پاکستان کے وفاقی دارالحکومت اسلام آباد میں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اپنے وفد کے ہمراہ چیئرمین سینٹ آف پاکستان پیپلز پارٹی کے سینئر رہنما سیّد یوسف رضا گیلانی سے ملاقات کی۔

ملاقات کے دوران رکنِ شوریٰ نے چیئرمین سینٹ کو دعوتِ اسلامی کی دینی و فلاحی ایکٹیویٹیز کے بارے میں اپڈیٹس سے آگاہ کیا اور رواں سال 2025ء میں دعوتِ اسلامی کے تحت ملک بھر میں اللہ پاک کے آخری نبی، حضور خاتم النبیین، حضرت محمد صلَّی اللہ علیہ واٰلہٖ وسلَّم کے ”1500 سالہ جشنِ ولادت“ کو بھرپور مذہبی جوش و جذبے کے ساتھ منانے کے حوالے سے بریف کیا۔

لوگوں کے دلوں میں عشقِ مصطفیٰ پیدا کرنے اور انہیں سچا پکا عاشقِ رسول بنانے والی عالمی سطح کی دینی تحریک دعوتِ اسلامی کے تحت عالمی مدنی مرکز فیضانِ مدینہ کرچی میں نعت خواں اسلامی بھائیوں کے لئے ”خصوصی مدنی مذاکرے“ کا انعقاد کیاگیا جس میں کراچی کے مشہور و معروف ثنا خوانوں نے بالمشافہ جبکہ فیصل آباد کے نعت خوانوں نےرکنِ شوریٰ و نگرانِ پاکستان مشاورت حاجی محمد شاہد عطاری کے ہمراہ مدنی مرکز فیضانِ مدینہ فیصل آباد سے بذریعہ مدنی چینل کثیر تعداد میں شرکت کی۔

تلاوت و نعت سے مدنی مذاکرے کا آغاز کرنے کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے عاشقانِ رسول کو اپنے قیمتی ملفوظات سے نوازتے ہوئے اُن کی دینی، تنظیمی اور اخلاقی اعتبار سے تربیت کی۔

بعدازاں امیرِ اہلِ سنت دامت بَرَکَاتُہمُ العالیہ نے نعت خواں اسلامی بھائیوں کی جانب سے کئے گئے سوالات کے علم و حکمت بھرپور جوابات ارشاد فرمائے ۔آخر میں تمام نعت خواں اسلامی بھائیوں نے امیرِ اہلِ سنت دامت بَرَکَاتُہمُ العالیہ سے ملاقات کی۔(کانٹینٹ:غیاث الدین عطاری)

دعوت اسلامی کے شعبے حج و عمرہ  کے تحت ”استقبال حجاج اجتماع“ کی پرنور محفل 13 جولائی 2025ء کو عالمی مدنی مرکز فیضانِ مدینہ کراچی میں منعقد ہوئی جس میں شعبہ حج و عمرہ کے ذمہ داران سمیت کثیر حجاج کرام و عاشقان رسول نے شرکت کی نیز اس محفل کو براہِ راست (Live) مدنی چینل پر نشر بھی کیا گیا۔

اس پُرنور محفل کا آغاز کلامِ الٰہی قراٰنِ پاک کی تلاوت سے کیا گیا جس کے بعد مدنی چینل کےنعت خوانوں نے حضور پُرنور ، سیّد الانبیاء حضرت محمد صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

تلاوت ونعت کے بعد شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے حجاج کرام کی تربیت کرتے ہوئے فرمایا کہ جھوٹ سے بچیں، غیبت سے بچیں اور گناہوں بھری زندگی کو چھوڑ کر نیکی کے کاموں کی طرف راغب ہوجائیں۔

