مسجد الحرام مکہ مکرمہ میں غسل کعبہ کی سالانہ رسم گزشتہ رات  (15اگست 2022ء)پیر کو ادا کی گئی۔اسلامی ملکوں کے سفارتکاروں نے شرکت کی۔

غسلِ کعبہ عرقِ گلاب اور اعلیٰ درجے کے عود سے معطر آبِ زمزم سے دیا گیا۔ کعبہ کی اندرونی دیواروں کو کپڑے سے صاف کیا گیا۔

یاد رہے کہ غسل کعبہ کی رسم میں 45 لٹر آب زمزم استعمال کیا جاتا ہے جبکہ طائف کے گلاب کا عرق 50 تولہ اور اعلیٰ درجے کا عود آب زمزم میں ملاکر استعمال کیا جاتا ہے۔

مسجد الحرام میں صفائی کے اداروں کے مطابق غسل کعبہ میں استعمال ہونے والی تمام اشیا پر چاندی کی پرت چڑھی ہوتی ہے۔ اس کام کے لیے چاندی کے داندانوں والی 4 جھاڑو استعمال ہوتی ہیں۔ غسلِ کعبہ سے قبل جھاڑو سے خانہ کعبہ کی گرد صاف کی جاتی ہے۔

30 جولائی 2022ء کی شب غلاف کعبہ کو تبدیل کردیا گیا۔تقریب کا باقاعدہ آغاز نماز عشاء کی ادائیگی کے بعد ہوا جو طلوع سحر تک جاری رہا۔  خانہ کعبہ کے غلاف کو کئی دہائیوں سے ہر سال ذوالحجۃ الحرام میں حج کے موقع پر 9 تاریخ کو تبدیل کیا جاتا رہا ہے۔تاہم اس روایت میں تبدیلی لائی گئی اور رواں سال یہ تقریب نئے اسلامی سال کے آغاز پر یکم محرم الحرام 1444ھ کو منعقد کی گئی۔

مسجد الحرام میں موجود سینکڑوں عازمین نے غلاف کعبہ کی تبدیلی کا روح پرور منظردیکھا اوردعائیں کیں۔ غلاف کعبہ کی تبدیلی میں کلید بردار کعبہ، منتظمین ، حکام اعلیٰ اورغلاف ساز کسوہ فیکٹری کے منتظمین سمیت 200 سے زائد ماہرین اورتربیت یافتہ کارکنوں نے حصہ لیا۔

10 ذوالحجہ 1443ھ کو حکام اعلیٰ کی جانب سے غلاف کعبہ حرمین شریفین کی انتظامیہ کے حوالے کردیا گیا تھا۔

غلاف کعبہ کی تیاری کے مراحل:

کسوہ کمپلیکس کے شعبہ جات میں لانڈری اور آٹومیٹک ویونگ ڈیپارٹمنٹ، مینوئل ویونگ ڈیپارٹمنٹ، پرنٹنگ ڈیپارٹمنٹ، بیلٹ ڈیپارٹمنٹ اور گولڈ تھریڈ ڈیپارٹمنٹ، غلاف کی سلائی اوراسمبلنگ سیکشن شامل ہیں جہاں دنیا کی سب سے بڑی کمپیوٹرائزڈ سلائی مشین موجود ہے۔

غلاف کعبہ مجموعی طور پر16 ٹکڑوں پرمشتمل ہوتا ہے۔ کسوہ کی لمبائی 50 فٹ اور چوڑائی 35 سے 40 فٹ ہے۔ غلاف کعبہ کا وزن 850 کلو گرام ہے اور اس کی تیاری میں 25 ملین ریال لاگت آتی ہے جس کے بعد اس غلاف کو دنیا کا مہنگا ترین غلاف ہونے کا اعزاز حاصل ہے۔

غلاف کعبہ میں تقریباً 700 کلو گرام خالص ریشم، 300 کلو گرام کاٹن، 100 کلوگرام چاندی کا دھاگہ اور 120 کلوگرام چاندی کے تار کا استعمال کیا جاتا ہے۔

سونے اور چاندی کے دھاگوں سے کڑھائی کی جاتی ہے، جہاں کعبہ پر سونے کے ٹکڑوں کی تعداد 54 ٹکڑوں تک ہے، کمپلیکس میں ”سونے اور چاندی کی کڑھائی“ کہلانے والے خصوصی حصے میں استعمال کرتے ہوئے 120 کلو گرام سونا استعمال ہوتا ہے۔100 کلو گرام پینٹ شدہ چاندی استعمال کی جاتی ہے۔ اس کے ساتھ ساتھ غلاف کعبہ کے کپڑے میں 760 کلو گرام خالص ریشم استعمال کیا جاتا ہے۔

