ڈونیشن سیل ڈیپارٹمنٹ دعوتِ اسلامی کے تحت 15 جون 2023ء بروز جمعرات وہاڑی کے مدنی مذاکرہ ہال میں مدنی مشورے کا انعقاد ہوا جس میں وہاڑی ڈسٹرکٹ کے ڈونیشن سیل ڈیپارٹمنٹ ذمہ دار اسلامی بھائیوں نے شرکت کی۔

ڈسٹرکٹ نگران غلام مصطفیٰ عطاری نے مدنی مشورے میں شریک ذمہ دار اسلامی بھائیوں سے گفتگو کرتے ہوئے دعوتِ اسلامی کے 12 دینی کاموں کا جائزہ لیا بالخصوص وہاڑی ڈسٹرکٹ کی تینوں تحصیلوں میں مدرسۃالمدینہ بالغان لگانے کا ذہن دیا۔

اس کے علاوہ نگرانِ ڈسٹرکٹ نے دعوتِ اسلامی کے تحت زیادہ سے زیادہ اجتماعی قربانی کروانے اور قربانی کی کھالیں جمع کرنے کے حوالے سے اسلامی بھائیوں کی ذہن سازی کی۔

مزید نگرانِ ڈسٹرکٹ کا کہنا تھا کہ ڈونیشن سیل ڈیپارٹمنٹ کے ذریعے وہاڑی ڈسٹرکٹ کو خودکفیل کیا جائے اور زیادہ سے زیادہ ڈونیشن سیل لگوائے جائیں۔

لاہور، پنجاب کے علاقے سوڈیوال کی جامع مسجد حنفیہ میں عاشقانِ رسول کی دینی تحریک دعوتِ اسلامی کے زیرِا ہتمام 15 جون 2023ء بروز جمعرات ہفتہ وار سنتوں بھرے اجتماع کا انعقاد کیا گیا جس میں کثیر اسلامی بھائیوں کی شرکت رہی۔

اجتماع کا آغاز معمول کے مطابق تلاوتِ کلامِ پاک اور نعت شریف سے کیا گیا جبکہ مرکزی مجلسِ شوریٰ کے رکن حاجی یعفور رضا عطاری نے ”بیت اللہ کے فضائل“ کے موضوع پر سنتوں بھرا بیان کیا۔

ملائیشیا کے شہر ملاکہ میں دعوتِ اسلامی کے زیرِا ہتمام گزشتہ روز سنتوں بھرے اجتماع کا انعقاد کیا گیاجس میں ذمہ داران سمیت مقامی اسلامی بھائیوں نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی محمد امین عطاری پچھلے دنوں مغربی ملک ملائیشیا کے دورے پر تھے جہاں ذمہ داران، شخصیات اور دیگر عاشقانِ رسول سے ملاقات کرنا نیز دینی کاموں کا جائزہ لینا آپ کے شیڈول میں شامل تھا۔

معلومات کے مطابق رکنِ شوریٰ حاجی محمد امین عطاری نے دینی کاموں کے سلسلے میں مقامی ذمہ دار اسلامی بھائیوں کے ہمراہ ملائیشیا کے دارالحکومت کوالالمپور (Kuala Lumpur)سےملاکہ شہر (Malacca city) سفر کیا۔

پچھلے دنوں شعبہ رابطہ بالعلماء کے  ذمہ داران کی کامرہ کینٹ ضلع اٹک میں واقع جامعہ غوثیہ رضویہ فیض القراٰن کے مہتمم و مدرس مولانا حافظ حامد رضا نقشبندی صاحب سمیت دیگر اساتذہ اور طلبۂ کرام سے ملاقات ہوئی۔

اس دوران ذمہ دار اسلامی بھائیوں نے مولانا حافظ حامد رضا نقشبندی صاحب کو دعوتِ اسلامی کے دینی و فلاحی کاموں بالخصوص جامعۃالمدینہ برائے نابینا افراد کے بارے میں بتایا جس پر انہوں نے خوشی کا اظہار کیا۔

گزشتہ روز دعوتِ اسلامی کے تحت شعبہ رابطہ بالعلماء کے ذمہ دار اسلامی بھائیوں نے جامعہ قادریہ حقانیہ اٹک کے سینئر مدرس مولانا پروفیسر نصر قادری  صاحب اور مولانا نوید قادری صاحب سے ملاقات کی۔

اس موقع پر شعبے کے تحصیل ذمہ دار مولانا دانیال سہیل عطاری نے انہیں دعوتِ اسلامی کے مختلف شعبہ جات کے ذریعے دنیا بھر میں ہونے والے دینی و فلاحی کاموں کا تعارف کروایا جس پر انہوں نے دعوتِ اسلامی کی کاوشوں کو سراہا۔

