پچھلے دنوں جانشینِ امیر اہلِ سنت حضرت مولانا عبید رضا عطاری مدنی مَدَّظِلُّہُ الْعَالِی کی مدنی مرکز فیضانِ مدینہ جوہر ٹاؤن لاہور آمدہوئی۔ اس موقع پر تخصص فی الفقہ کے طلبہ کرام میں مدنی پھول ارشاد فرمائے اور ان طلبہ کی دستار بندی بھی فرمائی۔

دستار بندی کے موقع پر استاذالحدیث مفتی محمد ہاشم خان عطاری مدنی اور رکنِ شوریٰ حاجی یعفور رضا عطاری اور دیگر اساتذہ کرام بھی موجود تھے۔ اختتام پر جانشین عطار نے دعا بھی کروائی۔ 

دارالافتا ٰاہلِ سنت  کے آفیشل فیس بک پیج پر آج شام 6 بجے سوال جواب کا آن لائن سیشن رکھا گیا ہے جس میں مفتی نوید رضا عطاری مدنی صاحب سوالات کے جوابات ارشاد فرمائیں گے۔

اگر آپ اپنے سوالات کے جوابات چاہتے ہیں تو آن لائن سیشن کے دوران کمنٹس میں اپنا سوال بھیج دیجئے ، ممکنہ صورت میں آپ کا سوال بھی سیشن میں شامل کرلیا جائے گا۔

Darulilfta ahl e sunnat Facebook Page Link

Click Here

(ویب ڈیسک، شب و روز دعوتِ اسلامی)  تفصیلات کے مطابق دعوتِ اسلامی کے عالمی مدنی مرکز فیضانِ مدینہ کراچی میں 28 سے 30 جون 2021ء تک ”مرکزی مجلسِ شوریٰ ،دعوتِ اسلامی“ کا تین روزہ مدنی مشورہ ہوا۔ مدنی مشورے میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ اور جانشینِ عطار الحاج عبید رضا عطاری مدنی مَدَّظِلُّہُ الْعَالِی  نے بھی اراکینِ شوریٰ کو مدنی پھول عطا فرمائے۔

مرکزی مجلس شوریٰ کے مدنی مشورےمیں ہونے والی گفتگو کے متعلق نگرانِ شوریٰ مولانا حاجی عمران عطاری مَدَّظِلُّہُ الْعَالِی نے ایک ویڈیو پیغام جاری کیا ہے جس میں انہوں نے مشورے کے تینوں دن ڈسکس ہونے والے امور کے بارے میں عاشقانِ رسول کو آگاہی فراہم کی ہے۔

انہوں نے اپنے ویڈیو پیغام میں کہا کہ شوریٰ کے مدنی مشورے میں یہ بات کی گئی کہ جہاں جہاں کرونا Covid-19کے تعلق سے صورتِ حال بہتر ہو تی جار ہی ہے وہاں S.O.P’s کو سامنے رکھ کر دعوتِ اسلامی کے 12دینی کاموں کو بہتر سے بہتر انداز میں کرنے کی کوشش کی جائے گی ۔

٭نیو سوسائٹیز کو بھی ڈسکس کیا گیا کہ شہر کے اطراف میں آبادی بڑھتی جارہی ہے اور نئی سوسائٹیاں تیزی کے ساتھ بنتی جارہی ہیں، ان نئے علاقوں میں مساجد، جامعات المدینہ ، مدارسُ المدینہ، دارالمدینہ اور فیضان آن لائن اکیڈمی کی برانچز کھولنے کے متعلق بات چیت ہوئی۔

٭ دعوت اسلامی آنے والے دنوں میں علاج معالجےکے لئے مدنی ہیلتھ کیئر سینٹرز کے نام سے مختلف علاقوں میں کلینک اور یتیم و نادار بچوں کے لئے مدنی ہوم (یتیم خانے) بنانے جارہی ہے جبکہ مردوں اور عورتوں کو مختلف ہُنر سکھانے کے لئے پروفیشنل ٹریننگ سینٹرز بھی قائم کئے جارہے ہیں۔ اس سسٹم کو کس طرح آپریٹ کیاجائے اس کو بھی شوریٰ کے مشورے میں ڈسکس کیا گیا ۔

