پچھلے دنوں دعوتِ اسلامی کے تحت یوگینڈا کے ایک ٹاؤن کوبوکو کی ویسٹ نائل کابینہ میں تین دن کا مدنی قافلہ سفر پر روانہ ہوا جس میں دعوتِ اسلامی کے ذمہ داران سمیت دیگر عاشقانِ رسول نے شرکت کی۔

اس مدنی قافلے میں شرکا نے مقامی اسلامی بھائیوں کو نیکی کی دعوت دیتے ہوئے اسلامی تعلیمات کے مطابق اپنی زندگی گزارنے کے حوالے سے ذہن سازی کی۔

اس کے علاوہ چوک درس اور مسجد درس سمیت دیگر دینی کاموں کا بھی سلسلہ رہا جس میں مقامی عاشقانِ رسول نے شرکت کی۔بعدازاں شرکائے قافلہ نے 28، 29، 30 جنوری 2022ء کو تین دن کے مدنی قافلے میں سفر کرنے کی اچھی اچھی نیتوں کا اظہار کیا۔(رپورٹ:شاہد منظور یوگینڈا، کانٹینٹ:غیاث الدین عطاری)

دعوتِ اسلامی کےشعبہ رابطہ برائے وکلاء کے تحت یکم جنوری 2022ء بروز ہفتہ ملیر کورٹ کے بالمقابل سابق جوڈیشل مجسٹریٹ کے آفس میں ہفتہ وار سیکھنے سکھانے کا حلقہ منعقد ہوا جس میں نگرانِ ملیر کورٹ نے سنتوں بھرا بیان کیا۔

بعدازاں شعبہ رابطہ برائے وکلاء کے ذمہ داران نے ملیر بار ایسوسی ایشن کے سابق جنرل سیکرٹری، سابق جوائنٹ سیکرٹری اور موجودہ ممبرانِ منیجنگ کمیٹی سمیت کئی وکلا سے ملاقاتیں کیں اور انہیں عالمی مدنی مرکز فیضانِ مدینہ کراچی کا وزٹ کرنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ:محمد صہیب یوسف عطاری ایڈووکیٹ شعبہ رابطہ برائے وکلاء، کانٹینٹ:غیاث الدین عطاری)

دعوتِ اسلامی کے شعبہ اصلاحِ اعمال کے زیرِ اہتمام 2 جنوری 2022ء بروز اتوار پاکستان کے شہر لیہ میں یومِ قفلِ مدینہ اجتماع کا انعقاد کیا گیا جس میں دعوتِ اسلامی کے ذمہ داران سمیت مقامی عاشقانِ رسول نے شرکت کی۔

دورانِ اجتماع مبلغِ دعوتِ اسلامی و نگرانِ ڈیرہ غازی خان حاجی محمد اقبال عطاری نے ’’خاموشی کی فضیلت‘‘ کے موضوع پر سنتوں بھرا بیان کرتے ہوئے دعوتِ اسلامی کےہفتہ وار سنتوں بھرے اجتماع اور مدنی مذاکرے میں شرکت کرنے کی ترغیب دلائی۔(رپورٹ:غلام عباس عطاری رکن زون، کانٹینٹ:غیاث الدین عطاری)

عاشقان رسول کو علم دین کی جستجو دلانے، معاشرتی حوالے سے تربیت کرنے اور ان کے قلوب کو خوفِ خدا، عشق رسول اور محبت صحابہ و اولیائے کرام سے روشن کرنے کے لئے ہر ہفتے دعوتِ اسلامی کے تحت مدنی مذاکرے کا انعقاد کیا جاتا ہے جس میں امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ مدنی پھول ارشار فرماتے ہوئےعاشقانِ رسول کی تربیت و رہنمائی کرتے ہیں۔

