دعوتِ اسلامی کے تحت گزشتہ روز ٹھٹھہ میں قائم خضر حیات مسجد کے قریب مدرسے میں ہونے والے ناظرہ قراٰن کورس میں رکنِ عالمی مجلسِ مشاورت سمیت دیگر اہم ذمہ داران کی آمد ہوئی۔

14فروری 2023ء بروز منگل لوگوں کی اصلاح کا جذبہ رکھنے والی عاشقانِ رسول کی دینی تحریک دعوتِ اسلامی کے تحت ذمہ دار اسلامی بہنوں نےدینی کاموں کے سلسلے میں  صوبہ سندھ کے ڈویژن بھنبھور ضلع ٹھٹھہ کا دورہ کیا۔

اس موقع پر اسلامی بہنوں میں موجود رکنِ عالمی مجلسِ مشاورت نے ٹھٹھہ میں موجود دعوتِ اسلامی کے فیضان اسلامک اسکول سسٹم کا وزٹ کیا جہاں انہوں نے پرنسپل سے ملاقات کی۔

دورانِ ملاقات رکنِ عالمی مجلسِ مشاورت نے فیضان اسلامک اسکول سسٹم میں بچیوں کی تربیت کرنے نیز مدنی قاعدہ و ناظرہ کلاسز کا آغاز کرنے کے بارے میں چند اہم امور پر مشاورت کی۔

اس کے علاوہ رکنِ عالمی مجلسِ مشاورت نے فیضان اسلامک اسکول سسٹم کی مدرسات کو تجوید کلاس میں داخلہ لینے کی ترغیب دلائی جس پر انہوں نے اچھی اچھی نیتیں کیں۔

عاشقانِ رسول کی دینی تحریک دعوتِ اسلامی کے تحت ریجن سطح کی شعبہ فیضانِ اسلام کی ذمہ دار اسلامی بہنوں کا مدنی مشورہ منعقد ہوا جس میں مختلف اہم نکات پر کلام کیا گیا۔

اس دوران مدنی مشورے میں شریک اسلامی بہنوں نے یوکے میں رہنے والی نیومسلم کی معلومات پر گفتگو کرتے ہوئے اُن کے درمیان ہونے والے کورس کے متعلق مشاورت کی نیز جو نیومسلم کسی اسلامی بہن سے پڑھ رہی ہیں انہیں اُن کی لینگویج جاننے والی ٹیچر سے فیضان آن لائن اکیڈمی گرلز کے تحت جوائن کرنے پر بتادلۂ خیال کیاگیا۔

دعوتِ اسلامی کے تحت پچھلے دنوں بذریعہ انٹرنیٹ ایک میٹنگ ہوئی جس میں سینٹرل افریقہ ریجن نگران اور تنزانیہ کی ملک و ڈویژن نگران اسلامی بہنیں شریک ہوئیں۔

اس میٹنگ میں دعوتِ اسلامی کی نگرانِ عالمی مجلسِ مشاورت اسلامی بہن نے ذمہ داران سے گفتگو کرتے ہوئے دعوتِ اسلامی کے دینی کاموں کے متعلق کلام کیا۔

ہر بالغ مسلمان مرد و عورت/ صاحبِ نصاب پر زکوٰۃ ادا کرنا فرض ہے کیونکہ یہ ارکان اسلام میں سے ہے جسے اللہ تبارک و تعالیٰ نے اپنے بندوں پر لازم کیا ہے۔دینِ اسلام میں صاحبِ نصاب پر زکوٰۃ فرض ہونے اور اسے ادا کرنے کے لئے پورا طریقۂ کار بیان کردیا گیا ہے۔

اسی سلسلے میں عاشقان رسول کو زکوٰۃ فرض ہونے، اسے ادا کرنےاور مستحقین کے بارے میں معلومات فراہم کرنے کے لئے خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ کا رسالہ”امیر اہلسنت سے زکوٰۃ کے بارے میں سوال جواب“پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے جانشین امیر اہلسنت

یارب المصطفٰے! جو کوئی 17 صفحات کا رسالہ ”امیر اہلسنت سے زکوٰۃ کے بارے میں سوال جواب“ پڑھ یا سن لے، اُسے صدقات واجبہ و نافلہ ادا کرنے کی توفیق عطا فرما اور اس کے مال و عمر میں برکت عطا فرما۔

