اندورنِ سندھ کے شہر عمر کوٹ میں قائم جامع مسجد فیضان مرشد میں دعوتِ اسلامی کے تحت 16 اپریل 2022ء بروز ہفتہ سیکھنے سکھانے کا حلقہ منعقد ہوا جس میں مقامی اسلامی بھائیوں نے کثیر تعداد میں شرکت کی۔

اس حلقے میں پاکستان سطح کے ذمہ دار شعبہ ائمہ مساجد حافظ محمد فیضان عطاری نے ’’صدقے کے فضائل‘‘ کے موضوع پر سنتوں بھرا بیان کرتے ہوئے انہیں اپنی زکوٰۃ و صدقات دعوتِ اسلامی کو دینے کی ترغیب دلائی۔

اس کے علاوہ ذمہ دار نے اسلامی بھائیوں کو سنت اعتکاف پر عمل کرتے ہوئے ماہِ صیام کے آخری عشرے کا اعتکاف کرنے کا ذہن دیا جس پر شرکائے حلقہ نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوت اسلامی کے ذمہ دار مولانا بابر عطاری مدنی نے سید عزیر رضا (ایڈوکیٹ ہائی کورٹ LLb، LLMلندن) سے ملاقات کی۔

مولانا بابر عطاری نے انہیں دعوت اسلامی کے مختلف ڈیپارٹمنٹ کا تعارف پیش کیا اور شعبہ جات پر تفصیلی گفتگو کی۔ سید عزیرشاہ نے دعوت اسلامی کی خدمات کو سراہا اور خوشی کا اظہار کیا۔

گزشتہ دنوں پنجاب پاکستان کے شہر پتوکی میں واقع علاقہ گلشن ِسبحان کالونی میں ذمہ دار اسلامی بھائیوں کی کوشش سے ایک شخصیت نے دعوتِ اسلامی کے جامعۃ المدینہ گرلز کے لئے ساڑھے 9 مرلےکا پلاٹ وقف کیا۔

اسی سلسلے میں 13 اپریل 2022ء بروز بدھ شخصیات کی موجودگی میں جامعۃ المدینہ گرلز کا سنگِ بنیاد رکھاگیا، اس دوران تحصیل نگران پتوکی مولانا فیضان عطاری مدنی سمیت دیگر ذمہ داران موجود تھے۔اس موقع پر شخصیات نے اچھی اچھی نیتیں کرتے ہوئے تعمیرات کے حوالے سے اپنے عزم کا اظہار کیا۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ، کانٹینٹ:غیاث الدین عطاری)

13 اپریل 2022ء بروز بدھ کراچی کے علاقے محمودآباد میں محفلِ ختمِ قراٰن کا انعقاد ہوا جس میں تاجران اور ذمہ داران سمیت مقامی عاشقانِ رسول نے کثیر تعداد میں شرکت کی۔

دورانِ محفل دارالافتاء اہلسنت دعوتِ اسلامی کے مولانا سعید عطاری مدنی نے ’’نزولِ قراٰن‘‘ کے موضوع پر سنتوں بھرا بیان کرتے ہوئے عاشقانِ رسول کو دعوتِ اسلامی کے 12 دینی کاموں میں شرکت کرنے اور رمضانُ المبارک کے آخری عشرے کا اعتکاف کرنے کی ترغیب دلائی جس پر وہاں موجود اسلامی بھائیوں نے اچھی اچھی نیتیں کیں۔(رپورٹ:محمد اشفاق علی عطاری ڈویژن نگران محمود آباد ، کانٹینٹ:غیاث الدین عطاری)

14 اپریل 2022ء بروز جمعرات دعوتِ اسلامی کے مدنی مرکز فیضانِ مدینہ جوہر ٹاؤن لاہور میں مرکزی مجلسِ شوریٰ کے رکن حاجی یعفور رضا عطاری نے پردے میں موجود جامعۃ المدینہ و مدرسۃ المدینہ گرلز کی ناظمات اسلامی بہنوں کی تربیت کی، اس دوران شعبے کے اہم ذمہ داران کی بھی شرکت رہی۔

اس دوران رکنِ شوریٰ نے ’’تقوی و پرہیزگاری‘‘ کے موضوع پر سنتوں بھرا بیان کرتے ہوئے شعبے کے دینی کاموں کے حوالے سے اہم امور پر گفتگو کی۔

اس کے علاوہ رکنِ شوریٰ نے اسلامی بہنوں کو ماہِ رمضانُ المبارک میں دعوتِ اسلامی کے مختلف شعبہ جات کے لئے زیادہ سے زیادہ عطیات کرنے کا ذہن دیا۔ (رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

نگران کراچی سٹی و رکن شوری حاجی امین عطاری نے 13 اپریل 2022ء  بروز بدھ کراچی کے علاقے میمن نگر کی میمن مسجد میں افطار اجتماع میں بیان فرمایا اور دعا کروائی۔

٭بعد نماز مغرب ایک اسلامی بھائی کے گھر جا کر انہیں مدنی عطیات کی ترغیب دی۔

٭علاوہ ازیں تراویح کے بعد موسمیات کی فیضانِ عطار مسجد میں ختم قراٰن کا سلسلے ہوا جس میں رکن شوریٰ نے بیان فرمایا اور دعا کروائی۔( کانٹینٹ:رمضان رضا عطاری)

