اللہ پاک کے نام کی تعظیم و تکریم ہر شخص پر لازم ہے لیکن افسوس کے ہمارے معاشرے میں اس امر کی جانب زیادہ توجہ نہیں دی جاتی۔ دعوتِ اسلامی جہاں دینی کاموں میں اپنی خدمات پیش کررہی ہے وہاں فلاحی کاموں میں بھی پیش پیش نظر آتی ہے۔ اللہ پاک کے نام کی تعظیم اور مقدس اوراق کو ادب کے ساتھ محفوظ کرنے کی غرض سے دعوتِ اسلامی نے ایک خاص مجلس بنام”مجلس تحفظ اوراق مقدسہ“ قائم کی ہے جن کے مدنی کاموں میں ایک کام ہر ماہ دو مرتبہ مقدس اوراق کے باکسز خالی کرکے محفوظ مقام پر پہنچانا بھی ہے۔

اس مجلس کے تحت 22اکتوبر2019ء کو ذمہ داران نے رکن ریجن فیصل آباد کے ہمراہ فیصل آباد میں اوراقِ مقدسہ کے باکسز خالی کرکے اسے محفوظ مقام پر منتقل کیا۔ (رپورٹ، محمد ارشاد عطاری، رکن زون مجلس تحفظ اوراق مقدسہ)

دعوتِ اسلامی کی مجلس تحفظ اوراق مقدسہ کے تحت 22اکتوبر2019ء کو ذمہ داران نے رکن ریجن فیصل آباد کے ہمراہ فیصل آباد میں قائم فائر برگیڈ آفس ستیانہ روڑ میں شخصیات سے ملاقات کی اور انہیں دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے اپنے شعبے کا تعارف پیش کیا نیز ہفتہ وار اجتماع میں شرکت کی ترغیب دلائی۔ (رپورٹ، محمد ارشاد عطاری، رکن زون مجلس تحفظ اوراق مقدسہ)

دعوت اسلامی کی مجلس تحفظ اوراق مقدسہ کے تحت 22اکتوبر2019ء کو مظفرگڑھ میں ذمہ داران کا مدنی مشورہ ہو اجس میں ڈی جی خان زون کے ذمہ داران نے شرکت کی۔ نگرانِ مجلس نے شرکا کی کارکردگی کاجائزہ لیتے ہوئے ان کی تربیت کی اور شعبے میں مزید بہتری کے متعلق نکات دئیے نیز دعوتِ اسلامی کے لئے زیادہ سے زیادہ ٹیلی تھون جمع کرنے اور شعبے کو خودکفیل کرنے کے اہداف بھی طے کئے۔(رپورٹ،عبدالحمیدعطاری،دفتر ذمہ دار مجلس تحفظ اوراق مقدسہ)

دعوت اسلامی  کی مجلس تحفظ اوراق مقدسہ اورمجلسِ حکیم کے تحت ذمہ داران نے ریجن ذمہ دار کے ہمراہ حکیم عبدالحمید سے ملاقات کی اور ان کے مطب پر مدنی حلقہ لگایا۔ ریجن ذمہ دار نے شرکا کو نیکی کی دعوت پیش کرتے ہوئے دعوت اسلامی کے تحت دنیا بھر میں ہونے والے مدنی کاموں سے متعلق آگاہی فراہم کی نیز دعوتِ اسلامی کے مدنی ماحول سے وابستہ ہونے اور ہفتہ وار اجتماع میں شرکت کرنے کا ذہن دیا۔(رپورٹ، حکیم محمد حسان عطاری، ریجن ذمہ دار مجلس تحفظ اوراق مقدسہ)

21اکتوبر2019ء کو  مدنی مرکز فیضانِ مدینہ پشاور میں مجلس تحفظ اوراق مقدسہ کے تحت سنّتوں بھرے اجتماع کا انعقاد کیا گیا جس میں ذمہ داران سمیت مقامی عاشقانِ رسول نے شرکت کی۔ ریجن ذمہ دار نے ” قیامت کا امتحان اور مقدس اوراق کے تحفظ“ کے موضوع پرسنّتوں بھرا بیان کیا اور شرکا کو اپنے شعبے کا تعارف پیش کرتے ہوئے اس کے تحت مدنی کام کرنے کی ترغیب دلائی۔(رپورٹ، حکیم محمد حسان عطاری، ریجن ذمہ دار مجلس تحفظ اوراق مقدسہ)

دعوتِ اسلامی کی مجلس تحفظ اوراق مقدسہ اور مجلس حکیم کے تحت پچھلے دنوں KPKکے شہر پشاور میں ذمہ داران نے ریجن ذمہ دار کے ہمراہ پرنسپل خیبر طبیہ کالج ممبر قومی طبی کونسل حکیم محمد یونس فہیم سے ملاقات کی اور ان کے مطب پر مدنی حلقہ لگایا جس میں کئی طبیبوں نے شرکت کی۔ ریجن ذمہ دار نے انہیں نیکی کی دعوت پیش کرتے ہوئے دعوت اسلامی کے تحت دنیا بھر میں ہونے والے مدنی کاموں سے متعلق آگاہی فراہم کی اور انہیں دعوتِ اسلامی کے مدنی ماحول سے وابستہ ہونے اور ہفتہ وار اجتماع میں شرکت کرنے کا ذہن دیا۔(رپورٹ، حکیم محمد حسان عطاری، ریجن ذمہ دار مجلس تحفظ اوراق مقدسہ)

