اسلامی بہنوں کی مجلس اصلاح اعمال  کے زیراہتمام پچھلے دنوں مجلس اصلاح اعمال پاک سطح ذمہ دار کا تمام ریجن ذمہ دار کے ساتھ مدنی مشورہ ہوا جس میں تمام ریجن ذمہ داران نے شرکت کی۔

پاک سطح اصلاح اعمال ذمہ دار اسلامی بہن نے ریجن ذمہ داران کی تربیت کی۔ ان کی کارکردگی کا جائزہ لیا مزید عاملات نیک اعمال بڑھانے کا ذہن دیا نیز کارکردگی شیڈول کا فالو اپ کیا اور کارکردگی شیڈول پر ٪100عمل کرنے کا ذہن دیا ۔ آخر میں فی ڈویژن ایک اصلاح اعمال اجتماع کرنے کا ہدف دیا اور اپنے شعبہ کی مدنی خبریں ریجن سطح شب و روز کو روزانہ بڑھانے کا ذہن دیا۔

دعوت اسلامی کی مجلس مدرسۃ المدینہ للبنین کے تحت بھابڑا شریف میں ختم قرآن حافظ محمد فیصل عطاری کے سلسلے میں اجتماع میلاد کا انعقاد کیا گیا جس میں گرد و نواح سے اسلامی بھائیوں نے شرکت کی۔ مبلغ دعوت اسلامی محمد شہباز عطاری نے  ”قرآن کریم کے فضائل و برکات“ پر سنتوں بھرا بیان کیا اور شرکا کو قرآن پاک کی تلاوت کرنے، اپنے بچوں کو مدرسۃ المدینہ اور جامعۃ المدینہ میں داخلہ کروانے کا ذہن دیا۔

مجلس میڈیا ڈیپارٹمنٹ  آف دعوت اسلامی کے تحت 27 اکتوبر 2020ء بروز منگل لاہور ریجن کے ذمہ دار عثمان عطاری اور لاہور جنوبی زون شہزاد عطاری نے اینکر پرسن فرخ شہباز وڑائچ سے ملاقات کی اور انہیں فیضان مدینہ جوہر ٹاؤن وزٹ کی دعوت دی۔

ملاقات میں عثمان عطاری رکن مجلس میڈ یا ڈیپارٹمنٹ لاہور ریجن نے میڈیا سے وابستہ افراد کو نیکی کی دعوت دیتے ہوئے دین اسلام کی خدمات میں مصروف عمل عاشقان رسول کی عالمگیر تحریک دعوت اسلامی سے آگاہ کیا۔

دعوت اسلامی کی مجلس کفن دفن کے تحت عالمی مدنی مرکز فیضان مدینہ میں 21 اکتوبر 2020ء بروز بدھ مدرس کورس کے اسلامی بھائیوں کے درمیان مدنی حلقہ ہوا۔

مدنی حلقے میں مبلغ دعوت اسلامی عزیر عطاری مجلس کفن دفن کے ذمہ دار نے خدمات دین میں مصروف عمل عاشقان رسول کی عالمگیر تحریک دعوت اسلامی کی مجلس کفن دفن کا تعارف کرواتے ہوئے مسلمان جنازے کو غسل دینے کی فضیلت بیان کی اور مسلمان جنازے کو غسل دینے ، کفن کاٹنے پہنانے اور دفنانے کا عملی طریقہ سکھایا۔

اسلامی بہنوں کی مجلس شارٹ کورسز کے زیرِ اہتمام ماہ ِاکتوبر2020ء میں گوجرانوالہ زون میں 80 مقامات پر”جنت کا راستہ کورس“ کا انعقاد کیا گیا جن میں سے 16 درجے آن لائن ہوئے۔ ان کورسز میں کثیر اسلامی بہنوں نے شرکت کی۔

مبلغات دعوتِ اسلامی نے سنتوں بھرے بیانات کئے اور کورسز میں شریک اسلامی بہنوں کو نیک اعمال کے بارے میں معلومات فراہم کرتے ہوئے اپنے اعمال کا روزانہ جائزہ لینے اور عاملاتِ نیک اعمال بننے کا ذہن دیا۔

کورس میں شریک اسلامی بہنوں نے یہ کورس دلچسپی کے ساتھ کیا نیز ایسے متفرق کورس کرنے کی نیتیں بھی کیں۔ ڈویژن سطح پر شارٹ کورس ذمہ دار اسلامی بہن کا تقرر بھی ہوا۔

اسلامی بہنوں کی مجلس علاقائی دورہ  کے زیرِ اہتمام18 اکتوبر 2020ء کو عالمی سطح علاقائی دورہ ذمہ دار اسلامی بہن کا پاک سطح علاقائی دورہ ذمہ دار اسلامی بہن کے ہمراہ مدنی مشورہ ہوا جس میں عالمی سطح علاقائی دورہ ذمہ دار اسلامی بہن نے ان کی کارکردگی کا جائزہ لیا اور ان کی تربیت کی نیز پاکستان میں شعبے کے مدنی کاموں کو مضبوط کرنے اور مدنی کاموں میں درپیش مسائل پر تبادلۂ خیال کیا۔

اسلامی بہنوں کی مجلس علاقائی دورہ کے زیرِ اہتمام17 اکتوبر 2020ء کو پاکستان کے ریجن لاہور کی ذمہ  دار اسلامی بہنوں کا مدنی مشورہ ہوا جس میں گوجرانوالہ، ہزارہ،ڈیرہ اسماعیل خان،لاہور جنوبی اور گلگت کی علاقائی دورہ ذمہ داراسلامی بہنوں نے شرکت کی۔

عالمی سطح علاقائی دورہ ذمہ دار اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور شعبے کے مدنی کاموں کو مزید بڑھانے اور اس میں بہتری لانے کے حوالے سے نکات فراہم کئے نیز مختلف اہداف بھی طے کئے۔

اسلامی بہنوں کی مجلس شارٹ کورسز کے زیرِ اہتمام17 اکتوبر 2020ء کو لاہور جنوبی زون شاہ پور کابینہ کی  شارٹ کورسز ذمہ دار اسلامی بہنوں کا مدنی مشورہ ہوا جس میں زون نگران اسلامی بہن سمیت زون مشاورت نے شرکت کی۔

مدنی مشورے میں شریک اسلامی بہنوں کی کارکردگی کا جائزہ لیا گیا اور ان کی تربیت کی گئی نیزکابینہ پر شارٹ کورسز ذمہ دار اسلامی بہن کی تقرری کی گئی۔ مدنی مشورے میں ذمہ دار اسلامی بہنوں کو شعبے کے مدنی کام مزید بڑھانے اور اس میں بہتری لانے کے اہداف بھی دئیے گئے۔