چند روز قبل کراچی کے علاقےلیاقت آباد میں واقع چار منزلہ عمارت میں ایک افسوس ناک واقعہ پیش آیاجہاں عمارت کے چوتھے   فلور میں گیس سلنڈر پھٹنے کے نتیجے میں آٹھ سالہ بچے سمیت ایک راہ گیر کا انتقال ہوگیا جبکہ خاتون سمیت چھ بچے جھلس کر زخمی ہوگئےجنہیں طبی امداد کے لئےسول اسپتال منتقل کردیا گیاہے۔

انتقال کرجانے بچے کے ماموں کا کہنا تھا کہ بچہ عید منانے کی غرض سے لیاقت آباد آیا ہوا تھا۔

حدیث پاک میں آتا ہے کہ"اللہ پاک جس کے ساتھ بھلائی کا ارادہ فرماتا ہے اسے مصیبت میں مبتلا فرمادیتا ہے"۔ (صحیح بخاری، حدیث 5645)

لہذا ہمیں چاہیئے کہ ہم مصیبت پر صبر کرکے اپنی دنیا و آخرت بہتر بنائے۔

اللہ پاک سے دعا ہے کہ وہ اس واقع میں انتقال کرجانے والوں کی مغفرت فرمائے اور زخمیوں کو صحتیابی عطا فرمائے۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

اَلْحَمْدُ لِلّٰہِ عَزَّ وَجَلَّ درسِ نظامی یعنی عالم کورس والے طلبائے کرام کی بڑھتی ہوئی تعداد کو مد نظر رکھتے ہوئے عالمی مدنی مرکز فیضان مدینہ کے علاوہ اس سال کراچی کے ایک اور علاقے سائٹ ایریا ولیکا میں قائم جامعۃ المدینہ فیضان غوث الاعظم میں بھی درجہ دورۃ الحدیث شریف کا آغاز کردیا گیا۔ شعبے کے ذمہ داران کی جانب سے جب اس کی اطلاع امیر اہلِ سنت دَامَتْ بَرَکَاتُہُمُ الْعَالِیَہ کو دی گئی تو امیر اہلِ سنت نے خوشی کا اظہار کیا اور اپنے آڈیو پیغام کے ذریعےشعبے کے ذمہ داران کی حوصلہ افزائی فرماتے ہوئے دورۃ الحدیث شریف داخلہ لینے والے طلبہ کی رہنمائی فرمائی اور دعاؤں سے نوازا۔

آڈیوپیغام امیر اہلِ سنت:

سبحان اللہ الحاج سید ساجد شاہ صاحب نے بڑی پیاری خوشخبری دی کہ ولیکا میں دورۃ الحدیث شریف کا درجہ شروع ہورہا ہے۔ سبحان اللہ آپ کو بہت بہت مبارک ہو، میرے مدنی بیٹوں! جن کو داخلہ یہاں پر ملے، دل لگاکر پڑھنااور جتنا حدیث پاک کا ادب کریں گےاستاذ الحدیث کا بھی احترام کریں گے، اِنْ شَآءَ اللہ عَزَّ وَجَلَّ اتنی آپ کو برکتیں ملیں گی،ثواب کی نیت رکھنا۔ آپ کےاساتذۂ کرام اللہ کے پیارے حبیب صلَّی اللہ علیہ واٰلہٖ وسلَّم کے فرمان آپ کو سیکھائیں گے۔ اسکی کتنی اہمیت ہے یہ ایک مسلمان کا دل جانتا ہے۔

اس پرمسرت موقع پر استاذ الحدیث مفتی محمد حسان عطاری مدنی ، اساتذہ و طلبائے کرام، اراکین شوریٰ حاجی محمد امین عطاری، حاجی محمد علی عطاری، شعبہ جامعۃ المدینہ کے ذمہ داران اور دیگر عاشقان رسول نے شرکت کی۔

مفتی محمد حسان عطاری مدنی نے طلبۂ کرام کی رہنمائی کرتے ہوئے فرمایاکہ علما نے یہ ادب لکھا کہ جس کے لئے ممکن ہواسے چاہیئے کہ وہ استاد کے قریب سے قریب بیٹھے، علم کی مجلس کے اندر علم بیان کرنے والےکے قریب سے قریب بیٹھےاس لئے کہ ایک تو اس میں ادب ہےکہ بندہ قریب بیٹھے گا تو وہاں توجہ کے ساتھ سنے گا، دوسرا بعض اوقات بہت ساری باتیں وہ ہوتی ہیں کہ جو صرف زبان سے نہیں سمجھی جاتی اس میں اشارہ ٔ مفہمہ ہوتا ہے، سمجھانے والا اشارہ ہوتا ہے جب وہ ساتھ ساتھ اشارے ہوتے جاتے تو بات سمجھ آتی چلی جاتی ہےتو آپ قریب بیٹھیں گے تو فائدہ ہوگا۔

اس موقع پر ناظم جامعۃ المدینہ محمد شیراز عطاری مدنی کا کہنا تھا کہ اس دورۃ الحدیث شریف میں تقریباً 100 طلبہ پڑھنے کی سعادت حاصل کریں گے۔

