9 مارچ 2021ء بروز منگل دھوررا جی ایسوسی ایشن بلڈنگ کراچی میں پروفیشنلز کی ایک مقامی فورم کے تحت بلاک چین اور کرپٹو کرنسی کے موضوع پر سیمینار کا اہتمام کیا جس میں ماہرِ امورِ تجارت مفتی علی اصغر عطاری مدنی مَدَّظِلُّہُ الْعَالِی نے خصوصی شرکت کی اور شرکا کے درمیان اہم خطاب فرمایا۔

مفتی علی اصغر عطاری مدنی مَدَّظِلُّہُ الْعَالِی نے بلاک چین کی شرعی حدود بیان کرتے ہوئے بزنس مین حضرات کو یہ ذہن دیا کہ اپنے کاروبار میں شریعت کے اصولوں کو ملحوظِ خاطر رکھا جائے اور ہر کام شریعت کے دائرۂ کار میں رہتے ہوئے سر انجام دیا جائے۔

سیمینار میں کئی بزنس مین حضرات اور شخصیات نے شرکت کی۔ 

دعوتِ اسلامی کی   26 رکنی مرکزی مجلسِ شوریٰ میں ایک اور رکن کا اضافہ ہوگیا۔ تفصیلات کے مطابق حیدر آباد کے قاری محمد ایاز عطاری دعوتِ اسلامی کے نئے رکنِ شوریٰ اور حیدرآباد ریجن کے نگران مقرر ہوئے ہیں۔ ان کی شوریٰ میں شمولیت کا اعلان دعوتِ اسلامی کی مرکزی مجلسِ شوریٰ کے نگران مولاناحاجی محمد عمران عطاری مُدَّظِلُّہُ الْعَالِی نے شوریٰ کے مشورے میں کیا۔ قاری محمد ایاز عطاری کی شمولیت کے بعد اراکینِ شوریٰ کی تعداد 27 تک پہنچ گئی ہے۔

واضح رہے کہ مجلسِ شوریٰ ^{(دعوتِ اسلامی)} کا تین روزہ مدنی مشورہ 15 مارچ 2021 سے عالمی مدنی مرکز فیضانِ مدینہ کراچی میں شروع ہوچکا ہے جس میں دعوتِ اسلامی کے دینی و فلاحی کاموں کی موجودہ صورتِ حال کا جائزہ لیا جائے گا اور مختلف امور زیرِ غور ہوں گے۔

دارالافتاء اہل سنت دعوت اسلامی کے زیر اہتمام آج بعد نمازعشاء رات 9:30 بجے الصفہ مدرسۃ المدینہ مہاجر کیمپ نمبر5 بلال مسجد،کراچی میں ”زکٰوۃ سیمینار“منعقد ہونے جارہا ہے۔

سیمینار میں دارالافتاء اہل سنت کے مفتی کفیل عطاری زکٰوۃ کے شرعی و فقہی مسائل پر خصوصی گفتگو فرمائیں گے۔

زکوۃ سیمنار میں جن مسائل پر گفتگو ہونگی ان کی تفصیلات درج ذیل ہیں:

٭زکوۃ کی شرائط کیا ہیں اور ان کی تفصیل! ٭وہ کون کون سے مال ہیں جن پر زکٰوۃ نکالی جائے گی؟ ٭مستحق زکٰوۃ کون کون ہیں؟ ٭زکٰوۃ کی ادائیگی کے اہم مسائل ٭نصاب اور حاجت اصلیہ کسے کہتے ہیں؟ ٭زکوۃ کن 6چیزوں پر فرض ہے؟ ٭کون کون سے رشتہ دار ہیں جن کو زکوٰۃ دیناجائز ہے؟

دارالافتاء اہل سنت دعوت اسلامی کے زیر اہتمام 19 مارچ 2021ء بروز جمعہ بعد نمازعشاء رات 9:30 بجے Pearl Banquetآدم جی نگر، دھوراجی کالونی کراچی میں ”زکٰوۃ سیمینار“منعقد ہونے جارہا ہے۔

سیمینار میں مفتی محمد شفیق عطاری مدنی صاحب زکٰوۃ کے شرعی و فقہی مسائل پر خصوصی گفتگو فرمائیں گے۔

زکوۃ سیمینار میں جن مسائل پر گفتگو ہونگی ان کی تفصیلات درج ذیل ہیں:

٭زکوۃ کی شرائط کیا ہیں اور ان کی تفصیل! ٭وہ کون کون سے مال ہیں جن پر زکٰوۃ نکالی جائے گی؟ ٭مستحق زکٰوۃ کون کون ہیں؟ ٭زکٰوۃ کی ادائیگی کے اہم مسائل ٭نصاب اور حاجت اصلیہ کسے کہتے ہیں؟ ٭زکوۃ کن 6چیزوں پر فرض ہے؟ ٭کون کون سے رشتہ دار ہیں جن کو زکوٰۃ دیناجائز ہے؟

