6جون 2021ء کو دعوت اسلامی کے مدنی مرکز فیضان مدینہ اسٹچفورڈ برمنگھم یوکےکا P.Cادھم خان، پولیس سارجنٹ حنیف اللہ، کمیونٹی ورکشاپ شباب احمد، ویسٹ مڈلینڈ پولیس کے دیگر ممبران نے دورہ کیا جہاں ذمہ دارا ن دعوت اسلامی نے انہیں خوش آمدید کہا۔

نگران برمنگھم ریجن حاجی سید فضیل رضا عطاری نے دعوت اسلامی کے تحت ہونے والے فلاحی خدمات، نوجوانوں سے ہونے والی جرائم کی روک تھام، نوجوانوں میں اصلاحات اور کردار سازی ورکشاپس، آفات سے نجات کی سرگرمیوں کے متعلق تعارف پیش کیا۔ مہمانوں نے کو فیضان مدینہ میں قائم مختلف شعبہ جات کاوزٹ کروایا گیاجس پر انہوں دعوت اسلامی کے تمام اقدام کو خوب سراہا اور خوشی کا اظہار کیا۔

31 مئی 2021ء سے دعوت اسلامی ویسٹ مڈلینڈ نے مقا می پولیس کے ہمراہ ”کاؤنٹی لائنز“ کے مسئلے کے بارے میں آگاہی مہم شروع کیا ہوا ہے۔

اس مہم کے دوران دعوت اسلامی کے نمائندگان اور پولیس کی جانب سے سیکڑوں بچوں کو آگاہی دی گئی کہ کس طرح دوسرے علاقوں اور شہروں میں منشیات اسٹور/ ٹرانسپورٹ کرنے کےلئے چھوٹے بچوں کا استحصال کیا جاتا ہے۔ بچوں کو منشیات فروشوں کے ذریعہ جبری یا لالچ سے روکنے کے لئے نشانیاں بتائی گئیں۔ بچوں کو اس بارے میں آگاہ کیا گیا کہ اگر ان کا سامنا ایسے بندے ہوتو وہ کس سے بات کرسکتے ہیں۔

ویسٹ مڈلینڈ پولیس نے دعوت اسلامی کے اس اقدام کو سراہا جس کے ذریعے عوام میں سنگین مسئلے پر شعور اجاگر کیا جارہا ہے۔ 

شعبہ  بین الاقوامی امور دعوتِ اسلامی کے زیر اہتمام یکم جون 2021ء کو سینٹرل افریقہ ریجن میں ریجن کا مدنی مشورہ ہوا جس میں یوگینڈا، کینیا، تنزانیہ، نائجیریا، گھانا، بنین، سرالیون اور دیگر ممالک کے ذمہ داران نے شرکت کی۔

ویسلزبراؤن ساؤتھ افریقہ میں شعبہ خدام المساجد دعوتِ اسلامی کے زیرِ انتظام نہایت مختصر عرصے میں جامع مسجد فیضانِ علی المرتضیٰ مسجد کی تعمیرات کا کام مکمل ہونے پر مسجد کا باقاعدہ افتتاح کردیا گیا۔ مسجد کا افتتاح مفتی عبدالنبی حمیدی مُدَّظِلُّہُ الْعَالِی نے جمعہ کی نماز پڑھا کرکیا۔

مسجد سے متصل پارکنگ ایریا میں ایک پروگرام بنام ”Welcome to Islam “ کا انعقاد کیا گیا جس میں نگرانِ پریٹوریا ساؤتھ افریقہ ریجن حاجی اسلم فیضو عطاری ، نگرانِ کیپ ٹاؤن ساؤتھ افریقہ ریجن محمد عدنان عطاری مدنی، نگرانِ ویلکم کابینہ ودیگر ذمہ داران سمیت مقامی کمیونٹی کے افراد شریک ہوئے۔

پروگرام میں تلاوت و نعت خوانی کے ساتھ ساتھ انگلش، افریقن اور مقامی زبان سوسوٹھوز میں بیانات ہوئے۔ مبلغین دعوتِ اسلامی نے کمیونٹی کے افراد میں دینِ اسلام کی خصوصیات کا بیان کیں اور انہیں اسلام قبول کرنے کی دعوت پیش کی جس پر دینِ اسلام کی روشن تعلیمات سے متاثر ہوکرخواتین اور بچوں سمیت کم و بیش 200 افراد کلمہ پڑھ کر دائرۂ اسلام میں داخل ہوگئے۔ 

