رکنِ شوریٰ حاجی شاہد عطاری مدنی کا ادارہ تحقیقاتِ امام احمد رضا رجسٹرڈکراچی کا دورہ

ادارے کے صدر پروفیسر ڈاکٹر مجید اللہ قادری صاحب اور دیگر اراکینِ ادارہ سے ملاقات کی

رپورٹ: محمد عمر فیاض مدنی ، شعبہ ذمہ دار دعوتِ اسلامی کے شب وروز

11 ستمبر 2021ء بروز ہفتہ دعوتِ اسلامی کی مرکزی مجلسِ شوریٰ کے رکن مولانا حاجی ابوماجد محمد شاہد عطاری مدنی نے المدینۃ العلمیہ کے چند علمائے کرام کے ہمراہ ادارہ تحقیقاتِ امام احمد رضا رجسٹرڈ کراچی کا دورہ کیا ، جہاں ادارے میں پروفیسر ڈاکٹر مجید اللہ قادری صاحب( صدر ادارہ تحقیقات امام احمد رضا رجسٹرڈ پاکستان و مدیر ماہنامہ معارف رضا کراچی)، علامہ مفتی سید زاہد سراج القادری صاحب ( جنرل سکریٹری و نائب مدیر معارف رضا کراچی)، علامہ محمد ندیم اختر القادری صاحب( نائب صدر)، ڈاکٹر اقبال احمد اخترالقادری (معتمد دفتر و معاون مدیر معارف رضا کراچی)، صوفی محمد مقصود حسین قادری نوشاہی اویسی( ایگزیکٹو ممبر)اور دیگر اراکینِ ادارہ سے ملاقات کی۔

دورانِ ملاقات رکنِ شوریٰ نے دعوتِ اسلامی کے اسلامک ریسرچ سینٹر ”المدینۃ العلمیہ“ کا تعارف پیش کیا جبکہ شعبہ کتبِ اعلیٰ حضرت کے ذمہ دار مولانا کاشف سلیم عطاری مدنی نے بریفنگ دیتے ہوئے شعبہ کتب اعلیٰ حضرت میں اب تک جو کتابیں لکھی جاچکی ہیں، جن پر کام جاری ہے اور جن پر کام ہونا اہداف میں شامل ہے،ان سب کے متعلق آگاہی فراہم کی۔

اس موقع پر مولانا احمد رضا گھانچی بھی موجود تھے جنہوں نے شعبہ مکتبۃ المدینہ العربیہ اور شعبہ دارالتراث العلمی کا تعارف کرتے ہوئے بیروت سے شائع ہونے والی اعلیٰ حضرت کی 09 کتابوں کا تعارف پیش کیا۔ یہ 09 کتابیں ادارہ تحقیقاتِ امام احمد رضا کو تحفےمیں پیش بھی کی گئیں۔

رکنِ مجلس المدینۃ العلمیہ مولانا عدنان چشتی عطاری مدنی نے شعبہ فیضانِ حدیث کے زیراہتمام تیار کی جانے والی بخاری شریف کی شرح اور اس کے اسلوب سے متعلق ادارے کے ارکان کو آگاہ کیا

وفد کی جانب سے بریفنگ دیے جانے کے بعد ادارے کے صدر پروفیسر ڈاکٹر مجید اللہ قادری صاحب نے بھی اپنے ادارے کے موجودہ اور مستقبل کے پروجیکٹس کے بارے میں آگاہ فرمایا۔اختتام پر مفتی سید زاہد سراج القادری صاحب نے دعا فرمائی۔

آخر میں رکنِ شوریٰ نے ادارہ تحقیقاتِ امام احمد رضا کے اراکین کو عالمی مدنی مرکز فیضان مدینہ کراچی کا وزٹ کرنے کی دعوت پیش کی جسے انہوں نے بخوشی قبول کیا۔

دعوت اسلامی کے زیر اہتمام 16 ستمبر 2021ء کواسلامی بہنوں کے لئے سنتو ں بھرے اجتماع کا انعقاد کیا گیا جس میں دار السنہ کی اسلامی بہنیں اور اسلامی بہنوں کے مدرسۃ المدینہ کورسز کے طالبات نے پردے رہ کر شرکت کی۔