13  اپریل 2022ء کو پنجاب پاکستان کے شہر فیصل آباد میں قائم مدنی مرکز فیضان مدینہ میں ایک ماہ کے اعتکاف مجلس کے اسلامی بھائیوں کی میٹنگ ہوئی جس میں اعتکاف مجلس کےنگران و ذمہ داران اور حلقہ نگران اسلامی بھائیوں نے شرکت کی۔

مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے اعتکاف حلقہ نگران و ذمہ دار اسلامی بھائیوں کی تربیت فرماتے ہوئے انہیں جدول پر عمل کروانے اور نرمی سے پیش آنے کے بارے میں مدنی پھول پیش کئے۔( کانٹینٹ:رمضان رضا عطاری)

فیصل آباد  میں قائم مدنی مرکز فیضان مدینہ کا 12 اپریل 2022ء کو ڈسٹرک چیف ایگزیکٹو آفیسر فیصل آباد ویسٹ مینجمنٹ کمپنی محمد بلال فیروز جوئیہ نے وزٹ کیا اس موقع پر شخصیات سے نگران پاکستان مولانا شاہد عطاری نے ملاقات کیں اور انہیں ملک و بیرون ملک میں ہونے والی دعوت ا سلامی کی دینی خدمات سے آگاہ کیا۔

اس کے علاوہ شخصیات نے بعد نماز عصر ہونے والے مدنی مذاکرہ اور مناجات افطار میں بھی شرکت کی۔ ( کانٹینٹ:رمضان رضا عطاری)

پچھلے دنوں دعوتِ اسلامی کے زیرِ اہتمام مدنی مرکز فیضانِ مدینہ جوہر ٹاؤن لاہور میں فنانس ڈیپارٹمنٹ کے اسلامی بھائیوں کی میٹنگ ہوئی جس میں جامعۃ المدینہ (بوائز و گرلز)، مدرسۃ المدینہ (بوائز و گرلز)، ڈونیشن سیل ڈیپارٹمنٹ اور مدنی عطیات بکس کے ڈویژن ذمہ داران کی بھی شرکت رہی۔

اس میٹنگ میں رکنِ مرکزی مجلسِ شوریٰ و نگرانِ سرکاری ڈویژن حاجی یعفور رضا عطاری نے ذمہ داران سے گفتگو کرتےہوئے چند اہم نکات پر مشاورت کی نیز رمضانُ المبارک میں دعوتِ اسلامی کے شعبہ جات کے لئے زیادہ سے زیادہ عطیات جمع کرنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کے زیرِ اہتمام شاد باغ لاہور میں مختلف مقامات پر سیکھنے سکھانے کا حلقہ لگایا گیا جس میں مرکزی مجلسِ شوریٰ کے رکن حاجی یعفور رضا عطاری سمیت دیگر عاشقانِ رسول نے شرکت کی۔

اس موقع پر رکنِ شوریٰ نے اسلامی بھائیوں کو دعوتِ اسلامی کی دینی و فلاحی خدمات کے بارے میں بتایا اور انہیں دینی ماحول سے ہر دم وابستہ رہنے کا ذہن دیا نیز رمضانُ المبارک کے آخری عشرے میں ہونے والے اعتکاف میں شرکت کرنے کی ترغیب دلائی جس پر وہاں موجود اسلامی بھائیوں نے اچھی اچھی نیتیں کیں۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

10رمضانُ المبارک 1443ھ بمطابق 11 اپریل بروز پیر ڈیفنس لاہور میں مختلف مقامات پر سیکھنے سکھانے کا حلقہ لگایا گیا جس میں مرکزی مجلسِ شوریٰ کے رکن حاجی یعفور رضا عطاری نے عاشقانِ رسول کی تربیت و رہنمائی کی۔

دورانِ حلقہ رکنِ شوریٰ نے اسلامی بھائیوں کو دعوتِ اسلامی کی دینی و فلاحی خدمات کے بارے میں بتاتے ہوئے انہیں دینی ماحول سے ہر دم وابستہ رہنے کا ذہن دیا نیز رمضانُ المبارک کے آخری عشرے میں ہونے والے اعتکاف میں شرکت کرنے کی ترغیب دلائی جس پر وہاں موجود اسلامی بھائیوں نے اچھی اچھی نیتیں کیں۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام گزشتہ دنوں صدر کینٹ لاہور میں بعد نمازِ عصر جامع مسجد بلاگل نیو آفیسرز کالونی میں سیکھنے سکھانے کا حلقہ منعقد ہواجس میں مسجد کے نمازیوں سمیت قرب و جوار کے اسلامی بھائیوں نے شرکت کی۔

دورانِ حلقہ رکنِ مرکزی مجلسِ شوریٰ حاجی یعفور رضا عطاری نے سنتوں بھرا بیان کیا اور وہاں موجود اسلامی بھائیوں کو مدنی پھولوں سے نوازا۔بعدازاں صدر کینٹ میں عاشقانِ رسول کے لئے افطار اجتماع کا بھی اہتمام کیا گیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)