جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی دینی کاموں کے سلسلے میں ان دنوں صوبہ سندھ پاکستان کے دوسرے بڑے شہر حیدر آباد کے دورے پر ہیں۔

دوران دورہ مدنی مرکز فیضان مدینہ آفنڈی ٹاؤن حیدر آباد میں مدنی حلقے کا انعقاد کیا گیا جس میں ڈاکٹرز حضرات نے شرکت کی۔

مدنی حلقے میں جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے سنتوں بھرا بیان فرمایااور شرکا کو مریضو ں سے ہمدردی کرنے اور ان کے ساتھ حسن سلوک کے ساتھ پیش آنے کا ذہن دیا۔

اس موقع پر اراکین شوریٰ حاجی قاری ایاز عطاری اور حاجی فاروق جیلانی عطاری بھی موجود تھے۔

14 جون 2022ء بروز منگل پنجاب پاکستان کے شہر ڈیرہ غازی خان میں قائم مدنی مرکز فیضانِ مدینہ میں تہجد اجتماع کا انعقاد کیا گیا جس میں علاقے کے عاشقانِ رسول سمیت جامعۃ المدینہ بوائز کے طلبۂ کرام نے شرکت کی۔

دورانِ اجتماع ڈویژن نگران حاجی اقبال اورغلام عباس عطاری (شعبہ اصلاِح اعمال) نے شرکا کی تربیت کرتے ہوئے انہیں تہجد کے فضائل بیان کئے اور دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:غلام عباس عطاری، کانٹینٹ:غیاث الدین عطاری)

دعوتِ اسلامی کے زیرِ اہتمام عاشقانِ رسول کی دینی و اخلاقی تربیت کرنے کے لئے وقتاً فوقتاً ملک و بیرونِ ملک مدنی قافلے راہِ خدا عزوجل میں سفر کرتے رہتے ہیں جس میں انہیں اسلامی تعلیمات کے مطابق زندگی گزارنے کا طریقہ سکھایا جاتا ہے۔

اسی سلسلے میں پچھلے دنوں یو ای ٹی لاہور کے انجینئرنگ اسٹوڈنٹس اور پروفیشنلز اسلامی بھائیوں نے ذمہ دارانِ دعوتِ اسلامی کے ہمراہ 3 دن پر مشتمل (10، 11 اور 12جون 2022ء) مدنی قافلے میں سفر کیا۔

اس دوران امیرِ مدنی قافلہ انجینئر حافظ احمد عطاری نے شرکا کو جدول کے مطابق فرض علوم اور سنتیں و آداب سکھائے۔مزید انہیں دعوتِ اسلام کے دینی کاموں میں بڑھ چڑھ کر حصہ لینے کا ذہن دیا۔(رپورٹ:حسن علی، یونیورسٹی نگران، کانٹینٹ:غیاث الدین عطاری)

پچھلے دنوں پنجاب پاکستان کے شہر حافظ آباد میں شعبہ مدرسۃ المدینہ بالغان دعوتِ اسلامی کے تحصیل ذمہ داران نے دینی کاموں کے سلسلے میں مختلف اداروں کا وزٹ کیا جہاں انہوں نے افسران (جن میں رب نواز چدھڑ اسسٹنٹ کمشنر آفیسر، شیخ عبدالنعیم عطاری اسسٹنٹ اکاؤنٹ آفیسر اور عدنان نواز ڈسٹرکٹ ایمرجنسی آفیسر شامل تھے) سے ملاقات کی۔

اس دوران ذمہ داران نے افسران سے اکاؤنٹ آفس اور ایمر جنسی آفس میں بڑی عمر کے اسلامی بھائیوں کو قراٰنِ پاک کی تعلیم دینے کے حوالےسے میٹنگ کی نیز ایمرجنسی آفس کی مسجد میں دعوتِ اسلامی کی جانب سے امام صاحب کو جوائن کیا۔اس کے علاوہ ذمہ داران نے افسران سے دعوتِ اسلامی کی دینی و فلاحی خدمات کے متعلق اہم امور پر تبادلۂ خیال کیا۔(رپورٹ:حافظ آباد ڈسٹرکٹ، کانٹینٹ:غیاث الدین عطاری)

پچھلے دنوں شعبہ رابطہ برائے شخصیات کے تحت ذمہ دار اسلامی بھائیوں نے ایم این اے علی پرویز ملک ، ایم پی اے خواجہ سلمان رفیق ، ایم پی اے ملک وحید ، ایم پی اے چوہدری شہباز ، پریذیڈنٹ پولیٹیکل پارٹی ملک شوکت ، چیئر مین محمد سجاد ، ایم این اے  جاوید و دیگر افسران سے ملاقات کی ۔

