دعوت اسلامی کے شعبہ کفن دفن کے زیر اہتمام 31 جنوری 2021ء مدنی مرکز فیضان مدینہ فیصل آباد میں مدنی مشورہ ہوا جس میں رکن شوریٰ حاجی محمد منصور عطاری سمیت شعبے کے متعلقہ ذمہ داران نے شرکت کی۔

نگران پاکستان مشاورت حاجی محمد شاہد عطاری نے گزشتہ کارکردگی اور تقرری کا جائزہ لیتے ہوئے تقرری کے نظام کو مضبوط کرنے کے ساتھ ساتھ مکمل کرنے کے اہداف دیئے۔نگران پاکستان مشاورت نے آئندہ کے اہداف دیتے ہوئے ذمہ داران کو 2026ء تک کے پلان اور ہر ماہ اس کا فالو اپ کرنے پر گفتگو کی۔مدنی مشورے میں خیر خواہی امت کے جذبے کے تحت مسلمانوں میں کفن دفن کے مسائل اور غسل میت کی آگاہی کے لئے کورسز کو مزید بڑھانے کا ذہن دیا گیا۔اس مشورے میں یہ طے پایا کہ ذمہ داران مسلمانوں کے تیجے اور چہلم وغیرہ کے مواقع پر ایصالِ ثواب اجتماع منعقد کرواکر اراکین شوریٰ و دیگر مبلغین کے بیانات کروائیں گے اور دارالافتاء اہلسنت سے شرعی رہنمائی لیکر شعبے کے حوالے سے ایک رسالہ مرتب کیا جائیگا۔

دعوت اسلامی کے شعبہ ازدیادحب کے تحت 28 جنوری 2021ء کو مدنی مرکز فیضان مدینہ فیصل آباد میں مدنی مشورہ ہوا جس میں متعلقہ شعبے کے اسلامی بھائیوں نے شرکت کی۔

نگران پاکستان مشاورت انتظامی کابینہ حاجی محمد شاہد عطاری نے شعبے کے حوالے سے شرکا کی رہنمائی فرمائی اور شعبہ ازدیادحب کو مضبوط کرنے کا ذہن دیا۔مدنی مشورے میں حاجی شاہد عطاری نے شرکا سے گفتگوکرتے ہوئے فرمایا کہ ہمیں پرانے اسلامی بھائیوں سے دوبارہ رابطہ کرکے انہیں دینی ماحول سے قریب کرنا، اجتماعات میں شرکت اور مدنی قافلوں میں سفر کروانا ہے تاکہ ذمہ داران کی مشاورت سے انہیں دینی کاموں کی ذمہ داری سونپی جائے۔ حاجی شاہد عطاری نے ان تمام کاموں کے لئے متعلقہ رکن شوریٰ کا آن لائن بیان کروانے کا ذہن دیااور ایصالِ ثواب اجتماعات کے حوالے سے اہداف دیئےجس پر شرکا نے اپنی اپنی نیتوں کا اظہار کیا۔ (رپورٹ :محمد جاوید عطاری، تنظیمی میڈیا پاک کابینہ آفس فیصل آباد)

پچھلے دنوں مدنی مرکز فیضان مدینہ فیصل آباد میں شعبہ فیضان آن لائن اکیڈمی کے زیر اہتمام سنتوں بھرا اجتماع ہوا جس میں فیصل آباد اور سرگودھا زون کے اسٹاف نے شرکت کی۔

نگران پاکستان انتظامی کابینہ حاجی محمد شاہد عطاری نے ”شکر کے فضائل“ کے موضوع پر سنتوں بھرا بیان کیااورشعبے کی 2020ء کی کارکردگی کا جائزہ لیتے ہوئے نمایاں کارکردگی کے حامل اسلامی بھائیوں کا تحائف دیئے۔

اس موقع پر نگران پاکستان انتظامی کابینہ حاجی محمد شاہد عطاری کا کہنا تھا کہ دعوت اسلامی اجتماعات، قافلوں، مدنی چینل، سوشل میڈیا، تحریر اور کتابوں کے ساتھ ساتھ گزشتہ چند سالوں سے فیضان آن لائن اکیڈمی کے ذریعے بھی علمِ دین کو شمع کو روشن کررہی ہے جبکہ فیضان آن لائن اکیڈمی میں پڑھنے والے اسٹوڈنٹس کی تعداد 18 ہزار 402 ہے جو آن لائن کے ذریعے مختلف کورسز کرنے کی سعادت حاصل کررہے ہیں۔

