صوبہ پنجاب کے ڈویژن سرگودھا میں 21 جولائی 2025ء کو شعبہ معاونت برائے اسلامی بہنیں دعوتِ اسلامی کے تحت مدنی مشورہ ہوا جس میں ڈسٹرکٹ و سٹی اور تحصیل و ٹاؤن ذمہ دار اسلامی بھائیوں نے شرکت کی۔

مدنی مشورے کے دوران صوبائی ذمہ دار محمد اقبال عطاری نے شعبے کے متعلق گفتگو کرتے ہوئے دینی کاموں کی کارکردگی کا جائزہ لیا اور مختلف موضوعات پر مشاورت کی جن میں سے بعض درج ذیل ہیں:

٭اسلامی بہنوں کے دینی کاموں کو مضبوط کرنے کی پلاننگ٭جن یوسیز میں دینی کام نہیں ہورہے اُن میں دینی کاموں کے اہداف٭نگرانِ شوریٰ کے ایونٹ کی تیاری٭شعبے کے دینی کاموں میں مزید بہتری۔(رپورٹ: محمد علی شعبہ معاونت برائے اسلامی بہنیں صوبہ پنجاب آفس ، کانٹینٹ:غیاث الدین عطاری)

17 جولائی 2025ء کو دعوتِ اسلامی کے زیر اہتمام چیمبر آف کامرس حیدر آباد میں ایک میٹ ہوا جس میں بزنس سے وابستہ حضرات نے شرکت کی۔ رکن شوریٰ مولانا حاجی عبد الحبیب عطاری نے ”ملازم اور سیٹھ میں فرق“ کے موضوع پر سنتوں بھرا بیان کیا۔

بیان کرتے ہوئے رکن شوریٰ نے کہا کہ ہمارے اسلاف اپنے غلاموں کے ساتھ یکساں سلوک کرتے تھے جیسا خود کھاتے پیتے اور پہنتے ویسا ہی غلاموں کو دیتے کیونکہ دین اسلام نے ہمیں غلاموں کے ساتھ بھی حسنِ سلوک کرنے کا ذہن دیا ہے جبکہ آج کے دور میں غلام تو نہیں ہے بلکہ ہمارے ماتحت ملازم ہوتے ہیں جو کچھ وقت کے لئے ہمارے پاس کام کرتے ہیں۔ ہمیں ان کے ساتھ حسنِ سلوک کے ساتھ پیش آنا چاہیئے، اپنے ملازمین سے ان کی استطاعت کے مطابق کام لیں،ان سے اچھے انداز میں بات کریں، ان کی طبیعت کا خیال رکھیں، ان سے کام لیتے وقت گرمی اور سردی کا بھی لحاظ رکھیں، ان کی دُکھ و پریشان میں ان کی مدد کریں۔

آپ نے مزید کہاکہ آج کل ملازم یہ کہنے پر مجبور ہیں کہ ہمیں آدھی مزدوری کام کی اور آدھی سیلری گالی سننے کی دی جاتی ہے، بہت سے سیٹ متکبر ہوتے ہیں، ملازموں کو اپنے سے کم تر سمجھتے اور ان پر ظلم کرتے ہیں۔ ان سب معاملات میں مالکان کو اللہ پاک کی خفیہ تدبیر سے ڈرناچاہیئے کیونکہ ایک پل نہیں گزرتا لوگ امیر سے غریب ہوجاتے ہیں۔ پاکستان میں 2022ء کا سیلاب ہمارے لئے عبرت ہے۔

کرچی کے علاقے مؤمن آباد، سیکٹر 4 ایف کی جامع مسجد طیبہ میں 20 جولائی 2025ء کو  شعبہ کفن دفن دعوتِ اسلامی کے تحت کفن دفن کورس کا انعقاد کیا گیا جس میں مسجد کے نمازی حضرات اور ذمہ دار اسلامی بھائی شریک تھے۔

اس کورس میں ڈسٹرکٹ اورنگی ٹاؤن کے ذمہ دار مولانا فہیم عطاری مدنی نے کفن دفن کے حوالے سے وہاں موجود اسلامی بھائیوں کی رہنمائی کی اور انہیں کفن دفن کے متعلق شرعی مسائل بتائے۔

