11 جولائی 2023ء بروز منگل دینی کاموں کے سلسلے میں شعبہ مدنی کورسز کے ذمہ داران نے بحریہ ٹاؤن کراچی کا دورہ کیا جہاں انہوں نے ٹاؤن نگران سیّد رفاقت شاہ عطاری اور شعبہ مدنی کورسز کے ٹاؤن ذمہ دار زین العابدین عطاری کے ہمراہ میٹنگ کی۔

اس موقع پر شعبے کے سٹی ذمہ دار محمد صابر عطاری اور ڈسٹرکٹ ذمہ دار قاری ناصر عطاری نے مختلف مقامات پر جزوقتی کورسز کے آغاز کی پلاننگ پر گفتگو کی۔

اس کے علاوہ ماہِ اگست 2023ء میں 7 دن پر مشتمل فیضانِ نماز کورس (رہائشی) کا آغاز کرنے کے حوالے سے ذمہ دار اسلامی بھائیوں نے اچھی اچھی نیتوں کا اظہار کیا۔(رپورٹ: شعبہ مدنی کورسز ، کانٹینٹ:غیاث الدین عطاری)

11 جولائی 2023ءکو اقبال ٹاؤن لاہور کی یو سی اعوان ٹاؤن میں  شعبہ مدنی کورسز ذمہ دار محمد ابوبکر عطاری مدنی نے اسکول اونرز سے ملاقاتیں کیں ۔

دورانِ ملاقات محمد ابوبکر عطاری مدنی نے اسکول اونرز کو دعوت اسلامی کا تعارف پیش کیا جس میں بالخصوص شعبہ مدنی کورسز کےتحت ہونے والے دینی کاموں کے متعلق بتایا اور انہیں اپنے اسکول میں فرض علوم پر مشتمل کورسز کروانے کا ذہن دیا۔

کورسز کی دعوت پر اسکول اونرز نے اپنے اسکول اور اکیڈمیز میں بہت جلد شارٹ کورسز کروانے کی اچھی نیت کا اظہار کیا۔(رپورٹ: محمد ابوبکر عطاری،کانٹینٹ:رمضان رضا عطاری)

دعوت اسلامی کے شعبہ   مدنی کورسز کی جانب سے 11 جولائی 2023ء کو لاہور ڈویژن سیدہ آمنہ مسجد میں جاری جز وقتی نمازکورس کے شرکا میں ٹریننگ سیشن کا انعقاد کیا گیا۔

ڈسٹرکٹ ذمہ دار مولانا محمد ابوبکر عطاری مدنی نے کورس کے شرکا مدنی منو ں کو دینی و اخلاقی تربیت پر مشتمل مدنی پھول دیئے نیز نماز کی شرائط کے حوالے سےتفصیل بتائی ۔(رپورٹ: محمد ابوبکر عطاری،کانٹینٹ:رمضان رضا عطاری)

شعبہ  مدنی کورسز دعوت اسلامی کی زیرِ اہتمام بحریہ ٹاؤن کراچی میں مدنی مشورہ ہوا جس میں شعبے کے ذمہ داران نے شرکت کی ۔ سٹی ذمہ دار صابر عطاری نے مختلف مقامات پر کورسز کروانے کے حوالے سے شرکا سے تبادلہ خیال کیا اور باہمی مشاورت سے اہداف طے کئے۔

اس موقع پر ڈسٹرکٹ ملیر میں 21 جولائی 2023ء سے 21 دن پر مشتمل رہائشی فیضانِ نماز کورس کی تاریخ بھی مقرر کی گئی ۔( کانٹینٹ:رمضان رضا عطاری)

پاکستان بھر کے مختلف صوبوں اور شہروں سے آنے والے افرادکے لئے دعوتِ اسلامی کے عالمی مدنی مرکز فیضانِ مدینہ کراچی میں شعبہ مدنی کورسز کے تحت63 دن  کا رہائشی مدنی تربیتی کورس15 جولائی 2023 ء بروز ہفتہ سے شروع ہونے جا رہا ہے۔

