دعوتِ اسلامی کے زیرِا ہتمام 8 فروری 2023ء بروز بدھ صدیق آباد کے دارالسنہ میں ہونے والے 8 دینی کام کورس میں صاحبزادیِ عطار سلمہا الغفار اور نگرانِ عالمی مجلسِ مشاورت اسلامی بہن کی آمد ہوئی۔

معلومات کے مطابق اس دوران صاحبزادیِ عطار سلمہا الغفار نے ”نیک اعمال“ کے موضوع پر سنتوں بھرا بیان کیا اور وہاں موجود اسلامی بہنوں کی دینی و اخلاقی اعتبار سے تربیت کی۔

صاحبزادیِ عطار سلمہا الغفار نے شرکائے کورس کو زیادہ سے زیادہ نیک اعمال کرنے اور اسلامی تعلیمات کےمطابق اپنی زندگی گزارنے کے حوالے سے مدنی پھول دیئے۔

آخر میں صاحبزادیِ عطار سلمہا الغفار نے اسلامی بہنوں سے ملاقات کرتے ہوئے اُن پر انفرادی کوشش کی اور انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔

پچھلے دنوں شرف آباد میں دعوتِ اسلامی کے زیرِ اہتمام ماہانہ شخصیات اجتماع کا انعقاد کیا گیا جس میں صاحبزادیِ عطارسلمہا الغفار اور مختلف شخصیات سمیت دیگر اسلامی بہنوں نے شرکت کی۔

اس موقع پر نگرانِ عالمی مجلسِ مشاورت اسلامی بہن نے ”نماز کی اہمیت و فضیلت“ کے موضوع پر سنتوں بھرا بیان کرتے ہوئے نماز نہ پڑھنے کی وعیدیں بیان کیں نیز نماز کا فدیہ دینے اور قضا نمازوں کے مسائل کے بارے میں شرکا کی تربیت کی۔

دورانِ بیان نگرانِ عالمی مجلسِ مشاورت نے دوسروں کو نماز پڑھنے کی ترغیب دلانے، سالانہ ڈونیشن زیادہ سے زیادہ جمع کرنے اور دعوتِ اسلامی کے ہفتہ وار سنتوں بھرے اجتماع میں شرکت کرنے کا ذہن دیا۔

8 فروری 2023ء بروز بدھ بیرونِ ملک ساؤتھ کوریا میں دعوتِ اسلامی کے تحت اسلامی بہنوں کے درمیان ہونے والے دینی کاموں کے سلسلے میں مدنی مشورہ ہوا جس میں مقامی ذمہ دار اسلامی بہنوں نے شرکت کی۔

مبلغۂ دعوتِ اسلامی نے ذمہ دار سلامی بہنوں سے دینی کاموں کے متعلق گفتگو کرتے ہوئے انہیں دعوتِ اسلامی کے سنتوں بھرے اجتماعات میں 100% حاضری دینےاور شارٹ کورسز کرنے کا ذہن دیا جس پر انہوں نے اچھی اچھی نیتیں کیں۔

خدمتِ انسانیت کا سب سے بڑا مذہب ”دینِ اسلام“ ہے۔ دین اسلام نے مسلمانوں کو فرائض و واجبات کی ادائیگی کے ساتھ ساتھ اپنے دوست احباب کے ساتھ حسن سلوک کرنے، انہیں نیکی کی دعوت دینے، پریشان حال لوگوں سے ہمدردی کرنے اور ان کی جانی و مالی مدد کرنے کا درس دیا ہے۔

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے خدمتِ انسانیت کے کون کون سے طریقے ہیں؟ اس کی معلومات سے عاشقان رسول کو آگاہ کرنے کے لئے اس ہفتے 21 صفحات کا رسالہ ”انسانیت کی سب سے بڑی خدمت “ پڑھنے/ سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یااللہ پاک! جو کوئی رسالہ ”انسانیت کی سب سے بڑی خدمت “ کے 21 صفحات پڑھ یا سُن لے اُسے خواب میں اپنے پیارے پیارے آخری نبی صلَّی اللہ علیہ واٰلہٖ وسلَّمکا دیدار نصیب فرما۔ اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

8 فروری 2023ء کو دعوت اسلامی کے شعبہ جامعۃ المدینہ بوائز کے تحت مدنی مرکز فیضان مدینہ اوکاڑہ میں مدنی مشورہ ہوا جس میں جامعۃ المدینہ مدرسین نے شرکت کی۔

مرکزی مجلس شوریٰ کے رکن حاجی محمد رفیع عطاری نے تعلیمی و انتظامی امور کے حوالے سے شرکا کی تربیت کی اور مدنی پھول ارشاد فرمائے۔

دعوت اسلامی کے شعبہ پروفیشنلز فورم کے تحت 5 فروری 2023ء کو جامع مسجد سکینہ قذافی اسٹیڈیم، گیٹ نمبر 9، بالمقابل دیوان خاص ہال لاہور ”فرض علوم کورس“ کا انعقاد کیا گیا جس میں مختلف شعبے سے وابستہ پروفیشنلز حضرات نے شرکت کی۔