نگران پاکستان مشاورت حاجی محمد شاہد عطاری نے ”تعلیم قرآن کی اہمیت“ کے موضوع پربذریعہ انٹر نیٹ سنتوں بھرا بیان فرمایا اور اسلامی بہنوں کی دینی کاموں کے حوالے سے رہنمائی کی۔ (Content: Mohammad Hussain Attari)

16 ستمبر 2021ء کو دعوت اسلامی کے زیر اہتمام نورانی مسجدقصور میں ہفتہ وار سنتوں بھرے اجتماع کا انعقاد کیا گیا جس میں مرکزی مجلس شوریٰ کے رکن حاجی یعفور رضا عطاری نے سنتوں بھرا بیان فرمایا۔

اس اجتماعِ پاک میں جہاں دیگر عاشقان رسول نے شرکت کی وہیں قصور پریس کلب کے چیئرمین الحاج شوکت نقشبندی، صدر پریس کلب قصور شیخ عمر، جنرل سیکرٹری قصور پریس کلب اور بیورو چیف بول نیوز قصور عمران انصاری سمیت سینئرز صحافی شریک تھے۔ (Content: Mohammad Hussain Attari)

دعوت اسلامی کے زیر اہتمام گلشن راوی فٹ بال گراؤنڈ لاہور میں سنتوں بھرے اجتماع کا انعقاد کیا گیا جس میں کثیر عاشقان رسول، جامعۃ المدینہ کے طلبہ اور اساتذہ کرام نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا۔ بیان کے بعد نمایاں پوزیشن کے حامل طلبہ میں تحائف تقسیم کئےگئے۔ (Content: Mohammad Hussain Attari)

یوم تحفظ عقیدۂ ختم نبوت ویوم دعوت اسلامی کے سلسلے میں 7 ستمبر 2021ء کو سٹی میرج کمپلیکس رائیونڈ سندر روڈ میں سنتوں بھرے اجتماع کا انعقاد کیا گیا جس میں کثیر تعداد میں عاشقان رسول سمیت رائیونڈ کے تاجر حضرات نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور شرکا کو عقیدۂ ختم نبوت سمجھاتے ہوئے دین اسلام کے فروغ میں دعوت اسلامی کی خدمات کے متعلق بریفنگ دی۔ (Content: Mohammad Hussain Attari)

پاکستان بھر میں جامعات المدینہ بوائز سے فارغ التحصیل ہونے والے 1040طلبہ کی دستار فضیلت25 صفر المظفر 1442ھ عرسِ اعلیٰ حضرت امام احمد رضا خان رحمۃ اللہ علیہ کے موقع پر کی جائے گی۔

عاشقان رسول کی عالمگیر دینی تحریک دعوت اسلامی کےادارے جامعات المدینہ سے ہر سال ہزاروں کی تعداد میں علما فارغ التحصیل ہورہے ہیں جو دنیا بھر میں علمِ دین کی شمع کو روشن کررہے ہیں۔ہر سال کی طرح رواں سال 2021ء میں بھی ملک و بیرون ملک جامعات المدینہ سے ہزاروں طلبہ و طالبات نے درسِ نظامی (عالم، عالمہ کورس) اور فیضان شریعت کورس مکمل کیا ہےجن میں جامعات المدینہ بوائز پاکستان سے درسِ نظامی اور تخصصات (حدیث، فقہ، امامت) مکمل کرنے والوں کی تعداد 1040 ہے۔

عرس اعلیٰ حضرت کے پُر نور لمحات میں ملک بھر کے 9 مقامات پرفارغ التحصیل ہونے والے طلباء کرام کی دستار فضیلت کے سلسلے میں 03اکتوبر 2021ء بروز اتوار بعد نماز عشاء دستار فضیلت اجتماعات منعقد ہونگے ۔

