دعوت اسلامی کے تحت 20 دسمبر 2020ء کو برمنگھم یوکے ریجن میں مدنی مشورہ ہوا جس میں یوکے ریجن کےذمہ داران نے شرکت کی۔

نگران ریجن برمنگھم یوکے سید فضیل رضا عطاری نے شرکا کی تربیت کی اور دینی کاموں کا جائزہ لیتے ہوئے مدنی پھول ارشاد فرمائے۔

دعوت اسلامی کی مجلس ڈونیشن بکس  کے زیر اہتمام یوکے ریجن برمنگھم میں مدنی مشورہ ہوا جس میں مجلس ڈونیشن بکس یوکے کے اسلامی بھائیوں نے شرکت کی۔

نگران ریجن برمنگھم یوکے سید فضیل رضا عطاری نے عطیات کے حوالے سے شرکا کی تربیت کی اور دینی کاموں کے لئے زیادہ سے زیادہ عطیات جمع کرنے اورڈونیشن بکس کی تعداد کو بڑھانے کا ذہن دیا۔

 دعوت اسلامی یوکےکے زیر اہتمام ٹیلیفورڈمیں مدنی مشورہ ہوا جس میں ٹیلیفورڈ کے اسلامی بھائیوں نے شرکت کی۔

نگران برمنگھم ریجن سید فضیل رضا عطاری نے دینی کاموں کے حوالے سے شرکا کی تربیت کی اور کارکردگی کا جائزہ لیتے ہوئے دینی کاموں کو بڑھانے کا ذہن دیا۔

ساؤتھ افریقہ میں 100 سے زائد غیر مسلموں نے اسلام قبول کرلیا

دعوت اسلامی کے زیر اہتمام 10 دسمبر 2020ء کو ساؤتھ افریقہ کے شہر ورینا میں مسجد ”فیضان فاروق اعظم“کے افتتاح کے موقع پر ہفتہ وارسنتوں بھرے اجتماع کا انعقاد کیا گیا۔

افتتاحی تقریب کا آغاز تلاوت قرآن مجید سے کی گئی، اس کے بعد اردو، عربی اور افریقی زبان میں بارگاہ رسالت صلَّی اللہ علیہ واٰلہٖ وسلَّم میں نعت رسول پیش کی گئی۔ اس اجتماع پاک میں مفتی عبد النبی حمیدی صاحب مَدَّظِلُّہُ الْعَالِی نے ”مسجد کی تعمیر کی اہمیت اور فضیلت“کے موضوع پر سنتوں بھرا بیان کیا اور شرکا کو عبادت و ریاضت کے ذریعے مسجد آباد کرنے کا ذہن دیا۔

اس پُرمسرت لمحات میں خواتین اور بچوں سمیت 100 سے زائد غیر مسلموں نے کلمہ طیبہ پڑھ کر اسلام قبول کرلیا۔اس موقع پر نگران پریٹوریا ساؤتھ افریقہ ریجن حاجی اسلم فیضو عطاری، سماجی شخصیت ملک طارق اور دیگر ذمہ داران بھی موجود تھے۔

مبلغ دعوت اسلامی کی انفرادی کوشش سے اسکاٹ لینڈ میں قائم مدرسۃ المدینہ میں ایک غیر مسلم نے اسلام قبول کرلیا اور اپنے پچھلے مذہب سے توبہ بھی کی۔نگران اسکاٹ لینڈ زون محمد یاسرعطاری نے اس نو مسلم کا اسلامی نام ”محمد شاہد “رکھا اور امیر اہل سنت دَامَتْ بَرَکَاتُہُمُ الْعَالِیَہ کی تصانیف بھی پیش کیں۔ 

دعوت اسلامی کے شعبہ خدام المساجد و المدارس دنیا بھر میں مساجد و مدارس کی تعمیرات کرواکر اس کا افتتاح کرتی رہتی ہے۔

اسی شعبے کے تحت ساؤتھ افریقہ کے شہر ورینا میں پچھلے کئی دنوں سے ایک مسجد کی قیام کے لئے تعمیرات کا سلسلہ جاری تھا جو اَلْحَمْدُ لِلّٰہِ عَزَّ وَجَلَّ اپنے اختتامی مراحل کو پہنچ گیا ہے۔

آج 10 دسمبر 2020ء کو اس مسجد کا افتتاح کیا جائیگا۔ افتتاح کے موقع پر ہفتہ وار اجتماع کا انعقاد کیا جائیگا جبکہ دوسرے روز جمعہ کی پہلی نماز ادا کی جائیگی۔ نماز کے بعدمدنی حلقے کا بھی سلسلہ ہوگا جس میں دعوت اسلامی کے ذمہ دار اور مختلف شعبہ ہائے زندگی سے تعلق رکھنے والے شرکت کریں گے۔ افتتاح ہونے والی مسجد کانام ”فیضان عمر فاروق“ رکھا گیاہے۔

افریقی ملک موزمبیق کے شہر بیئرا میں قائم مدنی مرکز فیضان مدینہ میں مقامی اسلامی بھائیوں کی دینی کاموں کے حوالے سے رہنمائی کا سلسلہ ہوا۔ نگران ساؤدرن افریقہ ریجن حاجی جنید رضا عطاری نے شرکا کو دعوت اسلامی کے دینی کاموں کو بڑھانے اور انہیں نیکی کی دعوت کو عام کرنے لئے اپنا وقت دینے  کا ذہن دیا جس پر ان اسلامی بھائیوں اپنی نیتوں کا اظہار کیا۔

