مراکش (Morocco) میں آنے والے تباہ کُن زلزلے کے بعد دعوتِ اسلامی کے شعبہ FGRFیوکے کی ٹیم امدادی کام کرنے اور امدادی سامان تقسیم کرنے میں پیش پیش ہے۔

ابتداءً FGRFکی ٹیم نے تباہ شدہ پانچ بڑے علاقوں میں زلزلہ متاثرین کے درمیان کھانے ، پینے اور ضرورت زندگی کی دیگر اشیاء تقسیم کیں۔

سامان کی تقسیم کاری کے دوران مقامی عاشقان رسول کی جانب سے FGRFکی ٹیم کا خیر مقدم کیا گیا جبکہ سامان کی تقسیم کرتے ہوئے رقت انگیز مناظر بھی پیش آئے۔ نگران ویلز یوکے سید فضیل رضا عطاری نے متاثرین کو گلے لگاکر تسلی دی اور لواحقین کو صبر کی تلقین فرماتے ہوئے انہیں رب کی رِضا پر راضی رہنےکا ذہن دیا۔

نگران ویلزیوکے حاجی سید فضیل رضا عطاری اور نگران مراکش نے دیگر ذمہ داران کے ہمراہ مراکش سٹی میں زلزلہ سے تباہ شدہ عمارتوں کا وزٹ کیااور دنیا بھر کے عاشقان رسول سے اپنے مسلمان بھائیوں کی مدد کے لئے ڈونیشن دینے کی درخواست کی۔

12 ستمبر 2023 ءبروز بدھ  ائمہ مساجد انٹرنیشنل ڈیپارٹمنٹ کے تحت آن لائن احکامِ امامت کورس کا انعقاد کیا گیا جس میں دعوتِ اسلامی کی مرکزی مجلسِ شوریٰ کے رکن مولانا حاجی محمد عقیل عطاری مدنی نے افریقی ممالک کے ائمہ مساجد کے درمیان امامت کے شرعی اور اہم مسائل کے متعلق تربیت و رہنمائی کی جس میں انہیں امامت کی ذمہ داریاں بہتر انداز میں پوری کرنے نیز شرعی تقاضوں کو پورا کرنے کے حوالے سے ذہن سازی کی۔

اس کے علاوہ رکنِ شوریٰ نے کورس میں شامل عاشقانِ رسول کو دعوتِ اسلامی کے دینی کاموں میں عملی طور پر حصہ لینے کی ترغیب بھی دلائی جس پر انہوں نے اچھی اچھی نیتیں کیں۔اس کورس میں افریقی ممالک کے ائمہ کرام و ذمہ داران نے بذریعہ زوم شرکت کی ۔(رپورٹ:محمد عابد عطاری مدنی، معاون رکنِ شوریٰ حاجی محمد عقیل عطاری مدنی،کانٹینٹ:رمضان رضا عطاری)

دعوت اسلامی کے شعبہ رابطہ برائے شخصیات کےتحت یوکے مشاورت کے رکن محمد وسیم عطاری نے لندن (London) میں سابق عالمی چیمپئن پروفیشنل باکسر عامر خان سے ملاقات کی۔

محمد وسیم عطاری نے انہیں دعوت اسلامی کے دینی و فلاحی کاموں کے متعلق بریفنگ دی اور خصوصاً نوجوانوں کی اصلاح میں دعوت اسلامی کی خدمات کے بارے میں بتاتے ہوئے انہیں مدنی قافلے میں سفر کرنے کی دعوت دی۔ عامر خان نے دعوت اسلامی کی تمام خدمات کو سراہتے ہوئے مدنی قافلہ میں سفر کرنے کی نیت کی۔ باکسر عامر خان کو مکتبۃ المدینہ کی کتاب ”سیرت مصطفٰے صلَّی اللہ علیہ واٰلہٖ وسلَّم“ تحفے میں پیش کی گئی۔