دعوتِ اسلامی کے زیر اہتمام 12 مارچ2021ء بروز جمعہ مدنی مرکز فیضانِ مدینہ کولو روڈ میں لاہور ریجن، حافظ آباد زون کا مدنی مشورہ ہوا جس میں نگران کابینہ، ڈویژن نگران، اراکین زون، مدنی بستہ ذمہ دران، عطیات بکس ذمہ داران، ائمہ ٔمساجد، مدرسۃ المدینہ بالغان کے ذمہ داران نے شرکت کی۔

نگران زون حافظ آباد محمدوسیم عطاری نے ”اخلاص کیسے حاصل ہو؟“ کے موضوع پر بیان کرتے ہوئے شعبے میں کاموں کے ساتھ ساتھ دینی کاموں میں بھی بہتری لانے کی ترغیب دلائی۔ مزید مدنی مرکز فیضان مدینہ کولو روڈ حافظ آباد میں شروع ہونے والے 63 دن کے تربیتی کورس اور حافظ آباد زون میں ایک مقام پراور آخری عشرے میں علاقہ سطح پر 2 مقامات پر ہونے والے رمضان اعتکاف کے حوالےسے کوششیں کرنے کا ذہن دیا اور اہداف بھی دئیے۔

شعبہ کورسز دعوتِ اسلامی کے زیر اہتمام  ڈیفنس کابینہ اور شعبۂ تعلیم کے تحت فیضانِ اسلام مسجد ڈیفنس فیز 7 میں 3 دن کا طہارت کورس 8، 9 اور 10 مارچ کو ہوا جس میں طلباء ، ڈاکٹرز اور پولیس افسران سمیت کثیر اسلامی بھائیوں نے شرکت کی ۔

پچھلے دنوں حاجی عبد اللطیف 100 سال کی عمر میں رضائے الٰہی سے فیصل آباد میں انتقال کرگئے۔

دعوت اسلامی کے نگران پاکستان مشاورت حاجی محمد شاہد عطاری نے مرحوم کے صاحبزادگان ڈاکٹر عبد الرحمن (سینئر فزیو تھراپست)، ڈاکٹر سعید، ڈاکٹر انجم، محمد عاصم ، محمد شاہد ، مرحوم پوتے انجینئر حافظ محمد حسین، ڈاکٹر محمد حسن، ڈاکٹر محمد زید سے ان کی رہائش گاہ پہنچ کر ملاقات کی اور تعزیت فرمائی۔حاجی شاہد عطاری نے لواحقین کو صبر کی تلقین کی اور دعائے مغفرت فرمائی۔

بعد ازاں نگران پاکستان حاجی محمد شاہد عطاری نے لواحقین کے ہمراہ مرحوم حاجی عبد اللطیف کےقبر پر گئے جہاں فاتحہ خوانی، ایصالِ ثواب اور دعا مغفرت کی گئی۔

دعوت اسلامی کے زیر اہتمام 11 مارچ 2021ء کو گجرات پنجاب میں ہفتہ وار سنتوں بھرے اجتماع کا انعقاد کیا گیا جس میں کثیر تعداد میں عاشقان رسول نے شرکت کی۔

نگران برمنگھم ریجن یوکے حاجی سید فضیل رضا عطاری نے سنتوں بھرا بیان کیا اور شرکا کو دعوت اسلامی کے دینی ماحول سے وابستہ رہنے، دینی کاموں میں شرکت کرنے اور مدنی قافلوں میں سفر کرنے کی ترغیب دلائی۔

عاشقانِ رسول کی عالمی دینی تحریک دعوت اسلامی کے شعبہ فیضان گلوبل ریلیف فاؤنڈیشن کے تحت پاکستان بھر میں ”گرین پاکستان“ مہم کا آغاز کردیا گیا۔

اسی سلسلے میں پنجاب کے شہر سرگودھا میں شجر کاری مہم کا سلسلہ ہوا جس میں 1000 پودے لگائے گئے۔اس مہم مین رکن شوریٰ حاجی محمد رفیع عطاری، سید محمود بخش گیلانی (چیئرمینD.H.A سرگودھا )، میاں فرخ عباس مخدوم (ڈپٹی ڈائیریکٹرP.HAسرگودھا)اور دعوت اسلامی کے ذمہ داران شریک تھے۔

واضح رہے کہ دعوت اسلامی اس مہم کے ذریعے پورے پاکستان کو سرسبز و شاداب کے لئے پُر عزم ہے ۔

27 رجب المرجب 1442ھ بمطابق 11 مارچ 2021ء کی شب عالمی مدنی مرکز فیضان مدینہ کراچی سے براہ راست مدنی چینل پر اجتماع شب معراج کا انعقاد کیا گیا جس میں کثیر عاشقان رسول نے عالمی مدنی مرکز آکر جبکہ پاکستان بھر میں مختلف مقامات پر ہزاروں عاشقان رسول نے اجتماعی طور پر شرکت کی۔

