افریقی ملک موزمبیق کے شہر ماپوتو میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں سمیت بالخصوص نگرانِ عالمی مجلسِ مشاورت اسلامی بہن شریک ہوئیں۔

تلاوتِ کلامِ پاک اور نعتِ رسول صلی اللہ علیہ و سلم کے بعد مقامی مبلغۂ دعوتِ اسلامی نے سنتوں بھرا بیان کیا جبکہ نگرانِ ڈسٹرکٹ اسلامی بہن نے وہاں موجود اسلامی بہنوں کو فقہی مسائل کے بارے میں آگاہی دی۔

افریقی ملک موزمبیق کے شہر ماپوتو میں قائم دعوتِ اسلامی کے مدرسۃالمدینہ گرلز میں مدنی مشورہ ہوا جس میں مقامی ذمہ دار اسلامی بہنوں نے شرکت کی۔

دورانِ مدنی مشورہ ذمہ دار اسلامی بہن نے گفتگو کرتے ہوئے پاکستان کے مختلف شہروں سے جو اسلامی بہنیں دینی کام بڑھانے کےلئے سفر کرکے موزمبیق آئیں ہیں اُن کے اہداف کا جائزہ لیا۔

پچھلے دنوں سبی گاؤں کڑک میں قبائلی سیاسی و سماجی شخصیت اورسبی یوتھ اتحاد کے چیئرمین سردارزادہ ابراہیم خان باروزئی کے والدِ  مرحوم سردار خان بختیار خان باروزئی کے انتقال پر ایصالِ ثواب کا اہتمام کیا گیا۔

معلومات کے مطابق اس دوران دعوتِ اسلامی بلوچستان کے صوبائی ذمہ دار محمد وقار عطاری نے فاتحہ خوانی پڑھی اور مرحوم کے اہلِ خانہ سے تعزیت کرتے ہوئے انہیں صبر کی تلقین کی۔

گزشتہ روز دعوتِ اسلامی کے مدنی مرکز فیضانِ مدینہ منڈی بہاؤالدین میں D.S.P سیّد عامر عباسی شیرازی کی آمد ہوئی جہاں انہوں نے ذمہ دار اسلامی بھائیوں سے ملاقات کی۔

اس موقع پر ذمہ دار اسلامی بھائیوں نے D.S.P کو دعوتِ اسلامی کے تحت عالمی سطح پر ہونے والے دینی و فلاحی کاموں کے بارے میں بریفنگ دی جس پر D.S.P نے دعوتِ اسلامی کی کاوشوں کو سراہتے ہوئے خوشی کا اظہار کیا۔بعدازاں ذمہ داران کی جانب سے D.S.P کو مکتبۃالمدینہ کی کتاب تحفے میں پیش کی گئی۔(رپورٹ: شعبہ رابطہ برائے شخصیات ،کانٹینٹ:غیاث الدین عطاری)

لوگوں کو قراٰن و حدیث کی تعلیمات دینے والے دعوتِ اسلامی کے شعبہ فیضان آن لائن اکیڈمی بوائز کے تحت برانچ فیضانِ مدینہ کراچی آفس میں ایک میٹنگ ہوئی جس میں رکنِ ایچ آر ڈیپارٹمنٹ عرفان عطاری سمیت دیگر ذمہ دار اسلامی بھائی شریک ہوئے۔

نگرانِ شعبہ فیضان آن لائن اکیڈمی گرلزمولانا سیّد غلام الیاس عطاری مدنی نےفیضان آن لائن اکیڈمی بوائز اور ایچ آر ڈیپارٹمنٹ سے متعلق چند مسائل پر گفتگو کی نیز اُن کے حل کے لئے مختلف امور پر تبادلۂ خیال کیا۔اس کے علاوہ ذمہ دار اسلامی بھائیوں نے پچھلے اہداف کے حوالے سے کلام کرتے ہوئے آئندہ کے اہداف پر مشاورت کی۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی بوائز ،کانٹینٹ:غیاث الدین عطاری)

21 مئی 2023ء بروز اتوار دعوتِ اسلامی کے شعبہ فیضان آن لائن اکیڈمی بوائز کی برانچ کلاتھ مارکیٹ حیدرآبادمیں مدنی مشورہ ہوا جس میں برانچ کے تمام مدنی عملے نے شرکت کی۔

اس مدنی مشورے میں رکنِ شعبہ و صوبائی ذمہ دار مولانا تبریز عطاری مدنی نے مدنی عملے کی تربیت و رہنمائی کرتے ہوئے انہیں قربانی کی کھالیں جمع کرنے، وقف قربانی (ڈونیٹ قربانی) اور اجتماعی قربانی کے لئے بھرپور کوشش کرنے کی ترغیب دلائی۔

دورانِ گفتگو صوبائی ذمہ دار نے شرکا کو ہدف دیا کہ دعوتِ اسلامی کے لئے ماہانہ کی بنیاد پر ڈونیشن کے سلسلے میں شخصیات کی ذہن سازی کی جائے جس پر انہوں نے اچھی اچھی نیتیں کیں۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی بوائز ،کانٹینٹ:غیاث الدین عطاری)

دکھیاری امت کی خیرخواہی کرنے کا جذبہ رکھنے والی عاشقانِ رسول کی دینی تحریک دعوتِ اسلامی کے تحت 20، 21، 22 مئی 2023ء بروز ہفتہ، اتوار اور پیر عالمی مدنی مرکز فیضانِ مدینہ کراچی  میں روحانی علاج کورس ہوا۔