اس اجتماع کے آغاز میں رات 9:00 بجے مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی براہ راست مدنی چینل پر سنتوں بھرا بیان فرمائیں گے۔

واضح رہے کہ جامعات المدینہ بوائز پاکستان سے درس نظامی عالم کورس مکمل کرنے والوں کی تعداد 933، تخصص فی الفقہ 70، تخصص فی الحدیث 23 اور تخصص فی الامامت کرنے والوں کی تعداد 14 ہے۔ (Content: Mohammad Hussain Attari)

دعوتِ اسلامی کےتحت اصلاحی معاشرے کے لئے وقتاًفوقتاً سنتوں بھرے اجتماعات کاانعقاد کیا جاتا ہے۔اسی سلسلے میں دعوتِ اسلامی کے زیرِ اہتمام 14 ستمبر 2021ء بروز منگل میراں حسین زنجانی کابینہ عامر روڈ شادباغ  لاہور میں سنتوں بھرے اجتماع کا انعقادکیاگیاجس میں کثیر تعداد میں عاشقانِ رسول نے شرکت کی۔

اس موقع پردعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے عاشقانِ رسول کی اخلاقی اعتبار سے تربیت کی نیز سرکارﷺ کی زندگی پر عمل کرتے ہوئے اپنی زندگی گزارنے کا ذہن دیا۔(رپوٹ: غلام یاسین،کانٹینٹ:غیاث الدین عطاری)

اللہ رب العزت نے ہماری زندگی کی گاڑی میں ”شب و روز“ کے دو پہیے لگائے ہیں جو مسلسل ہمیں اپنی منزل اور انجام کی طرف لے جائے جارہے ہیں اور پھر اس کا کرم تو دیکھئے کہ ان شب و روز میں بعض راتیں اور بعض دن ایسے بابرکت بنائے ہیں جن کو اگر صحیح طور پر بسر کر لیا جائے تو دنیا و آخرت کی کامیابیاں نصیب ہوتی ہیں۔ انہی میں سے ایک ”شبِ جمعہ “ بھی ہے۔ یعنی جمعۃ المبارک والے دن سے پہلے والی رات۔یہ بہت بابرکت رات ہے، احادیث مبارکہ میں اس رات کے بہت سے فضائل و مناقب اور فوائدو ثمرات مذکور ہیں۔

انہی فضائل اور فوائد کو حاصل کرنے کے لئے دعوتِ اسلامی کی جانب سے ہر شبِ جمعہ دنیا بھر میں اجتماعات منعقد ہوتے ہیں جن میں تلاوت و نعت کے بعد سنتوں بھرے بیان کا سلسلہ ہوتا ہے، اس کے بعد اجتماعی ذکر و دعا اور صلاۃ و سلام پر اجتماع کی پہلی نشست کا اختتام ہوجاتا ہے۔

اسی مناسبت سے آج رات بعد نمازِ عشاء تقریباً سوا نو بجے مدنی چینل پر براہِ راست سنتوں بھرے اجتماع کا انعقاد کیا جائے گا جس میں جانشینِ امیر اہل سنت حضرت مولانا عبید رضا عطاری مدنی مَدَّظِلُّہُ الْعَالِی سنتوں بھر ابیان فرمائیں گے۔

عالمی مدنی مرکز فیضانِ مدینہ کراچی میں بعدِ مغرب ہونے والے اجتماع میں رکن شوریٰ حاجی اطہر عطاری ، جامع مسجد حسن مہتاب چرڈ ڈیفنس کابینہ لاہور میں بعدِ مغرب ہونے والے اجتماع میں حاجی منصور رضا عطاری سنتوں بھرا بیان فرمائیں گے۔

تمام عاشقانِ رسول سے اپنے اپنے علاقوں میں ہونے والے ہفتہ وار اجتماع میں شرکت کی گزارش ہے۔ (رپورٹ: محمد عمر فیاض مدنی، دعوتِ اسلامی کے شب وروز)