26 مئی 2021ء کو شعبہ دار المدینہ کے تحت ہیڈ آفس کراچی میں مدنی مشورہ ہوا جس میں انتظامی امور کے ذمہ داران نے شرکت کی۔

دار الافتاء اہل سنت کے مفتی محمد کفیل صاحب اور رکن شوریٰ حاجی محمد اطہر عطاری نے متعدد امور پر شرکا سے تبادلۂ خیال کیا۔

مدنی مشورے میں مختلف نئے پروجیکٹس، ورکنگ ریلیشنز، سوشل میڈیا کا مثبت اور منفی استعمال اور دارالمدینہ موبائل ایپلی کیشن کا طریقہ کار جیسے موضوعات زیرِ غور آئے۔ 

دعوت اسلامی کے شعبہ خدام المساجد و المدارس کے تحت کینال روڈ کالج چوک مردان میں فیضان مدینہ  کے تعمیراتی کاموں کا آغاز ہونے جارہا ہے۔اسی سلسلے میں 29 مئی 2021ء بعد نماز عصر فیضان مدینہ کا سنگِ بنیاد رکھا جائیگا۔

فیضان مدینہ کا سنگ بنیاد مرکزی مجلس شوریٰ کے رکن حاجی یعفور رضا عطاری کے ہاتھوں رکھا جائیگا۔

پنجاب کے شہر ملتان میں قاسم پور مجتبیٰ کالونی میں دعوت اسلامی کے تحت جامعۃ المدینہ گرلز کی تعمیرات کا سلسلہ جاری ہے۔

مرکزی مجلس شوریٰ کے رکن حاجی محمد جنید عطاری مدنی نے نگران شعبہ جامعۃ المدینہ گرلز، نگران کابینہ اور دیگر ذمہ داران کے ہمراہ جامعۃ المدینہ کا دورہ کیا اور تعمیراتی کاموں کا جائزہ لیا۔ ذمہ داران نے رکن شوریٰ کو تعمیراتی کاموں کے حوالے آگاہی بھی دی۔

27 مئی 2021ء کو دنیا بھر میں دعوت اسلامی کے زیرِ اہتمام ہفتہ وار سنتوں بھرے اجتماع کا انعقادکیا جائیگا۔ان اجتماع میں اراکینِ شوریٰ اور دیگر مبلغین دعوت اسلامی سنتوں بھرے بیانات فرمائیں گےجبکہ تلاوت، نعت، اجتماعی ذکر اور رقت انگیز دعاکا بھی سلسلہ ہوگا۔

تفصیلات کے مطابق مدنی چینل پر 9:30 بجے ہفتہ وار سنتوں بھرے اجتماع کا آغاز ہوگاجس میں مرکزی مجلس شوریٰ کے رکن حاجی محمد اسد عطاری مدنی ”اللہ پاک کی قدرتیں“ کے موضوع پر سنتوں بھرا بیان فرمائیں گے۔

تمام عاشقان رسول سے مقامی شہر میں ہونے والے سنتوں بھرے اجتماع میں شرکت کرنے کی درخواست ہے۔

وہ حضرات جواپنے گھرو مساجد میں درست سمت قبلہ(Direction of Qibla) معلوم کرنے کے لئے تذب کا شکار رہتے ہیں اور سارا سال ہی اسے معلوم کرنے میں کوششیں کرتے رہتے ہیں۔ ایسے افراد 27 اور 28 مئی 2021ء کو سورج کی مدد سےآسانی کےساتھ سمت قبلہ معلوم کرسکتے ہیں۔

سمت قبلہ معلوم کرنے کا طریقہ:

سال میں 2 مرتبہ (27،28مئی اور 15،16 جولائی )سورج عین کعبہ معظمہ کے اوپر آتا ہے۔اس وقت کسی شے (Object) کے بننے والے سائے(Sun Shadow) کی مدد سے (مساجداور گھروںوغیرہ کے لیے)بآسانی درست سمت قبلہ معلوم کیا جاسکتا ہے۔

طریقہ : 27،28 مئی کو سعودی عرب کے وقت کے مطابق دن 12:18 (پاکستان کے وقت کے مطابق دن 02:18 )پرکسی بھی لکڑی یا سریے (Iron Rod) وغیرہ کو عموداً (Vertical)اس احتیاط سے کھڑا کریں کہ وہ کسی جانب جھکا نہ ہو۔کسی ڈوری کے سرے پر کوئی وزنی چیز باندھ کر بھی لٹکا سکتے ہیں۔

اب درج شدہ وقت پر بننے والے سائے پر کوئی نشان لگادیں۔ اب سائے کے نشان پر کھڑے ہو کر اس لکڑی ،سریے یا ڈوری کی جانب رخ کرنے سے عین کعبہ کو رخ ہو جائے گا۔(اگر یہ عمل 4,2منٹ قبل یا بعد بھی کیا تو کوئی حرج نہیں)

