پچھلے دنوں دعوت اسلامی کے زیر اہتمام پشاور زون ضلع نوشہرہ میں جامع مسجد فیضانِ امیر معاویہ رضی اللہ عنہ کا افتتاح کردیا گیا ہے جس میں باقاعدہ نمازوں کا سلسلہ جاری ہے۔

یادرہے کہ دعوت اسلامی کی مجلس خدام المساجد والمدارس کے تحت دنیا بھر مساجد و مدارس کی تعمیر ات کراورہی ہے جبکہ یہ مجلس سال بھر میں 600 سے زائد مساجد کو تعمیر کرنے کا عزم رکھتی ہے۔

دعوت اسلامی کے تحت  پشاور زون مالاکنڈ کابینہ میں ماہانہ اجلاس ہوا جس میں مالاکنڈ کابینہ کے ذمّہ داران نے شرکت کی۔ مبلغ دعوت اسلامی نے شرکا کی تربیت کی اور مدنی کاموں کی کارکردگی کا جائزہ لیتے ہوئے آئندہ ماہ کے اہداف طے کئے۔

پچھلے دنوں دعوت اسلامی کی مجلس ازیاد حب کے تحت ڈیرہ غازی خان میں ایصالِ ثواب اجتماع ہوا جس میں مقامی اسلامی بھائیوں سمیت مرحومین کے عزیز و اقارب نے شرکت کی ۔ مبلغ دعوت اسلامی نے ” آخرت کی تیاری“ کے موضوع پر سنّتوں بھرا بیان کیا  اور شرکا کو دعوت اسلامی کے مدنی ماحول سے وابستہ ہونے کا ذہن دیا۔ 

دعوت اسلامی کے تحت کھرڑیانوالہ فیصل آباد  میں امیر اہلِ سنّت دَامَتْ بَرَکَاتُہُمُ الْعَالِیَہ کی ہمشیرہ مرحومہ کے ایصالِ ثواب کے لئے اجتماع پاک کا انعقاد کیا گیا جس میں رکنِ شوریٰ حاجی محمد رفیع العطاری نے سنّتوں بھرا بیان کیا۔ اجتماع کے اختتام پر ایصالِ ثواب کے لئے فاتحہ خوانی کا سلسلہ ہوا اور مرحومہ کے لئے دعائیں کی گئی۔

مدنی مرکز فیضانِ مدینہ ملتان میں 31 جنوری  بروز جمعہ کو مجلس رابطہ بالعلماء کے ذمہ داران کا مدنی مشورہ ہوا جس میں رکنِ شوریٰ حاجی ابو ماجد محمد شاہد عطاری مدنی نے ذمہ داران کی تربیت فرمائی۔ مدنی مشورے میں نگرانِ مجلس رابطہ بالعلماء پاکستان محمد افضل عطاری مدنی سمیت دیگر ذمّہ داران نے شرکت کی۔ رکنِ شوریٰ حاجی ابو ماجد محمد شاہد عطاری مدنی نے شرکا کی تربیت کی اور کارکردگی کا جائزہ لیتے ہوئے آئندہ کے اہداف طےکئے ۔ رکنِ شوریٰ نے مجلس کے مدنی کاموں کے حوالے سے مدنی پھول بھی ارشاد فرمائے۔

مدنی مرکز فیضانِ مدینہ ملتان میں 30 جنوری بروز جمعرات کو مجلس مزارات ِ اولیاء کے ذمہ داران کا مدنی مشورہ ہوا جس میں کراچی سے تشریف لائے ہوئے رکنِ شوریٰ حاجی ابو ماجد محمد شاہد عطاری مدنی نے ذمہ داران کی تربیت فرمائی۔ آپ نے گزشتہ سال 2019ء کی کارکردگی کا جائزہ لیا اور ذمہ داران کو آئندہ سال 2020 کے اہداف دیئے۔ رکنِ شوریٰ نے ہر شہر میں مہینے میں ایک بار اراکینِ شوریٰ، نگرانِ زون اور نگرانِ کابینہ کا بیان کروانے کا ذہن بھی دیا۔ اس موقع پر نگرانِ مجلس مزاراتِ اولیاء محمد قادر بخش عطاری بھی موجود تھے۔

