آج 24 جون بروز جمعرات  کو بعد عشاء تقریباً 9:45 پر مدنی چینل پر براہِ راست ہفتہ وار اجتماعِ پاک کا سلسلہ ہوگا ۔ اجتماعِ پاک میں دعوتِ اسلامی کی مرکزی مجلسِ شوریٰ کے رکن حاجی محمد اطہر عطاری ڈپریشن کے اسباب اور اس کے علاج کے موضوع پر سنتوں بھرا بیان فرمائیں گے۔ یہ اجتماعِ پاک فیضِ مدینہ مسجد نارتھ کراچی سے براہِ راست نشرکیا جائے گا۔

اہلِ محلہ عاشقانِ رسول سے شرکت درخواست کی جاتی ہے۔ 

دعوتِ اسلامی کے عالمی مدنی مرکز فیضانِ مدینہ کراچی میں آج  24 جون 2021ء بروز جمعرات ہفتہ وار اجتماعِ پاک کے بعد  رات تقریباً 10 بجے فیضان آن لائن اکیڈمی کی برانچ کا افتتاح کیا جارہا ہے۔ افتتاحی تقریب میں ترجمان دعوتِ اسلامی و رکن شوریٰ مولانا حاجی عبدالحبیب عطاری خصوصی شرکت فرمائیں گے۔

واضح رہے کہ فیضان آن لائن اکیڈمی دعوتِ اسلامی کا ایک ایسا آن لائن تعلیمی ادارہ ہے جہاں سے دنیا بھر میں علم دین کے شائقین کو قرآنِ پاک کی تعلیم اور درسِ نظامی سمیت مختلف دینی اور معلوماتی کورس کروائے جاتے ہیں۔ اگر آپ بھی آن لائن قرآن پاک پڑھنا چاہتے ہیں یا کوئی اور کورس کرنا چاہتے ہیں تو نیچے دیئے لنک پر کلک کیجئے:

گزشتہ روز  ڈسٹرک ہیڈ کوارٹر DHQ جھنگ شہر میں ڈاکٹرز کا اجتماع منعقد کیا گیا جس میں د عوتِ اسلامی کی مجلس پروفیشنلز کے نگران محمد ثوبان عطاری نے خصوصی بیان فرمایا ۔اجتماع میں کثیر تعداد میں ڈاکٹرز اور دیگر عملے کے افراد نے شرکت کی۔ 

گزشتہ روز گورنمنٹ اسلامیہ کالج چنیوٹ میں تربیتی سیشن کا انعقاد کیا گیا جس میں د عوتِ اسلامی کی مجلس پروفیشنلز کے نگران   محمد ثوبا ن عطاری نے خصوصی بیان فرمایا ۔ سیشن میں کثیر تعداد میں اساتذہ اور کالج کے اسٹوڈنٹس نے شرکت کی۔

دعوتِ اسلامی کے زیرِ اہتمام آج رات DHQ اسپتال جھنگ کے DHDC ہال میں عظیم الشان سنتوں بھرا اجتماع ہوگا جس میں دعوتِ اسلامی کے شعبہ پروفیشنلز کے ذمہ دار محمد ثوبان عطاری خصوصی بیان فرمائیں گے۔

اجتماع کا آغاز عشاء کے بعد ہوگا۔

متعلقہ عاشقانِ رسول سے شرکت کی درخواست کی جاتی ہے۔ 

19 جون 2021ء بروز ہفتہ بھیرہ شریف کے اطراف میں واقع ایک  گاؤں چک مبارک انور بیگ کالونی میں جامع مسجد فیضانِ عثمان ِ غنی اور مدرسۃ المدینہ کا افتتاح کردیا گیا۔ اس موقع پر افتتاحی تقریب کا اہتمام کیا گیا جس میں نگرانِ کابینہ قاری محمد نوید عطاری نے سنتوں بھرا بیان فرمایا اور شرکا کو مسجد آباد کرنے اور نمازوں کی پابندی کرنے کا ذہن دیا۔ تقریب میں علمائے کرام، قریبی مساجد کے امام صاحبان اور شخصیات سمیت مقامی عاشقانِ رسول نے شرکت کی۔