دعوتِ اسلامی کی مجلس تحفظ اوراق مقدسہ اور مجلس حکیم کے تحت پچھلے دنوں KPKکے شہر پشاور میں ذمہ داران نے ریجن ذمہ دار کے ہمراہ حکیم سکندر خان سے ملاقات کی اور انہیں دعوت اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے مجلسِ تحفظ اوراق مقدسہ اور مجلسِ حکیم کے متعلق تفصیلی بریفنگ دی۔ حکیم صاحب نے دعوتِ اسلامی کی دینی خدمات کو سراہا اور گنج بازار پشاور میں اوراق مقدسہ کے تحفظ کے لئے باکسز لگوانے کی نیت بھی کی۔(رپورٹ، حکیم محمد حسان عطاری، ریجن ذمہ دار مجلس تحفظ اوراق مقدسہ)

دعوتِ اسلامی کی مجلس تحفظ اوراق مقدسہ کے تحت  پچھلے دنوں پشاور پاکستان میں ذمہ داران کا مدنی مشورہ ہوا جس میں رکنِ ریجن، رکنِ زون اور اراکینِ کابینہ نے شرکت کی۔ ریجن ذمہ دار نے شرکا کی کارکردگی کا جائزہ لیتے ہوئے ان کی تربیت کی اور شعبہ کے کام بڑھانےکے حوالے سے اہم امور پر نکات بیان کئے۔(رپورٹ، حکیم محمد حسان عطاری، ریجن ذمہ دار مجلس تحفظ اوراق مقدسہ)

دعوتِ اسلامی کی مجلس تحفظ اوراق مقدسہ اور مجلس حکیم کے تحت پچھلے دنوں  پشاور میں مدنی حلقے کا سلسلہ ہوا جس میں ڈائریکٹر طبیہ کالج حکیم صوفی بشیر سمیت دیگر اسلامی بھائیوں نے شرکت کی۔ ذمہ داران نے انہیں دعوت اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ ہونے اور ہفتہ وار اجتماع میں شرکت کا ذہن دیا۔ ذمہ داران نےریجن ذمہ دار کے ہمراہ شخصیات سے ملاقاتیں کیں اور انہیں ماہنامہ فیضانِ مدینہ بھی تحفے میں پیش کیا۔(رپورٹ، حکیم محمد حسان عطاری، ریجن ذمہ دار مجلس تحفظ اوراق مقدسہ)

دعوتِ اسلامی کے عالمی مدنی مرکز فیضانِ مدینہ کراچی میں 20اکتوبر2019ءکو مجلسِ تحفظِ اوراقِ مقدسہ کے تحت سنتوں بھرے اجتماع کا انعقاد کیاگیا جس میں کراچی اور حیدر آباد ریجن کے ذمہ داران نے شرکت کی۔ رکنِ شوریٰ حاجی ابوماجد محمد شاہد عطاری مدنی نے سنّتوں بھرا بیان کیا اور شرکا کو اوراقِ مقدسہ کی حفاظت کرنے کےفضائل اور طریقۂ کار سے آگاہی فراہم کرتے ہوئے ان کی تربیت کی۔ (رپورٹ:محمد جہانزیب عطاری مدنی، مجلس معاونت برائےاسلامی بہنیں کراچی)

دعوتِ اسلامی کی مجلس تخفظ اوراق مقدسہ کے تحت 20اکتوبر2019ء  بروز اتوار ذمہ داران نے رکنِ زون کے ہمراہ لاہور کے علاقے مینارِ پاکستان میں اوراق ِمقدسہ کے باکسز لگائے ۔

واضح رہے! مجلس تخفظ اوراق مقدسہ کے تحت لگائے گئے اوراقِ مقدسہ کے باکسز کو ہر ماہ دومرتبہ خالی کرکے محفو ظ مقام پر منتقل کیا جاتا ہے۔(رپورٹ،محمد رضا عطاری،رکن زون مجلس تخفظ اوراق مقدسہ)

دعوتِ اسلامی کی مجلس تحفظ اوراق مقدسہ کے تحت 19اکتوبر2019ء کو پنجاب کے شہر کمالیہ میں ڈویژن ذمہ داران نے رکنِ ریجن ذمہ دار کے ہمراہ اوراق مقدسہ کے باکسز اور ڈرم خالی کرکے محفوظ مقام پر منتقل کئے۔ (رپورٹ،ڈاکٹرمحمد عدنان عطاری،رکن ریجن ذمہ دار مجلس تحفظ اوراقِ مقدسہ)