مقامات سے آئے ہوئے عاشقان رسول نے شرکت کی ۔

مبلغ دعوت اسلامی عزیر عطاری نے ”غسل میت دینے کی فضیلت“ کے موضوع پر بیان کیا اور کورس میں شریک اسلامی بھائیوں کو غسل میت دینے کا طریقہ بتایا نیز کفن کاٹنے اور پہنانے کا پریکٹیکل کرکے بھی سمجھایا۔آخر میں شعبے کے تعارف پر مشتمل مسلم فیونرل اپلیکیشن ڈاؤن لوڈ کروائی۔(کانٹینٹ:رمضان رضا عطاری )

عاشقانِ رسول کی سنتوں بھری تحریک دعوت اسلامی  کے زیرِ اہتمام نائیجیریا سے آئے ہوئے مبلغ دعوت اسلامی سید محمد امین عطاری، عبدالصمد حمزہ قادری، عبدالقادر عطاری، ڈسٹرکٹ و تحصیل نگران پنڈی گھیب محمد شاہد صابر عطاری نے آکسفورڈ ایجوکیشنل سسٹم پنڈی گھیب کا دورہ کیا۔

اس موقع پر اسکول اسٹوڈنٹس کے درمیان میٹ اپ کا سلسلہ کیا گیا جس میں مبلغ دعوت اسلامی سید محمد امین عطاری نے بیان کیا۔ دورانِ بیان اسٹاف اور اسٹوڈنٹس کو بتایا کہ دعوت اسلامی دنیا بھر میں دینی کاموں کے ساتھ ساتھ فلاحی اور خیرخواہی کے کاموں میں اپنی مثال آپ ہے جس سے پیارے آقاﷺ کی دکھیاری اُمّت کی خیرخواہی کے ساتھ ساتھ ملک پاکستان کا نام بھی روشن ہو رہا ہے۔بعدازاں پاکستان کی سلامتی کے لئے دعا کی گئی۔

٭آخر میں چیف ایگزیکٹیو ابرارالحق شاکر صاحب سمیت دیگر اسٹاف کی جانب سے بین الااقوامی سطح پر پیارے آقاﷺ کی دکھیاری امت کی خدمت میں کوشاں دعوت اسلامی کے سوشل ویلفیئرکے شعبے فیضان گلوبل ریلیف فاؤنڈیشن کے ذمہ داران کو فلسطينی بھائیوں کی امداد کے لئے ایک لاکھ روپے کا چیک بھی پیش کیا گیا۔)کانٹینٹ:رمضان رضا عطاری)

گزشتہ دنوں کراچی عالمی کتب میلےکراچی انٹرنیشنل بک فیئر کا انعقاد ہوا، جس میں دارالمدینہ انٹرنیشنل اسلامک اسکول سسٹم ، گلشن  اقبال کیمپس Iکے طلبہ نے خصوصی طور پر شرکت کی۔ اس میلے میں طلبہ نے اپنے اساتذہ کی رہنمائی میں دارالمدینہ انٹرنیشنل یونیورسٹی پریس (قادری پبلی کیشن )، مکتبۃ المدینہ اور دیگر پبلشرز کے اسٹالز کا خصوصی دورہ کیا۔طلبہ نے خوبصورت،معلوماتی اورسبق آموز واقعات پر مشتمل کتابیں دیکھنے میں خصوصی دلچسپی کا اظہار کیا اور اپنی پسند کی کتابیں بھی خریدیں۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ فیضان اسلامک اسکول سسٹم ،ہیڈ آفس کراچی)

گزشتہ دنوں کراچی عالمی کتب میلے کراچی انٹرنیشنل بک فیئر کا انعقاد ہوا، جس میں فیضان اسلامک اسکول سسٹم کے CEOزبیر عطاری المدنی ، اساتذہ ، مینجمنٹ اور مختلف کیمپسز کے طلبہ نے خصوصی طور پر شرکت کی۔ اس میلے میں طلبہ نے دارالمدینہ انٹرنیشنل یونیورسٹی پریس(قادری پبلی کیشن )، مکتبۃ المدینہ اور دیگر پبلشرز کے اسٹالز کا خصوصی دورہ کیا۔طلبہ اس دورے سے خاصے لطف اندوز ہوئے۔اساتذہ نے اپنے طلبہ کے لیے تعلیمی سرگرمیوں کا اہتمام بھی کیا تھا۔ ان سرگرمیوں سے بچوں میں کتب بینی کے رجحان میں اضافہ ہوگا اور وہ نئی معلومات بھی حاصل کرسکیں گے۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ فیضان اسلامک اسکول سسٹم ،ہیڈ آفس کراچی) 

