لوگوں کو علمِ دین کے زیور سے آشنا کرنے کے لئے دعوتِ اسلامی کا شعبہ مکتبۃالمدینہ آسان اور دلچسپ انداز میں خوب صورت سرورق کے ساتھ کُتُب و رسائل شائع کرتا  رہتاہے۔

ان کُتُب و رسائل کے حصول کی آسانی کے لئے ممکنہ صورت میں ذیلی حلقوں میں ہونے والے اسلامی بہنوں کے سنتوں بھرے اجتماعات، سیکھنے سکھانے کے حلقے، دارالسنہ اور مدرسۃالمدینہ بالغات میں مکتبۃالمدینہ کے بستے (اسٹال) لگائے جاتے ہیں۔

اپریل 2023ء کی کارکردگی کے مطابق بیرونِ ملک میں اسلامی بہنوں کے درمیان لگائے بستوں کی کارکردگی درج ذیل رہی۔

اسلامی بہنوں کے ہفتہ وار سنتوں بھرے اجتماع میں لگائے بستوں (اسٹال) کی تعداد:551

مدرسۃالمدینہ بالغات میں لگائے گئے بستوں (اسٹال) کی تعداد:80

ماہانہ ڈویژن سیکھنے سکھانے کے حلقوں میں لگائے گئے بستوں (اسٹال) کی تعداد:81

دارالسنہ میں لگائے گئے بستوں (اسٹال) کی تعداد:01

مکتبۃالمدینہ للبنات سے فروخت کئے گئے کُتُب و رسائل کی تعداد:3 لاکھ 55 ہزار 755

دعوت اسلامی کے زیر اہتمام آج مؤرخہ یکم جون 2023ء بروز جمعرات بعد ِنماز مغرب دنیا بھر میں ہفتہ وار سنتوں بھرے اجتماع کا انعقاد کیا جائیگا جن میں تلاوت و نعت کے بعد مبلغین دعوت اسلامی واراکین شوریٰ سنتوں بھرے بیانات فرمائیں گے۔

تفصیلات کے مطابق رات 9:15 بجے مدنی چینل پر لائیو شروع ہونے والے ہفتہ وار اجتماع میں مرکزی مجلس شوریٰ کےرکن حاجی محمد اظہر عطاری مدنی مرکز فیضان مدینہ نکیال کشمیر سے سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد علی عطاری، مدنی مرکز فیضان مدینہ نیو سیٹلائٹ ٹاؤن سرگودھا میں نگران پاکستان مشاورت حاجی محمد شاہد عطاری، مسجد فیضان مدینہ کوٹلہ عرب علی خان میں مولانا حاجی محمد اسد عطاری مدنی، مدنی مرکز فیضان مدینہ ایبٹ آباد میں رکن شوریٰ مولانا حاجی ابو ماجد محمد شاہد عطاری مدنی، مدنی مرکز فیضان مدینہ شاہ ابو البرکات مغلپورہ لاہور میں رکن شوریٰ حاجی منصور عطاری، فیضان اسلام مسجد خیابان سحر فیز7 ڈیفنس کراچی میں رکن شوریٰ مولانا حاجی عبد الحبیب عطاری،جامع مسجد فیضان جیلان کلفٹن کراچی میں رکن شوریٰ حاجی فضیل عطاری اور میمن مسجد میمن نگر15 اے گلزار ہجری کراچی میں رکن شوریٰ حاجی سید ابراہیم عطاری سنتوں بھرا بیان فرمائیں گے۔

تمام عاشقان رسول سے آج رات ہونے والے ہفتہ وار اجتماع میں شرکت کرنے کی درخواست ہے۔

دعوتِ اسلامی کے شعبہ حج و عمرہ کراچی سٹی کے زیرِا ہتمام کریم آباد کراچی پر واقع Orchid banquet میں پرائیویٹ کاروان کے ذریعے حج کی سعادت حاصل کرنے والے زائرین کے لئے حج تربیتی اجتماع کا انعقاد کیا گیا۔

ابتداءً مبلغِ دعوتِ اسلامی عابد عطاری نے اجتماع میں شریک اسلامی بھائیوں کو احرام باندھنے، عمرہ کرنے کا طریقہ اور اس کی چند ضروری احتیاطیں بتائیں۔

کشمیر کے علاقے راولا کوٹ میں  واقع گورنمنٹ اسپیشل ایجوکیشن اسکول میں 24 مئی 2023ء کو دعوتِ اسلامی کے شعبہ اسپیشل پرسنز کے تحت اسٹوڈنٹس میں ٹریننگ سیشن منعقد ہوا ۔