اسی سلسلے میں پچھلے دنوں میڈیا ڈیپارٹمنٹ دعوتِ اسلامی کے زیرِ اہتمام دوڑ شہر کی معروف سیاسی، سماجی و مذہبی شخصیت حاجی محمد اکرم بلوچ کی رہائش گاہ پر اجتماعی طور پر بذریعہ مدنی چینل مدنی مذاکرہ دیکھنے کا سلسلہ ہوا۔

اس موقع پر سینئر صحافی News1 کے رپورٹر محمد اقبال مغل ، محمد آصف بلوچ، عمران علی بلوچ، عبدالغفار بلوچ، شاہد علی بروہی سمیت دیگر عاشقانِ رسول موجود تھے۔(رپورٹ:قاری محمد راشد عطاری میڈیا ڈپارٹمنٹ نواب شاہ کابینہ، کانٹینٹ:غیاث الدین عطاری)

پچھلے دنوں شعبہ اسلامی بھائیوں کے مدرسۃ المدینہ دعوتِ اسلامی کے تحت تحصیل قصور میں مدنی مشورے کا انعقاد ہوا جس میں معلمین نے شرکت کی۔

ضلع قصور کے ذمہ دارصغیر عطاری نے مشورے میں شریک اسلامی بھائیوں سے دعوتِ اسلامی کے 12 دینی کاموں کے سلسلے میں گفتگو کرتے ہوئے انہیں مضبوط کرنے کا ذہن دیا۔

اس کے علاوہ مساجد میں درس و بیان اور بڑی عمر کے اسلامی بھائیوں کے لئے مدرسۃالمدینہ شروع کرونےکے حوالے سے چند امور پر مشاورت کی جس پر ذمہ داران نے اچھی اچھی نیتوں کا اظہار کیا۔(رپورٹ:شعبہ اسلامی بھائیوں کے مدرسۃ المدینہ، کانٹینٹ:غیاث الدین عطاری)

دعوتِ اسلامی کے شعبہ رابطہ برائے شخصیات  کے زیر اہتمام 25دسمبر 2021ءکو اجمیر ریجن کے اجمیر زون میں بذریعہ انٹرنیٹ ماہانہ مدنی مشورے کا انعقاد کیا گیا جس میں 7 ذمہ دار اسلامی بہنوں نے شرکت کی۔

زون ذمہ داراسلامی بہن نے مدنی مشورے میں شریک اسلامی بہنوں کو دینی کام کرنے سے متعلق اپڈیٹ مدنی پھول بتائے اور انہیں ہفتہ وار رسالہ کے مطالعہ کرنے کی ترغیب دلائی ۔ مزید نیو ذمہ دار بنانےاور کارکردگی شیڈول وقت پر دینے کا ہدف لیا۔ 

دعوتِ  اسلامی کے زیر اہتمام 30 دسمبر2021ء بروز جمعرات کو بذریعہ انٹرنیٹ چائنہ کی ذمہ داراسلامی بہنوں کا مدنی مشورہ ہوا جس میں ’’سب سے یکساں تعلقات رکھنے‘‘ کے موضوع پر مدنی پھول دیئے گئے نیز مقامی اسلامی بہنوں میں دینی کاموں کو کرنے کے حوالے سے کلام ہوا۔ مزید برج کمیونٹی کے بچوں میں کورسز کروانے کے حوالے سے بات ہوئی اور مقامی زبان سیکھنے کے سے متعلق ترغیب بھی دلائی گئی۔

دعوتِ  اسلامی کے زیر اہتمام 13 دسمبر2021ء بروز پیر کو بذریعہ انٹرنیٹ جنوبی کوریا کی جملہ ذمہ دار اسلامی بہنوں کا مدنی مشورہ ہوا جس میں ہدف بنا کر کام کرنے کےمدنی پھولوں پر کلام ہوا۔

دعوت اسلامی کے زیر اہتمام 29دسمبر2021ء بروز بدھ جنوبی کوریا کے شہر انچن میں بذریعہ انٹرنیٹ ون ڈے سیشن کا انعقاد کیا گیا جس میں مقامی اسلامی بہنوں نے شرکت کی۔

