1 مارچ 2022 ء کو  شعبہ رابطہ برائے شخصیات کے تحت ترجمان پریس کلب کاشف امین، ایس ایچ او پولیس اسٹیشن عمران جتوئی اور رینٹ انسپکٹر راشد غفور اعوان نے فیضانِ مدینہ بہاولپور کادورہ کیا اور ساتھ ہی دعوت اسلامی کے ایف جی آر ایف کے تحت پودے بھی لگائے ۔

اس دوران مرکزی رکن شوریٰ کے رکن حاجی محمد اسلم عطاری اور نگران ڈویژن بہاولپور قاری احمد رضا عطاری بھی شریک تھے۔

1 مارچ 2022 ء کو شعبہ رابطہ برائے شخصیات کے زیراہتمام  سندھ سیکریٹری میں ملاقاتوں کا سلسلہ رہا ، شعبہ جات کا تعارف پیش کیا اور فیضان مدینہ وزٹ کرنے کی دعوت پیش کی۔ شخصیات میں یہ حضرات شامل تھیں۔

1۔ سندھ سیکریٹریٹ نجم احمد شاہ

2۔سیکریٹری لوکل گورنمنٹ ڈیپارٹمنٹ خالد چاچر

3۔اسپیشل سیکریٹری محکمہ لوکل گورنمنٹ عبدالرشید بروہی

4۔ ڈپٹی سیکریٹری لوکل گورنمنٹ ڈیپارٹمنٹ ابو ناصر ابڑو

5۔ڈائریکٹرمحکمہ تعلیم اخلاق احمد

6۔ریسرچ آفیسر لوکل گورنمنٹ ڈیپارٹمنٹ حنیف نوریو

پچھلے دنوں شعبہ رابطہ برائے شخصیات کے ذمہ دار نے کمشنر سبی ڈویژن کے پرسنل سیکریٹری ذیشان طاہر کے عزیز ، ڈپٹی کمشنر آفس کے سینئر کلرک کے کزن ،سبی ڈپٹی کمشنر آفس سبی کے ریٹائرڈ سپرینڈنٹ (مرحوم )حاجی منظور خلجی کے انتقال پر  ان کے بیٹے ڈاکٹر ریحان خلجی سے ملاقات و تعزیت کی اور انکے والد کے ایصال ثواب کے لئے فاتحہ خوانی کی ۔ 

اوتھل موٹروے پولیس سیکٹر اوتھل کی جانب سے دعوت اسلامی کے  مدرسۃا لمدینہ صابرین مسجد میں طلبہ کے لئےروڈ سیفٹی سیشن منعقد کیا گیا جس میں روڈ سیفٹی یونٹ کے انچارج حامد حسن جعفر نے طلبہ کو حادثات سے بچاؤکےمتعلق ملٹی میڈیا کے ذریعے مفید معلومات اور لیکچر دیا۔

جس میں طلبہ کو روڈ کراسنگ کی احتیاطی تدابیر، روڈ پر لگے سائن بورڈز، ہیلمٹ کے فوائد ، ون وے ڈرائیونگ، موٹرسائیکل کے سائیڈ شیشوں کا استعمال، لنک روڈ پٹرول پمپ سے ہائی وے کو جوائن کرنا، موٹرسائیکل کی بیک لائٹس ، اوورسپیڈنگ اور دوران ڈرائیونگ موبائل فون استعمال کے نقصانات سے آگاہ کیا تا کہ وہ خود کو اور روڈ پر موجود دیگر لوگوں کو بھی محفوظ رکھ سکیں اور ساتھ ہی ساتھ کم عمری میں ڈرائیونگ کی شدید حوصلہ شکنی کی ۔

