25 مئی 2023ء بروز جمعرات صوبہ خیبرپختونخوا کے شہر کوہاٹ میں قائم مدنی مرکز فیضانِ مدینہ میں دعوتِ اسلامی کے زیرِا ہتمام ہفتہ وار سنتوں بھرے اجتماع کا انعقاد کیا گیا جس میں قرب و جوار کے کثیر اسلامی بھائیوں نے شرکت کی۔

اجتماع کا باقاعدہ آغاز تلاوتِ کلامِ پاک اور نعت شریف سے ہوا ، نگرانِ ماہنامہ فیضانِ مدینہ مولانا مہروز عطاری مدنی نے سنتوں بھرا بیان کیااور وہاں موجود اسلامی بھائیوں کو دعوتِ اسلامی کے دینی ماحول سے وابستہ رہنے کی ترغیب دلائی۔ (کانٹینٹ:غیاث الدین عطاری)

دعوتِ اسلامی کے تحت پچھلے دنوں نگرانِ ماہنامہ فیضانِ مدینہ مولانا مہروز عطاری مدنی نے نگرانِ شعبہ تقسیمِ رسائل سیّد حسنین عطاری کے ہمراہ کوہاٹ یونیورسٹی کی سینٹرل لائبریری کا وزٹ کیا۔

اس دوران ذمہ دار اسلامی بھائیوں نے چیف لائبریرین سے ملاقات کی جس میں چیف لائبریرین کو دعوتِ اسلامی اور ماہنامہ فیضانِ مدینہ کا تعارف پیش کرتے ہوئے انہیں عالمی مدنی مرکز فیضانِ مدینہ کراچی آنے کی دعوت دی گئی۔

قراٰن و حدیث میں علمِ دین حاصل کرنے کے بےشمار فضائل موجود ہیں نیز صحابۂ کرام علیہم الرضوان اور بزرگانِ دین رحمہم اللہ المبین کا یہ معمول تھا کہ وہ ہر وقت علمِ دین حاصل کرنے کی تلاش میں لگے رہتے تھے۔

علمِ دین کی جستجو کو برقرار رکھتے ہوئے آج 27 مئی 2023ء بروز ہفتہ عالمی مدنی مرکز فیضانِ مدینہ کراچی میں مدنی مذاکرے کا انعقاد کیا جائے گاجس میں کراچی کے کثیر عاشقانِ رسول براہِ راست اور پاکستان کے دیگر شہروں سمیت بیرونِ ملک کے اسلامی بھائی بذریعہ مدنی چینل شریک ہوں گے۔

مدنی مذاکرے کا آغاز پاکستانی وقت کے مطابق تقریباً 9:30 بجے تلاوتِ قراٰنِ پاک سےکیا جائے گا اور نعت خواں اسلامی بھائی حضور صلی اللہ علیہ و سلم کی بارگاہ میں نذرانۂ عقیدت پیش کریں گے۔

اس کےبعد امیرِ اہلِ سنت حضرت علامہ محمد الیاس عطار قادری رضوی ضیائی دامت بَرَکَاتُہمُ العالیہعاشقانِ رسول کی جانب سے ہونے والے مختلف سوالات کے علم و حکمت بھرے جوابات ارشاد فرمائیں گے۔

تمام عاشقانِ رسول وقت کی پابندی کے ساتھ اس مدنی مذاکرے میں براہِ راست یا بذریعہ مدنی چینل شرکت کرکے اپنے لئے علمِ دین کا خزانہ حاصل کریں۔

رسول اللہ صلَّی اللہ علیہ واٰلہٖ وسلَّم نے اِرشاد فرمایا: جو اپنے مسلمان بھائی کے عیب تلاش کرے گا اللہ عَزَّوَجَلَّ اس کے عیب کھول دے گا اور جس کے عیب اللہ عَزَّوَجَلَّ ظاہر کرے وہ مکان میں ہوتے ہوئے بھی ذلیل و رُسوا ہوجائے گا۔(ترمذی،ج 3،ص416، حدیث: 2039)

