دعوت ِ اسلامی کی مجلس رابطہ بالعلما کے تحت پیر طریقت سید محمودالحق شاہ صاحب ابن حضرت علامہ مولانا پیر سید محفوظ الحق شاہ سے ملاقات ہوئی ،انہیں ماہنامہ فیضان مدینہ اور مختصر فتاوی ٰ اہلسنت پیش کیا،حضرت نے دعاؤں سے نوازا۔

دعوت ِ اسلامی کی مجلس رابطہ بالعلما کے تحت پاکستان کے شہر لیہ میں معروف عالم دین مولانا عبد الرشید باروی صاحب سے ملاقات ہوئی،انہیں دعوت ِ اسلامی کی دینی خدمات سے آگاہ کیا گیا،بعد نماز ِ مغرب حضرت کی مسجد میں سنتوں بھرا بیان بھی ہوا۔

دعوت ِ اسلامی کی مجلس رابطہ بالعلما کے تحت4 مارچ بروز بدھ کوہاٹ مولانا قاری جمعہ گل خان نقشبندی( خطیب جامع مسجد یحی بلی ٹنگ کوہاٹ) نے فیضان مدینہ،جامعۃالمدینہ اورمدرسہ المدینہ آن لائن کا وزٹ کیا نیز مبلغ ِ دعوت ِ اسلامی نے شعبہ جات کاتعارف پیش کیا اور مختصرفتاوی اہلسنت تحفہ میں پیش کیا۔

دعوت ِ اسلامی کی مجلس رابطہ بالعلما کے تحت 4 مارچ بروز بدھ کوٹ میانہ فیصل آباد میں مفتی مولانا احمد شیر سیالوی صاحب کا وصال ہوا، اِنَّا لِلّٰہِ وَاِنَّا اِلَیْہِ رَاجِعُوْنَ نماز جنازہ اور تدفین کا سلسلہ ہوا ،اللہ پاک مفتی صاحب کی بے حساب مغفرت فرمائے،درجات میں بلندی عطا فرمائے اور لواحقین کو صبر اور صبر پر اجر جزیل عطا فرمائے ، اس موقع پر دعوت ِ اسلامی کے ذمہ داران ، مدرسۃ المدینہ للبنین مڈھ رانجھا کے طلبا اور اہلِ علاقہ نے شرکت کی ۔( رپورٹر:محمد نواز عطاری رکن کابینہ مجلس رابطہ بالعلما، سیال موڑ)

رکن شوریٰ حاجی ابو ماجد محمدشاہد عطاری مدنی اور نگران مجلس رابطہ بالعلماء محمد افضل عطاری مدنی نے 8مارچ2020ء بروز اتوار عالمی مدنی مرکز فیضانِ مدینہ کراچی میں   مجلس رابطہ بالعلماء کراچی ریجن کے ذمہ داران کا مدنی مشورہ فرمایا جس میں ماہ شعبان المعظّم میں ہونے والے علمِ توقیت کورس کے حوالے اسلامی بھائیوں کو مدنی پھول اور اہداف عطا فرمائے۔

دعوتِ اسلامی کی مجلس رابطہ بالعلماء کے تحت ذمہ دار اسلامی بھائیوں نے 8مارچ2020ء بروز اتوار دارالعلوم صبغۃالہدیٰ شاہ پور چاکر ضلع سانگھڑ میں  بانی دارالعلوم صبغۃالہدیٰ حضرت مولانا مفتی عبد الرحیم سکندری رحمۃ اللہ علیہ کے دوسرے سالانہ عرس کے موقع پر مزار شریف پر حاضر ہوکر فاتحہ خوانی کی سعادت حاصل کی۔ مفتی صاحب کے صاحبزادگان مفتی نور نبی نعیمی سکندری صاحب (مہتمم دارالعلوم صبغۃالہدیٰ شاہ پور چاکر) اور ڈاکٹر مفتی حق النبی سکندری الازہری (جانشینِ حضرت مولانا مفتی عبد الرحیم سکندری)سے خصوصی ملاقات کا شرف حاصل کیا۔ دورانِ ملاقات انہیں دعوتِ اسلامی کی دینی خدمات سے متعلق معلومات دیں۔

