دعوت اسلامی کے شعبہ خدام المساجد و المدارس کے تحت مجید کالونی قائد آباد کراچی میں مسجد فیضان رمضان کاافتتاح کردیا گیا۔

مسجد کا افتتاح مرکزی مجلس شوریٰ کے رکن حاجی محمد امین عطاری نے فرمایا اور شرکا کونیکی کی دعوت دی۔

بعد ازاں رکن شوریٰ حاجی محمد امین عطاری نے کراچی ریجن کے ذمہ داران کے ہمراہ ظفر ٹاؤن میں زیر تعمیر مسجد کا دورہ کیا اور وہاں جاری تعمیراتی کاموں کا جائزہ لیا۔

نگران پاکستان مشاورت حاجی محمد شاہد عطاری فیصل آباد کے علاقے آفیسر کالونی میں ایک اسلامی بھائی شیخ حاجی محمد عمر عطاری کی رہائش گاہ پہنچے جہاں انہوں نے اسلامی بھائیوں سے ملاقاتیں کیں۔

نگران پاکستان نے ان اسلامی بھائیوں کو نیکی کی دعوت دیتے ہوئے دینی کاموں میں حصہ ملانے کا ذہن دیا اور اپنے عطیات دعوت اسلامی کو جمع کروانے کی ترغیب دلائی۔

18 اپریل 2021ء کو کراچی کے علاقے ڈیفنس میں دعوت اسلامی کے زیر اہتمام افطار اجتماع کا انعقاد کیا گیا جس میں مقامی شخصیات اور دیگر  ذمہ داران نے شرکت کی۔

مرکزی مجلس شوریٰ کے رکن حاجی محمد امین عطاری نے سنتوں بھرا بیان کیا اور شرکا کو رمضان المبارک میں زیادہ سے زیادہ نیکی کمانے کی ترغیب دلائی۔ اختتام پر دعا بھی کی گئی اور ملاقات کا سلسلہ ہوا۔

دعوت اسلامی کے شعبے F.G.R.Fکے زیر اہتمام ڈھڈیال کشمیر کے علاقے بھلوٹ میں شجر کاری مہم کے سلسلے میں پودے لگائے گئے۔

مرکزی مجلس شوریٰ کے رکن حاجی محمد اسد عطاری مدنی اور مقامی ذمہ داران سمیت دیگر عاشقان رسول نے شرکت کی۔

اس موقع پر رکن شوریٰ کا کہنا تھا کہ شجر کاری مہم میں حصہ لیتے ہوئے ڈھڈیال میں بھی 9ہزار پودے لگادیئےگئےہیں جبکہ پودے سے درخت بننے تک ان کا خیال بھی رکھا جائیگااور ہم دعوت اسلامی کا نعرہ ”پودے لگاو درخت بناؤ“ کے مقصد میں شامل ہوسکیں گے۔ 

ڈھوک مہرا کلے یال روڈ راولپنڈی میں ”مسجد فیضان شیر خدا“ رکھنے کا سلسلہ ہوا۔

دعوت اسلامی کی مرکزی مجلس شوریٰ کے رکن حاجی وقار المدینہ عطاری نے دیگر ذمہ داران اور مقامی شخصیات کے ہمراہ اینٹیں رکھیں اور دعا فرمائی۔

واضح رہے کہ سنگ بنیاد رکھی جانے والی مسجد کے مقابل پچھلے دو سالوں سے جامعۃ المدینہ گرلز فیضان مکہ قائم ہے جہاں اسلامی بہنوں کو عالم بنانے کے لئے دینی تعلیم فراہم کی جارہی ہے۔