٭ آقا کریم ﷺ کی دُکھیاری امت کی غمخواری کے لئے قائم دعوتِ اسلامی کے فلاحی ڈیپارٹمنٹFGRF کے اس وقت جاری کاموں اور آئندہ کے پلانز سے متعلق بھی گفتگو ہوئی جس میں یہ طے کیا گیا کہ یکم اگست 2021ء کو دعوتِ اسلامی کی جانب سے ملک بھر میں اِنْ شَآءَ اللہ عَزَّ وَجَلَّ Plantation Day منایا جائے گا۔ اس موقع پرہمارے ذمہ داران سمیت تمام عاشقانِ رسول مِل جُل کر شجرکار ی مہم میں حصہ لیں گے اور پودے لگائیں گے در خت بنائیں گے۔اِنْ شَآءَ اللہ عَزَّ وَجَلَّ

٭ کر اچی ،ملتان ، لاہوراور فیصل آباد میں ایسے جامعات المدینہ کا قیام کیا گیا ہے جہاں اِنْ شَآءَ اللہ عَزَّ وَجَلَّ ایسے علما تیار کئے جائیں گے جو دینی علوم میں مہارت رکھنے کے ساتھ ساتھ دنیاوی علوم سے بھی ہم آہنگ ہوں گے۔ مدنی مشورے میں اس بارے میں بھی باہمی گفتگو کا سلسلہ ہوا۔

٭ دعوت اسلامی کے شعبوں کو مزید بہتر بنانے کے لئے جدید ٹیکنالوجی کا بھرپور استعمال کیا جائے گا اور ماڈرن ٹولز کو استعمال میں لاتے ہوئے نئے نئے سافٹ ویئر بنائے جائیں تاکہ کارکردگی کے نظام کو مزید مضبوط کیا جاسکے۔ اس کے لئے شعبہ آئی ٹی کے متعلق ڈسکس کی گئی۔

٭”مدرسۃ المدینہ اسلامی بھائی“ دعوت اسلامی کااہم ترین دینی کام ہے۔ اس کے نظام کو مزید بہتر کرنے اور اس کے پڑھانے والوں کی مزید بہتر تربیت کرنے کے تعلق سے بھی شوریٰ کے مشور ےمیں ڈسکشن ہوئی۔

٭ Quality Enhancement Projectکو بھی دعوت اسلامی کے ذمہ دار ا ن لے کرچل رہے ہیں۔ اس میں یہ ہوتا ہے کہ ذمہ داران اور ان کے مختلف شعبوں کے کام کے طریقے کو بہتر سے بہتر کرنے کے لئےباقاعدہ ایک پروفیشنل سسٹم ایکٹیو کیا گیا ہے جس میں مختلف روک شاپس منعقد کی جاتی ہیں۔ اس کو بھی شوریٰ کے مشورے میں ڈسکس کیا گیا۔

٭اس سال رجب، شعبان اور رمضان میں ہمار ے عاشقانِ رسول نے جو ڈونیشن جمع کیا اس چندے کا بھی جائزہ لیا گیااور پچھلے مہینوں میں دعوت اسلامی کے ذمہ داران نے اپنے اپنے شعبوں کا جو بجٹ پیش کیا تھا اس بجٹ پر کس حد تک عمل ہوا اور بجٹ کے مطابق ہم آگے کیسے بڑھیں؟ اس کی جائزہ لینے کی بھی کوشش کی گئی ۔

٭ شور یٰ کے مشورے کی ایک خصوصیت یہ بھی ہوتی ہے کہ ہمارے پچھلے مشورےمیں جس کو جو کام سپرد کئے گئے ہوتے ہیں ان کا جائزہ لیا جاتا ہےکہ جن جن کے ذمہ جو کام تھے وہ کس حد تک ہوئے ؟ان پر کس حد تک عمل ہوا ؟

٭ہر سال کی طرح اس سال بھی جامعات المدینہ اور مدارسُ المدینہ کے جملہ اخرجا ت کے لئے ٹیلی تھون کی ترکیب کی جائے گی۔ اِنْ شَآءَ اللہ عَزَّ وَجَلَّ 7نومبر 2021ء کو ٹیلی تھون یعنی مدنی عطیات مہم کا سلسلہ کیا جائے گا۔

٭دعوتِ اسلامی کی ریڑ ھ کی ہڈی مدنی قافلہ ہے۔ اِنْ شَآءَ اللہ عَزَّ وَجَلَّ نومبر 2021ءکے آخر میں ریجن سطح پر مدنی قافلہ اجتماعات کئے جائیں گے اور اس میں تین دن، 12دن ،ایک ماہ اور بارہ بارہ ماہ کے مدنی قافلوں کی تیاری کا سلسلہ رہے گا ۔

