عاشقانِ رسول کی   دینی تحریک دعوت اسلامی کے زیرِ اہتمام سبی میں قائم MCB بینک میں سیکھنے سکھانے کا حلقہ منعقد ہوا جس میں مینجر بینک مہران خان سومرو،آپریشن مینجر نصر اللہ و دیگر اسٹاف نے شرکت کی ۔

سیکھنے سکھانے کے حلقے میں صوبائی ذمہ دار محمد وقار عطاری نے شرکا کو دعوت اسلامی کی عالمی سطح پر ہونے والی دینی اور فلاحی خدمات کے حوالے سے بتایا اور انہیں ہفتہ وار اجتماع میں شرکت کرنے نیز مدنی مرکز فیضان مدینہ کا وزٹ کرنے کی دعوت پیش کی جس پر انہوں نے اچھی اچھی نیتیں کیں۔

اس موقع پر ڈھاڈر Mcb بینک کے آپریشن مینجر آدم اور ڈسٹرکٹ نگران محمد اسحاق عطاری بھی موجود تھے ۔آخر میں ملک و قوم کی سلامتی کے لئے خصوصی دعا بھی کروائی گئی۔(رپورٹ:کوآرڈینیشن ڈیپارٹمنٹ دعوت اسلامی بلوچستان، کانٹینٹ:رمضان رضا عطاری مدنی ) 

6 جنوری 2024ء  کو پی ایس او ٹو آئی جی پنجاب پولیس عادل رشید نے صوبائی مدنی مرکز فیضان مدینہ جوہر ٹاؤن لاہور کا وزٹ کیا ۔ اس موقع پر شعبہ رابطہ برائے شخصیات دعوت اسلامی کے تحت صوبائی ذمہ دار محمد لیاقت عطاری نے پی ایس او ٹو آئی جی پنجاب پولیس عادل رشید کو ویلکم کیا۔

بعدازاں ذمہ داران نے ان کو مدنی مرکز میں قائم اسپیشل ایجوکیشن ڈیپارٹمنٹ بنام فیضان ری ہبیلی ٹیشن سینٹر اور کنز المدارس بورڈ کا وزٹ کروایا جس پر انہوں نے دعوت اسلامی کی کاوشوں پر خوشی کا اظہار کرتے ہوئے اچھے تاثرات دیئے۔(رپورٹ: شہزاد عطاری شعبہ رابطہ برائے شخصیات پنجاب آفس، کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی دینی تحریک دعوت اسلامی کے تحت 9 جنوری 2024 ء کو بہاولپور میں مدنی مشورہ ہوا۔اس میں ڈویژن و ڈسٹرکٹ ذمہ داران نے حاضری دی ۔

مدنی مشورے میں صوبائی ذمہ دار محمد لیاقت عطاری نے مختلف مدنی پھولوں پر کلام کیا اور اسلامی بھائیوں کو روزانہ 2 گھنٹے دینی کام کا شیڈول چلانے پر تربیت کی۔

علاوہ ازیں دعوت اسلامی کی فرض علوم پر مشتمل ڈیجیٹل ایپس افسران و شخصیات کو ڈاؤن لوڈ کروانے کے متعلق کلام کیا۔(رپورٹ: شہزاد عطاری شعبہ رابطہ برائے شخصیات پنجاب آفس، کانٹینٹ:رمضان رضا عطاری)

شعبہ رابطہ برائے شخصیات دعوت اسلامی  کے تحت 9 جنوری 2024ء کو بہاولپور سٹی میں سابقہ ایم این اے و سجادۂ نشین محکم الدین سیرانی ا ور میاں نجیب الدین اویسی سے پنجاب ذمہ دار محمد لیاقت عطاری نے ملاقات کی ۔

دوران گفتگو محمد لیاقت عطاری نے شخصیات کو دعوت اسلامی کی فرض علوم پر مشتمل ڈیجیٹل ایپس کا تعارف کروایا نیز اوور سیز میں ہونے والے دینی کاموں کے بارے میں بریفنگ دی جس پر انہوں نے دعوت اسلامی کی کاوشوں کو سراہا۔(رپورٹ: شہزاد عطاری شعبہ رابطہ برائے شخصیات پنجاب آفس، کانٹینٹ:رمضان رضا عطاری)

سبی میں قبائلی سیاسی و سماجی شخصیت MQM کے ڈسٹرکٹ انچارج میر محمد سلیم مرغزانی سے دعوت اسلامی کوآرڈینیشن ڈیپارٹمنٹ کے صوبائی ذمہ دار محمد وقار عطاری نے ان کے آفس میں ملاقات کی۔

دوران ملاقات دعوت اسلامی کی عالمی سطح پر ہونے والی دینی اور فلاحی خدمات کے حوالے سے گفتگو ہوئی جس کو میر سلیم خان مرغزانی نے سراہا اور اپنی نیک خواہشات کا اظہار کیا۔