بعد ازاں نگران ریجن نے دیگر ذمہ داران کے ہمراہ بیئرا کی سافولا کابینہ میں زیر تعمیر مساجدکنز الایمان، بہار شریعت اور فیضان زم زم کا دورہ کیااور وہاں ہونے والے تعمیراتی کاموں کا جائزہ لیا۔

دعوت اسلامی کے زیر اہتمام یورپی یونین بیلجیم میں اجتماع  غوثیہ بسلسلہ گیارویں شریف کا انعقاد ہوا جس میں بیلجیم کے مختلف شہروں سے بذریہ اسکائپ اسلامی بھائیوں نے شرکت کی ۔

اجتماع غوثیہ بسلسلہ گیارویں شریف میں مبلغ دعوت اسلامی EUریجن ذمہ دار مجلس مالیات حاجی علی قریشی عطاری نے غوث پاک علیہ رحمہ کا علمی مقام کے موضوع پر سنتوں بھرا بیان کیا اس موقع پر مبلغ دعوت اسلامی نے حاضرین کو علم دین سیکھنے،علم پر عمل کرنے اور لوگوں کو اس کی دعوت دینے کا ذہن دیتے ہوئے فکر آخرت کا ذہن دیا جبکہ دنیا ومافیہا سے بے رغبتی کے متعلق مدنی پھول دیئے ۔( نگران کابینہ بیلجیئم محمد علی عطاری)

کرونا وائرس نے ایک بھر دنیا کے مختلف ممالک کو اپنی لپیٹ میں لے لیا ہے جس کی وجہ  سے دوسری بار دنیا کے مختلف ممالک میں قومی سطح پر لاک ڈاؤن لگایا دیا گیا ہے۔اس لاک ڈاؤن کی وجہ سے روز کمانے والے اور ضرورت مند حضرات پریشانی میں مبتلاہے۔

دعوت اسلامی ویلفیئر برطانیہ ایک بار پھر کرونا کی اس دوسری لہر میں خدمت انسانیت اور ہمددردی کرتے ہوئے ضرورت مندوں کی مدد کرنے کے لئے فرنٹ لائن پر موجود ہے۔ برمنگھم یوکے اور اس کے اطراف میں مفت کھانے کی فراہمی جاری ہے۔

ہماری ٹیم کے ساتھ تعاون کرنے لئے اس نمبر پر رابطہ کریں:

07988883662

دعوت اسلامی کا شروع سے ہی یہ عزم ہے کہ ”مجھے اور اپنی ساری دنیا کے لوگوں کی اصلاح کی کوشش کرنی ہے، اِنْ شَآءَ اللہ عَزَّ وَجَلَّ“ اسی عزم کے جذبے کو لیکر دعوت اسلامی کے مبلغین اور ذمہ داران دنیا بھر میں دین اسلام کی تبلیغ و اشاعت میں مصروف ہیں۔

مبلغین دعوت اسلامی بلاتفریق رنگ و نسل دنیا بھر میں غیر مسلموں کو اسلام کی دعوت دینے اور مسلمانوں کو نیکی کی طرف راغب کرنے کے لئے انفرادی کوشش کرتے اور دینی کاموں کی دعوت دیتے ہیں۔

کچھ ایسا ہی ساؤتھ افریقہ کے شہر ویلکم (welkom) میں ہوا جہاں مبلغ دعوت اسلامی کی انفرادی کوشش سے ایک غیر مسلم نے اسلام قبول کرلیا۔نیو مسلم کا اسلامی نام غوث پاک رضی اللہ عنہ کی نسبت سے ”عبد القادر “رکھا گیا ۔ نیو مسلم عبد القادر نے نماز اور وضو کا طریقہ سیکھنے کی سعادت حاصل کی جبکہ مزید شرعی مسائل سیکھنے اور درس نظامی کرنے کی نیت بھی کی۔

ساؤتھ افریقہ کے شہر جوہانسبرگ (Johannesburg)کے علاقے بروما میں قائم جامع مسجد فیضان زم زم میں ایک اسلامی بھائی شیخ عبد الوہاب قادری چشتی کی والدہ کے ایصالِ ثواب کے لئے محفل نعت کا انعقاد کیا گیا جس میں مرحومہ کے عزیز و اقارب اور دیگر عاشقانِ رسول نے شرکت کی۔

محفل نعت میں مبلغ دعوت اسلامی مفتی عبد النبی حمیدی صاحب مَدَّظِلُّہُ الْعَالِی نے سنتوں بھرا بیان کیااور شرکا کو نیکی کی دعوت دیتے ہوئے برائی سے بچنے اور دین اسلام کی خدمت کرنے کی ترغیب دلائی۔

دعوت اسلامی کے زیر اہتمام بیرون ملک میں اجتماع میلاد کا سلسلہ جاری ہے۔

تفصیلات کے مطابق ناگورو یوگنڈا میں پاکستان ایسوسی ایشن کے چیئرمین کی رہائش گاہ پر محفل میلاد کا اہتمام ہوا جس میں عاشقان رسول نے شرکت کی۔نگران سینٹرل افریقہ نے سنتوں بھرا بیان کیا۔

اسی طرح یوگنڈا کے شہرا روا (Arua)، ساؤتھ کوریا اور ساؤتھ افریقہ کے مختلف مقامات پر محفل میلاد کا انعقاد کیا گیا جس میں مقامی عاشقان رسول بھی شریک ہوئے۔

محفل میلاد میں مبلغین دعوت اسلامی نے سنتوں بھرے بیانات کئے۔