پچھلے دنوں دعوتِ اسلامی کے زیرِ اہتمام چلنے والے دارالمدینہ ہارلے پرائمری کیمپس میں جما عت اول کے طلبہ  کے درمیان ریڈ نگ کی سر گرمی کروائی گئی جس میں بچوں نے مختلف کردار بن کر ریڈنگ کو مزید دلچسپ بنا یا۔

پچھلے دنوں دعوتِ اسلامی کے تحت گجرات میں قائم دارالمدینہ گجرات انٹرنیشنل اسلامک اسکولنگ سسٹم میں پری پرائمری کے طلبہ و طالبات نے ” سخت اور نرم“ کے درمیان فرق کو واضح کرتے ہوئے مختلف سرگرمیاں کیں اور متعلقہ اشیاء کے بارے میں آگاہی فراہم کی۔

دعوتِ اسلامی کے زیرِ اہتمام چلنے والے دارالمدینہ سٹی2 حیدرآباد کیمپس میں پری نرسری اور نرسری کلاسز میں مختلف قسم کی سر گرمیوں کا سلسلہ ہوا جن میں طلبہ نے بھرپور دلچسپی کا مظاہرہ کیا۔

واضح رہے! ان سرگرمیوں کا مقصد صرف اور صرف طلبہ میں پڑھائی کی دلچسپی کو بڑھانا اور اعلیٰ تعلیم سے روشناس کرنا ہے۔

اسلامی بہنوں کی مجلس جامعات المدینہ للبنات کے تحت10دسمبر 2019ءبروز منگل لاہور ریجن کی زون و اراکین کابینہ ذمہ داران اسلامی بہنوں کا بذریعہ اسکائپ مدنی مشورہ ہوا جس میں جامعات المدینہ للبنات پاک سطح کی نگران اسلامی بہن نے اپنی ذمہ داری اور اپنی ذات کے حوالے سے غور و فکر کی ضرورت و اہمیت کے موضوع پر بیان کیا اور مدنی مشورے میں شریک اسلامی بہنوں کی انفرادی کارکردگی ، زون کا تعلیمی معیار، جامعۃ المدینہ کی خود کفالت و زون ذمہ دار و اراکین کابینہ سے جدول چیک کرنے کا طریقہ کار، ماتحت کی اچھی کارکردگی پر حوصلہ افزائی و کارکردگی کمزور ہونے کی صورت میں اچھے انداز سے تفہیم کرنے اور کارکردگی بہتری کے لئے اہداف کے نکات پر کلام کیا۔

اَلْحَمْدُ لِلّٰہِ عَزَّ وَجَلَّ! ہفتہ وار مدنی مذاکرے میں امیر اہلِ سنت دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے و سننے والوں کو اپنی دعاؤں سے بھی نوازتے ہیں۔مطالعہ کرنے یا سننے والے خوش نصیبوں کی کارکردگی امیر اہلِ سنت کی بارگاہ میں پیش بھی جاتی ہے۔

اس ہفتے امیر اہلِ سنت دَامَتْ بَرَکَاتُہُمُ الْعَالِیَہ نے رسالہ ”منّے کی لاش “ پڑھنے یا سننے کی ترغیب دلائی۔

مجلس جامعات المدینہ للبنات ملک و بیرون ملک کی رسالہ ”منّے کی لاش “ پڑھنے، سننے اور انفرادی کوشش کے ذریعے سے مطالعے کی کارکردگی 64ہزار 798 رہی۔ 

اسلامی بہنوں کی مجلس   مکتوبات وتعویذاتِ عطاریہ کے تحت12دسمبر2019ء کو ریجن ذمہ دار اسلامی بہنوں کا ماہانہ مدنی مشورہ ہواجس میں پاک سطح شعبہ ذمہ دار نے ان کی کارکردگی کا جائزہ لیتے ہوئے ان کی تربیت کی اور ٹیلی تھون کے اہداف سمیت دیگر اہم امور پر نکات فراہم کئے۔

اَلْحَمْدُ لِلّٰہِ عَزَّ وَجَلَّ ! شعبہ مدرسۃ المدینہ بالغات کے مدنی عملے مدرسات اور جملہ ذمہ داران کی کوششوں سے 10 دسمبر2019ء تک دعوتِ اسلامی کے لئے ٹیلی تھون کے مد میں کل 2538 یونٹ جمع ہوئے۔ اس کے علاوہ سونے(گولڈ) کی جیولری بھی اسلامی بہنوں نے دِلی جذبے سےدینِ متین کی خدمت کے لئے پیش کئے۔

