دعوتِ اسلامی کی مجلس اطراف گاؤں کے تحت اسلام آباد میں مدنی حلقہ ہوا جس میں گاؤں کے نگران ،زون ذمّہ داران اور زون نگران سمیت دیگر ذمّہ داران نے شرکت کی ۔رکنِ شوریٰ حاجی وقار المدینہ عطاری نے کارکردگی کا جائزہ لیتے ہوئے شرکا کی تربیت کی اور مدنی مذاکرے کی کارکردگی مزید مضبوط کرنے کا ذہن دیانیز اس حلقے میں رکنِ شوریٰ حاجی محمد اظہر عطاری نے بھی شرکت کی ۔

انسانی جسم کا ہر عضو اپنی جگہ بہت ہی اہمیت اور قدر وقیمت کا حامل ہے، اللہ تعالیٰ کی بے شمار نعمتوں میں سے ایک نہایت ہی اہم نعمت آنکھ بھی ہے۔ انسانی اعضاء میں آنکھ بظاہر جسم کا بہت ہی چھوٹا عضو ہے مگر اپنی اہمیت وافادیت کے اعتبار سے نہایت ہی عظیم، اہم اور حساس ہے۔ لیکن آج کے سائنسی دور میں جہاں مختلف اقسام کی ٹیکنالوجی دنیا بھر میں متعارف کرائی گئی ہیں وہیں موبائل اور ٹیبلیٹ جہاں ضرورت ہے تو وہیں زحمت بھی بنی ہوئی ہے، ترقی یافتہ دور میں بڑے ہوں یا بچے موبائل فون کے نقصانات سے واقف ہونے کے باوجود گھنٹوں اس کو استعمال کرتے نظر آتے ہیں، موبائل فون اور ٹیبلیٹ بڑوں کی صحت کو تو نقصان پہنچاتا ہی ہے لیکن بچوں کی صحت پر بھی منفی اثر ڈالتا ہے، جس کے باعث ان کی جسمانی و ذہنی نشوونما کے ساتھ ساتھ آنکھیں بھی متاثر ہوتی ہیں، جو بچے بہت زیادہ موبائل فون استعمال کرتے ہیں، یا فون کو اپنی آنکھوں کے بہت قریب رکھتے ہیں، ان کی آنکھوں میں بھینگا پن آنے کے امکانات بہت زیادہ بڑھ جاتے ہیں۔ ماہر امراض چشم کا کہنا تھا کہ موبائل فون اور ٹیبلیٹ کے استعمال سے بچوں کی جسمانی اور ذہنی نشوونما کے ساتھ ساتھ ان کی آنکھوں پر بھی منفی اثرات مرتب ہوتے ہیں۔ لہٰذا والدین کو چاہئے کہ اپنے بچوں کو کم سے کم ان چیزوں کا استعمال کرنے دیں۔

آنکھ قدرت کا بہت بڑا انعام اور عظیم عطیہ ہے۔اس سے انسان کی ساری دنیا روشن رہتی ہے۔آنکھوں کی بینائی ختم ہوجانے اور آنکھوں سے محروم ہوجانے کی صورت میں انسان کی دنیا اندھیر ہوجاتی ہے، لہٰذا ہمیں چاہئے کہ ہم خود بھی موبائل کا کم سے کم استعمال کریں اور اپنے بچوں کو بھی اس کا استعمال کم سے کم کرائیں تاکہ آگے چل کر آپ کو اور آپ کے بچے کو کسی قسم کی تکالیف کا سامنا نہ کرنا پڑے۔

حج وعمرہ کی سعادت پانے والے عاشقانِ رسول خوشی کی بات یہ ہے کہ  دعوتِ اسلامی کی مجلس آئی ٹی نے حج و عمرہ کے حوالے سے ایک ویب سائٹ https://hajjumrah.dawateislami.net/ کا اجراء کیا ہے جہاں آپ حج و عمرہ کا طریقہ، دعا قبول ہونے کے مقامات، دعائیں، مدنی پھول، اوقات نماز، ارکان حج کی ادائیگی کے بارے میں ویڈیوز اور بک لائبری اس ویب سائٹ پر موجود ہے۔

