مدنی قافلہ مجلس دعوتِ اسلامی کے زیر اہتمام  10 مارچ 2021ء سینٹرل افریقہ، دارالسلام، تنزانیہ میں اجتماعی طور پر مدنی مذاکرہ دیکھنے کا سلسلہ ہوا جس میں ذمہ داران کے ہمراہ مقامی اور بزنس مین اسلامی بھائیوں نے شرکت کی۔

امتیاز علی مدنی ریجن مدنی قافلہ ذمہ دار اسلامی بھائی نے بعد مدنی مذاکرہ شرکا کو رمضان المبارک میں عبادات اور مالی طور پر دعوتِ اسلامی کے ساتھ تعاون کی ترغیب دلائی ۔

رمضان المبارک کی آمد کے موقع پر دعوت اسلامی کے شعبہ عربی ڈیپارٹمنٹ نے شاندار پیشکش کردی۔

عربی ڈیپارٹمنٹ کی جانب سے ماہنامہ فیضان مدینہ کی طرز پر پہلی بار سہ ماہی عربی میگزین بنام ”نفحات المدینہ“ جاری کر کر دیا گیا ۔

اس میگزین میں درج ذیل موضوعات شامل کئے گئے ہیں:

٭قرآن و حدیث ٭اسلامی عقائدو معلومات ٭سیرت صحابہ اقوال بزرگان دین ٭اصلاحی اور ترغیبی تحریریں ٭موقع مناسبت سے دعوت اسلامی کی دینی خبریں اور شعبہ جات کا تعارف

قارئین اس ماہ کے عربی میگزین میں ملاحظہ کرسکیں گے:

٭رمضان کااستقبال کیسے کریں ٭سوشل میڈیا اور انٹرنیٹ کے نقصانا سے کیسے بچا جائے ٭رمضان المبارک میں پیش آنے والے تاریخی واقعات ٭دعوت اسلامی کے تحت ہونے والے اعتکاف کی بہاریں

اسکے علاہ مزیددلچسپ مضامین پڑھنے کیلئے دعوت اسلامی کی عربی ویب سائٹ وزٹ کیجئے

www.arabicdawateislami.net

انٹر نیشنل امور دعوتِ اسلامی کے زیر اہتمام  08 اپریل 2021ء بروز جمعرات ریجن سینٹرل افریقہ، یوگنڈا، کابینہ کمپالہ میں مدنی حلقہ لگایا گیا جس میں مدرستہ المدینہ فار بوائزاساتذہ و طلباء کرام نے شرکت کی۔

ریجن سینٹرل افریقہ نگران حاجی صدیق عطاری نے ماہ رمضان کیسے گزاریں کے موضوع پر گفتگو کرتے ہوئے شرکا کو نماز تراویح پابندی سے پڑھنے اور سارے روزے رکھنے کی ترغیب دلائی۔(رپورٹ: محمد ندیم عطاری ریجن زمہ دار سوشل میڈیا و مدنی چینل)

دعوتِ اسلامی کے شعبہ بین الاقوامی امور کے زیر اہتمام 06 اپریل 2021ء ریجن  سینٹرل افریقہ کے ملک یوگینڈا سےمدنی مشورہ ہوا جس میں نگران کابینہ سمیت ریجن مشاورت کے ذمہ داران نے شرکت کی۔

ریجن نگران حاجی محمد صدیق عطاری نے مدنی عطیات جمع کرنے اور 12 مدنی کاموں کے حوالے سے گفتگو کرتے ہوئے دینی کاموں کا جذبہ دیا مساجد اور مدارس بنانے کا ذہن دیا اور اہداف دئیے۔ ریجن نگران حاجی محمد صدیق عطاری نے نائجیریا، گھانا، بینین ،تنزانیہ، کینیا،نیروبی، زنزیبار، ممباسہ، میں مدنی کام بڑھانے کا ذہن دیا۔(رپورٹ:محمد ندیم عطاری ریجن سینٹرل افریقہ ذمہ سوشل میڈیا و مدنی چینل)

رکن بنگلہ دیش  مشاورت نے بنگلہ دیش کے شہر چاند پور میں دیگر ذمہ داران کے ہمراہ حضرت مولانا ڈاکٹر پیر حجۃ اللہ نقشبندی مجددی دامت برکاتہم العالیہ اور حافظ و قاری عتیق اللہ خان مجددی نقشبندی سے ملاقات کی۔