اس کے علاوہ طلباء و اساتذہ کو کمیونٹی پولیسنگ کے بارے میں آگاہ کیا کہ کس طرح وہ روڈ سیفٹی میں بہتری کے لئے اپنا کردار ادا کرسکتے ہیں اور جہاں بھی وہ ٹریفک قوانین کی خلاف ورزی دیکھیں تو اپنے طور پر لوگوں کو ان کی غلطی کی نشاندہی کرائیں ۔ اس موقع پر ناظم مدرسۃ المدینہ قاری شکراللہ عطاری نے ماہنامہ فیضان مدینہ حامد حسن جعفر کو تحفے میں پیش کیا ۔ اس موقع پرمیڈیا ڈیپارٹمنٹ آف دعوت اسلامی قلات ڈویژن کے ذمہ دار جہانزیب عطاری ، قاری احمد رضا عطاری ، قاری ظفراللہ عطاری اور قاری احسان عطاری بھی موجودتھے۔

پچھلے دنوں صوبائی ذمہ دار شعبہ رابطہ برائے شخصیات نے  مہتمم دارالعلوم غوثیہ رضویہ ڈیرہ مراد جمالی و جماعت اہلسنت کے صوبائی رہنماء مولانا محمد اقبال قادری سے ملاقات کی ۔

دورانِ ملاقات دعوت اسلامی کی عالمی سطح پر ہونے والی دینی اور فلاحی خدمات کے حوالے سے گفتگو کی ۔انہوں نے دعوت اسلامی کی خدمات کو سراہا اور اپنی نیک خواہشات کا اظہار کیااور ان کو دعوت اسلامی کا ماہ نامہ فیضان مدینہ تحفے میں پیش کیا۔

پچھلے دنوں چیف آفیسر ضلع کونسل چوہدری نعیم اللہ وڑائچ کی والدہ محترمہ کا انتقال ہواجن کی نماز جنازہ فیضان مدینہ فیصل آباد  میں مبلغ دعوت اسلامی نےپڑھائی نماز جنازہ میں ٹکٹ ہولڈر ایم پی اے حافظ ثاقب وڑائچ،ڈسٹرک بلڈنگ انجینئر ضلع کونسل شہزاد احمد ، ایم ایس چلڈرن ہسپتال حبیب احمد بٹر،ایم ایس الائیڈ اسپتال افضال احمد چیمہ،چیف آفیسر کارپوریشن زبیر احمدنے شرکت کی اور بعد جنازہ حافظ ثاقب وڑائچ نے اپنے دوستوں کے ہمراہ فیضان مدینہ فیصل آباد میں قائم فیضان قراٰن آن لائن اکیڈمی کا وزٹ کیا اور دعوت اسلامی کی خدمات کو سراہا ۔

پچھلے دنوں شعبہ رابطہ برائے شخصیات صوبہ سندھ سکھر ڈویژن کے اسلامی بھائیوں کی سابق قائد حزبِ اختلاف مو جودہ ایم ۔این ۔اے پیپلز پارٹی سید خورشید شاہ سے ملاقات ہوئی ۔ دعوت اسلامی کے دینی خدمات کی بریفنگ دیتے ہوئے خدام المساجد کے تحت مسجد سے متعلق معاملےپر گفتگو ہوئی ۔

27 فروری 2022 ء کوشعبہ رابطہ برائے شخصیات کے اسلامی بھائیوں کا  ڈسٹرکٹ لیہ ،تحصیل چوبارہ میں ایس ۔ایچ۔او۔چوبارہ ملک شریف ملانہ سے ملاقات ہوئی اور ڈی۔پی۔او۔لیہ سے ٹیلیفونک پر رابطہ ہوا، ذمہ دار نے نئے عہدے کے تعینات پر مبارک باد دیتے ہوئے ڈونیشن کاؤنٹر ذمہ دار کا تعارف کروایاجس پر ڈی۔پی۔او۔لیہ نے تعاون کی یقین دہانی کرائی اور انہیں مدنی مرکز فیضان مدینہ وزٹ کرنے کی دعوت دی۔