اس کے علاوہ ڈسٹرکٹ ذمہ دار نے شرکا کو دعوتِ اسلامی کے 12 دینی کاموں میں عملی طور پر حصہ لینے اور شرعی مسائل سیکھ کر دوسروں کو سکھانے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد نعیم عطاری، یوسی 5نگران مؤمن آباد ٹاؤن ، کانٹینٹ:غیاث الدین عطاری)

پنجاب کے مدنی مرکز فیضانِ مدینہ، فیصل آباد میں  گزشتہ روز شعبہ فیضان آن لائن اکیڈمی بوائزکے ذمہ داران کا اہم تربیتی اجتماع منعقد ہواجس میں فیصل آباد اور سرگودھا ڈویژن کے تمام اسٹاف نے بھرپور انداز میں شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری اس موقع پر موجود رہے اور ذمہ دار اسلامی بھائیوں کو مدنی پھولوں سے نوازا۔

اس تربیتی اجتماع کے اہم نکات میں شعبے کی طے شدہ کارکردگی کا جائزہ، جنوری سے جون 2025ء تک کی کارکردگی رپورٹ اور ذمہ دار اسلامی بھائیوں کے سوالات کے جوابات شامل تھے۔

علاوہ ازیں ایک مرید اپنے پیر صاحب کی بارگاہ میں کس انداز سے ، کس سوچ سے اور کن اچھی نیتوں سے حاضر ہو؟مرشد کریم کی بارگاہ میں کیا تحائف (دینی کاموں کے تحائف ) لے کر جائیں؟ اس حوالے سے نگرانِ پاکستان مشاورت نے ذمہ دار اسلامی بھائیوں کی تربیت و رہنمائی کی۔

نگران پاکستان مشاورت نے ذمہ دار اسلامی بھائیوں کے سوالات کے تفصیلی جوابات دیئے اور اختتامی دعا کروائی نیز ذمہ دار اسلامی بھائیوں نے نگرانِ پاکستان مشاورت سے ملاقات کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کےتحت پاکستان بھر میں ہونے والے  ہفتہ وار اجتماعات کی کارکردگی کا جائزہ لینے کے لئے مدنی مرکز فیضان مدینہ، فیصل آباد، پنجاب میں شعبہ ہفتہ وار اجتماع کے ذمہ داران کا اہم مدنی مشورہ ہوا۔

اس موقع پر رکن شوریٰ حاجی امین عطاری نے آن لائن جبکہ نگران پاکستان مشاورت آفس، تنظیمی سافٹ ویئر ڈیپارٹمنٹ کے رکن اور شعبہ ہفتہ وار اجتماع کے دیگر ذمہ دار اسلامی بھائیوں نے بالمشافہ شرکت کی۔

مدنی مشورے کے دوران مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے متعدد اہم نکات پر مشاورت کی جن میں میلاد اجتماعات کی لوکیشن، ان اجتماعات کی تیاری کا جائزہ اور آئندہ کے اہداف کی منصوبہ بندی شامل تھی۔

شعبے کے ذمہ دار اسلامی بھائیوں نے جون 2025ء کے 4 ہفتہ وار اجتماعات اور جولائی 2025ء کے پہلے 3 ہفتہ وار اجتماعات کی رپورٹ تقابلی جائزے کے ساتھ پیش کی تاکہ کارکردگی کا تفصیلی تجزیہ کیا جا سکے۔

اس کے علاوہ نگران پاکستان مشاورت نے سابقہ مدنی مشوروں میں طے شدہ اہداف کا بھی جائزہ لیا اور شرکا کو مدنی پھولوں سے نوازا جن سے ذمہ دار اسلامی بھائیوں کی حوصلہ افزائی ہوئی اور آئندہ کے لئے نئی اہداف کی نیتیں بھی کیں۔ (رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوت اسلامی کے زیر اہتمام آج مؤرخہ 24 جولائی 2024ء بروز جمعرات دنیا بھر میں ہفتہ وار سنتوں بھرے اجتماعات کا انعقادکیا جائے گا جن میں اراکین شوریٰ و مبلغینِ دعوتِ اسلامی سنتوں بھرے بیانات فرمائیں گے۔اجتماعات میں بیانات کے ساتھ ساتھ تلاوت و نعت،  ذکر و اذکار، دعا اور صلوۃ و سلام کا سلسلہ ہوگا۔