دعوتِ اسلامی کےزیر اہتما م گزشتہ دنوں  نگران اوکاڑہ زون حاجی منیر احمد عطاری نے ڈویژن بنگلہ گوگیرہ کا مدنی مشورہ لیا جس میں فیضان مدینہ کے تعمیراتی کاموں کا جائزہ لیا۔ ذمہ داران کے دینی کاموں کو سراہا ۔ دینی کاموں کو بڑھانے اور رمضان عطیات کے لئے کوششیں مزید تیز کرنے پر زور دیا ۔ نگران کابینہ ستگھرہ لیاقت علی عطاری نے بھی اس مدنی مشورے میں شرکت کی۔( رپورٹ:اویس رضا عطاری)

شعبہ F.G.R.Fدعوت اسلامی 18 اپریل 2021ء بروز اتوار دوپہر 11:00 بجے D.H.A کراچی ، فیز 5 میں ایک نئی برانچ کا افتتاح کرنے جارہی ہے۔

برانچ کا افتتاح مرکزی مجلس شوریٰ کے رکن حاجی مولانا عبد الحبیب عطاری فرمائیں گے۔

مزید معلومات کے لئے ان نمبرز پر رابطہ کریں:

03153025126-03126821292

شعبہ ٹرانسپورٹ دعوتِ اسلامی کے زیر اہتمام  12 اپریل 2021ء بروز پیر کراچی، گلشن اقبال شاہراہ قائدین شوروم کی افتتاحی تقریب کے موقع پر محفل نعت منعقد ہوئی جس میں شوروم مالکان نے شرکت کی۔

دعوتِ اسلامی کے زیر اہتمام وہاڑی زون کے شہر وہاڑی  میں شخصیات اجتماع بسلسلہ آمد رمضان منعقد ہوا جس میں ریجن نگران و رکن شوریٰ حاجی اسلم عطاری نے نگرانِ زون غلام مصطفےٰ عطاری اور نگران کابینہ راؤ طیب عطاری کے ہمراہ شرکت کی۔

نگرانِ ریجن حاجی اسلم عطاری نے رمضان المبارک میں روزوں کی پابندی اور نماز تراویح شوق سے اداکرنے پر مدنی پھول دئیے اور نگران زون نے 12 دینی کاموں کے حوالے سے ترغیب دلائی ۔ اس موقع پر مدنی چینل کا انسٹال لگایا گیا جس میں شرکا کو مدنی چینل کے سلسلوں کے بارے میں معلومات فراہم کی گئیں۔

نگران پاکستان مشاورت حاجی محمد شاہد عطاری نے اوکاڑہ میں مولانا سلیمان مصباحی صاحب سے ملاقات کی۔

ملاقات میں حاجی شاہد عطاری اور مولانا سلیمان مصباحی صاحب نے دینی کاموں کے حوالے سے بات چیت کی جبکہ نگران پاکستان مشاورت نے انہیں قرآن و سنت کی عالمگیر تحریک دعوت اسلامی کے دینی کاموں سے آگاہ کیا اور بالخصوص K.P.K میں ہونے والے دینی کاموں سے آگاہ کیا۔ نگران پاکستان مشاورت حاجی محمد شاہد عطاری نے ڈاکٹر سلیمان مصباحی صاحب کو فیضان آن لائن اکیڈمی کے شعبے جامعۃا لمدینہ کے حوالے سے بریفنگ دی جس پر مولانا صاحب نے دعوت اسلامی کے اصلاحی وفلاحی اوردینی کاموں کوسراہااور اپنی نیک خواہشات کا اظہارکیا۔

دعوت اسلامی کے زیر اہتمام آج  بروز منگل بعد نماز عصر الصدف کالونی، اورنگی ٹاؤن نمبر 10 کراچی میں جامع مسجد مُرسلین کے افتتاح کے موقع پر اجتماع ذکر و نعت کا انعقاد کیا جائیگا۔

اس اجتماع پاک میں مبلغ دعوت اسلامی سنتوں بھرا بیان فرمائیں گے جبکہ مسجد ہٰذا میں باقاعدہ نمازوں کاسلسلہ بھی شروع ہوجائیگا۔

گردو نواح کے عاشقان رسول سے اس اجتماع میں شرکت کی درخواست ہے۔