گزشتہ روز بہادرآباد کراچی پر واقع سیلانی ویلفیئر انٹرنیشنل ٹرسٹ کے ہیڈ کوارٹر میں ٹریننگ سیشن  ہوا جس میں نگران مجلس پروفیشنلز محمد ثوبان عطاری نے خصوصی بیان فرمایا۔ ٹریننگ سیشن میں کثیر تعداد میں اساتذہ اور طلبہ کرام نے شرکت کی۔

اس موقع پر سیلانی ماس آئی ٹی ٹریننگ کلاس میں کامیاب ہونے والے طلباء میں اسناد بھی تقسیم کی گئیں۔

28 جون 2021ء بروز پیر مغرب کی نماز کے بعد عالمی مدنی مرکز فیضانِ مدینہ کراچی میں  مرحوم رکن شوری حاجی زم زم عطاری رحمۃ اللہ علیہ کے بیٹے مولانا جنید عطاری مدنی کے نکاح کی تقریب منعقد ہوئی۔ تقریبِ نکاح میں جانشین امیر اہل سنت، نگرانِ شوری،نگران پاکستان مشاورت ،ترجمان دعوتِ اسلامی اور دعوتِ اسلامی کی مرکزی مجلسِ شوریٰ کے دیگر اراکین سمیت اہل خانہ نے شرکت کی۔

جانشین امیر اہل سنت الحاج مولانا عبید رضا عطاری المدنی مَدَّظِلُّہُ الْعَالِی نے مولاناجنید عطاری مدنی کا نکاح پڑھایا اور ابوالبنتین حافظ حسان عطاری مدنی نے دعائیہ سہرہ پڑھا۔ اختتام پر نگران شوریٰ حاجی عمران عطاری مَدَّظِلُّہُ الْعَالِی نے دعا کروائی۔

دعوت اسلامی کے زیر اہتمام 05  جولائی 2021ء بروزپیر بعد نماز عشاء کراچی، منظور کالونی میں واقع جامع مسجد فیضان اعلیٰ حضرت نزد عوامی چوک پر سنتوں بھرا اجتماع منعقد کیا جارہاہے جس میں مرکزی مجلس شوریٰ کے رکن حاجی مولانا عبد الحبیب عطاری سنتوں بھرا بیان فرمائیں گے۔

دعوت اسلامی کا ہفتہ وار سنتوں بھرا اجتماع، جس کے ذریعے عاشقان رسول میں علمِ دین کی آگاہی کے ساتھ ساتھ عمل کا جذبہ بھی بڑھتا ہے۔

اِنْ شَآءَ اللہ عَزَّ وَجَلَّ 01 جولائی 2021ء بروز جمعرات دعوت اسلامی کے ہفتہ وار سنتوں بھرے اجتماع میں مرکزی مجلس شوریٰ کے رکن حاجی مولانا عبد الحبیب عطاری روز پیلس ہال، حیدر آبادروڈ، ٹنڈو محمد خان میں سنتوں بھرا بیان فرمائیں گے۔

دعوت اسلامی کے زیر اہتمام 02 جولائی  2021ء بروز جمعہ تکونی اکبری مسجد، ہیر اآباد، حیدر آباد میں دوپہر 12:50 بجے سنتوں بھرے اجتماع کا انعقاد کیا جائیگا ۔اس اجتماع پاک میں مرکزی مجلس شوریٰ کے رکن حاجی مولانا عبد الحبیب عطاری خصوصی بیان فرمائیں گے۔

دعوت اسلامی کے زیر اہتمام 02 جولائی  2021ء بروز جمعہ بعد نماز عشاء مصطفیٰ گراؤنڈ، میمن سوسائٹی نزد مریم مسجد، حیدر آباد میں سنتوں بھرے اجتماع منعقد ہوگا جس میں مرکزی مجلس شوریٰ کے رکن حاجی مولانا عبد الحبیب عطاری خصوصی بیان فرمائیں گے۔

دعوتِ اسلامی کے زیرِ اہتمام یکم جولائی بروز جمعرات رات 9بجکر 45 منٹ پر  رضائے مصطفیٰ مسجد مین روڈ کورنگی4 کراچی میں ہفتہ وار سنتوں بھرے اجتماع کا اہتمام کیا جائے گا جس میں مبلغِ دعوتِ اسلامی محمد اشفاق عطاری مدنی اسمائے مدینہ کے موضوع پر سنتوں بھرا بیان فرمائیں گے۔

یہ اجتماعِ پاک مدنی چینل پر براہِ راست نشر کیا جائے گا۔

تمام عاشقانِ رسول سے اپنے شہر میں ہونے والے اجتماعِ پاک میں شرکت کی التجا ہے۔ 

محبوب عطار مرحوم رکنِ شوریٰ حاجی محمد زم زم عطاری رحمۃ اللہ علیہ کے صاحبزادے محمد جنید رضا عطاری مدنی کا نکاح جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی 28 جون 2021ء بروز پیر نماز مغرب کے فوراً بعد عالمی مدنی مرکز فیضان مدینہ باب المدینہ کراچی میں پڑھائیں گے۔

عاشقانِ رسول کی مدنی تحریک دعوت اسلامی کے شعبہ لینگویجز ڈیپارٹمنٹ کے تحت چائنیز لینگویج کورس (فل ٹائم) کا باقاعدہ آغاز کیا جارہا ہے۔ کورس میں داخلہ لینے کی آخری تاریخ  15 جولائی2021 ہے جبکہ کلاس کا آغازیکم اگست سے ہوگا۔ (یہ کلاسزز فزیکل ہوں گی)