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

ملک پاکستان میں حج اسکیم 2023ء کا اعلان کردیا گیا ہے، ہر سال کی طرح اس سال بھی سرکاری حج سکیم کا فیصلہ قرعہ اندازی سے ہو گا جس کی درخواستیں وصول کرنے کا سلسلہ یکم فروری 2023ء سے شروع ہو چکا ہے۔ قرعہ اندازی کے بعد سال 2023ء میں ملک پاکستان سے 1لاکھ 79 ہزار210 افراد حج کرنے کی سعادت حاصل کرسکیں گے۔

دعوت اسلامی کا شعبہ حج و عمرہ بھی سال 2023ء میں حج ادا کرنے کے خواہشمند افراد کو معاونت فراہم کرنے میں پیش پیش ہے۔ اسی سلسلے میں شعبہ حج و عمرہ نے حج معاونت فارم جاری کردیا ہے جسے عازمین حج مکتبۃ المدینہ سے حاصل کرسکتے ہیں۔ اس کے علاوہ نیچے دیئے لنک پر کلک کرکے فارم کو ڈاؤن لوڈ کیا جاسکتا یا لنک پر کلک کرکے فارم کو فل کرنے کےبعد آن لائن بھی سبمنٹ(Submit) کرسکتے ہیں۔

https://hajj-facilitation.dibaadm.com/

شعبہ جامعۃ المدینہ (دعوت اسلامی) کے زیر اہتمام 16 فروری 2023ء بروز جمعرات عالمی مدنی مرکز فیضان مدینہ کراچی میں سالانہ تقریب ”ختم بخاری شریف“ کے سلسلے میں عظیم الشان اجتماع کا انعقاد کیا گیا جس میں مرکزی جامعۃ المدینہ فیضان مدینہ کراچی کے طلبہ براہ راست جبکہ ملک و بیرون ملک میں قائم جامعۃ المدینہ بوائز / گرلز کے طلبہ و طالبات ہزاروں کی تعداد میں بذریعہ مدنی چینل شریک ہوئے۔

خلیفہ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے امام بخاری حضرت ابو عبد اللہ محمد بن اسماعیل البخاری رحمۃُ اللہِ علیہ کی سیرت پر گفتگو کرتے ہوئے احادیث مبارکہ پر آپ کی خدمات کو بیان کیا۔جانشین امیر اہلسنت دامت بَرَکَاتُہمُ العالیہ نے بیان کرتے ہوئے فرمایا کہ امام بخاری رحمۃُ اللہِ علیہ کو امیر المؤمنین فی الحدیث، حافظ الحدیث، مفتی، محدث اور حبر الاسلام کے القابات سے پکارا جاتا تھا۔ آپ رحمۃُ اللہِ علیہ کے اساتذۂ کرام کی تعداد 1 ہزار 80 ہے جبکہ بوقتِ وصال آپ کے محدث شاگردوں کی تعداد90 ہزار تھی۔اس کے علاوہ سرتاپا ادب و تعظیم کے پیکر ہونے کے ساتھ ساتھ آپ کا شمار بھی اُن باکمال ہستیوں میں ہوتا ہے جو ”فنافی الرَّسول“ کے منصبِ عظیم پر فائز تھے۔

سیرت کے بعد جانشین امیر اہلسنت دامت بَرَکَاتُہمُ العالیہ نے ”بخاری شریف“ کی آخری حدیث پڑھائی اور ترجمہ پڑھ کر سنایا۔شیخ الحدیث مفتی محمد حسان عطاری مدنی حفظہ اللہ نے آخری حدیث کے تمام راویان کا نام ذکر کیا اور متعلقہ حدیث کے بارے میں مدنی پھول ارشاد فرمائے۔

مختلف مقامات پر ہونے والے ”اجتماع بخاری شریف“ میں مفتیانِ کرام ، اراکین شوریٰ ، اراکینِ مجلس جامعۃ المدینہ، اساتذۂ کرام اور ناظمین بھی شریک تھے۔

گزشتہ روز دعوت اسلامی کے ذمہ داران نے ڈویژن سرگودھا میں ڈی ۔پی ۔او ۔بھکرمحمد نوید قریشی، ڈی ۔ایس ۔پی ۔ہیڈکوارٹر بھکرثقلین جعفر شاہ شیرازی، ڈی ۔ایس ۔پی ۔لیگل ۔بھکرجاوید اقبال جسرا، انچارج سیکیورٹی بھکرمحمد ثناء اللہ ،پی ۔آر ۔او ۔ٹو ۔ڈی ۔پی ۔اومحمد اکرم،انچارج ایلیٹ فورس بھکرمحمد عرفان بٹ، ریٹائرڈ تحصیلدارمحمد اسلم چوہدری اور سپرنٹنڈنٹ ڈی ۔پی ۔او ۔آفس محمد علیم خان سے ملاقات کی ۔