علاوہ ازیں محمد وقار عطاری نے انہیں ہفتہ وار اجتماع میں شرکت کرنے اور عالمی مدنی مرکز فیضان مدینہ کراچی کے وزٹ کی دعوت پیش کی جس پر انہوں نے جلد وزٹ کی یقین دہانی کروائی۔ آخر میں ملک و قوم کی سلامتی کے لئے خصوصی دعا بھی کروائی ۔ اس موقع پر ڈسٹرکٹ نگران محمد اسحاق عطاری بھی ساتھ تھے۔(رپورٹ: شعبہ رابطہ برائے شخصیات بلوچستان ، کانٹینٹ:رمضان رضا عطاری) 

سبی میں پیر سید محمد اسلم ہاشمی صاحب سے عاشقانِ رسول کی  دینی تحریک دعوتِ اسلامی کے شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے ملاقات کی۔

صوبائی ذمہ دار نے شاہ صاحب کو نئے گھر میں شفٹ ہونے پر مبارک باد پیش کی اور دعوت اسلامی کے دینی کاموں کے حوالے سے معلومات دیتے ہوئے انہیں ہفتہ وار اجتماع میں شرکت کی دعوت پیش کی جس پر شاہ صاحب نے بڑی شفقتوں،محبتوں اور اپنی دعاؤں سے نوازا۔

اس موقع پر شاہ صاحب کے صاحبزادے سید مبین ہاشمی اور ڈسٹرکٹ نگران سبی محمد اسحاق عطاری بھی موجود تھے۔(رپورٹ: شعبہ رابطہ برائے شخصیات بلوچستان ، کانٹینٹ:رمضان رضا عطاری)

کمشنر آفس سبی میں   دعوت اسلامی شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے محکمہ اوقاف کےخطیب مولانا مولا بخش سلطانی صاحب سے ملاقات کی ۔

اس موقع پر محمد وقار عطاری نے مولانا مولا بخش سلطانی صاحب کو عمرے کی سعادت حاصل کرنے پر مبارکباد پیش کی اور انہیں دعوت اسلامی کی دینی و فلاحی خدمات کے بارے میں بتایاجس پرانہوں نےاپنے اچھے خیالات کا اظہار کیا۔(رپورٹ: شعبہ رابطہ برائے شخصیات بلوچستان ، کانٹینٹ: رمضان رضا عطاری)

8 جنوری 2024ء  کو ڈسٹرکٹ سرگودھا میں شعبہ رابطہ برائے شخصیات دعوت اسلامی کے تحت مہر محمد یار لالی کے ختم قل کے موقع پر ایصال ثواب اجتماع کا انعقاد کیا گیا جس میں ڈاکٹر فرحت عباس سرجن، انچارج یورالوجی ڈیپارٹمنٹ ڈی ،ایچ،کیواسپتال سرگودھا ، ٹریفک پولیس مہر محسن عباس سمیت دیگر سیاسی شخصیات نے شرکت کی ۔

دعوت اسلامی سرگودھا سٹی کے نگران مولانا ارسلان عطاری مدنی نے بیان کیا نیز شرکا کو نیکی کی دعوت دیتے ہوئے نمازوں کی پابندی کرنے اور ہفتہ وار اجتماع میں شرکت کرنے کی دعوت دی ۔آخر میں مرحوم سمیت تمام امت مسلمہ کی مغفرت کے لئے دعا کروائی۔(رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

دعوتِ اسلامی کے شعبہ رابطہ برائے شخصیات کے  زیرِ اہتمام 8 جنوری 2024ء کو ملتان سٹی میں صوبائی ذمہ دارمحمدلیاقت عطاری نے ڈویژنل ذمہ دارفداعلی عطاری اور سٹی ذمہ دارحاجی محمدمسعودعطاری کےہمراہ کمانڈنٹ پولیس ٹریننگ کالج کا دورہ کیا۔

ذمہ داران نے کمانڈنٹ پولیس ٹریننگ کالج میں ڈی آئی جی گوہرمشتاق بھٹہ،سی پی اوملتان صادق علی ڈوگر ،ایڈیشنل کمشنرارشدخان گوپانگ اورچیف سیکیورٹی آفیسرعلی طاہرودیگر سےملاقات کی۔

دوران ملاقات ذمہ داران نے شخصیات کو دعوت اسلامی کےمختلف شعبہ جات اور فرض علوم پر مشتمل ڈیجیٹل ایپ کے بارے میں معلومات دیں نیز 11جنوری 2024ء کو ملتان میں ہونیوالے ہفتہ وار اجتماع میں شرکت کی دعوت دی۔ساتھ ہی مکتبۃ المدینہ کی مطبوعہ مختلف تصانیف تحفےمیں پیش کیں۔

