یورپین ملک اٹلی کے مختلف شہروں (Busto Arsizio, Somma Lombardo) میں قائم مدنی مراکز فیضانِ مدینہ میں دعوتِ اسلامی کے شعبہ مدنی کورسز کے تحت شرائطِ نماز کورس منعقد کئے گئے جن میں بزنس کمیونٹی اور مختلف شعبہ جات سے تعلق رکھنے والے اسلامی بھائیوں نے شرکت کی۔

اس موقع پر مبلغینِ دعوتِ اسلامی نے شرکا کو شرائطِ نماز تفصیلاً بتاتے ہوئے نماز سے متعلق چند اہم نکات پر اسلامی بھائیوں کی رہنمائی کی اور انہیں مزید علمِ دین حاصل کرنے بالخصوص وضو و غسل کے مسائل سیکھنے کے لئے دعوتِ اسلامی کے شعبہ مدنی کورسز کے تحت ہونے والے مختلف کورسز میں شرکت کرنے کی ترغیب دلائی۔

مبلغینِ دعوتِ اسلامی نے کورسز میں موجود اسلامی بھائیوں سے گفتگو کرتے ہوئے نماز کی اہمیت و افادیت بتائی اور انہیں نمازوں کا پابند بننے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

نیکیاں کرنے اور گناہوں سے بچنے کا ذہن دینے والی عاشقانِ رسول کی دینی تحریک دعوتِ اسلامی کے زیرِ اہتمام کینیا کے شہر Mombasa میں قائم جامع مسجد کنز الایمان، کینیا کے علاقے Kwale County کی مقامی مسجد میں اور یوگنڈا کے شہر Kampala میں سیکھنے سکھانے کے حلقے لگائے گئے جن میں مقامی اسلامی بھائیوں کی شرکت رہی۔

معلومات کے مطابق ان حلقوں میں مبلغینِ دعوتِ اسلامی نے سنتوں بھرے بیانات کئےجن میں انہوں نے حاضرین کو نیکی کی دعوت دیتے ہوئے انہیں نیک اعمال کرنے کرنے کا ذہن دیا۔

مبلغینِ دعوتِ اسلامی نے اسلامی بھائیوں کی ذہن سازی کرتے ہوئے دعوتِ اسلامی کے دینی کاموں میں شمولیت اختیار کرنے کی ترغیب دلائی۔بعدازاں حلقوں میں شریک اسلامی بھائیوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

نمپولا، موزمبیق کے ڈسٹرکٹ Rapale میں عاشقانِ رسول کی دینی تحریک دعوتِ اسلامی کے تحت سنتوں بھرے اجتماع کا انعقاد کیا گیا جس میں مقامی افریقن اسلامی بھائیوں سمیت ذمہ دار اسلامی بھائیوں کی کثیر تعداد میں شرکت ہوئی۔

ابتداءً تلاوتِ قراٰن کی گئی اور نعت خواں اسلامی بھائی نے حضور صلَّی اللہ علیہ واٰلہٖ وسلَّمکی بارگاہ میں نعت شریف کا نذرانہ پیش کیا جبکہ نگرانِ نمپولا نے سنتوں بھرا بیان کیاجس کا مبلغِ دعوتِ اسلامی نے مقامی زبان میں خلاصہ بیان کیا۔

دورانِ اجتماع وہاں موجودافریقن اسلامی بھائیوں کودعا یاد کروائی گئی اور مبلغِ دعوتِ اسلامی نے اختتامی دعا کروائی۔بعدازاں اسلامی بھائیوں نے صلوٰۃ و سلام بھی پڑھا۔(کانٹینٹ:غیاث الدین عطاری)

امریکن اسٹیٹ New York کے سٹی Bronx میں ترقی کی منازل طے کرتے ہوئے عاشقانِ رسول کی دینی تحریک دعوتِ اسلامی کے شعبے خدام المساجد و المدارس المدینہ کے تحت علمِ دین کا فیضان عام کرنے کے لئے Bronx سٹی میں مدنی مرکز فیضانِ مدینہ کا قیام عمل میں لایا جاچکا ہے۔

تفصیلات کے مطابق نمازِ باجماعت سے فیضانِ مدینہ کا افتتاح کیا گیا اور سنتوں بھرے اجتماع کا انعقاد ہوا جس میں بزنس کمیونٹی، مختلف شعبہ ہائے زندگی سے تعلق رکھنے والے عاشقانِ رسول اور نگرانِ امریکہ سمیت دیگر ذمہ داران نے شرکت کی۔