شیخ الحدیث مفتی محمد ہاشم خان عطاری مُدَّ ظِلُّہُ العالی نے ”اللہ پاک کی ذات کے متعلق عقائد“ پر گفتگو فرمائی اور سوال و جواب کا سیشن ہوا۔

اس موقع پر نگران مجلس شعبہ پروفیشنلز فورم محمد ثوبان عطاری بھی موجود تھے۔

6 فروری 2023ء کو کنز المدارس بورڈ (دعوت اسلامی) کے تحت موزمبیق (افریقہ) میں میٹنگ ہوئی جس میں متعلقہ بورڈ کے اسلامی بھائیوں نے شرکت کی۔

صدر کنز المدارس و رکن شوریٰ مولانا حاجی محمد جنید عطاری مدنی نے کنز المدارس بورڈ سے متعلق بریفنگ دی اور دیگر امور پر گفتگو فرمائی۔

گزشتہ روز ڈی آئی جی پولیس سبی رینج منیر احمد شیخ  سے شعبہ رابطہ برائے شخصیات دعوتِ اسلامی کے ذمہ دار اسلامی بھائیوں کی ملاقات ہوئی۔

اس دوران ذمہ دار اسلامی بھائیوں نے ڈی آئی جی صاحب کو سبی رینج کی پوسٹنگ پر مبارکباد پیش کی اور اپنی نیک خواہشات کا اظہار کیا نیز دعوتِ اسلامی کی عالمی سطح پر ہونے والی دینی و فلاحی خدمات کے بارے میں گفتگو کی گئی۔

مبلغِ دعوتِ اسلامی نے ملک و قوم کی سلامتی، پشاور پولیس لائن دھماکے اور لسبیلہ بس حادثے شہداء کے لئے خصوصی دعا کروائی۔

دعوتِ اسلامی لوگوں کو نیکی کی دعوت دینے، اُن کی دینی و اخلاقی تربیت کرنے اور انہیں اسلامی تعلیمات کے بارے میں آگاہی دینے والی عاشقانِ رسول کی دینی تحریک ہے۔

اسی سلسلے میں پچھلے دنوں ڈسٹرکٹ جیل ڈیرہ مراد جمالی میں شعبہ رابطہ برائے شخصیات کے ذمہ داران نے جیل سپرنٹنڈنٹ چھٹہ خان سومرو، ڈپٹی سپرنٹنڈنٹ میر غلام اکبر ابڑو اور آفس اسسٹنٹ بابو بختیار کھوکھر سمیت دیگر اسٹاف سے ملاقات کی۔

دورانِ ملاقات صوبائی ذمہ دار کوآرڈنیشن ڈیپارٹمنٹ محمد وقار عطاری نے شخصیات کو نیکی کی دعوت دیتے ہوئے انہیں عالمی مدنی مرکز فیضانِ مدینہ کراچی کا وزٹ کرنے کی دعوت دی۔

08 فروری 2023ء کو مدنی مرکز فیضان مدینہ حیدر آباد میں دعوت اسلامی کی جانب سے فری طبّی کیمپ کا انعقاد کیا گیا جس میں حیدرآباد سندھ کے ہومیوپیتھک ڈاکٹروں نے شرکت کی ۔

اس فری طبی کیمپ میں بارہ ماہ مدنی قافلوں میں سفر کرنے والوں کا چیک اپ کیا او رفری ادویات دی ۔ بعد ازاں ڈاکٹروں نے مختلف شعبہ جات کا تعارف بھی کروایا گیا

انہوں نے ماہانہ فری میڈیکل کیمپ کا انعقاد کرنے کی نیت کی اور ہفتہ وار اجتماع ، مدنی مذاکرہ اور مدنی قافلوں میں سفر کرنے کی نیتیں کی جبکہ ہفتہ وار ہومیوپیتھک کیمپ لگانے کا بھی ذہن دیا ۔ (رپورٹ: شعبہ رابطہ برائے ہومیو پیتھک/ کانٹینٹ : محمد مصطفیٰ انیس)

گزشتہ روز نصیر آبا دبلوچستان میں قبائلی رہنما وڈیرہ ثناء اللہ خان جمالی کی ہمشیرہ کے انتقال پر شعبہ رابطہ برائے شخصیات دعوتِ اسلامی کے ذمہ داران نے اُن سے تعزیت کی۔

08 فروری  2023ء کو گجرات ڈسٹرکٹ میں شعبہ معاونت برائے اسلامی بہنیں (دعوت اسلامی ) کے زیر اہتمام مدنی مشورہ ہوا جس میں تحصیل ذمہ دار عبد الواسع عطاری اور ناظم الأمور ساجد عطاری نے شرکت کی۔

صوبائی ذمہ دار عبد الماجد عطاری نے مشورے میں گجرات تحصیل ذمہ داران کی کارکردگی کا جائزہ لیا اور فیضان صحابیات و دارُ السنہ کی خود کفالت کے حوالے سے گفتگو ہوئی جبکہ مدنی کاموں کو مزید بڑھانے کا بھی اہداف دیا گیا۔ (رپورٹ: شعبہ معاونت برائے اسلامی بہنیں/ کانٹینٹ : محمد مصطفیٰ انیس)