پرنور و سوز سے بھرپور محفل میں امیر اہلِ سنت دامت برکاتہم العالیہ اور نگران شوریٰ مولانا محمد عمران عطاری نے بیانات کئے جس میں انہوں نے حجاز مقدسہ میں گزارے دن و رات کےحسین لمحات کی یادیں تازہ کیں جبکہ نعت خواں اسلامی بھائیوں کے پڑھے جانیوالے اشعار نے شرکائے اجتماع کی آنکھیں اشکبار کردیں۔

اس موقع پر نگرانِ شعبہ حج و عمرہ نے بتایا کہ آئندہ سال کے حج کی رجسٹریشن ہوگئی ہے جو عاشقانِ رسول حج کی سعادت حاصل کریں گے وہ دعوتِ اسلامی کے شعبے حج و عمرہ کے ساتھ منسلک ہو کر مناسک حج کی تیاری ابھی سے شروع کردیں۔

دعوتِ اسلامی کے دینی و فلاحی کاموں کا فالواپ لینے اور اُن میں مزید بہتری لانے کے لئے فیصل آباد، پنجاب کے مدنی مرکز فیضانِ مدینہ میں پاکستان سطح کے ذمہ داران کی 3 دن پر مشتمل میٹنگ ہوئی جس میں مرکزی مجلسِ شوریٰ کے اراکین، مختلف ڈیپارٹمنٹس کے نگران، ڈویژن نگران اور ڈسٹرکٹ نگران سمیت دیگر سطح کے ذمہ دار اسلامی بھائی شریک ہوئے۔

میٹنگ میں خصوصی طور پر دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری کا بیان ہوا جس میں انہوں نےوہاں موجود اسلامی بھائیوں کو دورِ حاضر کے تقاضوں کے مطابق دینی کام کرنے اور ان میں بہتری لانے کا ذہن دیا نیز سابقہ دینی کاموں کا جائزہ لیتے ہوئے آئندہ کے اہداف بھی طے کئے۔

اس کے علاوہ دیگر مبلغینِ دعوتِ اسلامی نے بھی سلائیڈ کے ذریعے حاضرین کو دینی و فلاحی کاموں کے متعلق بتایا اور اُن کی جانب سے ہونے والے سوالات کے جوابات دیئے۔(کانٹینٹ:غیاث الدین عطاری)

صوبائی دارالحکومت لاہور، پنجاب میں قائم ”Punjab Institute of Cardiology“( پنجاب انسٹی ٹیوٹ آف کارڈیالوجی) میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری کی دیگر ذمہ داران کے ہمراہ آمد ہوئی جہاں ڈاکٹرز اور میڈیکل اسٹاف سمیت دیگر عاشقانِ رسول نے انہیں خوش آمدید کہا۔

ابتداءً انسٹی ٹیوٹ کے ممبر نے حاضرین کو نگرانِ شوریٰ مولانا حاجی محمد عمر ان عطاری بالخصوص دعوتِ اسلامی کا تعارف کروایا جس کے بعد نگرانِ شوریٰ نے بیان کیا اور حاضرین کی تربیت و رہنمائی کے لئے مدنی پھول بیان کئے۔

اس موقع پر دعوتِ اسلامی کی مرکزی مجلسِ شوریٰ کے اراکین نگرانِ پاکستان مشاورت حاجی محمد شاہد عطاری، عبدالوہاب عطاری اور حاجی یعفور رضا عطاری بھی موجود تھے۔آخر میں Punjab Institute of Cardiology کی جانب سے نگرانِ شوریٰ مولانا حاجی محمد عمران عطاری کواعزازی شیلڈ پیش کی گئی۔(کانٹینٹ:غیاث الدین عطاری)

فیصل آباد، پنجاب میں قائم مدنی مرکز فیضانِ مدینہ میں ایک اہم اور غور و فکر انگیز سیشن کا انعقاد کیا گیا  جس میں دعوتِ اسلامی کے معروف اسلامک اسکالر و نگرانِ شوریٰ مولانا حاجی محمد عمران عطاری نے بزنس پروفیشنلز کے درمیان بیان کیا جس میں انہوں نے اسلامی اصولوں کے مطابق کامیابی حاصل کرنے کے طریقوں پر روشنی ڈالی ۔

