دعوتِ  اسلامی کے تحت 4جنوری 2021ء کو ٹنڈو آدم کی ذمہ دار اسلامی بہنوں کا آن لائن مدنی مشورے کا انعقاد ہوا جس میں نگران عالمی مجلس مشاورت ذمہ دار اسلامی بہن نے اسلامی بہنوں پر انفرادی کوشش کر تے ہوئے انہیں ہفتہ وار سنتوں بھرے اجتماع میں شرکت کا ذہن دیتے ہوئے نیتیں کروائیں ۔ 

  دعوتِ اسلامی کے شعبہ 8دینی کام کے تحت جناح کابینہ کی دسمبر 2021 ءکی ماہانہ کارکردگی یہ رہی۔

کُل منسلک اسلامی بہنوں کی تعداد: 434

کُل معلمات کی تعداد: 28

کُل مبلغات کی تعداد: 26

کُل مدرسات کی تعداد: 3

اکثر گھر درس دینے / سننے والی اسلامی بہنوں کی تعداد: 30

مدنی مذاکرہ دیکھنے/ سننے والی اسلامی بہنوں کی تعداد: 34

ہفتہ وار سنتوں بھرے اجتماعات میں شرکت کرنے والی اسلامی بہنوں کی تعداد: 63

ہفتہ وار رسالہ پڑھنے/ سننے والی اسلامی بہنوں کی تعداد: 474

علاقائی دورے میں شرکت کرنے والی اسلامی بہنوں کی تعداد: 11

دعوتِ  اسلامی کے زیرِ اہتمام  6 جنوری2022ء کو کراچی کوئٹہ زون میں بذریعہ انٹر نیٹ ماہانہ مدنی مشورہ منعقد ہوا جس میں زون مشاورت  و کابینہ نگران اسلامی بہنوں نے شرکت کی ۔

زون  نگران اسلامی بہن نے اسلامی بہنوں کے آٹھ دینی کاموں سے متعلق کلام کیا اور دینی کاموں میں پائی جانے والی کمزوریوں کو ختم کرنے کا ہدف دیا نیز جدول کی تقسیم کاری کےحوالے سے نکات بتائے ۔ مزید مدنی مرکز کے طے شدہ مدنی پھولوں کے مطابق دینی کام کرنے کا ذہن دیا۔ علاوہ ازیں ماہانہ فیضان مدینہ کی ہر ذمہ دار کو بکنگ کرنے اور دیگر کی بکنگ کروانے کی ترغیب دلائی نیز ماہ رمضان المبارک کے مدنی پھول بیان کرتے ہوئے سالانہ  ڈونیشن  کو بڑھانے کے لئے کوششیں کرنے کی طرف توجہ دلائی جس پر اسلامی بہنوں نے اچھی اچھی نیتوں کا اظہار کیا ۔

  دعوتِ اسلامی کے شعبہ تعلیم(اسلامی بہنیں) کے تحت 31 دسمبر2021 ء بروز جمعہ کراچی ساؤتھ زون 2 بلدیہ ٹاؤن کابینہ ڈویژن نیول کالونی میں تربیتی اجتماع کا انعقاد ہوا ۔ اجتماع پاک میں 10 اسلامی بہنوں نے شرکت کی جس میں 5 ٹیچرز اور پرنسپل کی بھی شرکت ہوئی۔

اس موقع پر مبلغہ دعوت اسلامی نے ’’بیٹی کے کردار‘‘ موضوع پر سنتوں بھرا بیان کیا۔بعدازاں کابینہ مشاورت ذمہ دار اسلامی بہن نے اسلامی بہنوں پر انفرادی کوشش کرتے ہوئے انہیں ہر ہفتے امیر اہل سنت کی طرف سے ترغیب شدہ دینی رسالہ پڑھنےاور اپنے اسکول کے دیگر اسٹاف تک پہنچانے کا بھی ذہن دیاجس پر ٹیچرز نے اچھی اچھی نیتوں کا اظہار کیا۔

