عاشقانِ رسول کو اسلامی تعلیمات سے آگاہ کرنے کے لئے ملک و بیرونِ ملک دعوتِ اسلامی کےزیرِ اہتمام راہِ خدا عزوجل میں مدنی قافلے سفر کرتے رہتے ہیں جس میں مبلغینِ دعوتِ اسلامی شرکا سمیت دیگر عاشقانِ رسول کی دینی و اخلاقی تربیت کرتے ہیں۔

اسی سلسلے میں دعوتِ اسلامی کے تحت 13، 14 اور 15 مئی2022ء (جمعہ، ہفتہ، اتوار) 3 دن کا مدنی قافلہ فلوریڈا (یو ایس اے) کے شہر ٹیمپا سے میامی کی جانب سفر پر روانہ ہوا۔

دورانِ مدنی قافلہ رکنِ یو ایس اے مشاورت محمد افتخار عطاری نے سیکھنے سکھانے کا حلقہ لگایا جس میں انہوں نے وہاں موجود اسلامی بھائیوں کے درمیان ’’اخلاص و صبر‘‘ کے موضوع پر سنتوں بھرا بیان کرتے ہوئے انہیں اسلامی تعلیمات کے مطابق اپنی زندگی گزارنے اور دعوتِ اسلامی کے دینی ماحول سے وابستہ رہنے کا ذہن دیا۔(رپورٹ:محمد ذیشان عطاری سوشل میڈیا، کانٹینٹ:غیاث الدین عطاری)

ترکی کے شہر استنبول میں حال ہی میں قائم ہونے والے دعوت اسلامی کے عظیم الشان مدنی مرکز فیضان مدینہ میں پاکستان سے تشریف لائے ہوئے عالم دین حضرت مولانا مفتی محمد الیاس رضوی صاحب دامت بَرَکَاتُہمُ العالیہکی تشریف آوری ہوئی جہاں نگران سینٹرل ایشیاء افریقن عرب ریجن اور دیگر ذمہ داران نے انہیں خوش آمدید کہا ۔

نگران سینٹرل ایشیاء افریقن عرب ریجن نے ترکی میں دعوت اسلامی کے تحت ہونے والے دینی و فلاحی کاموں کے علاوہ مختلف شہروں میں قائم ہونے والے مدنی مراکز کے حوالے سے بتایا۔بعد ازاں ذمہ داران نے مفتی صاحب کو فیضان مدینہ میں قائم مدنی چینل کے اسٹوڈیو سمیت مختلف شعبہ جات کا دورہ کروایااور وہاں ہونے والے کاموں کے متعلق بریفنگ دی۔

اس موقع پر مفتی محمد الیاس رضوی صاحب دامت بَرَکَاتُہمُ العالیہ نے ترکی میں قائم ہونے والے فیضان مدینہ اور امیر اہلسنت دامت بَرَکَاتُہمُ العالیہ کی درازئ عمر بالخیر کے لئے دعائیں کیں۔

سویڈن کے شہر مالمو میں دعوتِ اسلامی کے تحت افطار اجتماع کا انعقاد کیا گیا جس میں پاکستانی کمیونیٹی اور اسٹوڈنٹس سمیت مقامی شخصیات نے کثیر تعداد میں شرکت کی۔

دورانِ اجتماع معاون نگرانِ یورپ اسید رضا عطاری نے’’صدقے کی برکات‘‘ کے موضوع پر سنتوں بھرا بیان کرتے ہوئے صدقاتِ واجبہ و نافلہ کی تعریفات، زکوٰۃ نہ دینے کا وبال اور درست زکوٰۃ کیسے ادا ہوتی ہے اس حوالے سےشرکا کی تربیت کی نیز دعوتِ اسلامی کے مختلف شعبہ جات کا تعارف پیش کیا۔

مزید ذمہ دار نےوہاں موجود عاشقانِ رسول کو دعوتِ اسلامی کی دینی، فلاحی و سماجی خدمات کے لئے اپنی زکوٰۃ و عطیات دعوتِ اسلامی کو دینے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد رضوان حسین عطاری رکن یورپی یونین ریجن، رکن کابینہ سویڈن و ڈویژن نگران مالمو ، کانٹینٹ:غیاث الدین عطاری)

دعوتِ اسلامی کے زیرِ اہتمام سویڈن کے شہر گوتھن برگ میں افطار اجتماع کا انعقاد کیا گیا جس میں پاکستانی کمیونیٹی اور اسٹوڈنٹس سمیت مقامی شخصیات نے شرکت کی۔

اس اجتماعِ پاک میں معاون نگرانِ یورپ اسید رضا عطاری نے’’اللہ کی راہ میں خرچ کرنے کے فضائل‘‘ کے موضوع پر سنتوں بھرا بیان کرتے ہوئےشرکا کو دعوتِ اسلامی کے مختلف شعبہ جات کا تعارف کروایا۔

اس کے علاوہ ذمہ دار نےوہاں موجود عاشقانِ رسول کو دعوتِ اسلامی کی دینی، فلاحی و سماجی خدمات کے لئے اپنی زکوٰۃ و عطیات دعوتِ اسلامی کو دینے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد رضوان حسین عطاری رکن یورپی یونین ریجن، رکن کابینہ سویڈن و ڈویژن نگران مالمو ، کانٹینٹ:غیاث الدین عطاری)