14 جون 2023ء بروز بدھ کراچی کے علاقے جناح ٹاؤن کی جامع مسجد اولیاء میں شعبہ کفن دفن دعوتِ اسلامی کے تحت سیکھنے سکھانے کا حلقہ لگایا گیا جس میں مقامی اسلامی بھائیوں سمیت ذمہ داران نے شرکت کی۔

شعبہ مدرسۃالمدینہ بوائز دعوتِ اسلامی کے تحت 15 جون 2023ء بروز جمعرات بہاولپور ڈویژن کے ڈسٹرکٹ ذمہ دار اسلامی بھائیوں کا مدنی مشورہ ہوا جس میں نگرانِ بہاولپور ڈویژن ڈاکٹر حافظ عبد الرؤف عطاری کی بھی شرکت ہوئی۔

مدنی مشورے کی ابتداء میں تلاوتِ قراٰن و نعتِ رسولِ مقبول صلی اللہ علیہ و سلم پڑھا گیا اور نگرانِ بہاولپور ڈویژن نے دعوتِ اسلامی کے 12 دینی کاموں سے متعلق کلام کرتے ہوئے ذمہ داران کو بھرپور انداز میں دینی کام کرنے کا ذہن دیا۔

15 جون 2023ء بروز جمعرات دعوتِ اسلامی کے مدنی مرکز فیضانِ مدینہ بہاولپورمیں شعبہ مدنی قافلہ اور شعبہ اصلاحِ اعمال کے ذمہ دار اسلامی بھائیوں کا مدنی مشورہ ہوا ۔

معلومات کے مطابق دورانِ مدنی مشورہ نگرانِ بہاولپور ڈویژن ڈویژن ڈاکٹر حافظ عبد الرؤف عطاری نے ذمہ داران سے مختلف موضوعات پر گفتگو کرتے ہوئے ایک ماہ کے مدنی قافلے کے اہداف طے کئے جس پر ذمہ دار اسلامی بھائیوں نے اپنی اپنی رائے پیش کی۔

شعبہ فیضان آن لائن اکیڈمی بوائز دعوتِ اسلامی کے تحت پچھلے دنوں جوہر ٹاؤن لاہور کے مدنی مرکز فیضانِ مدینہ میں مدنی مشورے کا انعقاد کیا گیا جس میں شفٹ عطاری کے اسٹاف نے شرکت کی۔

معلومات کے مطابق اس مدنی مشورے میں نگرانِ شعبہ فیضان آن لائن اکیڈمی بوائز مولانا یاسر عطاری مدنی اور نگرانِ شعبہ فیضان آن لائن اکیڈمی گرلز سیّد غلام الیاس عطاری نے دعوتِ اسلامی کے تحت ہونے والے ڈونیٹ قربانی میں احسن انداز سے کام کرنے اور دعوتِ اسلامی کے لئے زیادہ سے زیادہ کھالیں جمع کرنے کا ذہن دیا۔

عاشقانِ رسول کی دینی تحریک دعوتِ اسلامی کے تحت پچھلے دنوں عالمی مدنی مرکز فیضانِ مدینہ کراچی میں شعبہ مدرسۃالمدینہ بالغان کا مدنی مشورہ ہوا جس میں صوبہ بلوچستان کے صوبائی نگران، ڈویژن نگران، ڈسٹرکٹ نگران، فنانس ڈیپارٹمنٹ بلوچستان کے ذمہ داراور شعبہ مدرسۃالمدینہ بالغان بلوچستان کے صوبائی ذمہ دار سمیت ڈویژن ذمہ دار اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ذمہ داران سے گفتگو کرتے ہوئے شعبے کی سابقہ کارکردگی کا جائزہ لیااور تقرری کے حوالے سے اہداف دیئے۔

سیکٹر جی الیون اسلام آباد (وفاقی دارالحکومت) میں واقع دعوتِ اسلامی کے مدنی مرکز فیضانِ مدینہ میں جامعۃالمدینہ بوائز کے طلبۂ کرام کے لئے گزشتہ روز ایک نشست منعقد کی گئی جس میں درجۂ سابعہ (7th year) اور درجہ دورۂ حدیث شریف (last year) کے طلبۂ کرام نے شرکت کی۔

دورانِ نشست مرکزی مجلسِ شوریٰ کے رکن مولانا حاجی عبد الحبیب عطاری نے ”حاضریِ مکہ مدینہ“ کے موضوع پر سنتوں بھرا بیان کیااور طلبۂ کرام کو امیرِ اہلِ سنت کی تعلیمات کے مطابق درس و بیان میں آسان اندازاپنانے نیز حج کے احکام سیکھ کر دیگر عاشقانِ رسول کو سکھانے کی ترغیب دلائی۔ رکنِ شوریٰ مولانا حاجی عبد الحبیب عطاری نے طلبۂ کرام کو علمِ دین کے ساتھ ساتھ دعوتِ اسلامی کے شعبہ جات سے آگاہ رہنے اور دینی کاموں میں شمولیت اختیار کرنے کا ذہن دیا۔