نوٹ: اگر عین قبلہ سے (سیدھی یا الٹی جانب) 45درجے کے اندر اندر نماز پڑھی تو درست ہو گئی۔ (بہارِ شریعت، ۳؍۴۸۷، حصہ ۳ ماخوذاً ، مکتبۃ الدینہ کراچی)

چند مشہور ممالک میں درست سمتِ قبلہ معلوم کرنے کے اوقات :

٭گھانا، گمبیا، ماریطانیہ، مالی، ٹوگووغیرہ 9:18 AM ٭برطانیہ(U.K)،آئس لینڈ ،آئر لینڈ ،بینن،نائجر،نائجیریا،کونگو وغیرہ10:18 AM ٭البانیہ ،آسٹیریا،ڈنمارک، فرانس، اٹلی، نیدرلینڈ، ناروے، اسپین، سویڈن، مصر،بوٹسوانا،لیسیتھو، ملاوی، موزمبیق سائوتھ افریقہ وغیرہ11:18AM ٭سعودی عرب، بحرین، عراق، کینیا، کویت، قطر، تنزانیہ، یمن، سوڈان، بلغاریہ ، گریک، ترکی، جوڑڈن، لبنان، اسرائیل، شام وغیرہ 12:18 PM ٭عرب امارات،عمان،موریشس وغیرہ 1:18 PM ٭ایران، افغانستان 1:48 PM ٭پاکستان، تاجکستان وغیرہ 2:18 PM ٭انڈیا ، سری لنکا2:48 PM٭نیپال3:03 PM ٭بنگلادیش 3:18 PM ٭انڈونیشیا (جاوا) ، تھائیلینڈ4:18 PM ٭چین، ھانگ کانگ ، ملائیشیا، فلپائن،سینگاپور ،تائیوان، انڈونیشیا (کالیمنٹن) وغیرہ5:18 PM ٭جاپان، کوریا6:18 PM

شعبہ اوقاتُ الصلاۃ (دعوت اسلامی) Email:prayer@dawateislami.net

دعوت اسلامی کی مرکزی مجلس شوریٰ کے رکن حاجی محمد رفیع عطاری نے پنجاب کے شہر سرگودھا میں دعوت اسلامی کے مکتبۃ المدینہ کی نئی برانچ کا افتتاح کیا۔ اس موقع دعوت اسلامی کے ذمہ داران اور مقامی مکین بھی موجود تھے۔

سرگودھا اور اطراف کے عاشقان رسول اس برانچ سے امیراہلِ سنت دَامَتْ بَرَکَاتُہُمُ الْعَالِیَہ اور دیگر علمائے کرام کی کتابیں آسانی سے خرید سکیں گے۔

دعوت اسلامی جہاں شعبہ جامعۃ المدینہ کے ذریعے بوائز کو درسِ نظامی کرواہی ہے وہیں گرلزکے لئے بھی جامعۃ المدینہ قائم ہے جس میں انہیں درس نظامی (عالمہ کورس )تعلیم دی جارہی ہے۔

جامعۃ المدینہ گرلز میں داخلوں کا آغاز ہوگیاہے۔اس سال سے داخلہ لینی والی طالبات کو درسِ نظامی (عالمہ کورس) کے ساتھ ساتھ مڈل، میٹرک اور ایف اے کی تعلیم بھی دی جائے گی۔

داخلہ کی خواہشمند خواتین ان نمبر اور Emailپر رابطہ کریں:

03111753826

Jamiapak@dawateislami.net

امیرِ اہلِ سنت حضرت علامہ مولانا الیاس عطار قادری  دَامَتْ بَرَکَاتُہُمُ الْعَالِیَہ پچھلے کئی سالوں سے مسلسل”مدنی مذاکرہ“ نامی ہفتہ وار ایسی علمی نشست قائم فرماتے ہیں جس میں شرکت کرنے والے ہر خاص و عام کو شرعی، طبی، تاریخی اور تنظیمی معلومات کا خزانہ ہاتھ آتا ہے۔

اسی سلسلے میں آج مورخہ 22مئی 2021ء رات 9:30 بجے مین یونیورسٹی روڈ پر واقع عالمی مدنی مرکز فیضان مدینہ کراچی سے براہ راست مدنی مذاکرے کا انعقاد کیا جائیگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب ہونے والے سوالات کے جوابات ارشاد فرمائیں گے۔

تمام عاشقان رسول سے درخواست کی جاتی ہے کہ مدنی مذاکرے میں شرکت کرکے علم دین کا ڈھیروں ڈھیر خزانہ حاصل کریں۔

دعوتِ اسلامی کے زیر اہتمام  21، مئی 2021ء کو نگران حافظ آباد زون نے حافظ آباد کابینہ کا مدنی مشورہ لیا جس میں نگران کابینہ حافظ آباد، ڈویژن نگران، اراکین کابینہ، علاقائی نگران ، مدرسین و ناظمین جامعہ المدینہ و مدرسہ المدینہ، عطیات بکس ذمہ داران اور مدنی بستہ ذمہ دران نے شرکت کی۔