٭ دعوت اسلامی جو مساجد بنارہی ہے اس کے لئے امام پروڈکشن بہت ضروری ہے۔ اس کے لئے امامت کورس کروایا جاتا ہے۔ شوریٰ کے مشورے میں اس بارے میں بھی ڈسکس کی گئی۔

٭قربانی کی کھالیں جمع کرنے ،پہلے سے زیادہ اور اچھے انداز سے جمع کرنے اوراجتماعی قربانی کو شریعت کے مطابق بہتر سے بہتر کرنے کے موضوع کو بھی شوریٰ کے مشورے میں لیا گیا ۔

٭ اسلامی بہنوں کے دینی کاموں کے تعلق سے بھی شوریٰ کے مشورے میں بات چیت کی گئی۔ وقف اشیا ءکی حفاظت اور اس کے استعمال کی احتیاطیں اور گھریلو صدقہ بکس بھی مشورے کا حصہ رہے ۔

٭ دعوت اسلامی کا آڈٹ نظام جو مالیات کے تحت چلتا ہے اسے بہتر سے بہتر کرنے اور اسے بہت زیادہ کارگر بنانے پر بھی شوریٰ کے مشورے میں ڈسکس کی گئی ، اس پر باقاعدہ شعبہ مالیات کی جانب سے ایک پریزنٹیشن دی گئی۔

٭ ذوالحجۃ الحر ام 1442ھ اور محرم الحرام1443ھ میں امیراہلسنت کے جانشین صاحبزادہ حاجی عبید رضاعطاری مدنی مُدَّظِلُّہُ الْعَالِی کا مختلف شہروں میں شیڈول ہوگا۔بیانات اور مشوروں میں شرکت اور ملاقات سلسلہ ہوگا۔ مشورے میں اس پر بھی بات چیت کی گئی ہے۔ شیڈول جلدپیش کردیا جائے گا۔

ویڈیو کےآخر میں نگرانِ شوریٰ نے عاشقانِ رسول سے کہا کہ میری تمام عاشقانِ رسول سے عرض ہے کہ دعوتِ اسلامی کے 12 دینی کاموں میں ضرور شامل ہوں، آپ کے یہاں ہفتہ وار اجتماع ،ہفتہ وار مدنی مذاکرہ، ماہانہ مدنی قافلہ، نیک اعمال کا رسالہ پُر کرنا، اس کا جائزہ لینا اسی طرح آپ کے علاقے کے مدرسۃ المدینہ میں شر کت کی سعادت حاصل کریں۔ اس کے ساتھ ساتھ اس وقت کھالیں جمع کرنے کا وقت آنے والا ہے ، میری تمام عاشقانِ رسول سے عرض ہے کہ اپنی بھرپور کوشش کریں ،کھالیں زیادہ سے زیادہ تعداد میں جمع ہوں اور اس کا جو تنظیمی طریقہ کار ہے اسی کے مطابق عمل کر یں۔ اسلامی بہنیں اپنے اپنے تنظیمی اور شرعی طریقہ کار جو بیان کئے گئے اس کے مطابق قربانی کی کھالیں جمع کرنے کے تعلق سے اپنے رابطے جاری رکھیں۔ دعوت اسلامی کے تحت ہونے والی اجتماعی قربانی میں بھی اپنا حصہ ضرور ملائیں۔ اللہ نے چاہا تو شریعت اور دین کے مطابق اور اچھے انداز سے اجتماعی قربانی کا سلسلہ رہے گا۔

نگرانِ شوریٰ کی ویڈیو دیکھنے کے لئے نیچے دئیے گئے لنک پر کلک کیجئے:

Click Here

دعوتِ اسلامی کے آفیشل فیس بک پیج پر آج رات 9:45 پر سوال جواب کا آن لائن سیشن رکھا گیا  ہے جس میں مفتی شفیق عطاری مدنی صاحب سوالات کے جوابات ارشاد فرمائیں گے۔

اگر آپ اپنے سوالات کے جوابات چاہتے ہیں تو آن لائن سیشن کے دوران کمنٹس میں اپنا سوال بھیج دیجئے ، ممکنہ صورت میں آپ کا سوال بھی سیشن میں شامل کرلیا جائے گا۔

