دعوت اسلامی کے تحقیقی و تصنیفی شعبہ اسلامک ریسرچ سینٹر المدینۃ العلمیہ کی جانب سے ماہنامہ فیضان مدینہ کے نائب مدیر محمد راشد علی عطاری مدنی نے کراچی کے علاقے صاحبداد گوٹھ، ملیر میں قائم دار العلوم مجددیہ نعیمیہ کا دورہ کیا جہاں دار العلوم کے مدرس مولانا محمد عابد جان نعیمی صاحب نے انہیں خوش آمدید کہا۔

محمد راشد عطاری نےدارالعلوم میں شیخ الحدیث، محقق اسلام، مفتی جان محمد جان نعیمی مجددی صاحب دَامَتْ بَرَکَاتُہُمُ الْعَالِیَہ سے ملاقات کی۔مولانا صاحب کو اسلامک ریسرچ سینٹر کی جانب سے ملفوظات امیر اہل سنت کی جلد اول اور شعبہ ”ماہنامہ فیضان مدینہ“ کی جانب سے رواں ماہ کا شمارہ پیش کیا گیا۔

ماہنامہ فیضان مدینہ کے نائب مدیر راشد عطاری نے مفتی صاحب کو طلبہ کی قلمی و تصنیفی تربیت کے لئے ”ماہنامہ فیضان مدینہ“میں جاری تحریری مقابلہ کے حوالے سے بریفنگ دی اور انہیں اپنے جامعہ کے طلبہ و اساتذہ کو اس مقابلے میں حصہ لینے اور مضمون نویسی کرنے کا عرض کیا۔ بعد ازاں محمد راشد مدنی نے مفتی صاحب اوردیگر مدرسین کی سربراہی میں طلبائے کرام کے درمیان تحریر و تصنیف کی اہمیت اور ماہنامہ فیضان مدینہ کے تحریری مقابلے میں حصہ لینے کی ترغیب دلائی اور اس حوالے سے چند معروضات پیش کئے۔

دارالعلوم کے طلبہ اور اساتذۂ کرام  نے تحریری مقابلے میں حصہ لینے کے لئے بھر پور عزم کا اظہار کیا جبکہ دارالعلوم کی جانب سے ایک طالب علم کو ماہنامہ فیضان مدینہ کا نمائندہ بھی مقرر کیا گیا۔

دار الافتاء اہل سنت پاکستان دعوت اسلامی کے زیر اہتمام 24 دسمبر 2020ء کو عالمی مدنی مرکز فیضان مدینہ کراچی اور دارالافتاء اہلسنت داتا دربار لاہور میں تربیتی اجتماع منعقد ہوا جس میں ملک بھر میں قائم  دارالافتاء اہل سنت کے اسلامی بھائیوں نے شرکت کی۔

دار الافتاء اہلسنت لاہور میں فیصل آباد، لاہور، سرگودھا اور راولپنڈی کے اسلامی بھائی جبکہ عالمی مدنی مرکز میں کراچی اور حیدر آباد کے اسلامی بھائی شریک تھے۔

تربیتی اجتماع دوسیشن پر مشتمل تھا۔ پہلے سیشن میں دار الافتاء اہلسنت کے سینئر اسلامی بھائیوں نے معاونین کی تربیت فرمائی۔ دوسرے سیشن میں مجلس تحقیقات شرعیہ دعوت اسلامی کے گزشتہ دنوں مدنی مشورے میں ہونے والے فیصلوں سے آگاہی فراہم کرتے ہوئے بریفنگ دی گئی۔

دعوت اسلامی کی مجلس شارٹ کورسز کے زیر اہتمام یکم جنوری 2021ء سے ہوسٹل اور یونیورسٹی کے طالبات کے لئے آن لائن ”Journey of Light“ کورس شروع ہونے جارہا ہے۔اسلامی بہنیں اس کورس سےفائدہ اٹھائیں اور داخلہ لے کر دینی معلومات میں اضافہ کریں۔

اس کورس کی مدت تین ماہ ہوگا جبکہ کورس کا دورانیہ علاوہ ہفتہ و اتوار روزانہ ایک گھنٹے ہوگا۔

کورس کا شیڈول ملاحظہ کریں:

٭پیر: قرآن پاک سے منتخب قرآنی آیات )یٰۤاَیُّهَا الَّذِیْنَ اٰمَنُوا (کا ترجمہ و تفسیر

