دعوتِ اسلامی کی مجلس رابطہ بالعلماء کی دعوت پر پروفیسر مولانا عطاء الرحمن رضوی صاحب کی مدنی مرکز فیضان مدینہ جوہر ٹاون میں تشریف آوری ہوئی۔ مجلس رابطہ بالعلماء کے ریجن ذمہ دار اسلامی بھائی نے انہیں دورۂ حدیث شریف اور مختلف شعبہ جات کا وزٹ کروایا، عطاء الرحمن رضوی صاحب نے مفتی محمد ہاشم خان عطاری مدنی صاحب سے ملاقات بھی کی، مفتی ہاشم صاحب نے مولانا عطاء الرحمن رضوی صاحب کو اللہ الوں کی باتیں کتاب تحفہ میں پیش دی۔ دورانِ ملاقات مولانا عطاء الرحمن رضوی صاحب نے دعوتِ اسلامی کے متعلق اپنے تاثرات بھی دئیے اور خدماتِ دعوتِ اسلامی کو سراہا۔

دعوتِ اسلامی کی مجلس چرمِ قربانی کے تحت مدنی مرکز فیضانِ مدینہ لاہورقربانی کی کھالیں جمع کرنے کے حوالے سے کال سینٹر کا انعقاد کیا گیا۔ لاہور اور اس کے اطراف میں قربانی کرنے والے عاشقانِ رسول نےفون کال کر کے اپنی جانور کی کھالیں جمع کرائیں جبکہ اس کال سینٹر پر کام کرنے والے اسلامی بھائی کال وصول کرکے مطلوبہ شخص کا ایڈریس اور نمبر مجلس کے ذمّہ دار کو فراہم کرتے رہے۔

دعوتِ اسلامی کی مجلس مدنی کورسز کے تحت مدنی مرکز فیضانِ مدینہ لاہور میں63دن کا تربیتی کورس جاری ہے جس میں شرکت کرنے والے عاشقانِ رسول نماز کا طریقہ ،آداب، مختلف سنّتیں، تیمّم، غسل اور وُضو کےشرعی مسائل سے آگاہی حاصل کررہے ہیں ۔

دعوتِ اسلامی کی مجلس رابطہ کے تحت اختر حسین، عمران(ایس ڈی او واپڈا )، ڈاکٹر تنویر اور محمد اقبال نےمدنی مرکزفیضانِ مدینہ لاہور کا وزٹ کیا۔ذمّہ دار ان نے انہیں دعوتِ اسلامی کے شعبہ جات کا تعارف پیش کرتے ہوئے مدرسۃ المدینہ آن لائن کا وزٹ کروایاجبکہ شخصیات نے آن لائن کے ذریعے مدنی کام کو دیکھ کر خوشی کااظہار کیا۔

مدنی مرکزفیضانِ مدینہ لاہور  میں رکنِ شوریٰ حاجی یعفور رضا عطاری کے حج روانگی سےقبل محفلِ مدینہ کا انعقاد کیا گیا جس میں نعت خواں اسلامی بھائیوں نے بارگاہ رسالتِ مآب صلَّی اللہ تعالٰی علیہ واٰلہٖ وسلَّم میں ہدیۂ نعت پیش کیا۔

دعوتِ اسلامی کی مجلس تعمیرات کے تحت مدنی مرکز فیضانِ مدینہ لاہور میں دارالافتاءاہلِ سنّت بنانے کے لئے تعمیرات کا سلسلہ شروع ہوا جس کا سنگِ بنیادمفتی محمد ہاشم خان عطاری مدنی مَدَّظِلُّہُ الْعَالِینے اینٹیں لگاکر کیا اور دعا بھی کروائی۔

دعوتِ اسلامی کی مجلس رابطہ بالعلما کے تحت مدنی مرکز فیضانِ مدینہ لاہورمیں مولانا منیر احمد یوسفیرحمۃ اللہ علیہ کےصاحبزادے مولانا بشیر احمد یوسفی صاحب کی آمد ہوئی ۔مجلس کے ذمّہ دارن نے انکا استقبال کرتے ہوئے جامعۃ المدینہ کا دورہ کروایا اور درجہ دورۃالحدیث میں مفتی محمدہاشم عطاری مدنی مَدَّظِلُّہُ الْعَالِی نے مولانا منیر احمد یوسفیرحمۃ اللہ علیہ کے ایصالِ ثواب کے لئے فاتحہ خوانی کی۔ علاوہ ازیں مولانا بشیراحمد یوسفی صاحب کو دعوتِ اسلامی کا تعارف پیش کیا۔

