دعوتِ اسلامی کے اسپیشل پرسنز ڈیپارٹمنٹ کے تحت کراچی ساؤتھ زون 2 بلدیہ  ٹاؤن کابینہ میں علاقائی دورہ کاسلسلہ ہوا جس میں کابینہ مشاورت اسپیشل پرسنز ذمہ داراسلامی بہن نےدیگر اسلامی بہنوں کے ہمراہ 4 اسپیشل پرسن اسلامی بہنوں سے ملاقات کی اور اُنھیں دعوتِ اسلامی کے تحت ہونے والے سنتوں بھرے اجتماع میں شرکت کی دعوت دی ۔ اُنھیں بتایا کہ الحمدللہ اسپیشل پرسنز کے لئے اس سنتوں بھرے اجتماع میں اشاروں کے ذریعے بیان کاسلسلہ ہوتاہےجس پر اسپیشل پرسن اسلامی بہنوں نے بخوشی نیکی کی دعوت قبول کی اور سنتوں بھرے اجتماع میں شرکت کی نیت کااظہارکیا۔

٭دوسری جانب شعبہ اسپیشل پرسنز کے تحت مہاجر کیمپ میں اسپیشل پرسنز اسلامی بہنوں کا اجتماع بھی منعقد کیا گیا جس میں مبلغہ دعوت اسلامی نے اشاروں میں نعت رسول ﷺ‎ ، درس، بیان ، سنتیں آداب اور ذکر و دعا کا سلسلہ کیا۔

دعوتِ اسلامی کے زیر اہتمام بن قاسم زون شاہ ٹاؤن ڈویژن کراچی میں 27 ستمبر 2021  ء کو مدنی مشورہ ہوا جس میں ذیلی تا ڈویژن سطح کی کم و بیش 12ذمہ دار اسلامی بہنوں نے شرکت کی۔

یہ مدنی مشورہ زون مشاورت شعبہ ڈونیشن بکس اور کابینہ نگران اسلامی بہن نے لیاجس میں کابینہ نگران اسلامی بہن نے ذمہ دار اسلامی بہنوں کو ہفتہ وار رسالہ پڑھنے/ سننے کے حوالے سے تربیت کی۔ مزید تقرریاں مکمل کرنے کے تعلق سےبھی مدنی پھول دیئے۔ 

دعوت اسلامی کے شعبہ اصلاح اعمال کے تحت کراچی ساؤتھ زون 2 بلدیہ  ٹاؤن کابینہ ڈویژن نیو سعید آباد اتحاد ٹاؤن اور مہاجر کیمپ میں دو مقامات پر اصلاح اعمال اجتماعات کاانعقاد کیا گیاجن میں کم و بیش 51 اسلامی بہنوں نے شرکت کی۔

مبلغاتِ دعوت اسلامی نے’’ اعمال کا جائزہ لینے‘‘ کے موضوع پر سنتوں بھرا بیان کیا اور نیک اعمال کے حوالےسےاسلامی بہنوں کو سمجھایا مزید انہیں روزانہ رسالہ نیک اعمال سےاپنا جائزہ لینے اورانگریزی ماہ کی یکم تاریخ کواصلاح اعما ل کی ذمہ داراسلامی بہنوں کو رسالہ جمع کروانے کا ذہن دیا ۔اس کے علاوہ انہیں مدنی مذاکرہ دیکھنےاور ایام ِقفل ِ مدینہ منانےکی ترغیب دلائی ۔

دعوتِ اسلامی کےشعبہ اصلاح اعمال للبنات کے تحت گزشتہ دنوں(اورنگی ٹاؤن، نیو کراچی ڈویژن گودھرا ، آفندی ٹاون ، عثمان آباد، پکا قلعہ، پریٹ آ باد ، بدین کابینہ پنگریو، گولاڑچی، جامشورو کابینہ ڈویژن خدا کی بستی، جھڑک، سجاول کابینہ کی ڈویژن جوھر جمالی ) میں اُم عطاررحمۃ اللہ علیھاکےایصال ثواب کےسلسلے میں سنتوں بھرے اجتماعات کا انعقاد کیا گیا جن میں تقریباً874 اسلامی بہنوں نے شرکت کی ۔