Dawateislami Facebook Page Link

دعوتِ اسلامی کی جانب سے ہر جمعرات کو  بعض مقامات پر مغرب اور بعض مقامات پر عشاء کے بعد ہفتہ وار اجتماعات منعقد کئے جاتےہیں۔ اسی سلسلے میں آج دعوتِ اسلامی کے عالمی مدنی مرکز فیضانِ مدینہ کراچی میں بھی بعدِ عشاء 9:45 پر ہفتہ وار اجتماع ہوگاجس میں جانشینِ امیرِ اہل سنت الحاج عبید رضا عطاری مدنی مُدَّظِلُّہُ الْعَالِی خصوصی بیان فرمائیں گے۔ یہ اجتماع مدنی چینل پر براہِ راست نشر کیا جائے گا۔

اس کے علاوہ رضائے مصطفیٰ مسجد کورنگی نمبر 4 میں بعد مغرب ہونے والے اجتماع میں رکنِ شوریٰ و ترجمان دعوتِ اسلامی مولانا حاجی عبدالحبیب عطاری، جامع مسجد غوثیہ بلدیہ ٹاؤن کراچی میں بعد مغرب ہونے والے اجتماع میں رکنِ شوریٰ حاجی علی عطاری ،عثمانیہ مسجد عبداللہ گوٹھ کراچی میں بعد مغرب ہونے والے اجتماع میں رکنِ شوریٰ حاجی ابوماجد محمد شاہد عطاری مدنی ، فیضانِ مدینہ جوہر ٹاون لاہور میں بعد مغرب ہونے والے اجتماع میں رکنِ شوری حاجی یعفور رضا عطاری اور جامع مسجد گلشنِ مدینہ رائے ونڈ میں نگران پروفیشنلز محمد ثوبان عطاری بیان فرمائیں گے۔ 

گزشتہ روزدعوتِ اسلامی کی مجلس پروفیشنلز کی جانب سے  پنسرہ فیصل آباد میں عظیم الشان پروفیشنلز اجتماع منعقد ہوا جس میں بڑی تعداد میں پروفیشنلز، شخصیات اور دیگر عاشقانِ رسول نے شرکت کی۔

اجتماعِ پاک میں نگران پروفیشنلز مجلس محمد ثوبان عطاری نے خصوصی بیان کیا اور شرکا کو نمازوں کی پابندی کرنے اور دعوتِ اسلامی کے دینی ماحول سے وابستہ رہنے کی ترغیب دلائی۔ 

یہ بات تو ہر ایک کو معلوم ہے کہ  بچے کہانیاں بہت شوق سے پڑھتےاورسنتے ہیں،دعوت اسلامی کے اسلامک ریسرچ سینٹر المدینۃ العلمیہ نے اسی ضرورت کو سامنے رکھتے ہوئے باقاعدہ ایک ڈیپارٹ ”بچوں کی دنیا(چلڈرنزلٹریچرڈپارٹمنٹ) “ بنادیاہے۔ جس میں اسلامک اسکالرز” بچوں کی عمر،ان کی نفسیات اور ذہنی سطح“ کوسامنے رکھتے ہوئےان کے لئے دلچسپ اور مزے مزے کی اخلاقی اورتربیتی کہانیاں لکھ رہے ہیں۔ ان کہانیوں کو مکتبۃ المدینہ(دعوت اسلامی) خوبصورت ڈیزائننگ کے ساتھ شائع کررہا ہے۔

گزشتہ دنوں اس ڈیپارٹ کی جانب سے ایک کہانی ”لالچی کبوتر“ خوب صورت ڈیزائننگ،رنگین تصاویر کے ساتھ مارکیٹ میں آچکی ہے۔ ڈیپارٹ کے ہیڈارشداسلم نے دعوتِ اسلامی کے شب ورو ز کو بتایا کہ ”لالچی کبوتر“ کہانی کا دوسرا یڈیشن آنے والا ہے۔ انہوں نے کہا کہ ہمارے ڈیپارٹ کی کوشش ہے کہ بچوں کوانتہائی سادہ اورآسان لفظوں میں اسلام اوراللہ پاک کےآخری نبی صلَّی اللہ علیہ واٰلہٖ وسلَّم کی تعلیمات بتائیں گے تا کہ وہ بڑے ہوکر ایک اچھے معاشرے کی تعمیر میں بہترین کردار ادا کرسکیں۔ آخر میں انہوں نے یہ بھی بتایا کہ مزید دو کہانیاں ”چالاک خرگوش“اور”بے وقوف کی دوستی“شائع ہونے والی ہیں۔