دعوت اسلامی کے زیر اہتمام 22 جنوری 2021ء کو مدنی مرکز فیضان مدینہ فیصل آباد میں مدنی مشورہ ہوا جس میں فیصل آباد ریجن کے شعبہ نگران، زون نگران، ڈویژن و علاقہ نگران نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے شرکا کی تربیت کی اور دینی کاموں کی کارکردگی کا جائزہ لیتے ہوئے انہیں 12 دینی کاموں میں بڑھ چڑھ کر حصہ لینے کا ذہن دیا۔ نگران شوریٰ نے انہیں اپنے اپنے شعبہ جات کو مزید ترقی کی طرف گامزن کرنے لئے عملی اقدام ٹھانے کی ترغیب دلائی۔

اس موقع پر نگران پاکستان انتظامی کابینہ حاجی محمد شاہد عطاری، اراکین شوریٰ حاجی یعفور رضا عطاری اور حاجی محمد جنید عطاری مدنی بھی موجود تھے۔

مدینہ ٹاؤن فیصل آباد میں قائم مدنی مرکز فیضان مدینہ میں فیصل آباد کے شعبہ تعلیم سے وابستہ اسلامی بھائیوں نے نگران پاکستان انتظامی کابینہ حاجی محمد شاہد عطاری سے ملاقات کی۔

نگران پاکستان حاجی محمد شاہد عطاری نے ان اسلامی بھائیوں کے درمیان ”عقل مند کون ؟اور بے وقوف کون؟“ کے موضوع پر سنتوں بھرا بیان فرمایا اور انہیں آخرت کی تیاری کرنے اور آن لائن کورسز کرنے کی ترغیب دلائی۔ حاجی شاہد عطاری نے شرکا کو دعوت اسلامی کے 12 دینی کاموں میں حصہ ملانے کا ذہن دیا۔

مدینہ ٹاؤن فیصل آباد میں قائم مدنی مرکز فیضان مدینہ میں دعوت اسلامی کے شعبہ مدنی کورسز کا مدنی مشورہ ہوا جس میں رکن شوریٰ حاجی محمد فضیل عطاری،شعبہ نگران، ریجن اور زون ذمہ داران نے شرکت کی۔

اس مجلس کے تحت فیضان نماز کورس، 12دینی کام کورس، اصلاح اعمال کورس اور 63 دن کا مدنی کورس جزوقتی اور رہائشی کورسز کا سلسلہ رہتا ہے۔ مدنی مشورے میں سال 2020ء کی کارکردگی کا جائزہ لیا گیا، نگران پاکستان انتظامی کابینہ حاجی محمد شاہد عطاری نے ان اسلامی بھائیوں کی رہنمائی فرمائی اور سال 2021ء کے اہداف دیئے۔ 

مدنی مرکز فیضان مدینہ فیصل آباد میں دعوت اسلامی کی مجالس شعبہ خدام المساجد و المدارس، اثاثہ جات اور تعمیرات کے ذمہ داران کا مشترکہ مدنی مشورہ ہوا جس میں اراکین شوریٰ حاجی یعفور رضا عطاری، حاجی محمد امین عطاری، حاجی محمد اسلم عطاری،حاجی محمد فاروق جیلانی عطاری، حاجی محمد رفیع عطاری ، نگران شعبہ جات اور ذمہ داران نے بذریعہ ویڈیو لنک شرکت کی۔

نگران پاکستان انتظامی کابینہ حاجی محمد شاہد عطاری نےتینوں شعبہ جات کے دینی کاموں کے حوالے سے شرکا کی رہنمائی فرمائی۔ اس موقع پر رکن شوریٰ حاجی محمد علی عطاری بھی حاجی شاہد عطاری کے ہمراہ موجود تھے۔

مدنی مشورے میں تینوں شعبہ جات کی کارکردگی کا جائزہ لیا گیا، مسجد خدام المساجد و المدارس کے تحت بننے والی وہ مساجد جن کے تعمیراتی کام مالی کمی باعث کے رکے ہوئے ہیں ان کے لئے مدنی عطیات جمع کرنے کے حوالے سےگفتگو کی گئی اور کئی تجاویز زیرِ غور آئے۔

مدنی مرکز فیضان مدینہ فیصل آباد مدینہ ٹاؤن میں شعبہ  عطیات بکس اور شعبہ ڈونیشن سیل کا بذریعہ ویڈیو لنک مدنی مشورہ ہوا جس میں رکن شوریٰ حاجی محمد اسد مدنی عطاری، اراکین مجلس جامعات المدینہ اور دیگر شعبوں کے ذمہ داران نے شرکت کی۔ اس مدنی مشورے میں جامعات المدینہ کے مالی نظام کو مضبوط کرنے کے حوالے سے گفتگو ہوئی، عطیات کی کمی بہتر کرنے اور نئے جامعۃ المدینہ بنانےکے لئے تجاویز پر غور کیا گیا۔مشورے میں شعبہ عطیات بکس اور مدنی بستہ کو ذم کرکے انہیں جامعۃ المدینہ کا حصہ بنادیا گیا۔