دعوتِ  اسلامی کے شعبہ شارٹ کورس کے تحت سوراشٹر زون کی جامنگر کابینہ کی ڈویژن راجکوٹ، سلایا، گونڈل میں ون ڈے سیشن بنام ”اپنی نماز درست کریں“ کورس کا انعقاد ہوا۔ کورس میں کم و بیش 21اسلامی بہنوں نے شرکت کی۔

کورس میں شریک اسلامی بہنوں کو نماز کا عملی طریقہ سکھاتے ہوئے نماز کی شرائط، فرائض اور واجبات نیز مقیم و مسافر کی نماز کا فرق بتایا گیا۔ مزید کرسی پر نماز پڑھنے کا عملی طریقہ بھی سکھایا گیا۔

٭اسی طرح اندور زون کی رتلام کابینہ میں ایک دن پر مشتمل کورس ” آئیے اپنی نماز درست کریں“ ہوا جس میں تقریباً 44 اسلامی بہنوں نے شرکت کی ۔اس کورس میں اسلامی بہنوں کو نماز کے شرائط و فرائض ، واجبات نیز مسافر کی نماز کے متعلق معلومات فراہم کی گئی۔

٭علاوہ ازیں اجمیر زون کے سانگانیر (sanganer) کابینہ اور مکرانا (makrana) کابینہ میں ایک دن کا” آیئے نماز سیکھیں “کورس کا انعقاد کیا گیا جس میں 36 اسلامی بہنوں نے شرکت کی۔

دعوتِ اسلامی کے شعبہ  اصلاح اعمال (اسلامی بہنیں)کے زیر اہتمام 6 جنوری 2022ءبروز جمعرات بذریعہ انٹر نیٹ مدنی مشورہ ہوا جس میں 6 ریجن شعبہ اصلاح اعمال ذمہ دار اسلامی بہنوں نے شرکت کی۔

پاکستان مشاورت ذمہ دار اسلامی بہن نے مرکزی مجلس شوریٰ کے مدنی پھول’’پیشگی جدول بنانے کے مدنی پھول‘‘ کے حوالے سے اسلامی بہنوں کو نکات بتائے ۔ ساتھ ہی شعبے کے مدنی پھول سمجھاتے ہوئے ذیلی حلقوں تک یہ نکات پہنچانےکے متعلق اہداف دئیے۔

علاوہ ازیں اسپیشل کام اصلاح اعمال اجتماع کو مضبوط کرنے اور بروقت اسکا فالو اَپ کرنے کا ذہن دیا نیز سال2022 ء میں پورا سال عاملات نیک اعمال میں اضافہ ہو اس کے اہداف پر کلام ہواجس پر ریجن ذمہ دار اسلامی بہنوں نے اچھی نیتوں کا اظہار کیا۔

دعوتِ  اسلامی کے تحت اجمیر ریجن اندور زون کی اندور کابینہ کے چندن نگر ڈویژن میں محفل نعت کا انعقاد ہواجس میں اندور کابینہ کے چندن نگرر ڈویژن کی عوام اسلامی بہنوں نے کثیر تعداد میں شرکت کی ۔

اس محفل میں ہفتہ وار رسالہ سنایا گیا نیز غیبت اور فضول باتوں سے بچنے کی ترغیب دلائی گئی اور علم دین سیکھنے سکھانے کا بھی ذہن دیا۔

٭اسی طرح سور کابینہ کے شاہ ولایت ڈویژن میں محفل نعت کا انعقاد ہواجس میں کفن دفن کابینہ ذمہ دار اور ڈویژن مشاورت کی ذمہ دار اسلامی بہنوں نے بھی شرکت رہی۔

اس محفل پاک میں مبلغہ اسلامی بہن نے بیان کیا اور نیکی کی دعوت کے مدنی پھول دیتے ہوئے اسلامی بہنوں کو ہر حال میں اللہ پاک کا شکر ادا کرنے کا ذہن دیا نیز ہفتہ وار اجتماع میں شرکت کرنے کی ترغیب بھی دلائی۔