آج رات مدنی چینل پر براہ راست نشر ہونے والے ہفتہ وار اجتماع میں رکن شوریٰ حاجی قاری سلیم عطاری سٹار مارکی میرج ہال تونسہ شریف روڈ نزد چور ہٹہ ڈیرہ غازی خان سے سنتوں بھرا بیان فرمائیں گے۔

تفصیلات کے مطابق مدنی مرکز فیضانِ مدینہ جی -11 اسلام آباد میں رکنِ شوریٰ حاجی فاروق جیلانی عطاری، کنگ ہال سول ہاسپیٹل روڈ خیر پور میرس میں رکن شوریٰ حاجی محمد علی عطاری، جامع مسجد کنزالایمان محلہ چاہ ملک والا ساہیوال سرگودھا میں رکن شوریٰ مولانا حاجی محمد عقیل عطاری مدنی، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی قاری ایاز عطاری، مدنی مرکز فیضان مدینہ ڈسکہ میں رکن شوریٰ حاجی محمد اظہر عطاری، مدنی مرکز فیضان مدینہ گوجرانوالہ میں رکن شوریٰ حاجی یعفور رضا عطاری، جامع مسجد حاجی عبدالرشید Shikalbaha Chowmuhani, Karnaphuli, Chattogramمیں رکن شوریٰ عبد المبین عطاری، فیضان مشکل کشا 91 LEAGRAVE HIGHSTREET LUTON LU4 9JZ میں رکن شوریٰ حاجی خالد عطاری اور مدنی مرکز فیضان مدینہ 577- 579 FISHPONDS RAOD, BRISTOL, BS16 3AF میں نگران ویلز یوکے حاجی سید فضیل رضا عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں بھرپور شرکت کی درخواست ہے۔

لاہور،پنجاب پاکستان:

صوبائی دارالحکومت لاہور، پنجاب میں واقع Punjab Food Authority (پنجاب فوڈ اتھارٹی) کے ”سالانہ کانفرنس“ میں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری، اراکینِ شوریٰ نگرانِ پاکستان مشاورت حاجی محمد شاہد عطاری اور حاجی یعفور رضا عطاری کی آمد ہوئی۔

سالانہ کانفرنس کا آغاز کرنے کے بعد Punjab Food Authority کےDG عاصم جاوید نے نگرانِ شوریٰ مولانا حاجی محمد عمران عطاری کا تعارف کروایا اور انہیں بیان کرنے کی دعوت دی۔

نگرانِ شوریٰ مولانا حاجی محمد عمران عطاری نے ”صفائی اور صحتِ عامہ“ کے موضوع پر بیان کرتے ہوئے صفائی اور حفظان صحت کے اصولوں کی اہمیت پر روشنی ڈالی نیز حکام پر زور دیا کہ وہ صحت عامہ کے تحفظ کے لئے مؤثر اقدامات کریں۔(کانٹینٹ:غیاث الدین عطاری)

دنیا بھر میں فلاحی خدمات سرانجام دینے والے دعوتِ اسلامی کے شعبے FGRF کےتحت مرکزی مجلسِ شوریٰ کے رکن مولانا حاجی عبد الحبیب عطاری کی پاکستان میں موجود فلسطینی سفیر ڈاکٹر زہیر محمد حمداللہ زید کے ساتھ ملاقات ہوئی۔

اس موقع پر FGRF کا عزم واضح کرتے ہوئے رکنِ شوریٰ مولانا حاجی عبد الحبیب عطاری نے کہا کہ ہم اپنے فلسطینی بھائیوں اور بہنوں کے ساتھ مکمل یکجہتی کے لئے کھڑے ہیں۔