دعوتِ اسلامی کی مجلس شعبۂ تعلیم کے تحت مدنی مرکز فیضانِ مدینہ لاہور میں سنّتوں بھرےاجتماع کا انعقاد کیا گیا جس میں  انجینئرز، پی ایچ ڈی ہولڈرزاور دیگراسلا می بھا ئیوں نے شرکت کی۔ رکنِ شوریٰ حاجی یعفور رضا عطاری نے بیان کیا اور دعوتِ اسلامی کے مختلف شعبہ جات کاتعارف پیش کرتے ہوئے انہیں مدنی ماحول سے وابستہ ہونے کا ذہن دیا ۔ مبلغ دعوت ِاسلامی نےبھی شرکا کی تربیت کی۔

دعوتِ اسلامی کے مدنی مرکز فیضانِ مدینہ جوہر ٹاؤن مرکز الاولیاء لاہورمیں مجلسِ مالیات کے تحت ذمّہ داران کا مدنی حلقہ ہواجس میں عطاری و ضیائی ریجن  کے ذمّہ داران نے شرکت کی ۔ رکنِ شوریٰ سید ابراہیم عطاری نے بابُ المدینہ کراچی سے بذیعۂ ویڈیو لنک سنّتوں بھرا بیان کیا اور ان اسلامی بھائیوں کی مدنی تربیت فرمائی۔ رکنِ شوریٰ نے مجلسِ مالیات کے ذمّہ داران اور اکاونٹ سے متعلقہ افراد کو مدنی پھول دیتے ہوئے کہا کہ وہ اکاونٹس اور آڈٹ کے نظام کو مضبوط اور بہتر بنائیں تا کہ دعوتِ اسلامی کے لئے زیادہ سے زیادہ مدنی عطیات جمع کئے جائیں اور وقف کے مال کی مکمل طور پر حفاظت کو مضبوط بناکر دنیا میں ایک رول ماڈل کی صورت پیش کی جائے۔

دعوتِ اسلامی کی مجلسِ رابطہ برائے تاجران کے تحت مدنی فیضانِ مدینہ جوہر ٹاؤن مرکز الاولیاء لاہور میں ہجویری زون کے ذمّہ داران کا مدنی مشورہ ہوا۔جس میں نگرانِ مجلس رابطہ برائے تاجران نےذمّہ داران کی مدنی تربیت کی اور دعوتِ اسلامی کے مدنی کاموں میں مزید بہتری کے متعلق مدنی پھولوں دیئے۔

دعوتِ اسلامی کے مدنی مرکزفیضانِ مدینہ جوہرٹاؤن مرکزالاولیاء لاہور میں ہجویری زون کے اطراف ذمّہ دران کا مدنی مشورہ ہوا۔جس میں اطراف شعبہ جات، اطراف نگرانِ مجلس اور اطراف زون ذمّہ داران نے شرکت کی۔ رکنِ شوریٰ حاجی یعفور رضاعطاری نے ان عاشقانِ رسول کی مدنی تربیت فرمائی اور عیدالاضحیٰ پر اجتماعی قربانی اور قربانی کی کھالیں جمع کرنے کے حوالے سے اہداف مقرر کرتے ہوئے مدنی پھولوں سے نوازا۔

دعوتِ اسلامی کے مدنی مرکزفیضانِ مدینہ جوہرٹاؤن مرکزالاولیاء لاہور میں ہجویری زون کے مدنی قافلہ ذمّہ داران کا مدنی مشورہ ہوا جس میں ریجن، زون، کابینہ اور ڈویژن سطح کے ذمّہ دار اسلامی بھائیوں نے شرکت کی۔ رکنِ شوریٰ حاجی یعفور رضاعطاری نے سنّتوں بھرا بیان فرمایا اورذمّہ داران کو خود بھی مدنی قافلوں میں سفر کرنے اور دیگر عاشقانِ رسول کو بھی سفر کروانے کی ترغیب دلائی۔