حکیم الاُمّت مفتی احمد یار خان رحمۃُ اللہِ علیہ اِس حدیثِ پاک کے تحت لکھتے ہیں: یہ قانونِ قدرت ہے کہ جو کسی کو بِلا وجہ بَدنام کرے گا قدرت اسے بَدنام کر دے گی۔ (مراٰۃ المناجیح،ج6،ص618)

اسی سلسلے میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقان رسول کو اپنے مسلمان بھائیوں کے عیب کو چھپانے اور خوفِ خدا سے ڈرانے کے لئے اس ہفتے 21 صفحات کا رسالہ ”کسی کے عیب مت ڈھونڈو“ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یاربَّ المصطفٰے! جو کوئی 21 صفحات کا رسالہ ”کسی کے عیب مت ڈھونڈو“ پڑھ یا سن لے اُسے دوسروں کے عیب چُھپانے اور ان کی خوبیوں پر نظر رکھنے والا بنا اور اُسے بے حساب بخش دے۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

دعوتِ اسلامی کے تحت 2023ء بروز منگل گومل یونیورسٹی کے اسٹوڈنٹس کے درمیان سیکھنے سکھانے کا حلقہ لگایا گیا جس میں دعوتِ اسلامی کے ذمہ دار اسلامی بھائیوں کی بھی شرکت ہوئی۔

معلومات کے مطابق اس حلقے میں نگرانِ شعبہ مولانا مہروز عطاری مدنی نے اسٹوڈنٹس کے درمیان بیان کیا اور انہیں دعوتِ اسلامی کے تحت مدنی قافلوں میں سفر کرنے کا ذہن دیا جس پر انہوں نے اچھی اچھی نیتیں کیں۔

عاشقانِ رسول کی دینی تحریک دعوتِ اسلامی کے تحت 23 مئی 2023ء بروز منگل نگرانِ شعبہ ماہنامہ فیضانِ مولانا مہروز عطاری مدنی نے دیگر ذمہ داران کے ہمراہ ڈیرہ اسماعیل خان میں واقع گومل یونیورسٹی کا دورہ کیا۔

اس دورانِ نگرانِ شعبہ کی ملاقات چیئرمین ڈیپارٹمنٹ آف عربک اینڈ اسلامک اسٹڈیز ڈاکٹر عبدالمجید صاحب اور لیکچرار عبدالمجیدعطاری (Statistics Department) سے ہوئی۔

اس موقع پر مولانا مہروز عطاری مدنی نے انہیں دعوتِ اسلامی کے حوالے سے ڈاکومنٹری دکھائی اور مدنی قافلے میں سفر کرنے کی ترغیب دلائی نیز جولائی 2023ء عالمی مدنی مرکز فیضانِ مدینہ میں ہونے والے پی ایچ ڈی اجتماع کی دعوت پیش کی۔

23 مئی 2023ء بروز منگل دعوتِ اسلامی کے تحت ذمہ دار اسلامی بھائیوں نےدینی کاموں کے سلسلے میں  ایگریکلچر یونیورسٹی ڈیرہ اسماعیل خان کے رجسٹرار سے ملاقات کی۔

شعبہ کفن دفن دعوت اسلامی  کے تحت لیاقت آباد ٹاؤن میں 24 مئی 2023ء کو مکہ مسجد میں کفن دفن کورس کا اہتمام کیا گیا جس میں مکہ مسجد کے نمازی اسلامی بھائیوں نے شرکت کی۔

ایسٹ ڈسٹرکٹ ذمہ دار محمد عزیر عطاری نے’’ غسلِ میت دینے کی فضیلت‘‘ کے موضوع پرسنتوں بھرابیان کیا اور اسلامی بھائیوں کو غسلِ میت دینے کا طریقہ سمجھاتے ہوئے کفن کاٹنے/ پہنانے کا طریقہ سکھایا۔ اس کے علاوہ نمازِ جنازہ پڑھنے کا طریقہ اور تدفین کرنے سے متعلق شرعی مسائل بتائے۔( کانٹینٹ: رمضان رضا عطاری)