اسکے علاوہ ڈسٹرکٹ مظفرگڑھ ذمہ دار شعبہ رابطہ برائے شخصیات نے سابق ایم۔این۔اےجمشید احمد خان دستی اور چئیرمین یونین کونسل فتح پور علی پور ملک عبدالرشید کنھواں سے ملاقات کی ۔ دوران ملاقات دعوت اسلامی کی دینی وفلاحی کاموں کا تعارف کروایااور ہفتہ وار اجتماعِ پاک میں شرکت کی دعوت پیش کی اور ان کے پرسنل سیکریٹری کو ماہ نامہ فیضان مدینہ پیش کیا ۔

مزید ڈویژنل آفیسر اسپیشل برانچ ڈی۔جی۔خان سردار محبوب خان تنگوانی کے گھر پر ملاقات ہوئی ۔

اسی طرح بستہ ذمہ دار محمد سلیم عطاری سے بھی ملاقات ہوئی۔

پچھلے دنوں شعبہ رابطہ برائے شخصیات کے ذمہ دار کا نگران ڈسٹرکٹ ایسٹ سید قذافی عطاری المدنی کے ساتھ گلشن اقبال ٹاؤن میں شخصیات سے ملاقات کا سلسلہ ہوا اور اقبال ٹاؤن کے ایونٹ احکام زکوٰة سیشن کے حوالے سے دعوت دی۔

جن شخصیات سے ملاقات کی ان میں :

1۔ آصف خان اکاؤنٹنٹ کاؤنٹر ٹیررازم ڈیپارٹمنٹ سندھ پولیس

2۔ شیخ اقبال رضا ڈی ایس پی شارع فیصل پولیس اسٹیشن

3۔ ریحان غوری رہنما پاکستان تحریک انصاف و کورڈینیٹر ممبر سندھ اسمبلی

4۔ زاہد منصوری ممبر رابطہ کمیٹی متحدہ قومی موومنٹ پاکستان

پچھلے دنوں شعبہ  رابطہ برائے شخصیات ومیڈیا ڈیپارٹمنٹ پشاور کے ذمہ دارنے سابق MPA ایڈوکیٹ عارف اور انکے دوست سے ملاقات کی ، دعوت اسلامی کے دینی کاموں کےبارے میں انہیں مختصر تعارف کروایا اور 3 مارچ کو ہونے والے ہفتہ وار سنتوں بھرے اجتماع میں شرکت کی دعوت دی۔

شبِ معراج النبی ﷺ کے سلسلے میں پچھلے دنوں شعبہ رابطہ برائے شخصیات کے تحت مبلغ دعوت اسلامی نے ڈسٹرکٹ سپورٹس آفیسر شیخوپورہ سے ملاقات کی ،دعوت اسلامی کا تعارف پیش کیااور اجتماع شبِ معراج کے انتظامات کے حوالے سے گفتگو کرتے ہوئے اجتماع شبِ معراج میں شرکت کے لئے  دعوت نا مہ پیش کیا۔ ساتھ ہی خوشبو کا تحفہ بھی دیا ۔

پچھلے دنوں پنجاب پاکستان کے شہر خان پور ضلع رحیم یار خان میں رابطہ برائے شخصیات دعوتِ اسلامی کے ذمہ داراسلامی بھائیوں نے ایم پی اے تحریک انصاف پاکستان میاں شفیع محمد سے ملاقات کی۔

ذمہ داران نے انہیں نیکی کی دعوت دیتے ہوئےدعوتِ اسلامی کے تحت منعقد ہونے والے ہفتہ وار سنتوں بھرے اجتماع میں شرکت اور مدنی مرکز فیضا نِ مدینہ کا وزٹ کرنے کی دعوت دی جس پر انہوں نے اظہارِ مسرت کیا۔(رپورٹ:محمد صہیب عطاری شعبہ رابطہ برائے وکلاء کراچی ساؤتھ سنٹرل زون، کانٹینٹ:غیاث الدین عطاری)