تفصیلات:

کلاس کی ٹائمنگ:صبح8:00بجے سے دوپہر3:00

لیولز: لیول (1) تین ماہ کا ،لیول (2) تین ماہ کا ، لیول (3) تین ماہ کا

اس کورس میں داخلہ لینے کے لئے شرائط:

وہ اسلامی بھائی جنہوں نے درس نظامی مکمل کیا ہوا ہو یاانٹرمیڈیٹ کیا ہوا ہو وہ احباب رابطہ فرمائیں۔

کورس کی خصوصیات:چائنیز مبلغ،قرآن ٹیچر ،آئی ٹی مدنی چینل (چائنیز)،چائنیز سوشل میڈیا،چائنیز دیگر شعبہ جات

خصوصی رعایت:ہونہار طلبہ کے لئے خصوصی رعایت اور اسکالر شپ موجود ہے۔

مقام:فیضان مدینہ جوہر ٹاؤن لاہور

داخلہ لینے کے لئے اس لنک پر کلک کریں اور فارم فِل کر کے سبمنٹ کریں

https://forms.gle/dto1zq5139wrTX98A

28 جون  بروز پیر دعوتِ اسلامی کی مجلس پروفیشنلز کے زیرِ اہتمام کراچی یونیورسٹی میں پروفیشنلز اجتماع کا اہتمام کیا جارہا ہے۔ اجتماعِ پاک میں مبلغِ دعوتِ اسلامی محمد ثوبان عطاری سیرت النبی کے عنوان سے خصوصی بیان فرمائیں گے۔

اجتماع کاانعقاد دوپہر دو بجے LEJ National Science Information Center, International Center for Chemical and Biological Sciences University of Karachi میں ہوگا ۔

یونیورسٹی کے پروفیسرز ، لیکچرارز اور طلبہ کو شرکت کی دعوت دی جاتی ہے۔ 

دعوتِ اسلامی کی جانب سے پہلی مرتبہ فقہ المعاملات میں ایک سالہ تخصص کورس کا سلسلہ شروع کیا جارہا ہے ۔ اس کورس میں دعوتِ اسلامی کے مفتیانِ کرام کے علاوہ بینکنگ اور فنائنس کے ماہرین بھی سسٹم کے متعلق لیکچردیں گے۔ یہ ایک فُل ٹائم تخصص کورس ہوگا۔ کلاسیں صبح کے اوقات میں ہوں گی جبکہ کچھ کلاسیں شام میں بھی ہوں گی۔ اس کے علاوہ مطالعہ کابھی ایک نصاب ہوگا اور کورس کے لئے منتخب ہونے والے طلبہ کو معقول وظیفہ بھی دیا جائے گا۔پہلے سال کی تکمیل کے بعد منتخب طلبہ کو دوسرے سال تدریب کروائی جائے گی۔ یہ کورس دعوتِ اسلامی کے عالمی مدنی مرکز فیضانِ مدینہ کراچی میں ہوگا۔

کورس میں کون شریک ہوسکتا ہے؟

٭درسِ نظامی سے فراغت کی سند اس کے پاس موجود ہو

٭کم از کم گریجویشن پاس ہو

٭انگریزی پڑھنا اور لکھنا آتی ہو

٭انٹرپاس اگرفقہی قابلیت اور انگریزی زبان میں نمایاں صلاحیت کا حامل ہو تو اس کو چانس دیا جاسکتا ہے

کورس کے اہداف

٭مروجہ تخصص فی الفقہ کی تعلیم و مطالعہ کے ساتھ ساتھ فقہ المعاملات کی بھی خصوصی تعلیم

٭مختلف معاشی اداروں کا مطالعہ وزٹ

٭جدید معاشی اور فنائنس کے نظام کے تعارف پر ماہرین کے لیکچرز

٭پہلے سال کی تعلیم میں کامیاب منتخب طلبہ کا افتاء کی تدریب کے لئے انتخاب

٭افتاء کی تدریب میں کامیاب ہونے والوں کو مختلف اداروں میں شرعی رہنمائی کرنے کے لئے تقرری کا موقع

طلباء کا تحریری اور تقریری ٹیسٹ لے کر ان کو داخلہ دیا جائے گا

داخلہ فارم کا لنک

https://forms.gle/VGmmmwPRXxUfHkW58

دعوت اسلامی کے ریجن ذمہ دار حسن عطاری کا قصور کابینہ کا شیڈول رہا جہاں انہوں نے قصور کابینہ کی مارکیٹوں میں لگنے والے مدرسۃ المدینہ بالغان کے مقامات کا وزٹ کیا۔ریجن ذمہ دار حسن عطاری نے قصور کابینہ کے تمام اسلامی بھائیوں کا مدنی مشورہ لیا جس میں انہیں شیڈول کو مضبوط کرنے اور گھریلو صدقہ بکس کے حوالے سے شرکا کی تربیت کی۔ بعد عصر 2 گھنٹے رات کے مدارس کی نظامت کرنے والے اسلامی بھائیوں کا مدنی مشورہ ہوا جس میں شرکا کو رات کے مدارس کو مضبوط کرنے اور نیو مدارس شروع کرنے کا ذہن دیا۔ بعد مغرب مدرسۃ المدینہ بالغان میں شرکت کی جس میں اسلامی بھائیوں کی تربیت کا سلسلہ ہوا۔ (رپورٹ: علی رضا عطاری، قصور کابینہ)