پچھلے دنوں پاکستانی کرکٹر شاداب خان نے اسٹچفورڈ برمنگھم یوکے میں قائم مدنی مرکز فیضان مدینہ کا دورہ کیا۔

نگران ویلز یوکے حاجی سید فضیل رضا عطاری نے ان کا استقبال کیا اور فیضان مدینہ کا وزٹ کروایا۔ سید فضیل رضا عطاری نے شاداب خان کو یوکے سمیت دنیا بھر میں دعوت اسلامی کے تحت ہونے والے دینی و فلاحی کاموں سے آگاہ کیا ۔

آخر میں شاداب خان کو دعوت اسلامی کی طرف سے مکتبۃ المدینہ کی کتابیں بھی تحفے میں دی گئیں۔

دعوت اسلامی کے تحت 28 جون 2022ء بروزمنگل سٹوک آن ٹرینٹ یوکے (Stoke-on-Trent UK)مدنی مشورہ ہوا جس میں مقامی ذمہ دار اسلامی بھائیوں نے شرکت کی۔

نگران ویلز یوکے حاجی سید فضیل رضا عطاری نے شرکا کی تربیت کی اور دینی کاموں کو مزید بڑھانے کے حوالے سے کلام کیا۔ 

دعوت اسلامی کے شعبہ پبلک ریلیشن ڈیپارٹمنٹ برطانیہ کے نگران حاجی سید فضیل رضا عطاری اور گریٹر لندن یوکے کے نگران رضوان رشید عطاری نے برطانیہ میں مسٹر ظفر صفارو (فرسٹ سیکرٹری اور قونصل، تاجکستان کے سفارت خانے کے امور کے انچارج) اور مسٹر رستم ملو زودہ (‏‫برطانیہ میں تاجکستان کے سفارت خانے میں لندن میں سفیر کے تیسرے سیکرٹری اور پرسنل اسسٹنٹ) سے ملاقات کی۔

حاجی سید فضیل رضا عطاری نے انہیں دعوت اسلامی کے شعبہ FGRF کی سرگرمیوں کے بارے میں بریفنگ دی اور تاجکستان میں FGRF کے تحت فلاحی کام شروع کرنے پر گفتگو کی۔ عہدیداران نے دعوت اسلامی کی کاوشوں کو سراہا جبکہ دعوت اسلامی کے وفد نے انہیں برطانیہ میں قائم مدنی مرکز فیضان مدینہ کے وزٹ کی دعوت پیش کی۔

دعوت اسلامی کے تحت مدنی مرکز فیضان مدینہ یوکے برمنگھم میں اسلامی بھائیوں کا مدنی مشورہ ہوا جس میں شعبہ پبلک ریلیشنز اور شعبہ FGRFیوکے کے نگران اور ذمہ داران نے شرکت کی۔

نگران ویلز یوکےحاجی سید فضیل رضا عطاری نے قومی اور بین الاقوامی سطح پر شعبہ FGRFاور تعلقات عامہ کے مستقبل کے اقدامات کے بارے میں گفتگو کی اور آئندہ کی منصوبہ بندی کے حوالے سے کلام کیا نیز مدنی مشورے میں ان شعبہ جات کے موجودہ پروجیکٹس پر بریفنگ بھی دی گئی۔

دعوت اسلامی کے زیر اہتمام افریقی ملک ملاوی کیLimbe مسجد میں سنتوں بھرے اجتماع کا انعقاد کیا گیا جس میں مختلف شخصیات اور دیگر عاشقان رسول نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو ہفتہ وار اجتماع میں شرکت کرنے کا ذہن دیتے ہوئے سیرت رسول ﷺ کے مطابق زندگی گزارنے کی ترغیب دلائی۔اختتام پر صلوۃ و سلام اور دعا کاسلسلہ ہوا۔

دعوت اسلامی کے زیر اہتمام 19 جون 2022ء کو دار السلام تنزانیہ کے کچھی ہال میں سنتوں بھرے اجتماع کا انعقاد کیا گیا جس میں کثیر تعداد میں مقامی عاشقان رسول نے شرکت کی۔

جانشین امیر اہلسنت حاجی مولانا عبید رضا عطاری مدنی مُدَّ ظِلُّہُ العالی نے سنتوں بھرا بیان کیا اور شرکا کو اپنی زندگی سنت مصطفٰے صلَّی اللہ علیہ واٰلہٖ وسلَّم کے مطابق گزارنے کی ترغیب دلائی۔