8ستمبر 2023ء جمعہ کی رات مراکش (Morocco) میں آنے والے زلزلے نے قیامت صغریٰ کا ماحول برپا کردیا۔زلزلہ کی شدت 6.8 ریکارڈ کی گئی۔ آنے والے زلزلے سے 2 ہزار سے زائد لوگ اپنے خالق حقیقی سے جاملے، 3 لاکھ سے زائد افراد اپنے گھروں سے محروم ہوگئےجبکہ زخمی حالت میں موجود لواحقین اپنے پیاروں کے انتقال پر صدمے سے دوچار ہیں۔

مصیبت کی اس گھڑی میں آقا کریم صلَّی اللہ علیہ واٰلہٖ وسلَّم کی دُکھیاری امت کی غمخواری کرنے اور اس تکلیف میں متاثرین کی امداد کرنے کے لئے یوکے مڈلینڈ سے دعوت اسلامی FGRF کی ٹیم روانہ ہوچکی ہے۔ٹیم کی نمائندگی کرتے ہوئے یوکے مڈلینڈ یوکے دعوت اسلامی FGRF کے ذمہ دار سید محمد فیصل سمیع عطاری نے بتایا کہ ہم اپنے ساتھ مراکش کے متاثرین کے لئے ضرورت زندگی کی تمام اشیاء لیکر جارہے ہیں۔

اس کے بعد حالات کا جائزہ لیتے ہوئے متاثرین کے لئے ضرورت کا دیگر امدادی سامان مختلف ممالک سے منگوایا جائے گا۔

دعوت اسلامی یوکے کے ذمہ دار محمد سمیر حسین عطاری نے کہا کہ ہمیں ترکیہ اور شام کے زلزلہ متاثرین میں امدادی کاموں کا تجربہ رہا ہے لہذا ابتدائی مرحلے میں مراکش کےلوگوں کی جانیں بچانے اور انہیں ملبے سے نکالنے کے لئے امداد فراہم کی جائے گی۔ اس کے بعد ان کے کھانے، پینے اور رہائش کا انتظام کیا جائے گا۔

پچھلے دنوں اِیتھوپین شیخ احمدذاکر القادری کی دیگر ایتھوپین شخصیات کے ساتھ مدنی  مرکزفیضانِ مدینہ نیروبی تشریف آوری ہوئی جہاں ذمہ دارانِ دعوت اسلامی نے انہیں خوش آمدید کہا اور فیضانِ مدینہ میں موجود شعبہ جات کا وزٹ کروایا ۔

دورانِ گفتگو اسلامی بھائیوں نے شیخ احمدذاکر صاحب کو دعوت اسلامی کا تعارف پیش کیااور انہیں دنیا بھر میں ہونے والے دینی کاموں کے متعلق بتایا جس پر وہ دعوت اسلامی کے دینی کاموں پر خوش ہوئے اور انہوں نے دعا ئے برکت فرمائی۔

ساتھ ساتھ شیخ احمدذاکر صاحب نے مبلغین سے کینیا اور ایتھوپیا میں موجود ایتھوپین کمیونٹی کو بھی دعوتِ اسلامی سے وابستہ کرنےکی نیت کا اظہار کیا۔( کانٹینٹ:رمضان رضا عطاری)

پچھلے دنوں نعت خواں الحاج عمران شیخ عطاری نے  فیضانِ مدینہ اسٹیچفورڈ برمنگھم یو کے کا دورہ کیاجہاں دعوت اسلامی ویسٹ مڈلینڈز برطانیہ کے نگران سید عمار عطاری اور وہاں کے مقامی اسلامی بھائیوں نے انہیں مدنی مرکز آمد پر خوش آمدید کہا۔

اس دوران اسلامی بھائیوں نے عمران شیخ عطاری کو جامعۃ المدینہ بوائز سمیت وہاں موجود دیگر شعبہ جات کا دورہ کروایا اور یوکے میں ہونے والے دعوت اسلامی کے دینی کاموں کے متعلق بتایا جس پر انہوں نے خوشی کااظہار کیا۔ (کانٹینٹ:رمضان رضا عطاری) 