ٹریننگ سیشن میں اسپیشل ایجوکیشن ذمہ دار احمد اویس عطاری نے طلبہ کو’’ ذکرُ اللہ کی برکات ‘‘بیان کرتے ہوئےذکرُ اللہ کرنے کی ترغیب دلائی ،بعدازاں اسکول اسٹاف سے میٹنگ کرتے ہوئے طلبہ میں اس طرح کے تربیتی سیشن رکھنے کے بارے میں تبادلہ ٔخیال کا سلسلہ رہا جس پر انھوں نے بھر پور تعاون کرنے کی اچھی نیت کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

طلبہ کی تعلیمی ،ذہنی ، جسمانی اور نفسیاتی نشوونما کے ساتھ ساتھ ان کی اخلاقی تربیت کرنا والدین اور اساتذہ کی اہم ذمہ داری ہے۔جس طرح درختوں کی نگہداشت سے ماحول کو سرسبزبنایا جاسکتا ہے اسی طرح طلبہ کی درست تعلیم وتربیت سے پورے معاشرے کو گلِ گلزار بنایا جاسکتا ہے۔تعلیم و تربیت کےاس سلسلے کو مؤثر بناتے ہوئے دارالمدینہ انٹرنیشنل اسلامک اسکول سسٹم گرمیوں کی چھٹیوں میں سمر ویکیشن ہوم ورک اور سمر تربیہ ہوم ورک جاری کررہاہے۔

سمرویکیشن ہوم ورک میں اُردو اور دیگر مضامین کے بنیادی کاموں کی دہرائی کے علاوہ ریاضی کی مہارت کو تقویت دینے کے لئے جیومیٹری، الجبرا،سیٹ اور دیگر تصورات پر مبنی مشقیں دی گئی ہیں ۔انگلش میں گرامراور الفاظ کی ورک بک کے ساتھ ساتھ زبان کی بنیادی مہارتوں کو بہتر بنانے کے لئے مشقیں اور سرگرمیاں دی گئی ہیں۔سائنس کی درسی کتابوں میں دیئے گئے تجربات، تصورات اور کارآمد باتوں سے متعلق ایسے عنوانات شامل کئے گئے ہیں جو طلبہ میں سائنسی سوچ کو فروغ دے سکیں۔

سمرتربیہ ہوم ورک میں مختلف کلاسز کے طلبہ کے لئے دینی ،اخلاقی اور تعلیمی سرگرمیاں ترتیب دی گئی ہیں۔ان میں تلاوتِ قراٰن،کلمے، دعائیں،حدیثِ پاک،بنیادی عقائدکی تفہیم،ایکٹیویٹی بیسڈ اسلامک نالج،وضو،غسل اور نماز کی معلومات کی فراہمی کے ساتھ ساتھ اخلاقی اوصاف پرمبنی سرگرمیاں بھی شامل ہیں۔ ساتھ ہی طلبہ کو گھر درس دینے اور مدنی مذاکرہ دیکھنے کی خصوصیت کے ساتھ دعوت بھی پیش کی گئی ہے۔ سمر تربیہ ہوم ورک میں اسلامیات کی درسی کتب کی سرگرمیاں بھی شامل کی گئی ہیں ۔

تمام ہی جماعتوں میں سمر تربیہ ہوم ورک اور سمر ویکیشن ہوم ورک تیار کرتے ہوئے طلبہ کی دلچسپیوں کو پیش نظر رکھا گیا ہے تاکہ طلبہ گرمیوں کی چھٹیوں کے دوران اپنے اندر پڑھنے اور سیکھنے کا شوق پیدا کرسکیں۔

سمر تربیہ ہوم ورک کو www.darulmadinah.net پر بھی رکھا گیا ہے تاکہ دارالمدینہ کے علاوہ دوسرے اسکولز میں پڑھنے والے بچّوں کے والدین بھی استفادہ کرسکیں اور اپنے بچوں کی بہترین تربیت کرسکیں۔ (رپورٹ: غلام محی الدین ترک، اردو کانٹینٹ رائٹر سوشل میڈیا ڈیپارٹمنٹ دارالمدینہ، ہیڈ آفس کراچی، ویب ڈیسک رائٹر:غیاث الدین عطاری)

پچھلے دنوں بہاولپور سٹی میں دعوتِ اسلامی  کے شعبہ ہفتہ وار اجتماع مجلس کے ذمہ داران مدنی مشورہ ہوا جس میں نگران بہاولپور ڈویژن ڈاکٹر حافظ عبدالرؤف عطاری نے ہفتہ وار اجتماع کو مزید بہتر بنانے کے حوالے سے مدنی پھول دیئے نیز ذیلی مجالس کے ذمہ داران کا تقرر بھی کیا۔(کانٹینٹ:رمضان رضا عطاری)

پچھلے  دنوں اسپیشل پرسنز ڈیپارٹمنٹ کے تحت عالمی مدنی مرکز فیضان مدینہ کراچی میں سائن لینگویج کورس ہوا اور 26 مئی 2023 ءکو کورس کے اختتام پر تقسیم اسناد اجتماع کا انعقاد ہوا ۔