دعوتِ اسلامی کے تحت نارووال نگران کابینہ نے نارووال جنوبی ڈویژن کے علاقہ گنج حسین آباد کی جامع مسجد نور میں مدنی دورہ کیا ۔ اس دوران انہوں نے  یوم قفل مدینہ کے حوالے سے گفتگو کرتے ہوئے فضول باتوں سے بچنے کا ذہن دیانیز ذمہ دار اسلامی بھائیوں کا مدنی مشورہ فرمایا جس میں ذمہ داران کا تقرر کرتےہوئے انہیں بارہ مدنی کاموں کے اہداف بھی دئیے اور ہفتہ وار اجتماع میں شرکت کیلئے گاڑیوں کے انتظامات کرنے کا ذہن دیا۔(رپورٹ:محمدمشتاق عطاری، ڈویژن نگران)

24جنوری2020ء بروز جمعۃالمبارک ملک ارشد ہاؤس شاہ پور صدر سرگودھا زون سنتوں بھرے اجتماع کا اہتمام کیا گیا۔ اجتماع میں بڑی تعداد میں عاشقانِ رسول نے شرکت کی۔ اس موقع پرمبلغِ دعوتِ اسلامی نے خوفِ خدا کے موضوع پر سنتوں بھرا بیان کیا۔ (رپورٹ:بلال رضا عطاری، مجلس مدنی انعامات) 

24جنوری2020ء بروز جمعۃالمبارک شاہ پور صدر سرگودھا زون میں سنتوں بھرے اجتماع کا اہتمام کیا گیاجس میں سید جاوید حسنین شاه(M.N.A)، رائے محمد عبدالرحمن ڈھڈى (سابق چیئرمین)، ملک محمد طاہر اعوان(رنر اپ چیئرمین)، دیگر شخصیات و اہلِ علاقہ نے شرکت کی۔ اس موقع پرنگران سرگودھا زون محمد عادل عطارى نے سنتوں بھرا بیان فرمایا ۔اجتماع کے بعد ایک شخصیت کے گھر مدنی حلقہ لگایا گیا ۔ اس موقع پر نگرانِ سرگودھا زون نے دعوتِ اسلامی اور امیرِ اہلِ سنت دَامَتْ بَرَکَاتُہُمُ الْعَالِیَہ کا تعارف پیش کرتے ہوئے ہفتہ وار اجتماع میں شرکت کرنے کی دعوت دی اور مدنی رسائل پیش کئے۔(رپورٹ: عامر عطاری، ڈویژن نگران و رکن کابینہ مدنی انعامات )

دعوت اسلامی کے تحت حیدر آباد  میں مدنی مشورہ ہوا جس میں حیدر آباد زون کی مجلس ہفتہ وار اجتماع ، مبلغین اور نعت خواں اسلامی بھائیوں نے شرکت کی۔ نگرانِ زون قاری ایاز رضا عطاری نے مختلف حوالے سے شرکا کی تربیت کی۔

پچھلے دنوں دعوت اسلامی کی مرکزی مجلس شوریٰ کے رکن حاجی محمد فاروق جیلانی عطاری نے تین دن کے قافلے میں سفر کیا۔ دورانِ قافلہ رکنِ شوریٰ نے حاجی ماجد میمن سے ملاقات کی اور انہیں دعوت اسلامی کے مدنی کاموں میں تعاون  کرنے کی ترغیب دلائی جس پر حاجی ماجد میمن نے مدرسۃ المدینہ کے چار کمروں پر مشتمل بلڈنگ دعوت اسلامی کو وقف کردی اور چابی بھی رکنِ شوریٰ کو پیش کردیئے۔

دعوت اسلامی کے تحت  لالیاں سٹی میں مدنی مرکز فیضانِ مدینہ کے سنگِ بنیاد کے سلسلے میں اجتماع کا اہتمام کیا گیا جس میں قرب و جوار کے اسلامی بھائیوں نے شرکت کی۔ رکنِ شوریٰ حاجی محمد رفیع العطاری نے سنّتوں بھرا بیان کیا ۔ اجتماع کے اختتام پر رکنِ شوریٰ نے فیضانِ مدینہ کا سنگِ بنیاد بھی رکھا۔