یوکے میں لاک ڈاؤن ختم ہونے کے بعد عوامی سطح پر دعوت اسلامی کے دینی کاموں کا آغاز کردیا گیا ہے۔

اسی سلسلے میں 3 جون 2021ء کو Alum Rock ایسٹ برمنگھم یوکےاطراف میں ڈویژن نگران عتیق عطاری نے مدنی دورہ کیا جس میں انہوں نے مقامی اسلامی بھائیوں پر انفرادی کوشش کرتے ہوئے نیکی کی دعوت پیش دی۔ 

پچھلے دنوں دعوت اسلامی کے نگران برمنگھم یوکے ریجن حاجی سید فضیل رضا عطاری نے لیسٹر یوکے میں زیر تعمیر دار المدینہ کا دورہ کیا جہاں انہوں نے تعمیراتی کاموں کا جائزہ لیا۔

سید فضیل رضا عطاری نے تعمیرات کے حوالے سے اپڈیٹ حاصل کی اور عمارت کو جلد از جلد تکمیل تک پہچانے کے لئے اہداف طے کئے۔

یکم جون 2021ء کو دعوت اسلامی کے مدنی مرکز فیضان مدینہ اسٹچفورڈ برمنگھم یوکے میں مدنی مشورہ ہوا جس میں برمنگھم یوکے کے ذمہ داران نے شرکت کی۔

مدنی مشورے میں ویسٹ مڈلینڈ یوکے کابینہ کی کارکردگی کا جائزہ لیا گیا اور انفرادی کوشش کے ذریعے نیکی کی دعوت کو عام کرنے کا ذہن دیا گیا۔ (رپورٹ: محمد شہزاد عطاری، ذمہ دار دعوت اسلامی ویسٹ مڈلینڈ یوکے )

29 مئی 2021ء کو ساجد یوسف (صحافی) اور کونسلر ظفر اقبال (Tyseley & Hay Mills) نے مدنی مرکز فیضان مدینہ اسٹچفورڈ، برمنگھم کا دورہ کیاجہاں ذمہ داران نے انہیں خوش آمدید کہااور دعوت اسلامی کا تعارف پیش کیا۔

ذمہ دار اسلامی بھائی نے مہمانوں کو شعبہ FGRFکے تحت ہونے والے مختلف مہم، جیلوں اور نوجوانوں میں ہونے کی دینی کام کے متعلق بریف کیاجس پر کونسلر ظفر اقبال نے دعوت اسلامی کی کاوشوں کو سراہا اور آئندہ دعوت اسلامی کے ساتھ تعاون کرنے کی یقین دہانی کروائی۔

یوکے کے شہر لندن کے علاقے لیوٹن میں دعوت اسلامی کے شعبہ خدام المساجد والمدارس کے تحت قائم جامع مسجد فیضا ن مشکل کشا میں حضرت مولانا مفتی ایوب ہزاروی دَامَتْ بَرَکَاتُہُمُ الْعَالِیَہ اور حضرت مولانا حافظ اعجاز مَدَّظِلُّہُ الْعَالِی کی تشریف آوری ہوئی جہاں انہیں جامعۃ المدینہ لیوٹن کے ناظم اور دیگر اسلامی بھائیوں نے خوش آمدید کہا۔ علمائے کرام کو مسجد سمیت جامعۃ المدینہ اور دیگر شعبہ جات کا دورہ کروانے کے ساتھ ساتھ وہاں طلبۂ کرام کو دی جانے والی سہولیات کے بارے میں بریف کیاگیا۔

اس موقع پر حضرت مولانا مفتی ایوب ہزاروی دَامَتْ بَرَکَاتُہُمُ الْعَالِیَہ نے دعوت اسلامی کی کاوشوں کو سراہا اور اپنی نیک خواہشات کا اظہار کرتے ہوئے امیر اہلِ سنت ، دعوت اسلامی اور دین کی خدمت کرنے والے مبلغین کے لئے دعا بھی فرمائی۔ 

دعوت اسلامی کے ڈیپارٹمنٹ خدام المساجد و المدارس کے تحت ملک و بیرون ملک ہزاروں مساجد کی تعمیرات مکمل ہوچکی ہیں۔سینکڑوں مساجد کی تعمیرات کا سلسلہ اب جاری ہے۔