الحمد الله ! دعوت اسلامی نے ترقی کی منازل طے کرتے ہوئے ایک اور سنگ میل عبور کرلیا

یوکے ویسٹ مڈلینڈ کے سٹی ڈڈلی Dudleyمیں عاشقان رسول کی دینی تحریک دعوت اسلامی کا شعبہ خدام المساجد والمدارس کے تحت غیر مسلموں کی عبادت گاہ کی جگہ خرید کر اس جگہ پر مسجد کے تعمیراتی کاموں کا آغاز کیا گیا تھا جو کچھ عرصے میں عالی شان مسجد بن کر تیار ہوگئی جس کا نام شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے ”فیضان فاروق اعظم“ رکھا۔

اس مسجد کا افتتاح نماز جمعہ پڑھاکر کیا گیا۔ جمعہ کی نماز سےقبل سنتوں بھرے اجتماع کا انعقاد کیا گیا جس میں مختلف شعبے سے تعلق رکھنے والی شخصیات اور دیگر عاشقان رسول سمیت ذمہ داران دعوت اسلامی نے شرکت کی۔

نگران ویلز حاجی سید فضیل رضا عطاری نے سنتوں بھرا بیان کیااور دینی کاموں میں بڑھ چڑھ کر حصہ لینے کی ترغیب دلائی۔اجتماع کے بعد مسجد میں پہلی اذان دی گئی اور پہلی نماز بھی ادا کی گئی۔ آخر میں نگران ویلز نے اسلامی بھائیوں سے ملاقات بھی کی۔

افتتاحی تقریب میں شریک حضرت مولانا میر مصباحی صاحب مُدَّ ظِلُّہُ العالی ، حضرت مولانا نیاز احمد مصطفوی مُدَّ ظِلُّہُ العالی اور کونسلر شوکت علی نے دعوت اسلامی کو مبارکباد دی اور خوشی کا اظہار کرتے ہوئے دعائیں کیں۔

یورپی ملک Hungary کے دارالحکومت Budapest میں دعوتِ اسلامی کے زیرِ اہتمام تین دن کا مدنی قافلہ راہِ خدا عزوجل کے سفر پر روانہ ہوا جس میں بیلجیم کے نگران حاجی علی قریشی عطاری سمیت دیگر ذمہ داراسلامی بھائی شریک ہوئے۔

دورانِ مدنی قافلہ مختلف ایکٹیوٹیز (Activities ) کا سلسلہ رہا جس میں ذمہ داران نے ایمبیسی آف پاکستان کی جانب سے سفیر شاہد حسین سمیت مقامی اسلامی بھائیوں سے ملاقات کرتے ہوئے انہیں نیکی کی دعوت پیش کی اور انہیں دعوتِ اسلامی کے حوالے سے بریفنگ دی۔

اس کے علاوہ ایک ترک اسلامی بھائی کے گھر پر محفلِ نعت کا انعقاد کیا گیا جس میں مبلغِ دعوتِ اسلامی حاجی علی عطاری نے سنتوں بھرا بیان کرتے ہوئے دعوت اسلامی کی دنیا بھر میں ہونے والی دینی و فلاحی خدمات کو بیان کیا۔

اسی طرح ذمہ داران نے وہاں موجود پاکستان، ہند اور ہنگری کے نئے مسلمانوں سے ملاقات کرتے ہوئے انہیں دعوتِ اسلامی کے 12 دینی کاموں میں حصہ لینے کا ذہن دیا۔

مزید اسلامی بھائیوں کی کوشش سے ایک ریسٹورنٹ کے مالک نے دعوتِ اسلامی کے تحت منعقد ہونے والے ہفتہ وار سنتوں بھرے اجتماع کے لئے جگہ دی جس پر ذمہ داران نے اُن کا شکریہ ادا کیا۔(کانٹینٹ:غیاث الدین عطاری) 

یورپی ملک سویڈن کے شہر مالمو میں دعوتِ اسلامی کے تحت 28 مارچ 2022ء بروز پیر مقامی شخصیت ثقلین عباس کے گھر پر سیکھنے سکھانے کا حلقہ لگایا گیا جس میں نگرانِ سویڈن حاجی ارشد عطاری اور نگرانِ ڈویژن رضوان عطاری سمیت دیگر اسلامی بھائی شریک تھے۔

اس دوران ذمہ داران نے وہاں موجو دشخصیات کو دعوتِ اسلامی کی دینی و فلاحی خدمات کے حوالے سے تعارفی ویڈیو دکھائی اور انہیں ڈنیشن کے ذریعے دعوتِ اسلامی کے ساتھ تعاون کی ترغیب دلائی جس پر شخصیات نے اچھی اچھی نیتوں کا اظہار کیا۔(رپورٹ:محمد رضوان حسین عطاری رکن یورپی یونین ریجن، رکن کابینہ سویڈن و ڈویژن نگران مالمو ، کانٹینٹ:غیاث الدین عطاری)