سبی میں قبائلی رہنما تاجر شخصیت حاجی عبدالوہاب گورگیج سے  مبلغ دعوت اسلامی محمد وقار عطاری نے ملاقات کی اور فیملی سمیت عمرے کی سعادت حاصل کرنے پر مبارکباد پیش کی۔

معلومات کے مطابق مبلغ دعوت اسلامی نے حاجی عبدالوہاب گورگیج کو دعوت اسلامی کے تحت ہونے والے دینی و فلاحی کاموں کےحوالے سے بتایا جس پر انہوں نے دعوت اسلامی کی کاوشوں کو سراہتے ہوئے دینی کاموں میں تعاون کرنے کی اچھی نیت کا اظہار کیا۔

اس دوران ڈسٹرکٹ نگران سبی محمد اسحاق عطاری ،اللہ ڈنہ رند چشتی ،جیل معلم مولانا علی احمد عطاری مدنی بھی تھے۔(رپورٹ:شعبہ رابطہ برائے شخصیات بلوچستان،کانٹینٹ:رمضان رضا عطاری) 

پچھلے  دنوں سبی میں قبائلی سیاسی و سماجی شخصیت پیپلز پارٹی کے رہنما ملک ساجد بنگلزئی سے دعوت اسلامی کوآرڈینیشن ڈیپارٹمنٹ کے صوبائی ذمہ دار محمد وقار عطاری نے ملاقات کی۔

دورانِ ملاقات دعوت اسلامی کے دینی کاموں کے حوالے سے گفتگو ہوئی اور محمد وقار عطاری نے ساجد بنگلزئی کو ہفتہ وار سنتوں بھرے اجتماع میں شرکت کی دعوت پیش کی جس پر انہوں نے اچھی نیت کا اظہار کیا۔آخر میں ملک و قوم کی سلامتی اور ملک صاحب کے مرحومین کی بخشش و مغفرت کے لئے دعا کا سلسلہ بھی ہوا۔اس موقع پر قبائلی رہنما ملک شہزاد بنگلزئی اور ڈسٹرکٹ ذمہ دار محمد اسحاق عطاری بھی تھے۔(رپورٹ:شعبہ رابطہ برائے شخصیات بلوچستان،کانٹینٹ:رمضان رضا عطاری)

سبی  میں دعوت اسلامی کے شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے لائن سپرنٹنڈنٹ واپڈا کیسکو آفیسر میر طارق بگٹی سے ملاقات کی اور ان کو فیملی سمیت عمرے کی سعادت حاصل کرنے پر مبارک باد پیش کی۔

اس دوران مکہ مکرمہ اور مدینہ منورہ کے احوال پر تذکرہ ہوا جبکہ محمد وقار عطاری نے میر طارق بگٹی کو ہفتہ وار سنتوں بھرے اجتماع میں شرکت کی دعوت پیش کی جس پر انہوں اجتماع میں آنے کی نیک خواہش کا اظہار کیا۔ اس ملاقات میں ڈسٹرکٹ نگران محمد اسحاق عطاری اور اللہ ڈنہ رند چشتی بھائی بھی موجود تھے۔(رپورٹ:شعبہ رابطہ برائے شخصیات بلوچستان،کانٹینٹ:رمضان رضا عطاری)

کوئٹہ میں قبائلی سیاسی و سماجی شخصیت پیپلز پارٹی کے رہنما سردار نور احمد بنگلزئی سے دعوت اسلامی کوآرڈینیشن ڈیپارٹمنٹ کے صوبائی ذمہ دار محمد وقار عطاری نے ملاقات کی۔

محمد وقار عطاری نے دعوت اسلامی کی عالمی سطح پر ہونے والی دینی اور فلاحی خدمات کے حوالے سے بریفنگ دی جس کو چیف آف بنگلزئی سردار نور احمد نے سراہا اور اپنی نیک خواہشات کا اظہار کیا۔

علاوہ ازیں صوبائی ذمہ دار نے سردار نور احمد بنگلزئی کو عمرے کی سعادت حاصل کرنے پر مبارکباد پیش کی۔آخر میں ملک و قوم کی سلامتی کے لئے دعا بھی کروائی گئی۔اس موقع پر اللہ ڈنہ رند چشتی ،ظہور احمد بنگلزئی و دیگر قبائلی سیاسی و سماجی شخصیات بھی موجود تھیں۔(رپورٹ:شعبہ رابطہ برائے شخصیات بلوچستان،کانٹینٹ:رمضان رضا عطاری)