آغاز تلاوت قراٰن پاک اور نعت رسول پاک صلی اللہ علیہ وسلم سے ہوا ،مبلغات دعوت اسلامی نےسنتوں بھرےبیانات کئےجس میں انہوں نے اُمِّ عطار کی سیرت کے بارے میں بتاتےہوئےان کاذکر خیر کیانیز اِن کےایصال ثواب کےلئے اسلامی بہنوں نے درودِ پاک اور کلمہ طیبہ کا ورد بھی کیا نیز اسلامی بہنوں کو رسالہ نیک اعمال سے اپنا جائزہ کرنے کاذہن دیا۔بعدازاں دعائےمغفرت ا ور صلوۃ و سلام پر اجتماعات کااختتام ہوا۔

دعوتِ اسلامی کے شعبہ رابطہ برائے شخصیات کے تحت کراچی ساؤتھ زون 2 اورنگی  ٹاؤن کابینہ ڈویژن گلشن ضیاء کے ذیلی حلقےمیں قائم ایک بیوٹی پارلر میں تربیتی سیشن ہوا جس میں شعبہ رابطہ کی علاقائی مشاورت ذمہ دار اسلامی بہن نےوضو کا عملی طریقہ سکھایا۔اس میں 5 اسلامی بہنوں نے شرکت کی۔ مزید انہیں علم دین حاصل کرنے کا شوق دلاتے ہوئے سیشن کے اختتام پر ہفتہ وار سنتوں بھرے اجتماع میں شرکت کرنےاور اسلامی بہنوں کے مدرسۃ المدینہ میں ایڈمیشن لینے کا ذہن دیا۔

دعوتِ اسلامی کے شعبہ تعلیم للبنات کے تحت گزشتہ دنوں لاہور ریجن گوجرانوالہ زون میں مدنی مشورےکاانعقادہوا جس میں زون تا علاقہ سطح کی ذمہ داراسلامی بہنوں نے شرکت کی۔

پاکستان ذمہ دار اسلامی بہن نے شعبہ تعلیم کا تعارف پیش کرتےہوئے اسلامی بہنوں کوشعبے کے دینی کام کے حوالے سےنکات بتائے نیز شعبےکےتحت ہونےوالے مختلف سیشن کے بارے میں کلام کرتےہوئےانہیں تقرریاں مکمل کرنے کے اہداف بھی دئیے۔ مزید کارکردگی کی آن لائن انٹری کرنےکے حوالے سے بھی ذمہ داراسلامی بہنوں کی تربیت کی ۔

٭دوسری جانب شعبہ تعلیم للبنات کے تحت پاکستان سطح ذمہ دار اسلامی بہن نے 26 ستمبر 2021 ء بروز اتوار کو اسلام آباد ریجن گاکھر کابینہ میں مدنی مشورہ لیا۔ مدنی مشورے میں ریجن تا علاقہ سطح کی ذمہ داراسلامی بہنوں نے شرکت کی ۔

دعوت اسلامی کے شعبہ رابطہ برائے شخصیات کے تحت گزشتہ دنوں ملتان زون میں علاقائی دورےکاسلسلہ ہوا جس میں پاکستان سطح کی ذمہ دار اسلامی بہن نے ملتان زون کی نیو ملتان کابینہ میں طاہر جمال ایڈوکیٹ، حمید شیخ (فیکٹری آنر) ، عامر صاحب اہل ثروت کے گھر کی خواتین سے ملاقات کی اور انہیں دعوت اسلامی کی دینی وفلاحی خدمت سے آگاہی دیتےہوئے آن لائن کورسز میں داخلہ لینےکی ترغیب دلائی۔اس کے علاوہ انہیں دینی کاموں میں تعاون کرنے کا ذہن دیا اور دعوت اسلامی کی فرض علوم پر مشتمل ایپ بھی انسٹال کروائی جس پر انہوں نے اچھی اچھی نیتوں کا اظہار کیا۔

دعوتِ اسلامی کےشعبہ  فیضان آن لائن اکیڈمی گرلز کےتحت گزشتہ دنوں میں مدنی مشورےکاانعقادہوا جس میں شعبےکی ذمہ داراسلامی بہنوں نے شرکت کی۔ پاکستان ذمہ دار اسلامی بہن نے شعبے کے دینی کام کرنے کےحوالے سےاسلامی بہنوں کو اہم امور پر نکات بتائے اور شعبے میں مزید بہتری کے لئےشعبےکےمدنی پھولوں پر عمل کرنےکاذہن دیا۔