دوران ملاقات ذمہ داران نے دعوت اسلامی کی دینی اور فلاحی کاموں کی اپڈیٹ دی نیز شرکا کو ہفتہ وار اجتماع و مدنی مذاکرے میں شرکت کرنے اور فیضان مدینہ سرگودھا کا وزٹ کرنے کی دعوت دی ۔ (رپورٹ : کوآرڈینیشن ڈیپارٹمنٹ ڈسٹرکٹ بھکر/سرگودھا ڈویژن / کانٹینٹ : محمد مصطفیٰ انیس) 

17 فروری 2023ء کو شعبہ اصلاح اعمال کے تحت فیضان مدینہ کوٹ ادو میں مدنی مشورہ ہوا جس میں ڈی جی خان ڈویژن کے ڈسٹرکٹ تحصیل یونین کونسل کے ذمہ داران نے شرکت کی ۔

مرکزی مجلس شوریٰ کےرکن حاجی فضیل رضا عطاری نے شرکا کو نیک اعمال پر عمل کرنے /کروانے کی ترغیب دی ۔ ساتھ ہی دعوت اسلامی کے دینی کاموں میں حصہ ملانے کا ذہن دیا ۔ (رپورٹ : غلام عباس عطاری اصلاح اعمال ڈویژن ڈی جی خان / کانٹینٹ : محمد مصطفیٰ انیس) 

17 فروری 2023ء کو کوٹ ادو میں شعبہ اصلاح اعمال (دعوت اسلامی) کے تحت نیک اعمال اجتماع منعقد ہوا جس میں کوٹ ادو کے عاشقان رسول نے شرکت کی ۔

اس اجتماع میں رکن شوریٰ حاجی فضیل رضا عطاری نے فکر آخرت کے موضوع پر گفتگو کی اور” 72 نیک اعمال “ رسالہ کے مطابق زندگی گزارنے کی ترغیب دلائی ۔ (رپورٹ : غلام عباس عطاری اصلاح اعمال ڈویژن ڈی جی خان / کانٹینٹ : محمد مصطفیٰ انیس) 

پچھلے دنوں دعوت اسلامی کے شعبہ اصلاح برائے قیدیان  کے ذیلی شعبہ فیضان قرآن فاؤنڈیشن کے تحت مدنی مرکز فیضان مدینہ جوہر ٹاؤن میں مدنی مشورہ منعقد ہوا جس میں پنجاب ڈویژن کے ذمہ داران و صوبائی ذمہ داران نے شرکت کی۔

نگران شعبہ حاجی محمد سلیم مون عطاری نے ذمہ داران کی مختلف دینی کاموں کے حوالے سے رہنمائی کی اور آئندہ کے اہداف دیئے جبکہ رکن شوریٰ حاجی محمد اطہر عطاری کے مدنی مشورے کی تیاری کے حوالے سے تربیت کی۔ (رپورٹ : محمد وقار عطاری فیضان قرآن فاؤنڈیشن، اصلاح برائے قیدیان بلوچستان/ کانٹینٹ : محمد مصطفیٰ انیس)

اسپیشل برانچ حافظ آباد کے رانا عمر اور  ایڈووکیٹ رانا عدیل مقبول کی والدہ ساس کے لئے ایصالِ ثواب اجتماع کا انعقاد کیا گیا جس میں مختلف ایجنسیز و پولیس ڈیپارٹمنٹ کے افسران نے شرکت کی۔

اجتماع کا آغاز تلاوتِ قراٰن سے کیا گیا اور نعت خواں اسلامی بھائی نے حضور صلی اللہ علیہ و سلم کی بارگاہ میں نذرانۂ عقیدت پیش کیا جبکہ جامعۃالمدینہ بوائز کے استاذ مولانا داؤد عطاری مدنی نے سنتوں بھرا بیان کیا۔علاوہ ازیں نگرانِ شعبہ رابطہ برائے حکیم حسان عطاری نے مرحومہ کے لئے دعا کروائی۔