تفصیلات کے مطابق اس کورس میں نارمل اسلامی بھائیوں کو اسپیشل پرسنز(گونگے بہرے اسلامی بھائیوں) سے اشاروں کی زبان میں کلام کرنے کی تربیت دی گئی۔

کورس کے اختتام پر کورس کرنے والے اسلامی بھائیوں میں اسناد تقسیم کی گئیں جس میں معلم کورس محمد زبیر عطاری سمیت دیگر ذمہ داران نے شرکت کی۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)

عاشقان رسول کی دینی تحریک  دعوت اسلامی کے اسپیشل پرسنز ڈیپارٹمنٹ کے تحت گونگے بہرے اسلامی بھائیوں نے مدنی قافلے میں سفر کیا۔

مدنی قافلے کے اختتام پر 21 مئی 2023ء کو فیضان ِمدینہ شیخوپورہ ،پنجاب میں اسپیشل پرسنز کے ماہانہ اجتماع کا انعقاد کیا گیا جس میں ڈویژن ذمہ دار محمد علی عطاری نے وضو،غسل ، نماز کے بنیادی مسائل اور اخلاقیات کے متعلق اشاروں کی زبان میں بیان کیا۔

اس اجتماع میں اسپیشل پرسنز(گونگے بہرے اسلامی بھائیوں) کے افراد نے شرکت کی۔اس دوران ڈسٹرکٹ ذمہ دار علی حسن عطاری(شیخوپورہ) بھی موجود تھے۔(رپورٹ: ڈسٹرکٹ ذمہ دار علی حسن عطاری شیخوپورہ،کانٹینٹ:رمضان رضا عطاری)

اسپیشل پرسنز   ڈیپارٹمنٹ دعوتِ اسلامی کی جانب سے مانگا منڈی،پنجاب میں 24 مئی 2023ء کو رکن مجلس نابینا افراد ذمہ دار حاجی محمد حنیف عطاری (پاکستان) نے بلائنڈ(نابینا)ٹیچر سے ملاقات کی ۔

نابینا افراد پاکستان ذمہ دار محمد حنیف عطاری نے اسپیشل پرسنز ڈیپارٹمنٹ کے دینی کاموں کو بڑھانے اور چھٹیوں میں نابینا افراد کو 12 دن کے مدنی قافلے میں سفر کروانے کے حوالے سے مشاورت ہوئی جس پر انھوں نے اچھی نیت کا اظہار کیا ۔(رپورٹ: محمد سہیل عطاری ڈسٹرکٹ ذمہ دار قصور،کانٹینٹ:رمضان رضا عطاری)

29 مئی 2023ء بروز پیر بہاولپور میں تاجر کمیونٹی سے تعلق رکھنے والے شادی ہال کے اونر نے دعوتِ اسلامی کے فیضان آن لائن اکیڈمی بوائز بہاولپور برانچ کا وزٹ کیا۔

اس موقع پر نگرانِ ڈویژن مشاورت ڈاکٹر حافظ عبد الرؤف عطاری نے اونر کو برانچ کا وزٹ کروایا اور اس شعبے کے تحت دنیا بھر میں اشاعتِ دین کے حوالے سے ہونے والی ایکٹیویٹیز کے بارے میں بتایا۔ بعدازاں ڈویژن ذمہ دار نےاونر کو شعبہ فیضان آن لائن اکیڈمی کا تعارفی بروشر تحفے میں پیش کیا۔(رپورٹ: محمد وقار یعقوب مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

جہلم  کے علاقے لہڑی میں 17مئی 2023ء کواسپیشل پرسنز ڈیپارٹمنٹ کے تحت سیکھنے سکھانے کے حلقہ کا انعقاد کیا گیا جس میں ڈویژن ذمہ دار عبدالقیوم عطاری(راولپنڈی) نے ’’نماز کی اہمیت‘‘ کے موضوع پر اشاروں کی زبان میں سنتوں بھرا بیان کیا۔

بیان میں شریک اسلامی بھائیوں کو ڈویژن ذمہ دار نے 03 دن، 12 دن اور ایک ماہ کے مدنی قافلے میں سفر کرنے اور ہفتہ وار سنتوں بھرے اجتماع میں شرکت کرنے کی دعوت دی۔ بعد ازاں ڈویژن ذمہ دار نے گونگے بہرے اسلامی بھائیوں کو نماز کا عملی طریقہ اشاروں کی زبان میں سکھایا جس پر ڈیف اسلامی بھائیوں نے دعوتِ اسلامی اور بالخصوص امیر اہلِ سنت دامت برکاتہم العالیہ کا شکریہ ادا کرتے ہوئے نیک تمناؤں کا اظہار کیا۔(رپورٹ: محمد رضوان عطاری مدنی اسپیشل پرسنز ڈیپارٹمنٹ پاکستان آفس،کانٹینٹ:رمضان رضا عطاری)