٭منگل: عبادات (مسائل شرعیہ)

٭ بدھ:s & Solutions Youth’s Problem

٭ جمعرات: حدیث شریف (ریاض الصالحین سے منتخب ابواب)

٭جمعہ:عقائد

مزید معلومات کے لئے اس نمبر رابطہ کریں: 03016623612

ہر جمعرات کی طرح آج بھی دعوتِ اسلامی کی جانب سے دنیا بھر میں ہفتہ وار سنتوں بھرے اجتماعات منعقد کئے جائیں گے۔

اجتماع پاک کا آغاز تلاوت قرآن مجید سے ہوگا اور اس کے بعد بارگاہ رسالت صلَّی اللہ علیہ واٰلہٖ وسلَّم میں نعت شریف پیش کی جائیگی۔ان اجتماعات میں اراکین شوریٰ سمیت مبلغین دعوت اسلامی سنتوں بھرے بیانات فرمائیں گے ، بیان کے بعد ذکر و اذکار، رقت انگیز دعا اور پھر صلوۃ و سلام کا سلسلہ بھی ہوگا۔

تمام عاشقان رسول اپنے اپنے ڈویژن میں ہونےوالے اجتماع پاک میں شرکت کریں اور آخرت کے لئے نیکیوں کا ذخیرہ اکٹھا کریں۔

دعوت اسلامی کی مجلس فیضان آن لائن اکیڈمی اور میڈیکل ڈیپارٹمنٹ دعوت اسلامی  کے زیر اہتمام28 دسمبر 2020ء سے میڈیکل کے شعبہ سے وابستہ افراد کے لئے سات دن کا ”اصلاح اعمال کورس“ شروع ہونے جارہا ہے۔

اس کورس میں شرکت کرنے والے کو حسن اخلاق، طہارت و نماز، اولاد کی تربیت اور علم دین سیکھنے کے فضائل کے ساتھ ساتھ دیگر شرعی مسائل کے بارے میں آگاہی فراہم کی جائیگی۔

واضح رہے اس کورس کا دورانیہ روزانہ ایک گھنٹہ ہوگا جو رات 7:30 بجےفیضان آن لائن اکیڈمی کے آفیشل Facebook سے براہ راست کروایا جائیگا۔

کورس میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/FaizanOnlineAcademy

دعوت اسلامی کی مجلس مدنی قافلہ کے زیر اہتمام کراچی میں قائم جامعۃ المدینہ نیول کالونی میں مدنی مشورہ ہوا جس میں جامعۃ المدینہ کے اساتذۂ کرام نے شرکت کی۔

مرکزی مجلس شوریٰ کے رکن حاجی محمد امین عطاری نے دینی کام، تعطیل اعتکاف اور علاقائی دورہ کے حوالے سے شرکا کی تربیت کی اور مدنی قافلوں میں سفر کرنے کا ذہن دیا۔

بعد ازاں رکن شوریٰ نے سردی سے حفاظت کے لئے جامعۃ المدینہ کے رہائشی طلباء میں کمبل تقسیم فرمائے اور مسجد فیضان اولیاء مسجد کی تعمیراتی کا جائزہ لیا۔

دعوت اسلامی کا ایک شعبہ تقسیم رسائل بھی ہے جس کا کام گھر، دفتر، دکان، یونیورسٹیز اور جامعات و مدارس میں شیخ طریقت امیر اہل  سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ اور مکتبۃ المدینہ کی کتب و رسائل تقسیم کروانا ہے۔

اسی سلسلے میں ملتان کے علاقے حُسن آباد میں شعبہ تقسیم رسائل کے تحت نیکی کی دعوت کا سلسلہ ہوا ۔ نگران شعبہ تقسیم رسائل سید حسنین عطاری نے دکانداروں کو ہفتہ وار اجتماع میں شرکت کرنے اور اپنے مرحومین کے ایصالِ ثواب کے لئے امیر اہل سنت اور مکتبۃ المدینہ کی کتب و رسائل تقسیم کرنے کا ذہن دیا۔