اس کورس میں عقائد کی اصلاح، نماز کے احکام ،مکمل مدنی قاعدہ تجوید کے ساتھ، سورۂ ملک کی مشق، درست مخارج کے ساتھ آخری 20 سورتیں زبانی یاد، نماز کے اذکار و عملی طریقہ اور تقریباً 50 موضوعات پر مشتمل سنتیں و آداب،روزمرہ کی پڑھی جانے والی تقریباً 50 دعائیں، کفن دفن کا مکمل طریقہ، اخلاقی تربیت کے 50 موضوعات پر تربیت سمیت مدنی قافلے کا مکمل ٹائم ٹو ٹائم شیڈول چلانے کا طریقہ ، پبلک ڈیلنگ او رذیلی حلقے کے 12 دینی کاموں کو کرنے کا طریقہ سکھایا جائے گا۔

کورس کی شرائط:

عمر کم از کم 18 سال ہو۔ (میٹرک پاس یا حافظ قرآن 16 سال کے افراد بھی اہل ہوں گے)

اوریجنل شناختی کارڈ / ب فارم اور فوٹو کاپی۔

اپنے رہائشی علاقے کے دعوتِ اسلامی کے نگران کا تصدیق نامہ

اپنے والد/سرپرست کا تحریری اجازت نامہ

موسم کے لحاظ سے ضروری سامان ساتھ لائیے۔( کانٹینٹ:رمضان رضا عطاری)

پچھلے دنو  ں دعوت اسلامی کے شعبہ مدنی کورسز کی جانب سے لاہور میں قائم جامعۃ المدینہ بوائز داتا گنج بخش میں مدنی مشورہ ہوا جس میں ڈسٹرکٹ ذمہ دار مدنی کورسز محمد ابوبکر عطاری مدنی نے جامعۃ المدینہ کے ناظمین سے ملاقات کی اور وہاں کے اسلامی بھائیوں کو معلم کے طور پر جز وقتی کورسز کروانے کی دعوت دی۔

اس موقع پر ناظمین جامعۃ المدینہ نے اپنے جامعہ میں پڑھنے والے درجہ خامسہ سے آگے دورۃ الحدیث تک کے طلبہ کو جز وقتی معلم بننے کی ترغیب دلائی اور خود بھی جز وقتی معلم بننے کی اچھی اچھی نیتیں کیں۔)رپورٹ : محمد ابوبکر عطاری،کانٹینٹ:رمضان رضا عطاری)

دنیا بھر میں دینِ اسلام کی  تعلیمات عام کرنے والی عاشقانِ رسول کی دینی تحریک دعوتِ اسلامی کی جانب سے 5 جولائی 2023ء کو مدنی مرکز فیضانِ مدینہ، مدینہ ٹاؤن 213 سوساں روڈ فیصل آباد میں بذریعہ ویڈیو لنگ مدنی مشورہ ہوا جس میں نگران شعبہ قاری محمدسعیدعطاری، محمداعجازعطاری مدنی، محمداحمدسیالوی عطاری اور حافظ قاری محمد ندیم عطاری سمیت حافظ محمد اویس عطاری نے شرکت کی ۔

مدنی مشورے میں رکنِ شوریٰ حاجی محمد فضیل عطاری نے شرکا کو شعبے کے اپ ڈیٹ نکات بتائے اور معلمین کی ٹریننگ کروانے کے بارے میں مدنی پھول دیئے جس پر نگران اسلامی بھائیوں نے اچھی اچھی نیتوں کااظہار کیا۔

ا س کے علاوہ 15 جولائی 2023ء سے عالمی مدنی مرکز فیضانِ مدینہ کراچی میں شروع ہونے والے مدنی تربیتی کورس میں تعداد بڑھانے کے سلسلے میں اہداف دیئے ۔(رپورٹ: محمداحمدسیالوی عطاری رکن مجلس مدنی کورسز،کانٹینٹ:رمضان رضا عطاری)

22جون  2023ء کو شعبہ مدنی کورسز ڈسٹرکٹ ملیر۔ 2کی جامع مسجد فاطمہ شاہ لطیف ٹاؤن میں 7دن پر مشتمل فیضانِ نماز کورس (رہائشی) کے اختتام پر تقسیم اسناد اجتماع کا انعقاد ہوا۔

شعبہ کے سٹی ذمہ دار محمد صابر عطاری نے بیان کیا جس میں اسلامی بھائیوں کو 12 دینی کام کرنے کا ذہن دیا جبکہ اختتام پر ڈسٹرکٹ نگران سید فضیل عطاری نے شرکا کی حوصلہ افزائی کرتے ہوئے ان میں اسناد تقسیم کیں۔(رپورٹ: محمد صابر عطاری شعبہ مدنی کورسز کراچی سٹی ذمہ دار،کانٹینٹ:رمضان رضا عطاری)