آخر میں صلوۃ و سلام اور دعا کا سلسلہ ہوا۔

ترکی میں موجود دعوت اسلامی کے مدنی مرکز فیضان مدینہ استنبول میں ذمہ داران کا مدنی مشورہ ہوا جس میں ترکی، ساؤتھ افریقہ اور مختلف ممالک کےذمہ داران سمیت دیگر اسلامی بھائیوں نے شرکت کی۔

مرکزی مجلس شوریٰ دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی نے دینی کام اور مدنی قافلوں کے حوالے سے گفتگو کی۔

اس موقع پر بانی دعوت اسلامی امیر اہلسنت علامہ محمد الیاس عطار قادری دامت بَرَکَاتُہمُ العالیہ نے بذریعہ ویڈیو لنک اسلامی بھائیوں کو اپنے مدنی پھولوں سے نوازتے ہوئے انہیں مدنی قافلوں میں سفر کرنےاور دعوت اسلامی کے دینی کاموں میں حصہ لینے کا ذہن دیا۔

بعد ازاں ذمہ داران نے نگران شوریٰ کو فیضان مدینہ استنبول میں ہی موجود مدنی چینل کے اسٹوڈیو کا وزٹ کرواتے ہوئے اس اسٹوڈیو کی تعمیرات اور وہاں ہونے والی ریکاڈنگ کے حوالے سے بریفنگ دی۔ 

عاشقان رسول کی دینی تحریک دعوت اسلامی کی مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی دینی کاموں کو بڑھانے اور نیکی کی دعوت کی دھومیں مچانے کے لئے یورپ اور یوکے کے بعد ترکی پہنچے جہاں انہوں نے مشہور صحابی و میزبان رسول حضرت سیدنا ابو ایوب انصاری رضی اللہ عنہ کے مزار شریف پر حاضری دی۔

نگران شوریٰ نے مزار شریف پر سلام عقیدت پیش کیا اور ایصالِ ثواب کے لئے فاتحہ خوانی کرتے ہوئے دعوت اسلامی کی ترقی اور امت مسلمہ کی بھلائی کے لئے دعائیں کیں ۔

13 جون 2022ء کو دعوت اسلامی کے زیر اہتمام یونان Greece کے ایک مقام پر سنتوں بھرے اجتماع کا انعقاد کیا گیاجس میں مختلف شخصیات، بزنس مین،پروفیشنلز حضرات اور دیگر عاشقان رسول سمیت ذمہ داران دعوت اسلامی نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو دینی کاموں میں شرکت کرتے ہوئے اپنی زندگی سیرت مصطفٰے ﷺ کے مطابق گزارنے کی ترغیب دلائی۔اجتماع میں اختتام پر نگران شوریٰ نے دعا کروائی اور صلوۃ و سلام کا سلسلہ ہوا جبکہ عاشقان رسول نے نگران شوریٰ سے ملاقات بھی کی۔

12 جون 2022ء کو دعوت اسلام کے زیر اہتمام ایتھنز، یونان Athens Greeceکے مدنی مرکز فیضان مدینہ میں ذمہ داران کے درمیان سنتوں بھرے اجتماع کا انعقاد کیا گیا جس میں اٹلی، اسپین، ہالینڈ، ناروے، ڈنمارک، پرتگال، فرانس، جرمنی، بیلجیم، سویڈن اور یونان کے مختلف شہروں سمیت یوکے اور یورپ کے دیگر ممالک سے نگران کابینہ اور مختلف سطح کے ذمہ داران نے شرکت کی۔

اس موقع پر رکن شوریٰ حاجی مولانا عبد الحبیب عطاری اور نگران یورپ ریجن بھی موجود تھے۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے اسلامی بھائیوں کو اللہ پاک کے آخری نبی ﷺ کی سیرت کا مطالعہ کرنے اور اس کے مطابق اپنی زندگی گزارنے کا ذہن دیا۔دوران اجتماع نگران شوریٰ نے شرکا کی دینی کاموں کے حوالے سے رہنمائی کرتے ہوئے دینی کاموں کو مضبوط بنانے، مزید بہتری لانے اوریورپ سے 12 ماہ کے مدنی قافلے سفر کروانے کی ترغیب دلائی جس پر ذمہ داران نے اپنی اپنی نیتوں اظہار کیا۔

آخر میں رکن شوریٰ حاجی مولانا عبد الحبیب عطاری نے بھی دینی کاموں کے حوالے سے شرکا کی تربیت فرمائی۔