دعوتِ اسلامی کے زیرِ اہتمام  ہند اجمیر ریجن سوراشٹر زون ویراول ڈویژن میں کفن دفن تربیتی اجتماع ہوا جس میں کم و بیش50 اسلامی بہنوں نے شرکت کی۔

اس تربیتی اجتماع کا باقاعدہ آغاز تلاوتِ قراٰنِ پاک اور نعت رسول ﷺ سے ہوا جس کے بعدکابینہ نگران اسلامی بہن نے ’’موت کا تصوّر‘‘ کے موضوع پر سنتوں بھرا بیان کیا ۔ بیان کےبعد عملی تربیت ہوئی جس میں کفن ناپنے ،کاٹنے اور پہنانے کا طریقہ نیز میت کو غسل دینے کا طریقہ بھی سکھایا اور اسلامی بہنوں کے سوالات کے جوابات بھی دئیے، ساتھ ہی عوام میں پائی جانے والی غلط فہمیوں کو بھی دور کیا گیا نیز اسراف اور مستعمل پانی کے مسائل بھی بتائے ۔

دعوتِ اسلامی کے شعبہ رابطہ برائے شخصیات کے تحت6 جنوری 2022ء  بروز جمعرات احمد پور شرقیہ میں irrigation department کے ایکسن کے گھر میں شخصیت دینی حلقے کا انعقاد ہواجس میں شخصیات اسلامی بہنوں نے شرکت کی۔

مبلغہ دعوت اسلامی نے ’’ مقصد حیات‘‘ کے موضوع پر سنتوں بھرا بیان کیااور شخصیات اسلامی بہنوں پر انفرادی کوشش کرتے ہوئے انہیں دینی کاموں میں عملی طور پر تعاون کرنے کا ذہن دیا۔ آخر میں تقسیم کتب و رسائل کا سلسلہ بھی ہوا ۔ علاوہ ازیں گھر کی خواتین نے ہر ماہ اپنے گھر میں شخصیت دینی حلقہ منعقد کرنے اور شخصیات کے درمیان دینی کاموں میں تعاون کرنے کی نیتیں پیش کیں۔

دوستی بہت ہی قیمتی اور اہم رشتہ ہے ۔انسان کے پاس دنیا کی ساری آسائشیں اور سہولتیں ہوں مگر ایک مخلص دوست کی کمی ہو تو ایسا شخص زندگی میں خوش نہیں رہ سکتا اور جس کے پاس کچھ بھی نہ ہو اور صرف ایک سچا دوست ہو تو وہ اپنی زندگی کو بہتر طریقے سے یوں بسر کرسکتا ہے کہ اپنی خوشی اور غم اپنے دوست کے ساتھ بانٹ لیتا ہے ،جو بات ماں باپ ،بہن بھائی سے شئیر نہیں کرسکتا دوست سے بلا جھجک کہہ سکتا ہے ۔ دوست کوئی بھی ہوسکتا ہے کیونکہ سچی دوستی نہ تو شکل وصورت دیکھتی ہے نہ عمر،نہ مال و دولت دیکھتی ہے نہ غربت بلکہ سچی دوستی ایک ایسا بندھن ہے جو کسی بھی مقصد و لالچ کے بغیر ہوتی ہے ۔یادرکھئے! دوستی کےدنیاوی اور اخروی بہت سے فوائد ہیں ،مثلاً

دنیاوی فوائد

(1)انسان دنیا میں اگرچہ اکیلا آتا ہے اور دنیا سے جاتے وقت بھی اکیلا ہی ہوتا ہے مگر زندگی گزارنے کیلئے اس کا تنہا رہنا ناممکن نہیں مگر مشکل ضرور ہوتا ہے ۔ لہٰذا زندگی گزارنے اور اپنے دکھ سکھ بانٹنے کیلئے کسی سے دوستی کرنا اور میل جول رکھنا ہماری زندگی کی بنیادی ضرورت ہے ۔