ساؤتھ افریقہ کے شہر Wesselsbronمیں جامع مسجد فیضان علی المرتضیٰ رضی اللہ عنہ میں تعمیرات مکمل ہونے کے بعد پہلی نماز جمعہ کی ادائیگی کا سلسلہ ہوا جس میں نگران پریکٹوریا ساؤتھ افریقہ ریجن، نگران کیپ ٹاؤن ساؤتھ افریقہ ریجن، نگران ویلکم کابینہ سمیت دیگر ذمہ داران اور مقامی عاشقان رسول نے شرکت کی۔ نماز جمعہ سے قبل مبلغ دعوت اسلامی مفتی عبد النبی حمیدی صاحب مُدَّظِلُّہُ الْعَالِی نے سنتوں بھرا بیان کیا۔

جامع مسجد فیضان علی المرتضیٰ رضی اللہ تعالٰی عنہ کے پلاٹ کا کُل رقبہ تقریباً دو ہزار اسکوائر فُٹ ہے جبکہ مسجد کے اندرونی حصے میں تقریباً ڈھائی سو نمازیوں کے نماز پڑھنے کی گنجائش ہے۔ مسجد کے ساتھ مدرسۃ المدینہ بوائز اور گرلز کا بھی قائم ہے۔ ان کی تعمیرات کے حوالے سے اہم بات یہ کہ دو ماہ قبل مفتی عبد النبی حمیدی، نگران پریکٹوریا ساؤتھ افریقہ ریجن اور دیگر ذمہ داران کی موجود گی میں اس کا سنگِ بنیاد رکھا گیا تھااور مسجد کی سنگ بنیاد سے لیکر تعمیرات اور Finishing تک تمام مراحل تقریباً دوماہ کے مختصر دورانیے میں طے کئے گئے۔

اس موقع پر مزید خوشی میں اضافہ کچھ یوں ہوا کہ مسجد افتتاح کے دن دو غیر مسلموں نے انفرادی کوشش کی بدولت اسلام قبول کیاجنہیں نگران پریکٹوریا ساؤتھ افریقہ ریجن نے کلمہ طیبہ پڑھا کر دائرہ اسلام میں داخل کیا۔ ان نئے مسلمان ہونے والوں کا اسلامی نام محمد یونس اور محمد رضا رکھا گیا۔ 

عاشقان رسول کی دینی تحریک دعوت اسلامی کے شعبہ فیضان گلوبل ریلیف فاؤنڈیشن کے زیر اہتمام راشن، پکا ہو اکھانا اور دیگر اشیائے خور و نوش کی تقسیم کا سلسلہ جاری ہے۔

اسی سلسلے میں افریقی ملک موزمبیق کے شہربیراسے نگران زون اورشعبہ F.G.R.Fکے ذمہ داران 700 کلو میٹر دور دراز علاقے مرڈال کا سفر ہواجہاں شعبہ F.G.R.Fکے تحت مقامی عاشقان رسول میں راشن تقسیم کا سلسلہ ہوا۔

شعبہ F.G.R.Fکے تحت تقسیم ہونے والے راشن میں آٹا، چینی، تیل، گھی، پتی اور دیگر اشیائے ضروریہ شامل ہےجن کی پیکنگ کےبعد اطراف کے علاقوں میں تقسیم کے لئے روانہ کیا گیا۔

ویسٹ مڈلینڈ پولیس West Midlands UK Police کےوفد نے مدنی مرکز فیضان مدینہ اسٹچفورڈ برمنگھم یوکے کا دورہ کیا جہاں انہیں دعوت اسلامی کا تعارف پیش کیاگیا۔

نگران ریجن برمنگھم یوکے حاجی سید فضیل رضا عطاری نے آنے والے وفد کو نوجوانوں اور جیل خانہ جات میں ہونے والے دینی کام اور Covid 19 کے دوران دعوت اسلامی کی طرف سے ہونے والے فلاحی سرگرمیوں کے بارے میں بریفنگ دی۔

پولیس کے وفد نے دعوت اسلامی کے کام کو خاص طور پر دعوت اسلامی جو جرائم کے خاتمے کیلئے اقدامات کر رہی ہے اور معاشرے میں ایک مثبت تبدیلی کے لئے جو کوششیں کر رہی ہے اس کو خوب سراہا گیا۔