دعوتِ اسلامی کے تحت11 دسمبر 2019ء بروز  بدھ موسیٰ لین کے ذیلی حلقے "محمدی" میں سنتوں بھرے اجتماع کا انعقاد کیا گیا جس میں مقامی اسلامی بہنوں نے شرکت کی۔ مبلغۂ دعوتِ اسلامی نے سنّتوں بھرا بیان کیا ۔ اس موقع پر نگران عالمی مجلسِ مشاورت نے اجتماعِ پاک میں شریک اسلامی بہنوں کی تربیت کی اور اسلامی بہنوں کو مدنی کام کرنے کی نیت کروائی۔

دعوتِ اسلامی کے تحت11 دسمبر2019ء  بروز بدھ صدرکراچی میں ایک نئے مقام پر اسلامی بہنوں کے ہفتہ وار اجتماع کا انعقاد کیا گیا جس میں مقامی اسلامی بہنوں نے شرکت کی۔ مجلس بیرون ملک تجہیز و تکفین ذمہ دار اسلامی بہن سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے مدنی ماحول سےوابستہ ہونے، ہفتہ وار اجتماع میں باقاعدگی سے شرکت کرنے اور نیکی کی دعوت دیکر دوسری اسلامی بہنوں کو بھی اجتماعِ پاک میں لانے کی ترغیب دلائی۔

دعوتِ اسلامی کے تحت 10دسمبر 2019ءبروز منگل لاہور ریجن کی مدنی انعامات ذمہ دار ریجن سطح و زون مشاورتوں کا بذریعۂ لنک مدنی مشورہ ہوا جس میں پاکستا ن مدنی انعامات ذمہ داراسلامی بہن نے بھی شرکت کی۔   عالمی مجلس مشاورت کی رکن نے ذمہ داراسلامی بہنوں کی کارکردگی کا جائزہ لیتے ہوئے ان کی تربیت کی اور مدنی بہار کارکردگی کے حوالے سے نکات دئیے نیز عوام اسلامی بہنوں کے مدنی انعامات اجتماع کو مضبوط بنانے کے حوالے سے تبادلۂ خیال ہوا۔ جنوری2020ء میں مجلس شارٹ کورسز کے تحت ہونے والے تین روزہ " جنت کا راستہ " کورس کی تشہیر اور داخلوں کے لئے کوششیں کرنے کی ترغیب دلائی۔

دعوتِ اسلامی کے تحت 3دسمبراور6دسمبر2019ء کو عزیز آباداور حسین آباد کے علاقے میں محافل نعت کا انعقاد کیا گیا جن میں مقامی اسلامی بہنوں نے شرکت کی۔حنفی ممالک ذمہ دار اسلامی بہن نے  سنّتوں بھرے بیانات کئے اور محافلِ نعت میں شریک اسلامی بہنوں کو مدرسۃ المدینہ بالغات میں داخلہ لینے اور ہفتہ وار سنتوں بھرےاجتماع میں شرکت کرنے کی ترغیب دلائی۔

دعوت اسلامی کے تحت 5دسمبر2019ء حیدرآباد میں قائم  دارالسنہ للبنات عبد الغفار منزل میں ادارتی شعبہ جات ،جامعۃ المدینہ للبنات، مدرستہ المدینہ للبنات اور مدرستہ المدینہ آن لائن کے مدنی عملوں کا مدنی مشورہ ہواجس میں عالمی مجلس مشاورت نگران نے”عدل وانصاف کے معاملات“ پر سنّتوں بھرا بیان کیا اورطلبہ جو کے مستقبل کا سرمایہ ہیں انہیں بطور استاد کیسے تربیت کرنی چاہیےاس پر قیمتی نکات دئیے نیزدور حاضر میں علم دین کی اشاعت اور درست قراٰن پاک پڑھانے کےلئے جدید طریقۂ کارکو درست انداز سے کروانے کو متعارف کروایا۔

اس کے بعد مجلس مالیات،اجارہ مجلس،مجلس ڈونیشن بکس اور دارالسنہ للبنات کے دفاتر کا جائزہ لیا گیا۔ بعد میں حیدرآباد زون ذمہ داراسلامی بہنوں کا بھی مدنی مشورہ ہواجس میں عمدہ کارکردگی کی حامل اسلامی بہنوں کو تحائف سے بھی نوازا گیا۔ اس موقع پر حیدرآباد ریجن نگران اسلامی بہن نے بھی ذمہ دار اسلامی بہنوں کو مختلف امور پر نکات دئیے۔