تفصیلات کے مطابق دورانِ کورس شعبے کے معلم محمد زاہد عطاری اور محمد راحیل عطاری نے تعویذات لکھنے کے حوالے سے مختلف امور پر اسلامی بھائیوں کی تربیت و رہنمائی کی نیز انہیں دم کرنے اور کاٹ کرنے کا طریقہ سکھایا۔

علاوہ ازیں معلم کورس نے اسلامی بھائیوں کو تعویذات لکھنے کے متعلق چند احتیاطوں سے آگاہ کرتے ہوئے انہیں شعبے کی نئی اپڈیٹس کے بارے میں معلومات دی اور دعوتِ اسلامی کے 12 دینی کاموں میں حصہ لینے کی ترغیب دلائی۔

دکھیاری امت کی خیرخواہی کرنے اور انہیں علمِ دین سکھانے والی عاشقانِ رسول کی دینی تحریک دعوتِ اسلامی کے تحت 20، 21، 22 مئی 2023ء بروز ہفتہ، اتوار اور پیر کوٹ مومن پنجاب میں روحانی علاج کورس ہوا۔

اس کورس میں شعبے کے معلم محمد عثمان عطاری نے تعویذات لکھنے کے حوالے سے مختلف امور پر اسلامی بھائیوں کی تربیت کی نیز انہیں دم کرنے اور کاٹ کرنے کا طریقہ سکھایا۔

معلم کورس نے اسلامی بھائیوں کو تعویذات لکھنے کے متعلق چند احتیاطوں سے آگاہ کرتے ہوئے انہیں شعبے کی نئی اپڈیٹس کے بارے میں معلومات دی اور دعوتِ اسلامی کے 12 دینی کاموں میں حصہ لینے کی ترغیب دلائی۔

دعوتِ اسلامی کے تحت 23 مئی 2023ء بروز منگل فیضانِ مکہ راولپنڈی میں قائم مدرسۃالمدینہ رہائشی بوائز میں سیکھنے سکھانے کا حلقہ لگایا گیا جس میں مدرسے کے مدرسین اور ناظم صاحب سمیت بچوں نے شرکت کی۔

معلومات کے مطابق دورانِ حلقہ نگرانِ شعبہ مدرسۃالمدینہ رہائشی بوائز فلک شیر عطاری نے سنتوں بھرا بیان کرتے ہوئے شرکا کی دینی و اخلاقی اعتبار سے تربیت کی۔

دنیا بھر میں دینِ اسلام کی  تعلیمات عام کرنے والی عاشقانِ رسول کی دینی تحریک دعوتِ اسلامی کی جانب سے عالمی مدنی مرکز فیضانِ مدینہ کراچی میں 19مئی 2023ء بروز جمعہ شعبہ مدنی کورسز کی جانب سے سیکھنے سکھانے کے حلقے کا انعقاد ہوا جس میں مختلف مقامات سے فرض علوم کورس کے لئے آنے والے عاشقانِ رسول نے شرکت کی۔

سیکھنے سکھانے کے حلقے میں معلم عبدالوہاب عطاری نے شرکا کو کتاب ’’ نماز کے احکام‘‘ سے وضو کے فرائض و مکروہات سمجھائے نیز فکرِ آخرت کا ذہن دیتے ہوئے اسلامی بھائیوں کو دینی ماحول سے وابستہ ہونے اور ہفتہ وار سنتوں بھرے اجتماع میں شرکت کرنے کا ذہن دیا جس پر انھوں نے اچھی اچھی نیتیں کیں۔ (کانٹینٹ: رمضان رضا عطاری)

19مئی 2023ء کو شعبہ رابطہ برائے شخصیات دعوتِ اسلامی کے تحت ذمہ دار اسلامی بھائیوں نے ڈی سی ساؤتھ آفس کا وزٹ کیا اور وہاں ڈپٹی کمشنر ضلع جنوبی کراچی غلام مرتضیٰ شیخ، اسسٹنٹ کمشنر (ریونیو) سمیعُ اللہ خان، اسسٹنٹ کمشنر صدر ٹاؤن کراچی عارف علی لغاری اور مختیارکار صدر ٹاؤن سے ملاقاتیں کیں۔

ڈی۔سی صاحب کو کتاب فیضان ِبیانات عطاریہ تحفے میں پیش کی اور اس موقع پر ان سے آفس میں محفلِ نعت اور شجرکاری کے متعلق گفتگو ہوئی جس پر انھوں نے تعاون کرنے کی اچھی نیت کا اظہار کیا ۔

اس کے علاوہ ذمہ داراسلامی بھائیوں نے اسسٹنٹ کمشنرز کو دوران ِ ملاقات دعوت اسلامی کے شعبہ جات اور ان میں ہونے والے دینی کاموں کا تعارف کروایا نیز انھیں فیضان مدینہ کا وزٹ کرنے کی دعوت دی ۔مزید مئی 2023ء ماہنامہ فیضان مدینہ کا شمارہ بھی تحفے میں پیش کیا جس پر انھوں نے خدماتِ دعوتِ اسلامی کو سراہتے ہوئے خوشی کا اظہار کیا۔(رابطہ : شعبہ رابطہ برائے شخصیات عطاری مجلس کراچی،کانٹینٹ:رمضان رضا عطاری)

دعوتِ اسلامی  کے شعبہ رابطہ برائے شخصیات کے تحت نگران مجلس حافظ محمد قربان عطاری نے گجرات ڈویژن مجلس رابطہ کے اسلامی بھائیوں کا گجرات فیضان مدینہ میں مدنی مشورہ لیا جس میں اسلامی بھائیوں سے سابقہ دینی کاموں پر تبادلہ خیال کرتے ہوئے انھیں آئندہ کے لئے اہداف دیئے۔( کانٹینٹ:رمضان رضا عطاری)