دعوتِ اسلامی کےتحت گزشتہ دنوں میں کراچی ساؤتھ زون 1 گلشن اقبال دارالسنہ للبنات میں’’ آٹھ دینی کام ‘‘کورس کاانعقادہوا جس میں پاکستان نگران اسلامی بہن نے کورس کرنے والی اسلامی بہنوں کو ’’ انفرادی کوشش کرنے کا طریقہ ‘‘ کےموضوع پر تربیت کی ۔ اس تربیتی بیان میں پاکستان کی دیگر دارالسنہ للبنات میں آٹھ دینی کام کورس کرنے والی اسلامی بہنوں نے آن لائن شرکت کی ۔

٭دوسری جانب ’’ ملیر دارالسنہ للبنات‘‘ میں پاکستان نگران اسلامی بہن نے وزٹ کیا۔کورس کرنے والی اسلامی بہنوں کو تنظیمی ذمہ داری لینے اور جن کے پاس تنظیمی ذمہ داری ہے اُن کو کارکردگی شیڈول بروقت جمع کروانےکی ترغیب دلائی ، ماہانہ مدنی مشورہ لینے اور ماہانہ کارکردگی فارم پُر جمع کروانے کا ذہن دیا ۔

٭اسی طرح بن قاسم زون قائد آباد کابینہ کراچی میں پاکستان نگران اسلامی بہن نے ریجن نگران ، زون و کابینہ نگران مع مشاورتوں اور ڈویژن نگران اسلامی بہنوں کامدنی مشورہ لیا ۔

پاکستان نگران اسلامی بہن نے ذمہ دار اسلامی بہنوں کی تربیت کے لئے ’’مبلغہ ہر جگہ مبلغہ ہوتی ہے‘‘ کے موضوع پر بیان کیا۔ مدنی مشورے میں شریک اسلامی بہنوں کو نئے گاؤں گوٹھ میں دینی کام کرنے، تقرری کے اہداف مکمل کرنے کا ذہن بھی دیا جس پر ذمہ دار اسلامی بہنوں نے اہداف مکمل کرنے کی اچھی اچھی نیتیں پیش کیں۔

دعوتِ اسلامی کے شعبہ اصلاح اعمال للبنات کے زیر اہتمام پچھلےدنوں حیدر آباد ریجن کشمور زون کےشہر گھو ٹکی میں مدنی مشورہ منعقد ہوا جس میں تمام ذیلی تا ریجن سطح ذمہ داراسلامی بہنوں نے شرکت کی۔

پاکستان ذمہ دار اسلامی بہن نے مدنی مشورے میں شریک اسلامی بہنوں کو شعبہ اصلاح اعمال کے دینی کام کو بڑھانے کےحوالےسے ذہن سازی کی اوران کی کارکردگی شیڈول پر بھی تربیت کی ۔مزید سفری شیڈول کوہر ماہ میں مضبوط بنانے کا ذہن دیا اور سو فیصد تقرریاں مکمل کرنے کا ہدف دیا ۔

دعوتِ اسلامی کے شعبہ محفلِ نعت کے تحت گزشتہ دنوں میں بلدیہ ٹاؤن کابینہ کی ڈویژن مہاجر کیمپ علاقہ ترک کالونی میں ایصال ثواب اجتماع منعقد ہواجس میں 50 اسلامی بہنوں نے شرکت کی۔

دعوتِ اسلامی کے شعبہ شارٹ کورسز کے تحت گزشتہ دنوں میں کراچى ساؤتھ زون 2 سُرجانی ٹاؤن کابینہ میں ’’سورۂ ملک ترجمہ و تفسیر ‘‘کورس کا 11 مقامات پر انعقاد کیا گیاجن میں تقریباً 208 اسلامی بہنوں نے شرکت کی ۔

مدرسات نے کورس میں شریک اسلامی بہنوں کو سورۂ ملک کی ترجمہ و تفسیر بتائی اوردعوت اسلامى کے دينى ماحول سے منسلک ہونے کا ذہن دیتے ہوئے انہیں ہفتہ وار سنتوں بهرے اجتماع میں شرکت کرنے کا ذہن دیا جس پر اسلامی بہنوں نے شرکت کرنے کى نیتیں کیں ۔