اجتماع کا آغاز تلاوت قرآن مجید سے ہواجبکہ نعت خواں اسلامی بھائیوں نے بارگاہِ رسالت میں ہدیہ ٔنعت اور قصیدہ معراج پیش کئے، اجتماع پاک میں جلوس شب معراج کا بھی اہتمام ہوا۔ اجتماع میں مرکزی مجلس شوریٰ کے نگران مولانا محمد عمران عطاری نے ”شاہ دولہا بنا آج کی رات ہے“ کے موضوع پر سنتوں بھرا بیان کیا اور آقا صلَّی اللہ تعالٰی علیہ واٰلہٖ وسلَّم کے سفر معراج کو بیان کرتے ہوئے اس سفر میں ہونے والے واقعات اور ملنے والے تحائف کے بارے میں مدنی پھول پیش کئے۔

جبکہ امیرا ہل سنت دَامَتْ بَرَکَاتُہُمُ الْعَالِیَہ نے اجتماع میں شریک عاشقان رسول کو نماز وں کی پا بندی کرنے کی ترغیب دلائی اور اسلامی بھائیوں کی جانب سے کئے گئے سوالات کے جوابات دیئے۔دوران اجتماع امیر اہل سنت دَامَتْ بَرَکَاتُہُمُ الْعَالِیَہ نے تمام عاشقان رسول کو 21، 22 اور 23 مارچ 2021ء کو تین دن کے مدنی قافلے میں سفر کرنے کا ذہن دیا۔

اجتماع کے اختتام پر ذِکر و درود، صلوۃ و سلام اور لنگر کا بھی اہتمام ہوا۔

9 مارچ 2021ء کو عالمی مدنی مرکز فیضان مدینہ کراچی میں شعبہ جامعۃ المدینہ کے زیر اہتمام سنتوں بھرے اجتماع  کا انعقاد کیا گیا جس میں جامعۃ المدینہ کے طلبہ و اساتذہ ٔ کرام نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے ”ٹائم مینجمنٹ “ کے موضوع پر سنتوں بھرا بیان کیا اور طلبہ کو جامعۃ المدینہ کے امتحانات کے بعد ہونے والی چھٹیوں کے اوقات کو دعوت اسلامی کی دینی کاموں میں صرف کرنے کے حوالے سے مدنی پھول دیتے ہوئے فرمایا کہ علماء اور عقلاء سب اس بات پر متفق ہیں کہ انسان کی سب سے اہم پونجی جس کو بچا بچا کر استعمال کرنا چاہیئے ”وقت“ ہے۔ لمحات زندگی فراہم کرنے والا وقت درحقیقت بڑی غنیمت ہے اس لئے اس کو بچا بچا کر رکھنا چاہیئےکیونکہ انسان کے ذمے کام بہت ہیں جبکہ وقت اُچک کر بہت جلد غائب ہونے والی چیز ہے۔

نگران شوریٰ نے وقت کی اہمیت بتاتے ہوئے فرمایا کہ اگر ہم کامیاب لوگوں کی زندگی کے متعلق سیرت کا مطالعہ کرے تو پتہ پتا چلتا ہے کہ ان لوگوں نے اپنے وقت کو ضائع ہونے سے بچایا ہے۔آپ نے مزید فرمایا کہ دنیا کا کامیاب ترین آدمی بھی 24 گھنٹے میں کامیاب ہوا ہے اور دنیا میں ناکام ہونے والا شخص بھی 24 گھنٹے میں ہی ناکام ہوا ہے، ہمیں اس حقیقت کو تسلیم کرنا پڑے گا کہ جس نے بھی کامیابی حاصل کی ہے اس نے 24 گھنٹے میں ہی کی ہے، بات صرف سوچ، احساس اور خود اعتمادی کی ہے ہمیں کامیاب ہونے کے لئے ان چیزوں کو اپنے اندر پیدا کرنا ہوگا۔اجتماع پاک میں نگران شوریٰ نے طلبہ کوٹائم منیجمنٹ کا طریقہ بتایا اور مزید یہ کہ 24 گھنٹے کے شیڈول بھی بناکر دیئے۔

9 مارچ2021ء بروز منگل حافظ آباد مدنی مرکز فیضان مدینہ کولو روڈ میں مدنی مشورہ ہوا  جس میں ڈویژن اور کابینہ ذمہ داران نے شرکت کی۔ حافظ آباد زون نگران زون محمد وسیم عطاری نے شعبان المعظم میں سحری اجتماع کرنے اور 1یکم شعبان کو 63روزہ تربیتی کورس کے حوالے سے گفتگو کرتے ہوئے 12 دینی کام کرنے کی ترغیب دلائی۔(رپورٹ:احمد رضا عطاری زون اصلاح اعمال)