دعوت اسلامی کے شعبہ مدارس المدینہ للبنین و للبنات بچوں اور بچیوں کو تعلیمِ قرآن حفظ و ناظرہ  سے آراستہ کرنے کے ساتھ ساتھ بااخلاق و باکردار بنانے میں مصروف عمل ہے۔ دعوت اسلامی کی انہیں کاوشوں کو دیکھتے ہوئے کئی اسلامی بھائی دعوت اسلامی کو اپنی جگہیں پیش کرتے رہتے ہیں۔

تلوکر ٹاؤن محلہ نئی آبادی نزد ریلوے اسٹیشن ہری پور ہزارہ کی ایک شخصیت نے بھی اسی طرح للبنین و للبنات بناکر دعوت اسلامی کو پیش کیا۔مدرسۃالمدینہ کے افتتاح کے موقع پر جامع مسجد قباء المعروف گوہر والی میں سنتوں بھرے اجتماع کا انعقاد کیا گیا جس میں علاقے کے عاشقانِ رسول نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کرتے ہوئے دعوت اسلامی کے دینی کاموں میں بڑھ چڑھ کر حصہ لینے اور مدنی قافلوں میں سفر کرنے کی ترغیب دلائی۔

دعوت اسلامی کے شعبہ خدام المساجد و المدارس کے تحت مسجد ”فیضان عشقِ رسول“ کی تعمیر کا سلسلہ جاری ہے۔

مرکزی مجلس شوریٰ کے رکن حاجی فاروق جیلانی عطاری نے نگران میر پور خاص زون اور دیگر ذمہ داران کے ہمراہ ٹنڈہ الٰہ یار میں مسجد فیضان عشق رسول مسجد کا دورہ کیا اور وہاں جاری تعمیراتی کاموں کا جائزہ لیا۔

اسی طرح ٹنڈو الٰہ یار کی ہی ایک کالونی میں فیضان عشق رسول مسجد کی تعمیر کے لئے جگہ حاصل کرلیا گیا ہے۔

مرکزی مجلس شوریٰ کے رکن حاجی محمد امین عطاری پچھلےدنوں دینی کاموں کے سلسلے میں بلوچستان کے دار الحکومت کوئٹہ کے دورے پر تھے۔

دوران دورہ رکنِ شوریٰ نے نگران زون اور نگران کابینہ کے ہمراہ کوئٹہ میں قائم جامعہ اسلامیہ نوریہ صابریہ میں حضرت مولانا عبد الرزاق حبیبی مَدَّظِلُّہُ الْعَالِی صاحب سے ملاقات کی۔ رکن شوریٰ نے انہیں دعوت اسلامی کے تحت چلنے والے جامعات المدینہ اور مدارس المدینہ کے تعلیمی سرگرمیوں کے حوالے سے بریفنگ دی اور فیضان مدینہ کراچی آنے کی دعوت دی۔

بعد ازاں رکن شوریٰ نے دیگر ذمہ داران کے ہمراہ جامعہ غوثیہ قاسمیہ انوار باہو وحدت کالونی کوئٹہ میں حضرت علامہ مولانا مفتی غلام محمد قاسمی قادری رحمۃ اللہ علیہ کے مزار شریف پر حاضری دی اور فاتحہ خوانی کی۔

پچھلے دنوں دعوت اسلامی کے زیر اہتمام سلاٹر روڈ لیاری کراچی کی جامع مسجد مقبول میں گیارہویں شریف کے سلسلے میں محفل نعت کا انعقاد کیا گیا جس میں عاشقانِ اولیاء نے شرکت کی۔

مبلغ دعوت اسلامی ابو البنتین حاجی محمد حسان عطاری مدنی نے جنت کے متعلق سنتوں بھرا بیان کرتے ہوئے فرمایا کہ جنتیوں کے لباس میلے اور پرانے نہیں ہونگے، جنت میں نیند بھی نہیں ہوگی کیونکہ نیند ایک قسم کی موت ہےاور جنت میں موت نہیں۔ آپ نے مزید فرمایا کہ جنتیوں کو اس کے اعمال کے حساب سے مقام دیا جائیگا، یعنی جس کی جتنی زیادی نیکیاں اس کو اتنا زیادہ مقام و مرتبہ ملے گا۔

حاجی حسان عطاری نے بچوں کی تربیت کے حوالے سے مدنی پھول دیتے ہوئے شرکا کو مدنی مذاکرے میں شرکت کرنے اور مدنی قافلے میں سفر کرنے کی ترغیب دلائی۔