بعدازاں اسلامی بھائیوں نے سابق چیئرمین شیخ محمدعمران ارشد سےملاقات کی اور ان کےوالد صاحب کےانتقال پرتعزیت وفاتحہ خوانی کی نیز مرحوم کے لئے دعائے مغفرت بھی کروائی۔ (رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

شعبہ رابطہ برائے شخصیات دعوت اسلامی  کے زیرِ اہتمام ڈسٹرکٹ نواب شاہ میں ذمہ دار اسلامی بھائی نے اسسٹنٹ ڈائریکٹر ایجوکیشن عبد الستّار سے ملاقات کی۔

ذمہ دار اسلامی بھائی نے اسسٹنٹ ڈائریکٹر ایجوکیشن کو دعوت اسلامی کی دینی و فلاحی خدمات کے بارے میں بتایا اور ان کو مدنی مرکز فیضانِ مدینہ نواب شاہ میں بعد نماز عشا جمعرات کو ہونےوالےہفتہ وار اجتماع میں شرکت کی دعوت پیش کی جس پر انہوں نے اپنے اچھے جذبات کا اظہار کیا۔(رپورٹ: شعبہ رابطہ برائے شخصیات ڈسٹرکٹ نواب شاہ محمد انور عطاری، کانٹینٹ:رمضان رضا عطاری)

7 جنوری 2024ء  کو شجاع آباد میں دعوت اسلامی کے شعبہ رابطہ برائے شخصیات کےڈویژنل ذمہ دارفداعلی عطاری نے ڈسرکٹ نگران محمدعقیل عطاری کے ہمراہ سابق صوبائی وزیروایم پی اےرانامحمداعجازنون سےملاقات کی اور ان کی والدہ کےانتقال پران سےتعزیت وفاتحہ خوانی کی۔ ڈسرکٹ نگران محمدعقیل عطاری نے مرحومہ کے لئے دعائے مغفرت بھی کروائی ۔

بعدازاں فداعلی عطاری نے رانامحمداعجاز کو امیراہل سنت دامت برکاتہم العالیہ کی کتاب ”فاتحہ اورایصال ثواب کاطریقہ“ ودیگربکس تحفےمیں پیش کیں نیز ان کو مدنی مرکز فیضان مدینہ جوہرٹاؤن کا وزٹ کرنے کی دعوت بھی دی جسےانہوں نےقبول کیااورجلدوزٹ کی یقین دہانی کروائی۔

٭علاوہ ازیں سابق ممبرقومی اسمبلی وچیئرمین استحقاق کمیٹی رانامحمدقاسم نون سےملاقات کی اور جلالپوراجتماع میں شرکت پرانکاشکریہ اداکیا نیز انکو مکتبۃ المدینہ کی مایہ نازتصنیف تحفےمیں پیش کی۔(رپورٹ: شہزاد عطاری شعبہ رابطہ برائے شخصیات پنجاب آفس ، کانٹینٹ:رمضان رضا عطاری)

شعبہ  رابطہ برائے شخصیات دعوت اسلامی کے زیرِ اہتمام رکن شوری حاجی محمد اظہر عطاری نے سیالکوٹ میں ایڈیشنل ڈپٹی کمشنر ریونیو محمد اقبال،ایڈیشنل ڈپٹی کمشنر جنرل اسد کاظمی،اسسٹنٹ کمشنر سیالکوٹ غلام سرور،ایس پی انویسٹی گیشن ملک نوید،ڈی ایس پی سی آئی اے محمود الحسن،ڈی ایس پی سی ٹی ڈی محمد اکرام،ایس ایچ او کینٹ محمد الطاف سے ملاقات کی۔

دورانِ ملاقات رکن شوریٰ نے اتھارٹی پرسنز کو دعوت اسلامی کے تحت ہونے والے دینی و فلاحی کلام کے بارے بتایا جس پر انہوں نے خدماتِ دعوت اسلامی کو سراہتے ہوئے اچھے تاثرات دیئے۔

٭ ‏‫‫دوران گفتگو رکنِ شوریٰ نے  محمد عرفان  کو 11 جنوری  2024ء کو ہونے والے  ہفتہ وار اجتماع  میں شرکت کی دعوت دی جس پر انہوں نے ہفتہ وار اجتماع میں آنے اور اس  میں  ہر طرح کے تعاون کی  اچھی  نیت کا اظہار  کیا۔

واضح رہے کہ! 11 جنوری کو سیال کوٹ میں ہونے والا ہفتہ وار اجتماع مدنی چینل پر لائیو نشر کیا جائے گا جس میں رکن شوری حاجی اظہر عطاری سنتوں بھرا بیان فرمائیں گے۔(رپورٹ:رابطہ برائے شخصیات گوجرانولہ ڈویژن، کانٹینٹ:رمضان رضا عطاری)