مبلغہ دعوت اسلامی بہن نے ’’والد کی خدمت ‘‘کے موضوع پر سنتوں بھرا بیان کیا اور والدین کی نافرمانی سے بچنےکے بارے میں احادیث بتاکر ان کی خدمت کے بارے میں علماء کرام کے فرمان بھی بتائے نیز سنن و آداب کے حلقے میں امیر اہل سنت دامت برکاتہم العالیہ کے رسالے سے کپڑے پہنے کی سنتیں اور آداب بیان کئے۔ 

دعوت اسلامی کے شعبہ کفن دفن (اسلامی بہنیں) زیر اہتمام 29 دسمبر 2021ء کو بنگلادیش کے شہر ڈھاکہ نارتھ زون کی محمد پور کابینہ کی مارکیٹ کیمپ ڈویژن میں کفن دفن تربیتی اجتماع کا انعقاد کیا گیا جس میں 25 اسلامی بہنوں نے شرکت کی۔

مبلغہ دعوت اسلامی نے سنتوں بھرا بیان کیا اور اسلامی بہنوں کو غسل میت دینے اور کفن پہنانے کا طریقہ بھی سیکھایا ۔ اس کے علاوہ دعوت اسلامی کی دینی وفلاحی خدمات کے حوالے سے رہنمائی کرتے ہوئے دینی کاموں میں حصہ لینے کا ذہن دیا۔

دعوت اسلامی کے شعبہ علاقائی دورہ (اسلامی بہنیں) کے زیر اہتمام پچھلے دنوں CTG ریجن کی ہل ٹریک زون میں مدنی مشورے کا انعقاد کیا گیا جس میں 5 اسلامی بہنوں نے شرکت کی۔

ریجن سطح کی ذمہ دار اسلامی بہن نے سنتوں بھرا بیان کیا اور اجتماع میں شریک اسلامی بہنوں کو نیکی کی دعوت دینے کے حوالے سے مدنی پھول دیئے نیز اچھی اچھی نیتوں کے ساتھ علاقائی دورہ کرنے اورہفتہ وار سنتوں بھرے اجتماع میں شرکت کی ترغیب دلائی۔

٭اسی طرح شعبہ علاقائی دورہ (اسلامی بہنیں) کےتحت پچھلے دنوں چٹاگانگ ریجن کی CTG موہنگر زون کی کرنافلی کابینہ میں مدنی مشورے کا انعقاد کیا گیا جس میں 3 اسلامی بہنوں نے شرکت کی۔وہاں پر زون ذمہ دار اسلامی بہن نے سنتوں بھرا بیان کیا اور اجتماع میں شریک اسلامی بہنوں کو شعبے کے دینی کام کرنے کے حوالے سے نکات بتائے۔

دعوتِ  اسلامی کے شعبہ اصلاح اعمال (اسلامی بہنیں)کے تحت جرمنی میں اصلاح اعمال اجتماع کا انعقاد ہوا جس میں کم وبیش 16 اسلامی بہنوں نے شرکت کی ۔

اجتماع پاک کا آغاز حمد اور نعت رسول ﷺ سے ہواپھر رسالہ نیک اعمال سے اجتماعی جائزہ کروایا گیا ۔ اس کے بعد مبلغہ دعوت اسلامی نے ’’مدنی مذاکرہ کی اہمیت‘‘ کے موضوع پر سنتوں بھرا بیان کیاجس میں انہوں نےبتایا کہ مدنی مذاکروں سے عقائد واعمال اور ظاہروباطن کی اصلاح، محبت الہی وعشق رسول کی لازوال دولت کا لاجواب خزانہ ہاتھ آتا ہے۔ مزید انہوں نے اسلامی بہنوں کو مدنی مذاکرہ دیکھنے کا ذہن دیتے ہوئے اشراق و چاشت نماز کے فضائل بتائے جس پر سب اسلامی بہنوں نے اچھی اچھی نیتوں کا اظہار کیا ۔