دعوتِ اسلامی کے زیرِ اہتمام 27 مارچ 2022ء بروز اتوار یورپی ملک سویڈن کے شہر مالمومیں ایک شخصیت کے والد کے لئے ایصالِ ثواب اجتماع کا انعقاد کیا گیا جس میں مقامی شخصیت جی ایم عبدالرحمٰن، پاکستانی کمیونیٹی اور اسٹوڈنٹس سمیت مرحوم کے عزیز واقارب شریک ہوئے۔

اس دوران نگران سویڈن مشاورت حاجی محمد ارشد عطاری نے’’ زکوٰۃ ‘‘ کے موضوع پر سنتوں بھرا بیان کرتے ہوئے فرضیتِ زکوٰۃ اور زکوٰۃ نا دینے کے نقصانات نیز اس کی وعیدیں بیان کیں۔

اس کے علاوہ مبلغِ دعوتِ اسلامی نے وہاں موجود اسلامی بھائیوں کو دعوتِ اسلامی کے شعبہ جات کےلئے زیادہ سے زیادہ عطیات دینے کی ترغیب دلائی جس پر انہوں نے اچھی اچھی نیتوں کا اظہا رکیا۔(رپورٹ:محمد رضوان حسین عطاری رکن یورپی یونین ریجن، رکن کابینہ سویڈن و ڈویژن نگران مالمو، کانٹینٹ:غیاث الدین عطاری)

دعوتِ اسلامی کے زیرِ اہتمام سال 2022ء میں شمالی یورپی ملک سویڈن کے عاشقانِ رسول کے لئے پہلی دفعہ رمضان المبارک میں 20 رکعت باجماعت تراویح کا اہتمام کیا جارہا ہے۔

اس تراویح میں مبلغِ دعوتِ اسلامی مکمل قراٰنِ پاک پڑھنے کی سعادت حاصل کریں گے جبکہ کثیر عاشقانِ رسول اس میں شریک ہوں گے۔مقامی اسلامی بھائیوں سے اس تراویح میں شرکت کرنے کی درخواست ہے۔واضح رہے کہ پہلی تراویح کا اعلان چاند نظر آنے کے بعد کیا جائے گا۔نوٹ:اذانِ عشاء سویڈن کے ٹائم کے مطابق PM 22:15 جبکہ تراویح کی جماعت PM 22:30 پر ادا کی جائے گی۔(رپورٹ:محمد رضوان حسین عطاری رکن یورپی یونین ریجن، رکن کابینہ سویڈن و ڈویژن نگران مالمو ، کانٹینٹ:غیاث الدین عطاری)

18 مارچ 2022 ء کو  دعوت اسلامی کے تحت یونان (greece) میں 3 دن کا یونان سطح پر فنانس شیڈول ہوا جس میں یونان کےذمہ داران سمیت یورپی یونین ریجن فنانس کے نگران حاجی علی قریشی عطاری نے شرکت کی۔

نگران حاجی علی قریشی نے دینی کاموں کے سلسلے میں ایتھنز کے مختلف مقامات کا دورہ کیا ، شعبہ فنانس یونان کے نگران سید حاجی رضوان اور شعبہ مالیات کے ذمہ دار ان کے ساتھ ملاقات کی دوران ملاقات فنانس کے تعلق سے امور پر اور رمضان عطیات پر گفتگوکی ۔

یونہی فیضانِ مدینہ نیازی میں نگران حاجی علی عطاری نے ہفتہ وار سنتوں بھرے اجتماع میں بیان کیا اور شرکاء سے ملااقت کی ۔جبکہ 20 مارچ 2022 ء بروز اتوار اوورسیز شعبہ فنانس کی جانب سے کورس بنام ”عطیات جمع کرنے کی شرعی احتیاطی “ منعقد کیا گیا جس میں یورپی یونین ریجن کے تمام ممالک سے اسلامی بھائیوں نے شرکت کی ۔(رپورٹ: حاجی علی قریشی عطاری نگران یورپی یونین ریجن فنانس، کانٹینٹ: محمد مصطفی انیس)

پچھلے دنوں دعوت اسلامی کے زیر اہتمام سید پور بنگلہ دیش میں تربیتی اجتماع کا انعقاد کیا گیا جس میں سید پور کے تمام ذمہ داران نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے سنتوں بھرا بیان کیا اور شرکا کو دعوت اسلامی کےدینی وفلاحی کاموں میں بڑھ چڑھ کر حصہ لینے کے ساتھ ساتھ رمضان المبارک میں زیادہ سے زیادہ ڈونیشن جمع کرنے کی ترغیب دلائی۔

پچھلے دنوں دعوت اسلامی کے زیر اہتمام سید پور بنگلہ دیش میں تاجر اجتماع کا انعقاد کیا گیا جس میں سید پور کے کاروباری حضرات اور دیگر عاشقان رسول نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے سنتوں بھرا بیان کیا اور شرکا کو دعوت اسلامی کے شعبہ جات کا تعارف پیش کرتے ہوئے دعوت اسلامی کے جملہ کاموں میں جانی و مالی تعاون کرنے کی ترغیب دلائی۔