چک مبارک کی ڈویژن کے ذمہ دار اسلامی بھائی نے دعوتِ اسلامی کے شب وروز کو بتایا کہ اَلْحَمْدُ لِلّٰہِ عَزَّ وَجَلَّ جامع مسجد فیضانِ عثمان ِ غنی میں باقاعدہ نمازوں اور مدرسۃ المدینہ میں بچوں کو قراٰنِ پاک کی تعلیم دینے کاآغاز ہوچکا ہے تاہم مزید تعمیراتی اور ترقیاتی کاموں کا سلسلہ اب بھی جاری ہے، جو عاشقانِ رسول تعمیراتی کاموں میں حصہ ملانا چاہیں وہ ان نمبرز پر رابطہ کرسکتے ہیں۔

0300-6065137

0343-0909765

کراچی ( اسٹاف رپورٹر )دعوتِ اسلامی کی مجلس رابطہ   کے ذمہ دار محمد یوسف سلیم عطاری  اور FGRF کے اسلامی بھائیوں نے پرصدرِ پاکستان ڈاکٹر عارف علوی سے گورنر سندھ ہاؤس میں ملاقات کی۔ وفد نے دعوتِ اسلامی کے فلاحی ڈیپارٹمنٹ FGRF کے تحت ہونے والے رفاعی کاموں سے صدرِ پاکستان کو آگاہ کیا ۔

اس موقع پر محمد یوسف سلیم عطاری نے کہا کہ گرین پاکستان کے تحت لاکھوں پودے لگائے جا چکے ہیں جن کی حفاظت کا مکمل بندوبست بھی کیا گیا ہے ۔اسپیشل پرسنز کے لئے ریہیبلیٹیشن سینٹرز قائم کئے گئے ہیں جن میں خصوصی آلات کی مدد سے تربیت یافتہ اسٹاف کے تحت ان کا علاج کیا جا رہا ہے جبکہ اب تک 44ہزار سے زائد بلڈ بیگ دعوت اسلامی ڈونیٹ کر چکی ہے ۔

صدر پاکستان نے دعوت اسلامی کے ویلفیئر کے کاموں پر زبردست خراج تحسین پیش کیا۔ ‏وفد نے گرین پاکستان ویژن سے متعلق اپنی سرگرمیوں میں حکومت سے تعاون کی درخواست کی۔صدر پاکستان نے کہا کہ مساجد معاشرتی خدمات کو عوام تک پہنچانے کے لئے بہترین ذریعہ ہیں۔‏صدرمملکت نے وفد کےممبران پر زور دیاکہ وہ اپنےمعاشرتی کام کےساتھ ساتھ عوام کو بیماریوں سے بچاؤ کے بارے میں بھی آگاہی فراہم کریں اورحکومتی پروگراموں جیسےکامیاب جوان، اخوت اور اسکل ڈویلپمنٹ وغیرہ سےفائدہ اٹھائیں تاکہ وہ فلاحی کاموں میں مزیدمہارت حاصل کریں اوراپنے کاز کو آگے بڑھاسکیں۔‏صدر مملکت نے دعوت اسلامی کے ذریعے ملک بھر میں جاری تعلیمی، معاشرتی اور شجرکاری کی سرگرمیوں کو بھی خوب سراہا۔

دعوتِ اسلامی کا شعبہ فیضان گلوبل ریلیف فاؤنڈیشن دن بدن ترقی کرتے ہوئے اپنی فلاحی  خدمات کو دنیا بھر میں عام کررہا ہےاور اس شعبے کے ذریعے پریشان حال لوگوں کی حتیٰ الامکان مدد کرنے کی کوشش کی جارہی ہے۔ اس شعبے کے فلاحی کاموں کو نہ صرف پاکستان بلکہ بین الاقوامی سطح پر بھی سراہا جارہا ہے۔

اسی سلسلے میں افریقہ کے ملک ملاوی کی گورنمنٹ کی جانب سے دعوتِ اسلامی کے فلاحی شعبے FGRF کو شاندار خدمات پیش کرنے پر تعریفی لیٹر جاری کیا گیا جس میں شعبے کی خدمات کو سراہا گیا۔ 