گزشتہ دنوں نگران مجلس علمِ توقیت پاکستان مولانا وسیم عطاری نےبہاولپور اور اوچھ شریف کے مختلف جامعات اہلسنت( جامعہ انوار خضرا مسجد بہاولپور ماڈل ٹاؤن،جامعہ و مدرسہ المدینہ آ ن لائن بہاولپور فیضان مدینہ، جامعہ نظام مصطفی ٰبہاولپور، جامعہ اویسیہ سیرانی مسجد بہاولپور) میں حاضر ہوکر اساتذہ کرام و طلبہ کے درمیان بیانات کئے جس میں انہوں نے مجلس کا تعارف پیش کیا اورعلمِ توقیت کی اہمیت و افادیت بیان کرتے ہوئے اس نادر علم کو حاصل کرنے کے لئے کراچی میں ہونے والے دس دنوں کے علمِ توقیت کورس میں شرکت کرنے کی دعوت پیش کی۔

 گزشتہ روز 7 مارچ 2020ء کو دعوت اسلامی کے عالمی مدنی فیضان مدینہ کراچی میں مظفر آباد سٹی میں قائم جامعہ نظامیہ رحمانیہ کے مہتمم مفتی عبد الرؤوف نظامی صاحب کی آمد ہوئی۔مجلس رابطہ بالعلماء کے ذمہ داران نے انہیں خوش آمدیدکہا اور فیضان مدینہ میں قائم شعبہ المدینۃالعلمیہ ، جامعۃ المدینہ اور درجہ دورۃ الحدیث شریف کا وزٹ کروایا۔ اس موقع پر مفتی صاحب نے دعوت اسلامی کی مرکزی مجلس شوریٰ کے رکن حاجی ابو ماجد محمد شاہد عطاری مدنی اور نگران مجلس رابطہ بالعلماء محمد افضل عطاری مدنی سے ملاقات بھی کی۔ مجلس رابطہ بالعلماء کی جانب سے مفتی صاحب کو مکتبۃ المدینہ کی کتب تحفے میں پیش کی گئی۔

گزشتہ دنوں دعوتِ اسلامی کی مجلس رابطہ بالعلماء کے تحت رکن ملتان ریجن، رکن زون  اور مجلس توقیت کے نگران مولانا وسیم عطاری نے جامعہ غوثیہ، جامعہ عربیہ احیاءالعلوم بورے والا اور جامعہ غوثیہ احسن المدارس اڈہ چھب چوکی میں حاضر ہوکرطلبائے کرام و مدرسین علمائےکرام کے درمیان علمِ توقیت کی اہمیت پر بیان کیا اور انہیں باب المدینہ کراچی میں ہونے والے دس روزہ علم ِتوقیت کورس میں شرکت کرنے کی دعوت دی مدنی کاموں کی ترغیب دلائی۔ مدنی مرکزفیضان مدینہ بورے والا میں ائمہ و خطبا حضرات کے لئے علم توقیت کے حوالے سےتربیتی نشست کا انعقاد کیا گیا۔

دعوتِ اسلامی کی مجلس رابطہ بالعلماء کےتحت   گزشتہ دنوں ذمہ دار اسلامی بھائیوں نے پنڈی سٹی کے رکنِ کابینہ مسعودالحسن عطاری کی عیادت کی اور اس موقع پر عالمی مدنی مرکز فیضانِ مدینہ کراچی میں ہونے والے 10 دنوں کا علم توقیت کورس کے حوالے سے مشاورت بھی کی جبکہ اسلام آباد کے رکن کابینہ سے بھی مشاورت ہوئی جس میں سنی جامعات کے طلبائے کرام کو ہفتہ وار اجتماع میں لے کر آنے کے حوالے سے گفتگو ہوئی۔