اجتماع ردا پوشی کا انعقاد یوم وفات  اُمّ ِعطار کے موقع پر کیا جائے گا

دعوت اسلامی کے تحت جہاں ملک و بیرون ملک میں بوائز کے جامعات المدینہ قائم ہیں ویسے گرلز کے لئے بھی میں جامعات المدینہ موجود ہے۔ان اداروں سے ہر سال ہزاروں کی تعداد میں اسلامی بہنیں درس نظامی (عالمہ کورس) مکمل کرنے کی سعادت حاصل کرتی ہے۔

رواں سال 2021ء میں ملک و بیرون ملک کے جامعات المدینہ گرلز سے 1573 طالبات نے عالمہ کورس اور 1010 طالبات کے فیضان شریعت کورس مکمل کیا ہے۔ کورس کے اختتام پر کورس مکمل کرنے والی اسلامی بہنوں میں اسناد تقسیم کی جاتی ہےجس کے لئے سنتوں بھرے اجتماع کا انعقاد کیا جاتا ہے۔

اسی سلسلے میں عرس اُمِّ عطار کے موقع پر 25 ستمبر 2021ءبروز ہفتہ صبح 11:00 بجے اجتماع ردا پوشی کا انعقاد کیا جائیگا جس میں دوپہر 2:30 بجے مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی مدنی چینل پر براہ راست سنتوں بھرا بیان فرمائیں گے۔ (Content: Mohammad Hussain Attari)

دعوتِ اسلامی کے زیرِ نگرانی پچھلے دنوں عالمی مدنی مرکز فیضانِ مدینہ کراچی میں مدرسۃ المدینہ بوائز کے قاری صاحبان کی نشست کا سلسلہ ہوا جس میں مرکزی مجلسِ شوریٰ کے رکن حاجی محمد علی عطاری نے سنتوں بھرا بیان کرتے ہوئے قاری صاحبان کی تنظیمی اوراخلاقی اعتبار سے تربیت کی نیز نمایاں کارکردگی والے اسلامی بھائیوں میں تحائف بھی تقسیم کئے۔

واضح رہے کہ اس نشست میں سَر محمد فرید عطاری نے بھی خصوصی طور پر شرکت کی۔ ( رپوٹ:عبدالقادر عطاری معاون حاجی علی عطاری،کانٹینٹ:غیاث الدین عطاری)

دعوت اسلامی کی مرکزی مجلس شوریٰ کے رکن حاجی محمد امین عطاری دیگر ذمہ داران کے ہمراہ کراچی کے اسپتال میں زیر علاج معروف اداکار  عمر شریف کی عیادت کے لئے پہنچے۔

رکن شوریٰ نے عمر شریف کے بیٹے جواد شریف سے ملاقات کی اور عمر شریف کی صحتیابی کے لئے دعا بھی کی۔جواد شریف نے دعوت اسلامی سے اظہار تشکر کرتے ہوئے دیگر عاشقان رسول سے دعاؤں کی درخواست کی۔

اس موقع پر نگران شعبہ رابطہ برائے شوبز سید عارف الحسن عطاری بھی موجود تھے۔

دعوتِ اسلامی کے تحت 12 دینی کاموں کے فالو اپ کے حوالے سے پتوکی میں 12ستمبر2021ءبروز اتوار ذمہ داران ِ دعوتِ اسلامی کا مدنی مشورہ ہواجس میں 12 دینی کامو ں کے سلسلے میں خصوصی گفتگو کی اور اہداف طے کئے ۔

26 ستمبر2021ء کو فیضان ِزم زم مسجد میں ہونے والے مدنی قافلہ اجتماع کے لئے دعوت اور تیاریوں کے حوالے سے اہم نکات پر بات ہوئی۔ مزید 3 اکتوبر2021ء بروز اتوار کو دربار والی مسجد میں عرس رضا کے موقع پر ہونے والے محفل یومِ رضا کی بھرپور دعوت دینے کا ذہن دیا گیا اور اس حوالےسے بھرپور تیاریوں کے لئے ذہن سازی کی۔(رپوٹ: علی ریاض عطاری مجلس سیکیورٹی ڈیپارٹمنٹ،کانٹینٹ:غیاث الدین عطاری)