پچھلے دنوں دعوت اسلامی کے تحت ایک اسلامی بھائی عبد الحمید عطاری کے کارخانے میں مدنی حلقے کا سلسلہ ہوا جس میں کارخانے کے مالک سمیت دیگر اسلامی بھائیوں شرکت کی۔ رکن شوریٰ حاجی وقار المدینہ عطاری نے ”شکر کے فضائل“ پر مدنی پھول ارشاد فرمائے اور مدنی کاموں میں شرکت کرنے کی ترغیب دلائی جس پر شرکا نے اپنی  اچھی اچھی نیتیں پیش کیں۔

دعوت اسلامی کے زیر انتظام ہر سال کی طرح اس سال بھی اسلام آباد ریجن میں قربانی کی کھالیں جمع کرنے کے لئے 32 گودام بنائے گئے ہیں۔ جن میں سے ایک گودام ضلع راولپنڈی روات کلر سیداں میں بھی قائم ہے۔

6 اگست 2020ء کو مرکزی مجلس شوریٰ رکن حاجی وقار المدینہ عطاری نے اس گودام کا وزٹ کیا جہاں انہوں نے کھالوں کی تعداد اور نمک لگانے کا جائزہ لیا۔ کھال گودام کے ذمہ دار محمد عمران عطاری نے رکن شوریٰ کو گودام کی تمام صورتحال کی اپڈیٹ دی جبکہ رکن شوریٰ نے کھال گودام میں خدمت سرانجام دینے والےعاشقان رسول کو کاؤنٹر تسبیح تحفے میں دی اور روزانہ درود پاک پڑھنے کی ترغیب بھی دلائی۔

آج 10اگست 2020ء  بروز پیر رات 9:15 بجےشیخ الحدیث والتفسیر مفتی محمد قاسم عطاری مَدَّظِلُّہُ الْعَالِی اپنے آفیشل Facebook پیج پرlive سلسلہ فرمائیں گے ۔ اس سلسلے میں عاشقان رسول اپنے سوالات کے جوابات جان سکیں گے۔

سلسلے میں شامل ہونے کے لئے نیچے دیئے گئے لنک پر کلک کیجئے:

https://www.facebook.com/MuftiQasimAttari

آج 9 اگست 2020ء بروز اتوار شام 5:30 بجےیوم خلیفہ ثالث امیر المومنین حضرت سیدناعثمان غنی رضی اللہ عنہ کے موقع پر مجلس ازدیاد حب

کے اہتمام Facebook پیج پر live ایصال ثواب اجتماع کا انعقاد کیا جائیگا۔اس اجتماع پاک میں رکن شوریٰ حاجی محمد اظہر عطاری خصوصی بیان فرمائیں گے۔

اس آن لائن اجتماع میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/HajiAzharAttari/

آج بروز اتواردوپہر 3:00 دعوت اسلامی کے زیر اہتمام ملک بھر میں موجود تعلیمی اداروں کے ٹیچرز کے لئے بذریعہ مدنی چینل سنتوں بھرے اجتماع کا انعقاد کیا جائیگا۔ اس اجتماع پاک میں خصوصی بیان مرکزی مجلس شوریٰ کے نگران مولانا محمد عمران عطاری سنتوں بھرا بیان فرمائیں گے۔

ملک بھر کے تمام ٹیچرز سے درخواست ہے کہ اس اجتماع پاک میں ضرور شرکت کریں۔

نگران لاہور جنوبی زون حاجی عبدالرشید عطاری نے 7 اگست2020ء بروز  جمعۃ المبارک بعد نماز مغرب ڈویژن قاضی کے عاشقان رسول کا فیضان مدینہ شیخوپورہ میں مدنی مشورہ کیا اور قربانی کی کھالوں میں تعاون کرنے والے تمام ذمہ داران و اہل محبت عاشقان رسول کی دعوت فرمائی۔

عاشقان رسول کو شجر کاری کے حوالے سے ترغیب دلاتے ہوئے12 مدنی کاموں کے حوالے سے تربیت فرمائی جبکہ اس موقع پر عاشقان رسول نے امیر اہلسنت کی ترغیب پر زلفیں رکھنے اور رکھوانے کی نیت کا اظہار کیا۔(رپورٹ:احمد رضا عطاری ڈویژن ذمہ دار )

7اگست2020ء بروز جمعۃ المبارک عوت اسلامی کے زیر اہتمام علی پور ڈویثرن میں قربانی کی کھالیں جمع کرنے والوں کی حوصلہ افزائی کا اہتمام ہوا ۔

نگران کابینہ علی پور محمد آصف عطاری نےقربانی کی کھالیں جمع کرنے والوں میں تحائف تقسیم کئے اور سب سے نمایاں کارکردگی دکھانے والے ناظم مدرسۃ المدینہ النور قاری شاکر عطاری کو مدینہ شریف کا پیالہ تحفے میں دیتے ہوئے باقی عاشقان رسول میں مدینہ شریف کی تسبیحات اور رسائل عطاریہ تقسیم کئے اور مدرستہ المدینہ اور جامعۃ المدینہ کے طالب علموں میں نقدی رقم(500 روپے فی کس) کے انعامات تقسیم کیے۔(رپورٹ: ڈاکٹرجمشید اخترکابینہ علی پور زون مظفر گڑھ روکن ریجن ملتان)