(2) لوگوں سے میل جول اور تعلقات انسان کی زندگی میں ترقی کی راہیں کھول دیتے ہیں کیونکہ اس کی بدولت ہمیں اچھی ملازمت مل سکتی ہے اور ہمارے کاروباری معاملات بھی بہتر ہوسکتے ہیں ۔

(3)لوگوں کے ساتھ میل جول کی وجہ سے ان کی عادات و اخلاقیات جاننے کا موقع ملتا ہے اور کھرے کھوٹے کی پہچان کرنے کی صلاحیت پیدا ہوتی ہے۔

(4)بعض اوقات انسان کسی ایسی پریشانی کا شکار ہوجاتا ہے کہ جس کا ذکر اپنے والدین ،بہن بھائی یا کسی عزیز سے شیئر نہیں کرسکتا اور اسی پریشانی میں اپنی زندگی کے ضروری معاملات کو چھوڑ کر تنہائی اختیار کرلیتا ہے تو ایسے نازک حالات میں اگر اپنے مخلص دوست سے مشاورت کرلی جائے تو وہ اس کا بہتر حل تجویز کرکے اپنے دوست کی زندگی پھر سے خوشیوں بھری بنا سکتا ہے ۔

باقی رہنے والی لذت:

حضرت سیِّدُنا امیر معاویہ رَضِیَ اللہُ عَنْہفرماتے ہیں : میں نے عورت سے نکاح کیا حتّٰی کہ مجھے عورت اور دیوار کے درمیان کوئی فرق محسوس نہ ہوا ، میں نے عمدہ کھانے کھائے لیکن ان پر ہمیشگی نہ رکھ سکا، میں نے مشروبات پئے حتّٰی کہ میں پانی کی طرف لوٹ آیا، میں نے جانوروں پر سواری کی اور آخر کار اپنے جوتوں کو اختیار کیا، میں عمدہ لباس پہنتا رہا حتّٰی کہ میں نے سفید لباس کو اختیار کیا مگر کوئی بھی لذت باقی نہ رہی جس کی طرف میرا نفس مشتاق تھا سوائے اپنے مہربان دوست سے گفتگو کرنے کے۔ (دین و دنیا کی انوکھی باتیں ،ص272)

یادرہے یہ تمام فوائد ہمیں اسی صورت میں مل سکتے ہیں جبکہ ہمیں ایک مخلص ،عقلمند ،نیک سیرت دوست مل جائے ورنہ مطلب پرست،بے وقوف اور بد عمل دوست سے نہ صرف ہماری دنیابرباد ہوسکتی ہے بلکہ ہم آخرت کے عذاب کا شکار بھی ہوسکتے ہیں ۔اسی وجہ سے کہا جاتا ہے کہ بری دوستی اور صحبت نہ صرف دنیا کا نقصان کرتی ہے بلکہ ایمان کیلئے بھی بہت خطرناک ہے،جیسا کہ مثنوی شریف میں ہے:

ترجمہ :جہاں تک ہوسکے بُرےدوست سے دُور رہو کہ بُرا دوست سانپ سے بھی زیادہ نقصان دہ ہوتا ہے۔ سانپ تو صرف جان لیتا ہے جبکہ بُرا یار ایمان لیتا ہے۔ (کفریہ کلمات کےبارےمیں سوال جواب،ص82)

دینی و اخروی فوائد

میٹھے میٹھے اسلامی بھائیو!ہمیں مسلمان ہونے کی حیثیت سے دنیاوی معاملات کی بہتری کے بجائے اخروی اور دینی فوائد کو پیش نظر رکھتے ہوئے دوستی کرنی چاہیے۔آئیے! نیک لوگوں سے دوستی کے دینی اور اخروی فوائد ملاحظہ کیجئے:

(1)نیک شخص سے دوستی کی برکت سے ہمارے علم وعمل میں اضافہ ہوگا اور عبادت و تلاوت اور ذکرو درود کا شوق پیدا ہوگا اور ان شاء اللہ گناہوں سے نفرت بھی ہونے لگے گی ۔ حدیث شریف میں ہمیں اچھے دوست کی پہچان یہ بتائی گئی ہےکہ اچھا ہمنشین وہ ہے کہ اس کے دیکھنے سے تمہیں خدا یاد آئے، اس کی گفتگوسے تمہارے عمل میں زیادتی ہو اور اس کا عمل تمہیں آخرت کی یاد دلائے۔(جامع صغیر،حرف الخاء، ص۲۴۷، حدیث:۴۰۶۳)

(2)نیک شخص کی دوستی سے ہمیں یہ فائدہ بھی حاصل ہوگا کہ وہ ہماری مشکلات اور پریشانیوں میں ہمیں صبر کی تلقین کرے گا اور اپنی استطاعت کے مطابق رضائے الٰہی اور ثواب کی نیت سے ہماری مدد بھی کرے گا کیونکہ اسے یہ بات معلوم ہوگی کہ اللہ عَزَّوَجَلَّ کے پسندیدہ اعمال میں سے مومن کے دل میں خوشی داخل کرنایااس سے غم دور کرنا یا اس کا قرض ادا کرنا یا بھوک میں اسے کھانا کھلاناہے۔(الزهدلابن المبارک،باب ماجاء فی الشح،الحديث:۶۸۴،ص۲۳۹)

(3)نیک شخص سے دوستی کا یہ فائدہ بھی حاصل ہوگا کہ ہم اپنی کسی پریشانی ،بیماری یا مصیبت یا اپنے گناہوں کی مغفرت کیلئے اس سے دعا کرواسکتے ہیں کہ نیکوں کی دعائیں قبول ہوتی ہیں حضرتِ سیِّدُنا انس بن مالک رَضِیَ اللہُ عَنْہ فرماتے ہیں: ’’ہم ایک دوسرے کے لئے دعا کیا کرتے تھے، اس لئے کہ اللہ پاکنے نیک لوگوں سے دعا کروانا ہم پرلازم کیاہے کیو نکہ وہ رات حالتِ قیام میں گزارتے اور دن روزے کی حالت میں اور فسق وفجور سے دور رہتے ہیں۔‘‘ (الجامع الصغیر للسیوطی، حرف الجیم، الحدیث:۰۳۵۹، ص۲۱۹)

(4)نیک شخص کی دوستی سے ہمیں اللہ پاک کی رحمت سے آخرت میں یہ فائدہ بھی حاصل ہوسکتا ہے کہ وہ ہماری شفاعت کروا کر ہماری بخشش ومغفرت کا سبب بن سکتا ہے جیساکہ ایک بزرگ رحمۃ اللہ علیہفرماتے ہیں:”اپنے دینی بھائی زیادہ بناؤ کیونکہ ہر مومن شفاعت کرے گا، شاید کہ تم بھی اپنے کسی بھائی کی شفاعت میں داخل ہو جاؤ۔“(احیاء العلوم مترجم،2/617)

دوست کیسا ہو؟

حضرت سیِّدُنا ابنِ سماکرحمۃ اللہ علیہ سےپوچھا گیا: کون سا دوست اخوت وبھائی چارے کا سب سے زیادہ حقدار ہے ؟ آپ رحمۃ اللہ علیہ نے فرمایا: جو دین میں زیادہ ہو، عقل میں پختہ ہو، جو تیرے قرب کا تقاضا نہ کرے اور دوری کی وجہ سے تجھے بھلا نہ دے، اگر تو اس سے قریب ہو تو وہ بھی تیرے قریب ہواور اگر تو اس سے دور ہو تو وہ تیرا لحاظ کرے، اگر تو اس سے مدد مانگے تو تیری مدد کرے، اگر تیری اس سے کوئی حاجت ہو تو تیری حاجت کو پورا کرے اور تو اس سے محبت کرے تو وہ تجھ سے زیادہ محبت کرے۔ (دین و دنیا کی انوکھی باتیں ، 1/278)

سچے اور باوفا دوست کے اوصاف:

٭سچا دوست بھروسامند، وفادار اور رازدار ہوتا ہے۔٭غموں میں شریک ہونے والا اور خوشیوں میں یاد رکھنے والا ہوتا ہے۔ ٭ کسی بھی معاملے میں مفید مشورہ دینے والا اور غلط قدم اٹھانے سے روکنے والا ہوتا ہے۔ ٭خودغرضی سے پاک ہوتا ہے۔ ٭ضرورت کے وقت ساتھ دینے والا ہوتا ہے۔ ٭ غلطیوں پر معاف کرنے والا اور اچھائیوں پر حوصلہ افزائی کرنے والا ہوتاہے۔ ٭اچھا دوست اپنے دوست کو برائی و گناہ میں تنہا نہیں چھوڑتا بلکہ اسے نیکیوں کی طرف لانے کی ہرممکن کوشش کرتا ہے۔ ٭مخلص دوست وہ ہوتا ہے جو دوست کی عزت کو اپنی عزت سمجھے اوراپنے دوست کی غیر موجودگی میں اُس کی عزت نہ اُچھالے۔ ٭مخلص دوست کی نظر عیش وآرام یا دولت پر نہیں بلکہ اچھائیوں اور اچھی عادات پر ہوتی ہے۔

ان لوگوں کی صحبت سے دور رہنا

حضرتِ سیِّدُنااِمام زینُ العابدین رحمۃ اللہ علیہ نے اپنے بیٹے حضرتِ سیِّدُناامام باقِررحمۃ اللہ علیہکو نصیحت فرمائی کہ پانچ قسم کے لوگوں کی صحبت اختیار نہ کرنا، (1) فاسق کی صحبت اختیار نہ کرنا کیونکہ وہ تجھے ایک یا ایک سے کم لقمہ کے بدلے میں بیچ دے گا، لقمے کا لالچ کرے گا لیکن اسے حاصل نہیں کر سکے گا۔ (2)بخیل کی صحبت میں نہ بیٹھنا کیونکہ وہ ایسے وقت میں تجھ سے مال روک لے گا جب تجھے اس کی سخت حاجت و ضرورت ہوگی۔ (3)جھوٹے کی صحبت میں نہ بیٹھنا کیونکہ وہ سَراب کی طرح ہے جو تجھ سے قریب کو دور اور دور کو قریب کر دےگا (یعنی دھوکا دے گا)۔ (4)اَحمق (بےوقوف) کی صحبت اختیار کرنے سے بچنا کیونکہ وہ تجھےفائدہ پہنچانے کی کوشش میں نقصان پہنچا دے گا۔ (5)رشتہ داروں سے قطع تعلُّق کرنے والے کی صحبت میں بیٹھنے سے بچنا کیونکہ میں نے کتابُ اللہ میں تین مقامات پراسے ملعون پایا ہے(یعنی ایسے پر لعنت کی گئی ہے)۔ (حلیۃ الاولیاء،ج 3،ص215،رقم:3745)

سوشل میڈیا اور نامحرموں کی دوستیوں کا انجام

آج کل سب سے زیادہ سوشل میڈیا کی دوستیاں عام ہیں، ایک تعداد ہے جو سوشل میڈیا پر دوست بنتے ،پھر بغیر تصدیق و تحقیق کے گہری دوستی کا دم بھرتے اور ایک دوسرے سے ملنے چل نکلتے ہیں۔ ایسی کئی خبریں مَنْظَر ِعام پر آئی ہیں جن میں سوشل میڈیا کی دوستی کے دھوکے سامنے آئے ہیں جیسا کہ ماضی قریب ہی کی خبر ہے٭سوشل میڈیا پر دوستی کی اور ملنے کے بہانے بلا کر 65ہزار روپے اور موبائل فون چھین لیا۔(ڈیلی پاکستان، 5اپریل2018آن لائن)