18 سے  24جون 2023ء تک شعبہ مدنی کورسز دعوتِ اسلامی کے تحت کراچی کے آٹھوں ڈسٹرکٹ میں میٹ اپ کا سلسلہ ہوا جس میں نگران شعبہ قاری سعید عطاری نے مختلف علاقوں میں جاجا کر شعبے کے اسلامی بھائیوں کی تربیت کی ۔

دورانِ تربیت قاری سعید عطاری نے معلمین کو کورسز میں جدید ٹولز کے استعمال اور دعوتِ اسلامی کی ویب سائٹ سے اپڈیٹ رہنے کا ذہن دیا نیز پروفیشنل تک یہ معلومات شیئر کرنے اور ان میں کورسز کروانے کی ترغیب دلائی جس پر اسلامی بھائیوں نے مذکورہ مدنی پھولوں پر عمل پیرا ہونے کی اچھی اچھی نیتیں کیں۔(رپورٹ: محمد صابر عطاری شعبہ مدنی کورسز کراچی سٹی ذمہ دار،کانٹینٹ:رمضان رضا عطاری)

دعوتِ اسلامی  کے شعبہ مدنی کورسز کے تحت ڈسٹرکٹ کیماڑی وزیر منشن صدام چوک میں قائم جامع مسجد گلزارِ مدینہ میں 7 دن پر مشتمل رہائشی فیضانِ نماز کورس کے اختتام پر تقسیم اسناد کا سلسلہ ہوا ۔

اس موقع پر نگرانِ شعبہ پاکستان قاری سعید عطاری نے ’’ نماز کے فضائل‘‘ کےموضوع پر بیان کیا اور شرکا کو مزید فرض علوم پر مشتمل کورسز کرنے کی ترغیب دلائی جس پر انہوں نے اچھی اچھی نیتوں کا اظہار کیا۔ آخر میں کورس کرنے والے عاشقان رسول میں اسناد تقسیم کی گئیں۔(رپورٹ: محمد صابر عطاری شعبہ مدنی کورسز کراچی سٹی ذمہ دار،کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی دینی تحریک دعوت ِاسلامی کے شعبہ مدنی کورسز کے زیرِ اہتمام 23 جون 2023ء کو لاہور میں مدنی مشورہ ہوا جس میں شعبے کے ڈسٹرکٹ ذمہ داران نے شرکت کی ۔

صوبائی ذمہ دار مستنصر عطاری نے ذمہ داران کی تربیت کرتے ہوئے انہیں کورسز کے نظام کو مزید بہتر بنانے کے متعلق مدنی پھول دیئے اور جزوقتی کورسز سے رہائشی کورسز تیار کرنے کا ہدف دیاجس پر اسلامی بھائیوں نے اچھی اچھی نیتیں کیں۔(رپورٹ: محمد ابوبکر عطاری ،کانٹینٹ:رمضان رضا عطاری)

لوگوں کی نمازیں درست کرنے اور انہیں دینی مسائل سکھانے کے لئے پچھلے دنوں پنجاب کے شہر لاہور میں شعبہ مدنی کورسز دعوتِ اسلامی کے تحت  فیضانِ نماز کورس کا آغاز کیا گیا جس میں مختلف گریڈ کے افسران اور دیگر اسلامی بھائیوں نے شرکت کی۔

ابتداءًمبلغِ دعوتِ اسلامی مولانا محمد ابو بکر عطاری مدنی نے وضو و غسل کے حوالے سے اسلامی بھائیوں کی تربیت کرتے ہوئے انہیں نجاستوں کے بارے میں چند ضروری باتیں بتائیں۔

اس کے علاوہ مبلغِ دعوتِ اسلامی نے کورس میں شریک اسلامی بھائیوں کو جان بوجھ کر نماز چھوڑنے اور بغیر جماعت کے نماز پڑھنے کی وعید بیان کی نیز انہیں پانچوں نمازیں مسجد کی پہلی صف میں تکبیرِ اولیٰ کے ساتھ پڑھنے کا ذہن دیا۔(رپورٹ: شعبہ مدنی کورسز، کانٹینٹ:غیاث الدین عطاری)