اس موقع پر رکن بنگلہ دیش مشاورت نے علماء کرام کو دعوتِ اسلامی کا تعارف پیش کیا نیز دعوتِ اسلامی کے مختلف شعبہ جات کا تعارف پیش کروایا جس پر علماء کرام نے اپنے تاثرات دیتے ہوئے دعوتِ اسلامی کے دینی کاموں کو سراہا اور امیر اہل سنت دامت برکاتہم العالیہ کےلئے خصوصی دعا کی۔

دعوتِ اسلامی دنیا بھر میں اسلام کی ترویج و اشاعت میں مصروف  ہے جس سے نہ صرف مسلمانوں کو فائدہ ہورہا ہے بلکہ کئی ممالک میں غیر مسلم بھی دعوتِ اسلامی کے ماحول سے متاثر ہوتے ہیں اور مبلغین دعوتِ اسلامی کی انفرادی کوششوں سے وہ اسلام قبول کرتے ہیں اور ان نو مسلم کےلئے اسلامی تربیت کا اہتمام بھی کیا جاتاہے۔

اَلْحَمْدُ لِلّٰہِ عَزَّ وَجَلَّ ساؤتھ افریقہ کے شہروائیٹ ریورWhite River کے اطراف پولا Pula میں موجود ایک مسجد دعوت اسلامی کے شعبہ خدام المساجد والمدارس کے سِپُرد کی گئی۔

مبلغ دعوت اسلامی مفتی عبد النبی صاحب مَدَّظِلُّہُ الْعَالِی ، نگران پریٹوریا ساؤتھ افریقہ ریجن اور نگران شعبہ خدام المساجد و المدارس نے اس مسجد کا دورہ کیااور ساتھ ہی ساتھ مسجد کی تزئین و آرائش کا جائزہ لیا۔اِنْ شَآءَ اللہ عَزَّ وَجَلَّ بہت جلد مسجد کی Renovation کے بعد یہاں باجماعت نمازوں سمیت دیگر دینی کاموں کا سلسلہ بھی ہوگا جبکہ یہاں قرآن پاک کی تعلیم کے لئے مدرسۃ المدینہ کا بھی آغاز کیا جائیگا۔

اسی مسجد کے باہر نگران پریٹوریا ساؤتھ افریقہ ریجن حاجی اسلم فیضو عطاری نے دو غیر مسلموں پر انفرادی کوشش کرتے ہوئے اسلام کی دعوت پیش کی جس سے متاثر ہوکر انہوں نے اسلام کی دعوت کو قبول کیا اور کلمہ طیبہ پڑھتے ہوئے دائرہ اسلام میں داخل ہوگئے۔ان نیو مسلموں میں سے ایک کا اسلامی نام رجب جبکہ دوسرے کاشعبان رکھا گیا۔ 

دعوت اسلامی برمنگھم یوکے ریجن کے نگران حاجی سید فضیل عطاری نے اسلامی بھائیوں کا بذریعہ ویڈیولنک مدنی مشورہ فرمایا۔

مدنی مشورے میں دعوت اسلامی اور شعبہ.F F.G.R کے مختلف پروجیکٹ (فلاحی کاموں ، واٹر ہینڈ پمپ، واٹر ویلز، واٹر بورنگ) کے بارے میں آگاہی فراہم کی۔

پچھلے دنوں دعوت اسلامی ویسٹ مڈلینڈ یوکے کے تحت بذریعہ زوم مدنی مشورہ ہوا جس میں ویسٹ مڈلینڈ یوکے مشاورت کے اسلامی بھائیوں سمیت مدنی چینل انگلش برمنگھم یوکے ریجن کے مبلغین نے شرکت کی۔

نگران برمنگھم ریجن یوکے حاجی سید فضیل رضا عطاری نے شرکا کو 12 دینی کاموں کے حوالے سے متحرک ہونے کا ذہن دیا جبکہ اسلامی بھائیوں نے اپنے اپنے شعبے کی کارکردگی پیش کی۔ نگران برمنگھم ریجن حاجی سید فضیل رضا عطاری نے رمضان المبارک میں ہونے والے پروگرامزاور دیگر اپڈیٹ پر بات چیت کی جبکہ مدنی مشورے میں رمضان المبارک کے انتظامات کے حوالے سے اہداف بھی دیئے گئے۔