سوشل میڈیا پر دوستیاں کرنے والوں میں ایک تعداد صنفِ نازک کی بھی ہے جو سوشل میڈیا پر نامحرموں سے دوستی کرتی ہیں۔ یادرکھئے! جس طرح دوستی کے بارے میں اچّھے بُرے کی تمیز لازمی ہے، اسی طرح مَحْرم و نامَحْرم کا فرق بھی ضَروری ہے۔ نامحرم سے دوستی ناجائز و حرام ہے۔ دنیا میں ایسے حقیقی حادثات کی کمی نہیں ہے کہ سوشل میڈیا پر نامحرم سے دوستی کی اور ملنے چل پڑے، بعد میں نقصان ہوا، گوہرِ عِصْمت بھی لُٹے اور سوائے پچھتاوے کے کچھ نہ ملا جیسا کہ

٭ سوشل میڈیا پر دوستی کے بعد15سالہ لڑکی دوست سے ملنے ملتان پہنچ گئی، جہاں وہ لڑکا دھوکا دے کر فرار ہوگیا۔ (دنیانیوز 6اگست2018 آن لائن)

٭حافظ آباد کی لڑکی سوشل میڈیا پر دوستی کے بعد لڑکے سے ملنےکے لئے شجاع آباد پہنچ گئی، لڑکا اسے دوست کے گھر قید کرکے فرار ہوگیا، لڑکی نے شور مچایا تو اہلِ محلّہ نے دروازہ توڑ کرنکالا اور پولیس کے حوالے کر دیا۔(نوائے وقت، 19فروری 2016 آن لائن)

٭کراچی کے 18 سالہ نوجوان کی منڈی بہاءُالدّین کی لڑکی سے سوشل میڈیا پر دوستی ہوگئی اور ملنے کے لئے منڈی بہاءُالدّین پہنچ گیا، وہاں لڑکی کے بھائی نے دوستوں کےساتھ مل کر اسے قتل کردیا اور لاش نہر میں پھینک دی۔ (نوائے وقت، 19فروری2016 آن لائن)

٭گوجرانوالہ کی ایک لڑکی نے سیالکوٹ کے 22سالہ نوجوان سے سوشل میڈیا پر دوستی کی، شادی کرکے بیرونِ ملک لے جانے کاوعدہ کیا، گھر بلایا، رقم لوٹی اور قتل کرکے لاش کھیتوں میں پھینک دی۔ (نیووَن، 19مارچ 2017 آن لائن)

خبردار!خبردار!خبردار! سوشل میڈیا کا اَنْجان دوست کیسا ہی دیندار اور خُدا تَرس بندہ بنا ہوا ہو اور دین کی کتنی ہی اچّھی اچّھی باتیں پوسٹ کرتا ہو، آپ چاہے مرد ہوں یا عورت کبھی بھی کسی بھی حالت میں اپنی نجی معلومات اس سے شیئر کرنے کی غَلَطی نہ کریں اور نہ ہی کسی پارک، ہوٹل یا ریسٹورنٹ وغیرہ میں اس سے ملنے کی غَلَطی کریں کیونکہ اس میں آپ کی عزّت، آبرو، مال اور جان جانے کا خطرہ ہے اور سوشل میڈیا پر بھیڑ کی کھال میں بھیڑیوں کی کمی نہیں ۔(ماخوذ از ماہنامہ فیضان مدینہ، ربیع الاول ۱۴40ھ نومبر/دسمبر 2018ء ،ص23)

دعوت اسلامی کے شعبہ کفن دفن کے زیر اہتمام 24 ،25 دسمبر2021 کو بھروچ کابینہ کے غوث واڈ اور واگرا ڈویژن میں کفن دفن کا تربیتی اجتماع کا انعقاد ہوا جس  میں شعبے کے تعلق سے مدنی پھول دیئے گئے اور غسل میت دینے اور کفن پہنانےکا طریقہ کار سکھایا گیا نیز غسل میت دینے کے فضائل بھی بتائے گئے جس پر اسلامی بہنوں نے میت کو غسل دینے اور ٹیسٹ دینے کی اچھی نیتوں کا اظہار کیا۔