اس سیشن میں کثیر تعداد میں بزنس مینوں نے شرکت کی اور اپنی روزمرہ زندگی و کاروبار میں اسلامی اقدار کو اپنانے کے فوائد کے بارے میں سیکھا نیز نگرانِ شوریٰ نے شرکت کرنے والوں کو دعوتِ اسلامی کی تعلیمات سے روشناس بھی کروایا۔

اس موقع پر شرکاءنے دعوتِ اسلامی کے بارے میں اپنی نیک خواہشات کا اظہار کیا۔اس طرح کے پروگرامز کا مقصد اسلامی اصولوں کو روزمرہ زندگی میں شامل کر کے کامیابی کے راستے کو ہموار کرنا ہے۔(کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں 12 اور 13 جولائی 2025ء کو PHDs اور یونیورسٹی فیکلٹیز کے لئے2 دن کی ”Annual Congregation“ (سالانہ تقریب) منعقد ہوئی جس میں کثیر تعداد نے شرکت کی۔

تقریب کا باقاعدہ آغاز 12 جولائی کی دوپہر 1:00 بجے اور اختتام 13 جولائی کی شام 6:00 بجے ہوا جس میں PHDs اور یونیورسٹی فیکلٹیز کے لئے مختلف سیشنز ہوئے۔

دورانِ تقریب دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری اور رکنِ شوریٰ مولانا حاجی عبد الحبیب عطاری کا خصوصی بیان ہوا جس میں انہوں نے حاضرین کی دینی و اخلاقی اعتبار سے تربیت کی۔

اس موقع پر دعوتِ اسلامی کی مرکزی مجلسِ شوریٰ کے اراکین حاجی فضیل رضا عطاری اور عبدالوہاب عطاری سمیت مختلف ڈیپارٹمنٹس کے ذمہ دار اسلامی بھائی بھی موجود تھے۔

16 جولائی 2025ء کو کراچی کے علاقے آگر ہ تاج کالونی، لیاری ٹاؤن میں واقع جامع مسجد دعا میں شعبہ کفن دفن کے تحت نمازِ جنازہ کورس کروایا گیا جس میں نمازی حضرات سمیت ذمہ دارانِ دعوتِ اسلامی کی شرکت ہوئی۔

شعبےکے ڈسٹرکٹ صدر ذمہ دار اسمٰعیل عطاری نے شرکا کی رہنمائی کرتے ہوئے انہیں نمازِ جنازہ کی اہمیت و فضیلت کے بارے میں بتایا اور اس کا عملی طریقہ بھی سکھایا۔اس موقع پر یوسی ذمہ دار فرید عطاری سمیت دیگر ذمہ داران موجود تھے۔(رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:غیاث الدین عطاری)

شعبہ کفن دفن دعوتِ اسلامی کے تحت کراچی کے علاقے ناظم آباد کی جامع مسجد شاہی میں کفن دفن کورس کا انعقاد کیا گیا جس میں نمازی حضرات سمیت ڈسٹرکٹ ذمہ دار عزیز عطاری   اور ٹاؤن ذمہ دار نعیم عطاری نے شرکت کی۔

کورس میں شرکا کی رہنمائی کرتے ہوئے سٹی ذمہ دار مولانا محمد یاسر عطاری مدنی نے غسلِ میت دینے کی فضیلت و اہمیت کے بارے میں بتایا نیز انہیں میت کو غسل دینے، کفن کاٹنے اور پہنانے کا طریقہ بھی سکھایا۔

اس کے علاوہ سٹی ذمہ دار نے وہاں موجود اسلامی بھائیوں کو دعوتِ اسلامی کے مسلم فیونرل اپلیکیشن کے بارے میں بتایا اور دینی کاموں میں بڑھ چڑھ کر حصہ لینے کی ترغیب دلائی۔(رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:غیاث الدین عطاری)