آج صبح 8:00 بجے مدنی چینل پر جامعۃ المدینہ للبنین و للبنات کےطلبہ و طالبات کے لئے سنتوں بھرے اجتماع کا اہتمام کیا گیاجس میں درجہ دورۃ الحدیث شریف کے طلبائے کرام نے شرکت کی۔ اجتماع پاک میں خصوصی بیان مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِینے فرمایا۔

کراچی کے علاقے P.I.B کالونی میں ایام عید میں مجلس دعوت اسلامی ویلفیئر کے تحت اسپیشل اسلامی بھائیوں کیلئے خیر خواہی کا اہتمام کیا گیا جس میں مجلس اسپیشل افراد کے اسلامی بھائیوں نے شرکت کی۔

اس موقع پر دو نابینا اسلامی بھائیوں نے نعت شریف بھی پڑھی۔نگران مجلس دعوت اسلامی ویلفیئر شفاعت علی عطاری نے سنتوں بھرا بیان کیا۔ آخر میں اسپیشل افراد کے لئے دعو ت اسلامی ویلفیئر کی جانب سے خیر خواہی کا بھی اہتمام کیا گیا۔

واضح رہے کہ گونگے،بہرےاورنابیناافراد کوعموماًمعاشرےمیں کم ہی اہمیت دی جاتی ہے۔مگر اَلْحَمْدُ لِلّٰہِ عَزَّ وَجَلَّ سنتوں کو عام کرنےوالی عاشقان رسول کی مدنی تحریک دعوت اسلامی نےان اسپیشل افرادکوتنہانہیں چھوڑا اوران کیلئےبھی دینی و اخلاقی تربیت کااہتمام کیا جس کےسبب گونگے، بہرے اور نابینا سینکڑوں افراد مدنی ماحول سے وابستہ ہوگئے۔ بلاشبہ یہ تبلیغِ قرآن و سنّت کی عالمگیر تَحریک دعوتِ اسلامی کا وہ منفرد اورعظیم کارنامہ ہے جس کی مثال نہیں ملتی۔

پچھلے دنوں مجلس رابطہ کے ذمہ داران نے کراچی میں سیاسی رہنماڈاکٹر  فاروق ستار سے ملاقات کی تھی۔ دوران ملاقات انہوں نے عید قرباں پر اپنی قربانی کی کھالیں دعوت اسلامی کو دینے کی نیت تھی۔

اسی سلسلے میں سیاسی رہنما ڈاکٹر فاروق ستار نےدعوت اسلامی کے دینی وفلاحی کاموں کے لئے اپنی قربانی کی کھالیں دعوت اسلامی کو دیں اور آئندہ بھی تعاون کرنے کی یقین دہانی کروائی۔

عید قرباں کے موقع پر دعوت اسلامی کے جملہ اخراجات کو پورا کرنے کے لئے ملک بھر میں کھالیں اکھٹی کرنے کا سلسلہ ہوا۔

اسی سلسلے میں مرکزی مجلس شوریٰ کے رکن حاجی محمد امین عطاری نے اراکین شوریٰ حاجی محمد علی عطاری اور حاجی امین قافلہ کے ہمراہ کراچی میں مختلف جگہوں پر کھال جمع کرنے کے لئے لگائے جانے والے کیمپس کا دورہ کیا۔ اس موقع پر اراکین شوریٰ نے کیمپس کے انتظامات کا جائزہ لیا اور کھال جمع کرنے والے اسلامی بھائیوں سے ملاقات کرتے ہوئے حوصلہ افزائی کی۔

اس سال ذوالحجہ 1441ھ میں سرگودھا زون میں کھالیں جمع کرنے کے لئے پانچ گودام بنائے گئے ہیں جن میں ایک گودام بھلوال شہر میں بنایا گیا ہے۔ اس گودام میں بھلوال، میانی، بھیرہ اور پھلروان میں جمع ہونی والی کھالوں کو اکٹھا کیا گیاہے۔

03اگست 2020ء کو نگران سرگودھا زون محمد عادل رضا عطاری نے بھلوال کے کھال گودام کا وزٹ کیا اور وہاں کھالوں میں نمک لگائے جانے والے کاموں کا جائزہ لیا۔

نگران بھلوال مشاورت محمد حسنین عطاری نے گودام کے اخراجات، کام کرنے والے اسلامی بھائیوں کی خیر خواہی، لیبر کی بہترین سہولیات کی فراہمی اور ٹرانسپورٹ کے اخراجات کے حوالے سے نگران زون کو اپڈیٹ دی۔

اس موقع پر نگران زون نے کھالوں کوسنبھالنے، گودام کی سیکورٹی اور صفائی کے انتظامات کے حوالے سے ذمہ داران کی تربیت کی۔