ذمہ دار اسلامی بھائی نے دوران ملاقات دعوت اسلامی کی دینی و سماجی خدمات کے بارے میں بریف دیتے ہوئے ، دعوت اسلامی کی دینی کاموں کے حوالے سے گفتگو کی نیز ہفتہ وار سنتوں بھرے اجتماع میں شرکت کرنے اور مدنی مرکز فیضان مدینہ جوہر ٹاؤن وزٹ کرنے کی دعوت دی اور مکتبۃ المدینہ کے رسائل تحفے میں پیش کئے ۔(رپورٹ : ندیم عطاری شعبہ رابطہ برائے شخصیات ، لاہور ڈویژن ، کانٹینٹ : محمد مصطفی انیس ) 

دعوتِ اسلامی کے زیرِ اہتمام 14 جون 2022ء بروز منگل پنجاب پاکستان کے شہر ملتان میں سنتوں بھرے اجتماع کا انعقاد کیا گیا جس میں تاجران سمیت مقامی کثیر عاشقانِ رسول نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی فضیل رضا عطاری نے ’’اللہ پاک کی نعمتیں‘‘ کے موضوع پر سنتوں بھرا بیان کرتے ہوئے اولاد کی تربیت کے حوالے سے مدنی پھول دیئے۔

رکنِ شوریٰ نے دورانِ بیان عاشقانِ رسول کو دعوتِ اسلامی کے 12 دینی کاموں میں شرکت کرنے کی ترغیب دلائی جس پر انہوں نے اچھی اچھی نیتوں کا اظہارکیا۔بعدازاں رکنِ شوریٰ نے اختتامی دعا کروائی نیز عاشقانِ رسول سے ملاقات کا بھی سلسلہ رہا۔(رپورٹ:سہیل رضا عطاری، کانٹینٹ:غیاث الدین عطاری)

گزشتہ روز کوئٹہ ، دربار میرج ہال میں مدرسۃ المدینہ کے بچوں میں تقسیم اسناد کے سلسلے میں  اجتماع تقسیم اسناد کا اہتمام کیا گیا جس میں حفظ و ناظرہ کے 75 طلبہ ٔ کرام میں اسناد تقسیم کی گئی ۔

اس اجتماع میں مرکزی مجلس شوری کے رکن قاری محمد سلیم عطاری نے سنتوں بھرا بیان کیا اور حاضرین کو قرآن پاک کی تعلیمات عام کرنے میں اپنے بچوں کو مدرسۃ المدینہ میں داخلہ دلوانے کی ترغیب دلائی اور مزید تربیت کرتے ہوئے مدنی پھولوں سے نوازا ۔اس کے علاوہ رکن شوری نے اس سال حفظ و ناظرہ مکمل کرنے والے طلبۂ کرام میں اسناد و تحائف تقسیم کئے ۔

اس موقع پر بچوں کے سرپرست اور الیکٹرانک و پرنٹ میڈیا کے نمائندگان سمیت سرکاری افسران بھی شریک تھے۔اجتماع کے اختتام پر مہمانان و دیگر لوگوں نے رکن شوری سے ملاقات بھی کی اوررکن شوری نے انہیں اپنی دعاؤں سے نوازا۔(رپورٹ : محمد وقار عطاری شعبہ رابطہ برائے شخصیات بلوچستان ، کانٹینٹ : محمد مصطفی انیس )

گزشتہ روز کوئٹہ دربار میرج ہال میں مدنی مشورہ ہوا جس میں نگران مجلس مدنی چینل عام کریں انجم عطاری ،صوبائی ذمہ دار بلوچستان اشرف عطاری ، نگران بلوچستان حاجی انور عطاری ،کوئٹہ ڈویژن  نگران عرفان رشید عطاری اور دیگر ذمہ داران نے شرکت کی ۔

اس مدنی مشورے میں مدنی چینل کو عام کرنے کے حوالے سے گفتگو ہوئی اور اس حوالے سے اسٹال بھی لگایا گیا نیز بلوچستان کے دیگر علاقوں میں دعوت اسلامی کے دینی کاموں کو مزید آگے بڑھانے کے حوالے سے بھی لائحہ عمل بنایا ۔(رپورٹ:اشرف عطاری ذمہ دار شعبہ مدنی چینل عام کریں ، کانٹینٹ: محمد مصطفی انیس ) 

دعوتِ اسلامی کے شعبہ مزاراتِ اولیاء کے تحت حاجی نوشہ پاک رحمۃ اللہ علیہ کے عرس کے سلسلے میں مدنی مشورے کا انعقاد ہوا جس میں نگران شعبہ قادر بخش عطاری، صوبائی ذمہ دار شعبہ مزارات اولیاء یاسر عطاری مدنی اور ڈسٹرکٹ نگران منڈی بہاوالدین حاجی رفعت عطاری سمیت دیگر ذمہ داران نے شرکت کی۔

