مدنی مرکز فیضان مدینہ  جوہر ٹاؤن لاہور میں مدرسۃ المدینہ بالغان کے اسلامی بھائیوں کےلئے تین دن کی تربیتی نشست جاری ہے۔ دوران نشست رکن شوریٰ حاجی محمد منصور عطاری نے شرکا کی تربیت کی اور تمام شرکا کو تجہیز و تکفین کا ٹیسٹ پاس کرنے اور اس مجلس کے ساتھ تعاون کرنے کی ترغیب دلاتے ہوئے مدنی پھول ارشاد فرمائے۔

دعوتِ اسلامی کے تحت مدنی مرکز فیضانِ مدینہ جوہر ٹاؤن لاہور میں 16فروری2020ء بروز اتوار سے 63دن کے مدنی تربیتی کورس کا آغاز ہوچکا ہے۔ اس کورس میں کثیر تعداد میں عاشقانِ رسول شرکت کی سعادت حاصل کر رہے ہیں ۔ رکنِ شوریٰ حاجی یعفور رضا عطاری و دیگر مبلغین کورس کے شرکا کی تربیت فرمارہے ہیں۔

حصولِ علم کے خواہشمند اسلامی بھائی کورس میں ضرور شرکت فرمائیں اور علمِ دین کا خزانہ حاصل کریں۔ کورس میں داخلہ لینے کی آخری تاریخ22فروری2020ء ہے۔

دعوتِ اسلامی کی مجلس مدرسۃالمدینہ بالغان کے تحت 19فروری2020ء بروز بدھ مدنی مرکز فیضانِ مدینہ جوہر ٹاؤن لاہور میں مجلس مدرسۃالمدینہ بالغان لاہور ریجن کے تمام ذمہ داران کا سنتوں بھرا اجتماع ہوگا۔رکنِ شوریٰ حاجی یعفور رضا عطاری اسلامی بھائیوں کی تربیت فرمائیں گے۔

دعوت اسلامی کے تحت ملک وبیرونِ ملک سے عاشقانِ رسول سنتیں سیکھنے اور نیکی کی دعوت کی دھومیں مچانے کے لئے وقتا فوقتا قافلے میں سفر کرتے رہتے ہیں ۔ اسی سلسلے میں 16 فروری 2020ء کو پشاور زون کے عاشقان رسول ایک ماہ قافلے کے لئے مدنی مرکز فیضانِ مدینہ جوہر ٹاؤن لاہور روانہ ہوچکے ہیں ۔ دورانِ قافلہ عاشقانِ رسول مدنی حلقے، علاقائی دورہ اور چوک درس میں شرکت کرنے کے ساتھ ساتھ وضو اورنمازدیگر اہم شرعی مسائل سیکھنے کی سعادت حاصل کریں گے۔

پچھلے دنوں مدنی مرکز فیضانِ مدینہ جوہر ٹاؤن لاہور میں مرکزی مجلس شوریٰ کے رکن حاجی محمد منصور عطاری  نے مجلس مدنی بستہ کے ذمہ داران کا مدنی مشورہ فرمایا جس میں آپ نے اچھی زندگی گزارنے کے حوالے سے مدنی پھول پیش کئے اور شرکا کے سروں پر سفید عمامہ شریف بھی سجایا۔

10فروری2020ء بروز پیر شریف رکن شوریٰ حاجی یعفور رضاعطاری نے مدنی مرکز فیضانِ مدینہ جوہر ٹاؤن لاہور میں لاہور ریجن کے مدرسۃ المدینہ کے ناظمین اعلیٰ کا مدنی مشورہ فرمایا۔ اس موقع پر رکنِ شوریٰ نے  شرکا کی مدنی کاموں کے حوالے سے تربیت کی اور مدارس کو خود کفیل بنانے کے حوالے سے مدنی پھول عطا فرمائے۔

دعوت اسلامی کے تحت 23 فروری 2020ء بروزِ اتوار مدنی مرکز فیضانِ مدینہ جوہر ٹاؤن لاہور میں نگرانِ کابینہ ، اراکینِ زون،اراکینِ کابینہ ، ڈویژن مشاورت کے نگران، علاقائی مشاورت کےنگران اور مجلس کارکردگی داتا صاحب کابینہ کا اجلاس منعقد ہوگا جس میں رکنِ شوریٰ حاجی یعفور رضا عطاری شرکا کی تربیت فرمائیں گے۔تمام ذمّہ داران سے شرکت کی درخواست ہے۔