25 مئی2023ء کو دعوتِ اسلامی کے شعبہ ڈونیشن بکس کے ذیلی شعبہ RT&D کے آن لائن مدنی مشورے کا انعقاد کیا گیا جس میں پاکستان سطح کے ذمہ دار حاجی فیضان عطاری مدنی نے سابقہ دینی کاموں کی کارکردگی کا جائزہ لیتے ہوئے اسلامی بھائیوں کو آئندہ کے لئے اہداف دیئے ۔

مزید ذمہ داران کی تربیت کرتے ہوئے ان کو شعبے کے دینی کاموں میں ترقی کرنے کے حوالے سے نکات فراہم کئے نیز جدید تقاضوں کے مطابق اپنے اندر پیشہ وارانہ صلاحتوں کا اضافہ کرنے کا ذہن دیا ۔اس آن لائن مدنی مشورے میں پنجاب سطح کے شعبہ ذمہ دار جنید عطاری اور سندھ سطح کے شعبہ ذمہ دار بھاول عطاری بھی شریک تھے۔( کانٹینٹ: رمضان رضا عطاری)

لیاقت آباد ٹاؤن میں 24 مئی  2023ء کو شعبہ کفن دفن دعوت اسلامی کے زیرِ اہتمام بہارِ مدینہ مسجد میں غسلِ میت کورس کا انعقاد کیا گیا جس میں بہار مدینہ مسجد کے نمازی اسلامی بھائی اور مدرسۃ المدینہ کے طلبہ،اساتذہ اور ناظم فرید عطاری نے شرکت کی۔

ایسٹ ڈسٹرکٹ ذمہ دار محمدعزیر عطاری نے شرکا کو غسلِ میت دینے کی فضیلت و اہمیت بیان کرتے ہوئے نمازِ جنازہ پڑھنے کا طریقہ سکھایا۔اس کے علاوہ کورس میں شریک اسلامی بھائیوں کو غسلِ میت دینے، کفن کاٹنے اور پہنانے کا طریقہ بتاتے ہوئے اس سے متعلق چند ضروری شرعی مسائل بھی بتائے۔(رپورٹ:شعبہ کفن دفن، کانٹینٹ:رمضان رضا عطاری)

16 مئی2023ء کو اسپیشل پرسنز ڈیپارٹمنٹ کے رکن مجلس احمد اویس عطاری (پاکستان) نے کشمیر کے علاقے میر پور میں ڈپٹی ڈائریکٹر آفس کا وزٹ کیا،جہاں انہوں نے آفیسر اور دیگر اسٹاف سے ملاقات کی۔

دوران ملاقات شخصیات کو عاشقان رسول کی دینی تحریک دعوت اسلامی کے شعبہ اسپیشل پرسنز کی دینی خدمات کا تعارف کروایا اور ان کو مدرسۃ المدینہ برائے نابینا افراد (چکسواری) اور فیضان مدینہ میرپور کا وزٹ کرنے کی دعوت دی جس پر انھوں نے اچھی نیت کا اظہار کیا۔ وقت رخصت ان کو مکتبۃ المدینہ دعوت اسلامی کی شائع کردہ اصلاحی کتاب بھی تحفہ میں پیش کی۔ (رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس ،کانٹینٹ:رمضان رضا عطاری)

دعوتِ اسلامی کے تحت پچھلے دنوں یوکے سفر پر موجود مرکزی مجلسِ شوریٰ کے رکن حاجی یعفور رضا عطاری نے دیگر اسلامی بھائیوں کے ہمراہ کریڈلی ہیتھ ویسٹ مڈلینڈز یوکے میں قائم دعوتِ اسلامی کے نئے مرکز کا دورہ کیا۔

معلومات کے مطابق یہ جگہ کم و بیش 120 سال پرانی غیر مسلموں کی عبادت گاہ تھی جسے عنقریب دارالمدینہ کیمپس میں تبدیل کیا جائے گا ۔

بعدازاں رکنِ شوریٰ حاجی یعفور رضا عطاری نے مقامی ذمہ داران سمیت دیگر اسلامی بھائیوں کو مرکز کے تعمیراتی کاموں میں بھرپور انداز سے کوشش کرنے اور دینی کام بڑھانے کے حوالے سے اُن کی ذہن سازی کی۔