اجتماع کا باقاعدہ آغاز تلاوتِ قراٰن و نعت شریف سے کیا گیا جس کے بعد پاکستان سے امریکہ آئے ہوئے شیخ الحدیث و التفسیر مفتی محمد قاسم عطاری مدظلہ العالی نے سنتوں بھرا بیان کیا جس میں انہوں نے حضور خاتم النبیین صلَّی اللہ علیہ واٰلہٖ وسلَّمکی شان و عظمت بیان کرتے ہوئے اللہ عزوجل اور اس کے رسول صلَّی اللہ علیہ واٰلہٖ وسلَّم کی کے احکامات کی پیروی کرنے کا ذہن دیا۔اجتماع کے اختتام پر مفتی محمد قاسم عطاری مدظلہ العالی نے دعا کروائی جبکہ صلوٰۃ و سلام بھی پڑھا گیا۔(کانٹینٹ:غیاث الدین عطاری)

دعوتِ اسلامی کے تحت Pretoria(Capital of South Africa) کے علاقے Laudium میں قائم مدنی مرکز فیضانِ مدینہ کے قریب علمِ دین کے نور کو منور کرنے کے لئے جامعۃ المدینہ کی برانچ زیرِ تعمیر ہے جوکہ اپنے اختتامی مراحل پر ہے۔

اسی سلسلے میں مبلغِ دعوتِ اسلامی مفتی عبد النبی حمیدی مدظلہ العالی اور رکنِ شوریٰ حاجی وقار المدینہ عطاری نے مقامی ذمہ دار اسلامی بھائیوں کے ہمراہ زیرِ تعمیر جامعۃ المدینہ کی عمارت کا وزٹ کرتے ہوئے تعمیراتی کاموں کا جائزہ لیاجبکہ وہاں دی جانے والی سہولیات کے متعلق بھی مختلف امور پر تبادلۂ خیال کیا گیا۔

جامعۃ المدینہ کا وزٹ کرنے کے بعد مفتی عبد النبی حمیدی مدظلہ العالی اور رکنِ شوریٰ حاجی وقار المدینہ عطاری نے جامعۃ المدینہ کی تعمیرات کے حوالے سے اپنے تأثرات بھی دیئے ۔ (کانٹینٹ:غیاث الدین عطاری)

8 اگست 2024ء کو عاشقانِ رسول کی دینی تحریک دعوتِ اسلامی کے تحت  دینی کاموں کا جائزہ لینے کے لئے مدنی مشورہ ہوا جس میں عالمی مجلسِ مشاورت کی اراکین اسلامی بہنوں نے شرکت کی۔

اراکین اسلامی بہنوں سے گفتگو کرتے ہوئے دعوتِ اسلامی کی نگرانِ عالمی مجلسِ مشاورت اسلامی بہن نے بیرونِ ممالک میں دعوتِ اسلامی کے دینی کام بڑھانے اور ان میں مزید بہتری لانے کا ذہن دیا جس پر انہوں نے اپنی اپنی رائے بھی پیش کی۔

پچھلے دنوں برمنگھم یوکے میں اسلامی بھائیوں کے ساتھ میٹ اپ ہوا جس میں ذمہ داران نے شرکت کی۔  دعوت اسلامی ویلز اور ایف جی آر ایف یوکے کے نگران سید فضیل رضا عطاری نے اعلیٰ برٹش ایوارڈ کے حوالے سے اپنے جذبات کا اظہار کیا۔

دعوت اسلامی ویلز اور ایف جی آر ایف یوکے کے نگران سید فضیل رضا عطاری نے اپنے جذبات کا اظہار کرتے ہوئے بتایا کہ دعوت اسلامی نے ہمیں لوگوں کی مدد کرنے کا پلیٹ فارم فراہم کیا جس کی وجہ سے اعلیٰ برٹش ایوارڈ کا حصول ممکن ہوا۔ انہوں نے دعوتِ اسلامی اور امیر اہل سنت کو دینی خدمات پر خراج تحسین پیش کیا اور شرکا کو دینی کام کرنے کی ترغیب بھی دلائی۔

عالمی سطح پر ہونے والی دعوتِ اسلامی کی دینی و فلاحی ایکٹیویٹیز کے سلسلے میں 2 اگست 2024ء کو آن لائن ایک میٹنگ منعقد ہوئی جس میں عالمی مجلسِ مشاورت اور انٹرنیشنل افیئر ڈیپارٹمنٹ کی تمام اراکین شریک ہوئیں۔