اس ملاقات کا مقصد فلسطین کے عوام کے حقوق اور امدادی سرگرمیوں کو تقویت دینا ہے تاکہ مشکل گھڑی میں ان کے حق میں آواز بلند کی جا سکے اور انسانیت کی خدمت جاری رہ سکے۔FGRF کے ذمہ داران کی فلسطینی سفیر کے ساتھ ملاقات ایک متاثر کن اور ہمدردانہ امدادی کام کی جانب ایک اور قدم ہے۔(کانٹینٹ:غیاث الدین عطاری)

وفاقی دارالحکومت اسلام آباد سیکٹر G-11 میں قائم دعوتِ اسلامی کے مدنی مرکز فیضانِ مدینہ کراچی میں ایک میٹنگ ہوئی جس میں اسلام آباد مشاورت اور پنڈی میٹروپولیٹن سٹی کے ذمہ داران نے شرکت کی۔

اس موقع پر جامعۃالمدینہ بوائز کے ذمہ دار سمیت دعوتِ اسلامی کی مرکزی مجلسِ شوریٰ کے رکن مولانا حاجی محمد اسد عطاری مدنی موجود تھے جنہوں نے تعلیمی و تنظیمی ترقی اور اس میں مضبوطی لانے کے حوالے سے بیان کیا۔

اس کے علاوہ رکنِ شوریٰ نے مختلف موضوعات پر اساتذۂ کرام و ناظمینِ کرام کی رہنمائی کی جن میں سے بعض درج ذیل ہیں:

٭خوش مزاجی اور خوش اخلاقی٭ پرہیزگاری٭تصلب فی الدین٭تصلب فی المسلک٭خوف خدا٭حُبِّ الٰہی٭عشقِ رسول صلی اللہ علیہ و سلم٭الفتِ صحابہ٭حُبِّ اہلِ بیتِ اطہار٭عقیدتِ اسلاف٭جذبۂ نیکی کی دعوت٭فکرِ امت٭شوقِ مطالعہ٭ذوق ِعبادت٭وسعتِ نظری٭اطاعتِ شریعت٭اتباعِ سنت٭اشاعتِ قرآن وسنت٭فکرِ رضا٭ذکرِ رضا٭ذکرِ مرشد و فکرِ مرشد ٭محدث اعظم پاکستان علیہ الرحمہ کی سیرت۔

کراچی:

دعوتِ اسلامی کے دینی و فلاحی کاموں کے سلسلے میں FGRF UK کے نگران سید فضیل رضا عطاری نے کراچی میں Base Commander R.R.F اور C.M.U قیوم آباد ، SSP عارف رانا سے ملاقات کی۔

اس دوران سید فضیل رضا عطاری نےعارف کو FGRF کی عالمی سطح پر جاری فلاحی و انسانی خدمات کے بارے میں آگاہی دی جس پر انہوں نے دعوتِ اسلامی کی اس کاوش کو سراہا۔

آخر میں سید فضیل رضا عطاری نے Base کمانڈر، SSP عارف رانا کو FGRF کی جانب سے تحفہ پیش کیاجس پرا نہوں نے خوشی کا اظہار کیا۔(کانٹینٹ:غیاث الدین عطاری)

11 جولائی 2025ء کو پاکستان سے UK آئے ہوئے انٹر نیشنل کرکٹ ٹیم پاکستان کے سابق کپتان سرفراز احمد کی نگرانِ ویلز UK سیّد فضیل رضا عطاری سمیت دیگر ذمہ دارانِ دعوتِ اسلامی سے ملاقات ہوئی۔

اس ملاقات میں سیّد فضیل رضا عطاری نے سرفراز احمد کو دعوتِ اسلامی کے تحت UK میں ہونے والی دینی و فلاحی ایکٹیویٹیز کے متعلق بتایاجس پر انہوں نے دعوتِ اسلامی کی خدمات کو سراہا اور خوشی کا اظہار کیا۔

اس موقع پر سیّد فضیل رضا عطاری نے سرفراز احمد کو دعوتِ اسلامی کا ”ڈیجیٹل قراٰنِ پاک“ تحفے میں پیش کیا اور انہیں دعوتِ اسلامی کے دینی کاموں حصہ لینے کی ترغیب دلائی جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)