اس حوالےسے نگران پاکستان انتظامی کابینہ حاجی محمد شاہد عطاری کا کہنا تھا کہ جامعۃ المدینہ دعوت اسلامی کا ایک بہت عظیم شعبہ ہے جس سے علما پروڈیکشن ہوتی ہے، امام و خطیب ملتے ہیں، دینی کتابیں لکھنے والے ملتے ہیں،تحقیقات اور دارالافتاء اہل سنت میں فتویٰ دینے والے ملتے ہیں۔اس ادارے کے دینی کاموں کو مزید آگے بڑھانے کے لئے شعبہ عطیات بکس اور مدنی بستہ کو جامعۃ المدینہ کی مجلس کے ساتھ ذم کردیا گیا تاکہ ان کے اخراجات پورے ہوں اور تعلیمی نظام کو مزید بہتر انداز میں زیادہ سے زیادہ کرسکیں۔ نگران پاکستان نے مزید کہا کہ مولانا علی عمران عطاری مدنی کو پاکستان سطح پر مدنی عطیات بکس کا ذمہ دار مقرر کردیا گیاجبکہ جامعات المدینہ کی طرف سے محمود عطاری مدنی ڈونیشن سیل کے ذمہ دار ہونگے۔

دعوت اسلامی کے مدنی مرکز فیضان مدینہ فیصل آباد مدینہ ٹاؤن میں شعبہ کفن دفن کے تحت  تین دن کا کورس ہوا جس میں مختلف شہروں سے آئے ہوئے عاشقان رسول نے شرکت کی۔ شرکا کو غسل میت، کفن دفن اور میت کے حوالے سے دیگر ضروری احکام اور شرعی مسائل سکھائے گئے۔

دوران کورس نگران پاکستان انتظامی کابینہ حاجی محمد شاہد عطاری نے مدنی درس دیا اور ان عاشقان رسول کو اپنے اپنے علاقوں میں جاکر شعبہ کفن دفن کے تحت ہونے والے دینی کاموں میں شرکت کرنے کی ترغیب دلائی اور مدنی پھول ارشاد فرمائے۔

دعوت اسلامی کے تحت مدنی مرکز فیضان مدینہ فیصل آباد مدینہ ٹاؤن میں مدنی مشورہ ہوا جس میں رکن شوریٰ حاجی محمد جنید عطاری مدنی، شعبہ کارکردگی اور شعبہ جدول کے ریجن ذمہ داران سمیت پاکستان آفس کے اسلامی بھائیوں نے شرکت کی۔

نگران پاکستان انتظامی کابینہ حاجی محمد شاہد عطاری نے ان اسلامی بھائیوں کی رہنمائی فرمائی اور انہیں مدنی پھولوں سے نوازا ۔ مدنی مشورے میں دونوں شعبہ جات کو مزید بہتر اور اپڈیٹ کرنے کے حوالے سے گفتگو ہوئی اور مختلف تجاویز پر کلام ہوا جس میں طے پایا کے پیشگی جدول کو عصری تقاضوں کے مطابق اور ماڈرن ٹولز استعمال کرتے ہوئے اسے مزید بہتر بنایا جائیگا جبکہ اس حوالے سے ایک سوفٹ ویئر بھی بنایا جارہا ہے۔

فیصل آباد مدینہ ٹاؤن میں قائم مدنی مرکز فیضان مدینہ میں دعوت اسلامی کی مجلس حج و عمرہ فیصل آباد ریجن کے ذمہ داران کا مدنی مشورہ ہوا جس میں فیصل آباد ریجن ، کابینہ اور زون ذمہ داران نے شرکت کی۔ رکن شوریٰ سید ابراہیم عطاری نےاور مجلس حج و عمرہ کے ذمہ دار نےان اسلامی بھائیوں کی رہنمائی فرماتے ہوئے اہداف بھی دیئے۔

مدنی مرکز فیضان مدینہ فیصل آباد مدینہ ٹاؤن میں دنیا بھر میں قرآن پاک اور علم دین کی بذریعہ انٹرنیٹ اشاعت میں مصروف شعبے ”فیضان آن لائن اکیڈمی“  کےاسلامی بھائیوں کا سنتوں بھرا اجتماع ہوا جس میں پاکستان بھر کے ریجن ذمہ داران، زون ذمہ داران اور ناظمین نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور دیگر ذمہ داران نے ان اسلامی بھائیوں کی رہنمائی فرمائی ۔