اس میٹنگ میں دعوتِ اسلامی کی نگرانِ عالمی مجلسِ مشاورت اسلامی بہن نے سفرِ شیڈول بنانے پر گفتگو کرتے ہوئے مختلف امور پر ذمہ دار اسلامی بہنوں کی ذہن سازی کی اور انہیں نیکی کی دعوت دیتے ہوئے پابندی کے ساتھ دینی کام کرنے کا ذہن دیا۔

دعوتِ اسلامی کے تحت عالمی سطح پر ہونے والے دینی کاموں کے سلسلے میں 29 جولائی 2024ء کوآن لائن میٹنگ ہوئی جس میں ساؤدرن ریجن کی سب کونٹیننٹ نگران اور مارشس کی ملک نگران اسلامی بہنوں نے شرکت کی۔

آن لائن میٹنگ کے دوران دعوتِ اسلامی کی نگرانِ عالمی مجلسِ مشاورت اسلامی بہن نے مارشس میں ہونے والے دینی کاموں کے جو اہداف دیئے گئے تھے اُن کا جائزہ لیا اور آئندہ کے اہداف بھی دیئے۔

نگرانِ عالمی مجلسِ مشاورت نے نگران اسلامی بہنوں کو دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔

UK کے شہر برمنگھم میں شعبہ تعلیم گرلز دعوتِ اسلامی کے تحت 24 جولائی 2024ء کو ایک کورس کا انعقاد ہوا جس میں اسٹوڈنٹس کی کثیر تعداد سمیت اُن کی سرپرست اسلامی بہنوں نے شرکت کی۔

معلومات کے مطابق دورانِ کورس مبلغۂ دعوتِ اسلامی نے اسٹوڈنٹس کی تربیت کرتے ہوئے مختلف امور پر اُن کی رہنمائی کی اور دینی و دنیاوی امو ر کے حوالے سے آگاہی دی۔

کورس کی خصوصیات:دینی تعلیم کے ساتھ ساتھ ضروریاتِ زندگی میں کام آنے والی چیزیں اسٹوڈنٹس کو سکھائی گئیں مثلاً کپڑے پر کڑاہی کرنا وغیرہ۔اس کے علاوہ روزانہ کی بنیاد پر ایک حدیثِ مبارکہ یاد کروائی گئی جبکہ سورۂ نور کا ترجمہ و تفسیر اور بزرگانِ دین رحمہم اللہ کی سیرت سے اسٹوڈنٹس کو آگاہ کیا گیا۔

مسلمانوں کے عقائد و نظریات کی حفاظت کرنے اور اُن کی اصلاح کا جذبہ رکھنے والی عاشقانِ رسول کی دینی تحریک دعوتِ اسلامی کے ایجوکیشن ڈیپارٹمنٹ کے تحت ایسٹ آف انگلینڈ (East of England) میں اسٹوڈنٹس کے لئے سمر کیمپ کا انعقاد ہوا۔

تفصیلات کے مطابق سمر کیمپ میں ابتداءً مبلغۂ دعوتِ اسلامی نے عقائد کے حوالےسے بیان کیا جس میں انہوں نے دینِ اسلام کی پانچ بنیادی باتوں کو ذکر کیا نیز فقہ کے متعلق بھی مختلف موضوعات پر کلام کیا گیا جن میں فرض، واجب، سنت، مکروہ اور دیگر اسلامی احکام شامل تھے۔

اسی طرح مبلغۂ دعوتِ اسلامی نے سیرت النبی صلَّی اللہ علیہ واٰلہٖ وسلَّمپر روشنی ڈالتی ہوئے حاضرین کو پیارے آقا صلَّی اللہ علیہ واٰلہٖ وسلَّم کے حالاتِ زندگی کے بارے میں بتایا اور آپ صلَّی اللہ علیہ واٰلہٖ وسلَّم کی سیرتِ طیبہ کے مطابق اپنی زندگی گزارنے کا ذہن دیا۔

اس کے علاوہ دیگر مختلف سیشنز بھی ہوئے اور اسلامی بہنوں نے دعوتِ اسلامی کے دینی کاموں میں حصہ لینے کی اچھی اچھی نیتیں کیں۔

عالمی سطح کی دینی تحریک دعوتِ اسلامی کے زیرِ اہتمام 26 جولائی 2024ء کو ایک مدنی مشورہ منعقد ہوا جس میں کاؤنسل نگران سمیت دیگر ذمہ دار اسلامی بہنوں نے شرکت کی۔

دورانِ مدنی مشورہ کاؤنسل نگران اسلامی بہن نے دینی کاموں کے حوالے سے کلام کرتے ہوئے جملہ ذمہ دار اسلامی بہنوں کے میٹ اپ پر گفتگو کی اور دینی کاموں میں مزید بہتری لانے کا ذہن دیا۔