پچھلے دنوں ڈی جی رینجرز سند ھ  افتخار حسین چودھری نے 2 جولائی 2021ء کو دعوتِ اسلامی کے عالمی مدنی مرکز فیضانِ مدینہ کراچی کا دورہ کیا۔ فیضانِ مدینہ پہنچنے پر ہیڈ آف دعوت اسلامی کراچی ریجن حاجی امین عطاری اور رکن شوریٰ حاجی اطہر عطاری سمیت دیگر ذمہ داران نے ڈی جی رینجرز سند ھ کو خوش آمدید کہا۔

ذمہ دارانِ دعوتِ اسلامی نے انہیں دعوتِ اسلامی کے اسلامک ریسرچ سینٹر ”المدینۃ العلمیہ“، مدنی چینل اور دیگر ڈیپارٹمنٹس کاوزٹ کروایا۔دورانِ وزٹ دعوتِ اسلامی کی مرکزی مجلسِ شوریٰ کے ہیڈ مولانا حاجی محمد عمران عطاری مَدَّظِلُّہُ الْعَالِی نے بھی افتخار حسین چودھری سے ملاقات کی اور انہیں دعوتِ اسلامی کی دینی، اصلاحی اور فلاحی خدمات سے آگاہ کیا۔ نگرانِ شوریٰ نے ڈی جی رینجرز سند ھ کو کتابوں کا تحفہ پیش کیا جبکہ ڈی جی رینجرز نے خدمات دعوتِ اسلامی کے اعتراف میں نگرانِ شوریٰ کو شیلڈ پیش کی۔ 

دعوتِ اسلامی  دینِ متین کی خدمت انجام دینے کے ساتھ ساتھ فلاحی کاموں میں بھی اپنامثالی کردار اداکررہی ہے۔ شجر کاری مہم، بلڈ ڈونیشن مہم اور تھیلیسیمیا فری پاکستان مہم کے بعد اب دعوتِ اسلامی نے ایک اور احسن قدم اٹھایاہے اور وہ یہ کہ دعوتِ اسلامی نے کراچی میں پہلا یتیم خانہ بنانے کا اعلان کردیا ہے۔ یتیم خانے کا نام امیرِاہلِ سنت علامہ الیاس عطار قادری دَامَتْ بَرَکَاتُہُمُ الْعَالِیَہ نے ”مدنی ہوم“ رکھا ہے۔

اس حوالے سے بریفنگ دیتے ہوئے ترجمان دعوتِ اسلامی مولاناحاجی عبدالحبیب عطاری کا کہنا تھا کہ پچھلے دنوں ہونے والے مرکزی مجلس شوریٰ کے مدنی مشورے میں یہ فیصلہ کیا گیا ہے کہ اب دعوتِ اسلامی یتیم خانے بھی بنائے گی۔یتیم خانے کی پہلی برانچ کراچی میں قائم کی جائے گی۔ کراچی کے بعد ملک بھر میں اور پھر بیرونِ ممالک میں بھی یتیم خانے بنائے جائیں گے۔ ان کا مزید کہنا تھا کہ ”مدنی ہوم“ میں یتیم بچوں کو قرآنِ پاک کی تعلیم دی جائے گی اور دیگر کورسز بھی کروائے جائیں گے، جو بچے قرآنِ پاک حفظ کرنے کی صلاحیت رکھتے ہوں گے انہیں حفظ بھی کروایا جائے گا جبکہ باصلاحیت بچوں کو عالم اور مفتی کورس بھی کروائے جائیں گے۔ بچوں کو دینی تعلیم کے ساتھ ساتھ دنیاوی تعلیم بھی دی جائے جبکہ کھانے کے علاوہ کپڑے، ادویات اور ضروریاتِ زندگی کی دیگر اشیاء بھی فراہم کی جائیں گی۔

ترجمان دعوتِ اسلامی کا مزید کہنا تھا کہ یتیم خانے میں وہ بچے جن کے والدین یا دونوں میں سے کسی ایک کا انتقال ہوچکا ہو یا وہ بچے جن کے ماں باپ میں طلاق ہوچکی ہو اوردونوں میں سے کوئی بھی بچے اپنے پاس نہ رکھ رہےہوں تو ایسے بچوں کو یتیم خانے میں رجسٹرڈکیا جائے گا اور ان کی کفالت کا مکمل اہتمام کیا جائے گا جبکہ مستقبل میں لاوارث بچوں کی مکمل دیکھ بھال کے لئے بھی ایک مربوط نظام وضع کیا جائے گا۔ انہوں نے کہا کہ دعوتِ اسلامی کا یہ سب کچھ کرنے کا مقصد یتیم بچوں کا سہارا بن کر انہیں تعلیم و تربیت اور دیگر بنیادی ضروریات کے یکساں مواقع فراہم کرنا ہے تاکہ وہ با اعتماد اور صحت مند شہری کے طور پرملک و ملت کی ترقی میں اہم کردار ادا کر سکیں۔