ساؤتھ افریقہ کے شہر پیٹرمیرز برگ میں ایک تاجر اسلامی بھائی کے گھر پر نیکی کی دعوت کا سلسلہ ہوا جس میں بزنس کمیونٹی سے تعلق رکھنے والے اسلامی بھائیوں سمیت  دیگر نے شرکت کی۔

نگران شعبہ مدنی چینل اسد عطاری مدنی نے نیکی کی دعوت دیتے ہوئے بچوں کی تربیت کے حوالے سے مختلف امور پر رہنمائی کی اور انہیں اپنے بچوں کو دینی ماحول سے وابستہ رکھنے کا ذہن دیا۔ اس موقع پر نگران ساؤتھ افریقہ ریجن بھی موجود تھے۔

اسی طرح ساؤتھ افریقہ کے ہی شہر جوہانسبرگ کے علاقےاورلینڈو سویٹوOrlando Suiteمیں اراکین ساؤتھ افریقہ ریجن مشاورت نے جامعۃ المدینہ کے اساتذہ کے ہمراہ جامعۃ المدینہ جوہانسبرگ میں زیرِ تعلیم دومقامی اسٹوڈنٹس کی رہائش جاکر ان کے والد کے انتقال پر تعزیت کی اور ان کے ایصالِ ثواب کے لئے فاتحہ خوانی اور دعا بھی کی۔ذمہ داران نے ان دونوں بھائیوں کو اپنے والد کے ایصالِ ثواب کے لئے دینی کاموں میں شرکت کرنے کی ترغیب دلائی۔

افریقی ملک کینیا کے شہر ممباسا ملینڈیاکےاطراف علاقے سوسو بورا میں نگران کابینہ ممباسہ اور دیگر ذمہ داران نے مدنی مرکز فیضان مدینہ کے قیام کے لئے ایک اسلامک سینٹر اور متصل مسجد کا دورہ کیا۔سوسوبورا میں نیکی کی دعوت کا سلسلہ ہوا جس میں سینٹر کے اسٹوڈنٹس اور مقامی افریقن اسلامی بھائیوں میں نیکی کی دعوت عام کی گئی۔نگران میالی ڈویژن نے ان اسلامی بھائیوں کو پانی پینے کی سنتیں اور آداب بتائی جس کا مقامی زبان میں ترجمہ بھی کیا گیا۔دوران نیکی کی دعوت شرکا کو درسِ فیضان سنت دینے اور مسجد میں رمضان اعتکاف کرنے کی نیت بھی کروائی گئی۔

نگران کابینہ ممباسا نے مسجد سے متصل مدرسے کے معلم شیخ سعید شافعی حفظہ اللہ سے بھی ملاقات کی اور انہیں دعوت اسلامی کے دینی کاموں کے متعلق بریفنگ دیتے ہوئے مکتبۃ المدینہ کے شائع کردہ رسائل تحفۃً پیش کئے جس پر شیخ سعید صاحب نے دعوت اسلامی کی دینی کاوشوں کو سراہا اور اپنے نیک خواہشات کا اظہار کیا۔

شعبہ انٹرنیشنل افیئرز ڈیپارٹمنٹ دعوت اسلامی  کا عالمی مدنی مرکز فیضان مدینہ کراچی میں 12، 13، 14 مارچ 2021ء کو مدنی مشورہ ہوا جس میں پاکستان سمیت ترکی، عرب شریف، انڈونیشیا، اسپین اور سری لنکا کے ریجن ذمہ داران نے براہ راست جبکہU.S.A، U.K، ہند، بنگلہ دیش اور دیگر ممالک کے ریجن ذمہ داران نے آن لائن شرکت کی۔

مدنی مشورے مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی اور اراکین شوریٰ حاجی بلال عطاری، حاجی وقار المدینہ عطاری، حاجی محمد امین قافلہ عطاری، حاجی مولانا عبدالحبیب عطاری نے وقتاً فوقتاً شرکا کی تربیت کی اور مدنی پھول بیان کئے۔