کسی بھی ادارے کا  اپنےاسٹاف کی تربیت کا اہتمام کرنا ،میٹنگز ارینج کرنا اس ادارےکی ترقی میں نمایاں کردار ادا کرتا ہے ۔شعبہ دارالمدینہ کی جانب سے وقتاًفوقتاً اسٹاف کی تربیت اور دارالمدینہ کےتعلیمی و انتظامی نظام کو مزیدبہترکرنے کے لئے مختلف اقدامات کرنے کا سلسلہ جاری رہتا ہے۔ اسی سلسلے میں 16جون 2021 کو دارالمدینہ ہیڈآفس کراچی میں مدنی مشورہ ہواجس میں دارالمدینہ کے اسٹاف نے شرکت کی۔ دارالافتاء اہلسنت کے مفتی کفیل عطاری مدنی اور رکن شوریٰ حاجی محمد اطہر عطاری نے اسٹاف کی تربیت فرمائی۔

مدنی مشورے میں کیمپس لیول پر والدین و سرپرستوں کو مزید آسانیاں فراہم کرنے کے حوالے سے امور زیرِ غور آئےجبکہ 21 تا 24 جون ہونے والی Education Conferenceکی تیاریوں کا جائزہ بھی لیا گیا۔ (رپورٹ: محمد نبیل شیخ، میڈیا کوآرڈینیٹردارالمدینہ)

دعوتِ اسلامی کے تحت سندھ کے شہر تھر کا علاقہ اچھڑو کے گوٹھ گنجھوڑ میں مدرسۃ المدینہ کا سنگِ بنیاد رکھا گیا۔

اس موقع پر نگران تھر زون میر حسن عطاری سمیت دیگر ذمہ داران اور علاقہ مکین بھی شریک تھے۔ اینٹیں لگاکر مدرسۃ المدینہ کا سنگِ بنیاد رکھا گیا۔مدرسۃ المدینہ کے قیام کے بعد بچوں کو حفظ و ناظرہ تعلیم دینے کا سلسلہ شروع ہوجائیگا۔ یہ ادارہ نہ صرف ایک گاؤں بلکہ سینکڑوں گاؤں کے لئے اصلاح کا ذریعہ بنے گا۔

بعد ازاں نگران تھر زون میر حسن عطاری نے گوٹھ میں اسلامی بھائیوں سے ملاقات اور نیکی کی دعوت پیش کی۔ نگران زون تمام اسلامی بھائیوں کو قرآن پاک کی تعلیم حاصل کرنے، دین کی خدمت کرنے، پانچوں وقت کی نمازباجماعت اداکرنے کی ترغیب دلائی۔

گزشتہ دنوں وزیر تعلیم کشمیر بیر سٹر سید افتخار گیلانی کے والد محترم مظفر آباد کشمیر میں رضائے الٰہی سے انتقال کرگئے۔اِنَّا لِلہِ وَاِنَّا اِلَیْہِ رٰجِعُوْن

مرحوم کے قل شریف کے موقع پر شعبہ تعلیم دعوت اسلامی کے نگرانِ پاکستان عبد الوہاب عطاری اور دیگر ذمہ داران سید افتخارگیلانی کی رہائش پہنچے جہاں انہوں نے لواحقین سے تعزیت کی اور مرحوم کے لئے فاتحہ خوانی اور ایصالِ ثواب کا سلسلہ کیا۔

دعوتِ اسلامی کی مرکزی مجلس شوریٰ کے نگران حاجی مولانا محمدعمران عطاری مَدَّظِلُّہُ الْعَالِی ان دنوں دینی کاموں کے سلسلے میں پنجاب کے دورے پر ہیں جہاں ذمہ داران سے مدنی مشورے کرنا، مختلف پروجیکٹس کا وزٹ کرنا اور دیگر دینی کام ان کے شیڈول میں شامل ہیں۔

دوران دورہ 15 جون 2021ء کو نگران شوریٰ حاجی مولانا عمران عطاری نے نگران پاکستان مشاورت حاجی محمد شاہد عطاری، اراکین شوریٰ حاجی وقار المدینہ عطاری، حاجی محمد اسد عطاری مدنی اور حاجی محمدعلی عطاری کے ہمراہ اسلام آباد کے ایک مقام پر پہنچے جہاں انہوں نے نئے پروجیکٹس کی تعمیرات کاجائزہ لیا اور کنسٹرکشن کے حوالے سے متعلقہ ذمہ داران سے با ت چیت کی۔