پاکستان سے اب تک سعودی عرب میں ایک لاکھ 40 ہزارسے زائدعازمینِ حج پہنچ چکے ہیں۔پی آئی اے کے ترجمان کا کہناتھا کہ پی آئی اے نے 65ہزارعازمین ِحج کو حجاز مقدّس پہنچادیاہے۔مکہ مکرمہ میں پاکستان حج مشن کے فراہم کردہ اعداد وشمار کے مطابق ان میں چھیانوے ہزارعازمین سرکاری حج اسکیم اور چھتیس ہزارنجی حج اسکیم کے تحت مکہ مکرمہ اور مدینہ منورہ میں پہنچے ہیں۔مزید انہوں نےکہاکہ پچاس ہزار عازمین مدینہ منورہ  میں روضہ رسول صلَّی اللہ علیہ واٰلہٖ وسلَّم کی زیارت کے بعد مکہ مکرمہ پہنچ گئے ہیں۔ سرکاری حج اسکیم کے تحت آنے والے آٹھ ہزار سے زیادہ عازمین حج مدینہ منورہ میں اور اٹھاسی ہزار عازمین مکہ مکرمہ میں پہنچ چکے ہیں۔سعودی حکومت کے مقرر کردہ حج کوٹے کے مطابق اس سال انڈونیشیا سے ڈھائی لاکھ اور پاکستان سے دو لاکھ عازمین حج کے لیے آئیں گے۔

دعوتِ اسلامی کی مجلس مدرسۃ المدینہ کے تحت لاہور مغلپور میں مدنی مشورہ ہوا جس میں مدرسۃ المدینہ کے ناظمین نے شرکت کی ۔نگرانِ مجلس نے شرکا کی تربیت کی اور اجتماعی قربانی کرنے اور قربانی کی کھالیں جمع کرنے حوالے سے نکات دیئے نیز اس مشورے میں ریجن ناظم ،زون ناظمین اور خود کفالت کے ذمّہ دران بھی شریک ہوئے۔

دعوتِ اسلامی کی مجلس حج و عمرہ کے تحت  کراچی کھادر کے جامع مسجد الف،کراچی واٹر پمپ کے ایک بینکویٹ اورفیصل آباد کینال روڈ کے ایک ہوٹل میں حج تربیتی اجتماع کا انعقاد کیا گیا جس میں عازمینِ حج اور ان کے عزیزواقارب نے شرکت کی ۔ مبلغینِ دعوتِ اسلامی نے سنّتوں بھرا بیانات کئے اور حج وعمرہ کےمسائل کے ساتھ حاضری مدینہ زاد ہَااللہ شرفاً وَّ تعظیماً کے آداب بھی سکھائے ۔

دعوتِ اسلامی کی مجلس مزاراتِ اولیاء کے تحت ذمّہ داران نے ضلع جہلم للہ شریف میں خواجہ فیض بخش چشتی نظامی رحمۃ اللہ علیہ کے مزار شریف پر حاضری دی اور سجادہ نشین صاحبزادہ مولانا محمودالحسن چشتی نظامی صاحب سے ملاقات کرتے ہوئے دعوتِ اسلامی کا تعارف پیش کیا نیز ذمّہ داران نے مولانا صاحب کو” ماہنامہ فیضانِ مدینہ “تحفے میں دیا۔

دعوتِ اسلامی کی مجلس مدرسۃ المدینہ کے تحت تلہ گنگ چکوال میں نئی کلاس کے آغاز کے سلسلے میں سنّتوں بھرے اجتماع کا انعقاد کیاگیا جس میں طلبہ کرام اور ان کے سرپرستوں نے شرکت کی۔ رکن ِشوریٰ حاجی وقار المدینہ عطاری نے سنّتوں بھرابیان کرتے ہوئے شرکاکو دعوتِ اسلامی کے مدنی ماحول سے وابستہ ہوکر دین کے کاموں میں بڑھ چڑھ حصّہ لینےکی ترغیب دلائی ۔

اسی طرح دعوتِ اسلامی کی مجلس جامعۃالمدینہ کے تحت مدنی مرکز فیضانِ مدینہ چکوال کے ساتھ جامعۃالمدینہ کی عمارت کا سنگِ بنیاد رکھنے کے سلسلے میں سنّتوں بھرے اجتماع کا انعقاد کیا گیا جس میں ذمّہ داران اور مختلف شخصیات نے شرکت کی ۔ رکنِ شوریٰ حاجی وقارالمدینہ عطاری نےعلمِ دین کے فضیلت پر سنّتوں بھرا بیان کیا ۔