٭اسی طرح اجمیر زون اجمیر کابینہ کے لونگیا(longia) ڈویژن میں کفن دفن تربیتی اجتماع کا انعقاد کیا گیا جس میں 20 اسلامی بہنوں نے شرکت کی۔

کابینہ ذمہ دار اسلامی بہن نے’’ نزع اور غسل میت دینے، کفن پہنانے کے فضائل “ کے موضوع پر سنتوں بھرا بیان کیا ۔بعدازاں اسلامی بہنوں کو غسل میت دینے ، کفن پہنانےکا طریقہ بتاتے ہوئے ہفتہ وار سنتوں بھرے اجتماع میں آنے کاذہن دیا ۔ اجتماع پاک کے آخر میں 12 اسلامی بہنوں نے ٹیسٹ کی نیت بھی کی۔

٭دوسری جانب اجمیر زون کے اجمیر کابینہ اجمیر ڈویژن میں اجتماعات ذکر ونعت برائے ایصال ثواب کا انعقاد ہوا جن میں 96 اسلامی بہنوں نے شرکت کی۔

دعوتِ اسلامی کے شعبہ اصلاح اعمال (اسلامی بہنیں)کے زیراہتمام 26دسمبر 2021 کو کوٹا کابینہ کے ڈویژن بجاج خانا کیتھون میں اصلاح اعمال اجتماع کا انعقاد کیا گیا جس میں ڈویژن ذمہ دار اسلامی بہنوں سمیت کئی اسلامی بہنوں نےشرکت کی۔

ذمہ دار اسلامی بہن نے اجتماع پاک میں ’’فیضان مطالعہ‘‘ کے موضوع پر سنتوں بھرا بیان کیااور اسلامی بہنوں کو نیک اعمال پر عمل کرنےکا ذہن دیا جس پر اسلامی بہنوں نے نیک اعمال پر عمل کرنے اور آخرت کی تیاری کرنے سمیت دیگر اچھی اچھی نیتیں پیش کیں۔

٭ اسی طرح چندر گھاٹ ڈویژن میں اصلاح اعمال اجتماع کا انعقاد ہو اجس میں ذمہ دار سمیت 6 اسلامی بہنوں نے شرکت کی۔

ذمہ دار اسلامی بہن نے ”دو گدڑِیوں والا“ کے موضوع پر سنتوں بھر ابیان کیا اور نیک اعمال کا رسالہ پُر کرنے کا ذہن دیا جس پر اسلامی بہنوں نے اچھی اچھی نیتوں کا اظہار کیا۔

٭ دوسری جانب بھیلوارا کابینہ کے بھیلوارا ڈویژن اور ادیپور کابینہ کے سروہی ڈویژن میں اصلاح اعمال اجتماع منعقد ہوا جس میں مقامی اسلامی بہنوں شرکت کی ۔

ذمہ دار اسلامی بہن نے ”فیضان شجرہ شریف‘‘ کے موضوع پر بیان کیا جسے سُنْ کر اسلامی بہنوں نے شجرہ شریف کے اوراد پڑھنے اور نیک اعمال کا رسالہ پُر کرنے کی نیتیں پیش کیں۔

٭ دوسری طرف سرخیز کابینہ شاہ عالم کابینہ میں الگ الگ 6 ذیلی حلقوں میں اصلاح اعمال اجتماعات کا انعقاد ہوا جن میں تقریباً 200 اسلامی بہنوں نے شرکت کی ۔

٭ ایک اور جانب بروڈا کابینہ کے ناگرواڑہ(Nagrwada) ، گوروہ (gorwa) ، کرجار (Karjar) ،تاندلجا (Tadalja) ڈویژنز میں اصلاح اعمال اجتماعات منعقد ہوۓجن میں تقریباً 112 اسلامی بہنوں نے شرکت کی۔

ذمہ دار اسلامی بہنوں نے مدنی مذاکرہ دیکھنے کا ذہن دیتے ہوئے سنتوں بھرے بیانات کئے اور نیک اعمال پر عمل کرنے، گناہوں سے بچنے نیزنیک بننے کا ذہن دیا۔