مدنی مذاکرے میں یتیم خانے قائم کرنے کے اعلان پر امیرِ اہل سنت دَامَتْ بَرَکَاتُہُمُ الْعَالِیَہ نے عاشقانِ رسول سے یہ گزارش کی ہے کہ وہ دعوتِ اسلامی کے فلاحی شعبے FGRF کا اس موقع پر بھرپور ساتھ دیں اور یتیم خانے کے قیام میں اپنی رقم کے ذریعے دعوتِ اسلامی کی معاونت کریں۔ امیرِ اہل سنت دَامَتْ بَرَکَاتُہُمُ الْعَالِیَہ نے یتیم خانے کے قیام میں معاونت کرنے والوں کے لئے دعائیں بھی فرمائی ہیں۔

اس وقت دعوتِ اسلامی کو یتیم خانے کے قیام کےسلسلے میں فی الفور بنی بنائی جگہ کی ضرورت ہے تاکہ یہ سلسلہ جلد شروع کیا جاسکے۔جنہیں رب تعالیٰ نے نوازا ہے ان عاشقانِ رسول سے گزارش ہے کہ دعوتِ اسلامی کا ساتھ دیں اور ثوابِ دارین کے حقدار قرار پائیں۔

آن لائن ڈونیشن کے لئے نیچے Donate Now پر ابھی کلک کیجئے

Donate Now

دعوتِ اسلامی کی مرکزی مجلسِ شوریٰ کے مرحوم رکن ،محبوبِ عطار حاجی  زم زم عطاری رحمۃ اللہ علیہ کا 21 ذوالقعدۃ الحرام کو یومِ وصال ہے۔ ان کے ایصالِ ثواب کے سلسلے میں آج مجلس ازدیادِ حب کے زیرِ اہتمام کئی مقامات پر ایصالِ ثواب اجتماع کا اہتمام کیا جائے گا۔

تفصیلات کے مطابق آج رات بعد نمازِ عشاء بلال مسجد نیو کراچی ساڑھے پانچ نمبرسیکٹر 5G میں اجتماعِ پاک ہوگا جس میں رکنِ شوریٰ حاجی علی عطاری سنتوں بھرا بیان فرمائیں گے۔ جامع مسجد الفاروق لال کرتی صدر لاہور کینٹ میں بھی ایصال ثواب اجتماع ہوگاجس میں رکنِ شوریٰ حاجی منصور عطاری سنتوں بھرا بیان فرمائیں گے۔ یہ اجتماعِ پاک عشاء کی نماز کے فوراً بعد شروع ہوگا۔

دعوتِ اسلامی کے زیر اہتمام ڈھرکی ڈویژن کے علاقے مسلم کالونی کی جامع مسجد رضا میں گیارہویں شریف کے سلسلے میں سنتوں بھرے اجتماع کا انعقاد کیا گیا جس میں کثیر تعداد میں علاقے کے اسلامی بھائیوں نے شرکت کی۔

مبلغ دعوت اسلامی نے سنتوں بھرا بیان کیا اور شرکا کو دعوت اسلامی کے دینی کاموں میں عملی طور پر شرکت کرنے کی ترغیب دلائی۔اجتماع کے اختتام پر مرحومین کے لئے دعائیں کی گئیں۔

دعوتِ اسلامی کے مدنی مرکز فیضانِ مدینہ ملتان میں  گزشتہ روز (30 جون بروزبدھ) تربیتی سیشن ہوا جس میں نگران مجلس مولانا محمد ظفر عطاری مدنی دورہ حدیث شریف کے طلبہ کو مدنی پھول دیتے ہوئے مختلف امور پر رہنمائی فرمائی۔

انہوں نے دورۃ الحدیث شریف کے طلبہ کرام کو مدنی قافلوں میں سفر کرنے کی اہمیت بیان کرتے ہوئے 12 ماہ کے لئے مدنی قافلے میں سفر کرنے کا ذہن دیا۔ مولانا ظفر عطاری مدنی کی ترغیب پر ہاتھوں ہاتھ 50 طلبہ کرام 12 ماہ کے لئے تیار ہوئے۔ (رپورٹ:مجلس جامعۃ المدینہ (بوائز) پاکستان)