اس مدنی مشورے میں ذمہ دار اسلامی بھائی نے دعوتِ اسلامی کے 12 دینی کاموں کے متعلق گفتگو کرتے ہوئے عرس مبارک کے موقع پر دینی کام کرنے والے شعبہ جات کے اہداف طے کئے۔

مدنی مشورے کے مدنی پھولوں کے مطابق عرس مبارک کے بعد 12 دن اور ایک ماہ کے مدنی قافلے راہِ خدا عزوجل میں سفر کریں گے نیز اس موقع پر تقسیم رسائل، سیکھنے سکھانے کے حلقے اور لائیو مدنی مذاکرہ دیکھنے کا بھی سلسلہ رہے گا۔بعدازاں ذمہ داران نے مزارشریف پر اجتماعی طور پر حاضری دی اور ایصالِ ثواب کا اہتمام کیا۔

واضح رہے یہ عرس مبارک رنمل شریف ضلع منڈی بہاوالدین میں 22 جون تا 26 جون 2022ء تک جاری رہے گا، مقامی عاشقانِ رسول سے شرکت کی درخواست ہے۔(رپورٹ:دانیال عطاری پاکستان آفس شعبہ مزاراتِ اولیاء، کانٹینٹ:غیاث الدین عطاری)

پچھلے دنوں سبی ڈویژن تحصیل کالپور میں نگران مجلس مدنی چینل عام کریں اور دیگر ذمہ داران کے ساتھ تربیتی سیشن کا اہتمام ہوا  جس میں 12 ماہ مدنی قافلوں کے مسافر اور ریلوے اسٹیشن کالپور کے ماسٹرز نے شرکت کی ۔

اس سیشن میں نگران مجلس نے نیکی کی دعوت پیش کی اور حاضرین کو مدنی چینل دیکھنے اور اپنے گھر والوں کو بھی دکھانے کا ذہن دیا نیز دعوت اسلامی کے مختلف شعبہ جات کے ذریعے دینِ اسلام کی خدمت کرنے اور معاشرے میں نیکی کی دعوت کو عام کرنے کا جذبہ دیا۔ (رپورٹ:اشرف عطاری ذمہ دار شعبہ مدنی چینل عام کریں ، کانٹینٹ: محمد مصطفی انیس ) 

14 جون 2022 ء بروز منگل تحصیل کروڑ ، ضلع لیہ  ، پنجاب میں شعبہ رابطہ برائے شخصیات ملتان ڈویژن کے ذمہ دار نے دیگر ذمہ داران کے ہمراہ اسسٹنٹ کمشنر محمد اشرف صالح ، ڈی ایس پی محمد افضل خان ، ریسکیو آفیسر راؤ محمد اکبر اور دیگر افسران سے ملاقاتیں کیں۔

دورانِ ملاقات دعوت اسلامی کا تعارف پیش کیا اور انہیں نیکی کی دعوت پیش کرتے ہوئے ہفتہ وار سنتوں بھرے اجتماع میں آنے کی ترغیب دلائی نیز دعوت اسلامی کا مقبول ترین سلسلہ مدنی مذاکرہ میں بھی شرکت کرنے کا ذہن دیا جس پر انہوں نے شرکت کرنے کی نیت کی۔ ملاقات کے اختتام پر ذمہ دار نے محمد اشرف صالح و دیگر کو مکتبۃ المدینہ کے کتب و رسائل تحفے میں پیش کئے۔(رپورٹ: شعبہ رابطہ برائے شخصیات دعوت اسلامی ڈسٹرکٹ لودہراں، کانٹینٹ: محمد مصطفی انیس )

پچھلے دنوں دعوتِ اسلامی کے شعبہ اجتماعی قربانی کے تحت کراچی (سندھ) میں ڈسٹرکٹ ویسٹ کے ذمہ دار اسلامی بھائیوں کا مدنی مشورہ ہوا جس میں دیگر اسلامی بھائیوں کی بھی شرکت رہی۔

دورانِ مدنی مشورہ کراچی سطح کے ذمہ دار سید اسد عطاری نےاجتماعی قربانی کے حوالے سے گفتگو کی اور جدید طریقۂ کار کے مطابق آن لائن بکنگ کروانے کے بارے میں مشاورت کی جس پر ذمہ داران نے بھر انداز میں دعوتِ اسلامی کے دینی کاموں کو کرنے کی اچھی اچھی نیتیں کیں۔(رپورٹ:محمد رضوان شاہ عطاری مدنی شعبہ اجتماعی قربانی کراچی سٹی،کانٹینٹ:غیاث الدین عطاری)