یادرہے کہ اس مشورے کا آغازبعد نماز ظہر ہوگا۔

آج 9فروری بروز اتوار مدنی مرکز فیضانِ مدینہ جوہر ٹاؤن لاہور میں مجلس اسپیشل افراد کے تحت  سنّتوں بھرے اجتماع کا انعقاد کیا جائیگا ۔ اس اجتماع پاک میں اسپیشل افراد(گونگے ،بہرے،نابینااور دیگر معذور اسلامی بھائیوں)کی تربیت کی جائیگی جبکہ مبلغین دعوت اسلامی سنّتوں بھرا بیان فرمائیں گے۔ واضح رہے کہ اس اجتماع میں بیانات کی اشاروں کی زبان میں ترجمانی بھی کی جائیگی۔

گزشتہ دنوں دعوتِ اسلامی کی  مجلس نشرواشاعت پاکستان کے تحت عبدالمجید ساجد( سابق سیکرٹری جنرل پریس کلب لاہور) کی والدہ کےایصالِ ثواب کے لئے مدنی مرکز فیضانِ مدینہ جوہر ٹاؤن لاہور میں ایصال ثواب اجتماع کا اہتمام کیا گیا۔ اجتماع میں میڈیا سے وابستہ شخصیات، دعوتِ اسلامی کے ذمہ داران سمیت دیگر عاشقانِ رسول نے شرکت کی۔ اس موقع پر مبلغِ دعوتِ اسلامی نے نیکی کی دعوت پیش کی اور مرحومہ کے لئے دعائے مغفرت کی۔(رپورٹ: اسرار حسین عطاری، پاک آفس کارکردگی ذمہ دار مجلس نشرواشاعت پاکستان)

دعوت اسلامی کے تحت 5 فروری 2020ء بروزِ بدھ مدنی مرکز فیضانِ مدینہ جوہر ٹاؤن لاہور میں  نگرانِ زون اور نگرانِ ریجن کا اجلاس منعقد ہوگا جس میں رکنِ شوریٰ حاجی یعفور رضا عطاری شرکا کی تربیت فرمائیں گے۔تمام ذمّہ داران سے شرکت کی درخواست ہے۔

یادرہے کہ اس مشورے کا آغاز صبح 10:00 بجے ہوگا۔

دعوت اسلامی کی مجلس کورسز کے تحت مدنی مرکز فیضانِ مدینہ جوہرٹاؤن لاہور میں یکم فروری 2020ء سے سات دن کا ”فیضانِ نماز کورس “ شروع ہونے جارہا ہے جس میں شرکت کرنے والے اسلامی بھائیوں کو وضو کے مسائل، نماز کی ادائیگی کا عملی طریقہ، شرائط و فرائض اور مسنون دعائیں سمیت دیگر اہم مسائل کے متعلق آگاہی فراہم کی جائیگی۔

عاشقانِ رسول سے گزارش کی جاتی ہے کہ اس کورس میں شریک ہوکر اپنی نمازوں کی اصلاح کریں اور علمِ دین کے نور سے اپنے سینے کو منور کریں۔

مزید معلومات کے لئے ان نمبر زپر رابطہ کریں

03014539519

03027178191

03054111922

15فروری 2020ء سے مدنی مرکز فیضانِ مدینہ جوہر ٹاؤن لاہور میں سات دن کا 12 مدنی کام کورس شروع ہونے جارہا ہے۔ اس کورس میں شرکا کو 12 مدنی کامو ں (مدنی قافلہ، مدنی انعامات، علاقائی دورہ، مدنی مذاکرہ، V.C.D اجتماع، یومِ تعطیل اعتکاف، ہفتہ وار اجتماع، مدرسۃ المدینہ بالغان، مدنی حلقہ، چوک درس، مسجد درس اور صدائے مدینہ ) کے بارے میں معلومات فراہم کی جائیگی ۔ تمام عاشقانِ رسول سے اس کورس میں شرکت کرنے کی التجا ہے۔

مزید معلومات کے لئے ان نمبر زپر رابطہ کریں

03014539519

03027178191

03054111922