کراچی کے علاقے شاھ لطیف ٹاون 20 /B میں شعبہ کفن دفن دعوتِ اسلامی کے تحت ایک سیشن منعقد ہوا جس میں حاضرین کو کفن دفن کے حوالے سے معلومات دی گئی۔

سیشن کے دوران ڈسٹرکٹ ذمہ دار مولانا محمد یاسر عطاری مدنی نے نا صرف غسلِ میت کی فضیلت بتائی بلکہ میت کو غسل دینے، کفن کاٹنے اورپہنانے کا طریقہ بھی سکھایا ساتھ ہی نمازِ جنازہ اور تدفین کے مراحل کے بارے میں آگاہی دی گئی۔آخر میں شرکا کی جانب سے کئے گئے سوالات کے جوابات بھی دیئے گئے۔

اس موقع پر مسجد کے امام و مؤذن صاحبان، کمیٹی کے ممبران، نمازی حضرات، جامعۃالمدینہ و مدرسۃالمدینہ کے اساتذۂ کرام و طلبۂ کرام، مدرسۃالمدینہ بالغان کے اسلامی بھائی اور مدرسۃالمدینہ شارٹ ٹائم کے بچے موجود تھے۔(رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:غیاث الدین عطاری)

لیاری ٹاؤن، کراچی کے علاقے آگر ہ تاج کالونی میں قائم جامع مسجد دعا میں شعبہ کفن دفن دعوتِ اسلامی کے تحت سیکھنے سکھانے کا حلقہ لگایا گیا جس میں شرکاکو تجہیز و تکفین  کے بارے میں آگاہی دی گئی۔

شعبے کے کراچی سٹی ذمہ دار یاسر عطاری نے حلقے میں موجود اسلامی بھائیوں کو غسلِ میت دینے، کفن کاٹنے اور پہنانے کا طریقہ بتایا نیز اس کی فضیلت و اہمیت پر بھی روشنی ڈالی۔

اس موقع پر ڈسٹرکٹ ذمہ دار اسماعیل عطاری، یوسی ذمہ دار فرید عطاری اور یوسی نگران عبدالمناف عطاری سمیت دیگر عاشقانِ رسول موجود تھے۔ (رپورٹ: عزیر عطاری ڈسٹرکٹ ذمہ دار ناظم آباد ، کانٹینٹ:غیاث الدین عطاری)

پچھلے دنوں جہلم کی تحصیل دینہ کے علاقے پنڈ جاٹہ میں ایک اسپیشل پرسنز کی رہائش گاہ پر ”ایصال ثواب اجتماع“ کا انعقاد کیا گیا جس میں علاقے سے کافی تعداد میں اسپیشل پرسنز نے شرکت کی۔

اجتماع کا آغاز تلاوتِ قراٰن و نعتِ رسولِ مقبول صلَّی اللہ علیہ واٰلہٖ وسلَّم کے بعد ڈسٹرکٹ ذمہ دار اسپیشل پرسنز ڈیپارٹمنٹ عبدالقیوم عطاری نے والدین کے ”ادب و احترام“ اور ”واقعہ کربلا“ کے موضوعات پر سنتوں بھرے بیانات کئے جبکہ اسپیشل پرسنز کی رہنمائی کے لئے اشاروں کی زبان میں ترجمانی بھی کی گئی۔

دعا پر اختتام کیا گیا نیز ڈسٹرکٹ ذمہ دار نے اسپیشل پرسنز کو قافلوں میں سفر کرنے اور ہفتہ وار سنتوں بھرے اجتماع میں پابندی سے شرکت کرنے کی ترغیب دلائی جس پر انہوں نے اچھی اچھی نیتیں کیں۔ (رپورٹ: اسپیشل پرسنز ڈیپارٹمنٹ ، کانٹینٹ:غیاث الدین عطاری)