خدمتِ دین ، اشاعتِ دین اور قراٰنِ کریم کی تعلیمات کو عام کرنے  کے 42 سال مکمل ہونے پر 2 ستمبر 2023ء کو پاکستان سمیت بیرونِ ممالک میں یومِ دعوتِ اسلامی بھرپور انداز سے منایا گیا۔

تفصیلات کے مطابق یومِ دعوتِ اسلامی پربرمنگھم ویسٹ مڈلینڈز یوکے میں ڈیجیٹل بل بورڈز اور ڈیجیٹل ایڈوان(Digital Billboard and Digital Advan displayed) لگائے گئے ۔

جامعۃ المدینہ کے زیر اہتمام 26 اگست 2023ء کو امریکی (USA) اسٹیٹ ٹیکساس (Texas) کے سٹی ہیوسٹن (Houston) میں ”1^st Graduation Ceremony“ دستارفضیلت اجتماع کا انعقاد کیا گیاجس میں مفتی قمر الحسن بستوی دامت بَرَکَاتُہمُ العالیہ(چیئرمین رؤیت ہلال کمیٹی آف نارتھ امریکہ)، مفتی احمد القادری دامت بَرَکَاتُہمُ العالیہ (نائب چیئرمین رؤیت ہلال کمیٹی آف نارتھ امریکہ) سمیت دیگر علمائے کرام، آفتاب چوہدری (کونسلر جنرل آف پاکستان اِن ہیوسٹن)، ڈاکٹر سلیمان لالانی(ٹیکساس اسٹیٹ ریپریزینٹو فار ہیوسٹن)، سیاسی و سماجی رہنما، بزنس کمیونٹی اور مختلف شعبہ جات سے وابستہ اسلامی بھائی امریکہ کے مختلف اسٹیٹ اور سٹیز سے شریک ہوئے جبکہ اراکین نارتھ امریکہ مشاورت سمیت دیگر مبلغین دعوت اسلامی ، جامعۃ المدینہ کے اساتذہ و طلبۂ کرام نے شرکت کی۔

تلاوتِ قرآن پاک کے بعد جامعۃ المدینہ کے طلبۂ کرام نے عربی کلام پڑھا۔ تقریب میں نگران U.S.A مشاورت حافظ نصیر عطاری نے ”علم و علما کی فضیلت“ پر سنتوں بھرا بیان کیا اور شرکا کو بھی علم دین سیکھنے کے لئے اپنے بچوں کو جامعۃ المدینہ میں داخلہ دلوانے سمیت دعوت اسلامی کے دینی کاموں میں حصہ لیتے رہنے کا ذہن دیا۔دورانِ پروگرام شرکا کو عالمی سطح پر ہونے والے دعوت اسلامی کی دینی و فلاحی کاموں کی Documentary بھی دکھا ئی گئی ۔

ناظم جامعۃ المدینہ و رکن امریکہ مشاورت نے ہیوسٹن سمیت ملک و بیرون ملک میں قائم جامعۃ المدینہ کی برانچز کے ذریعے ہونے والی خدمات دینیہ کے متعلق بریفنگ دی جبکہ جامعۃ المدینہ سے گریجویٹ ہونے والے طلبہ نے بھی اپنے علمی دورانیے کے بارے میں گفتگو کی۔

Graduation Ceremony میں پھر وہ لمحہ بھی آیا کہ جب گریجویٹ ہونے والے علمائے کرام کے سروں پر عمامہ شریف سجایا گیا اور انہیں سرٹیفکیٹس دیئے گئے۔پروگرام کا اختتام صلوۃ و سلام اور دعا پر ہوا۔

پچھلے دنوں  دعوتِ اسلامی کے شعبہ جامعۃُ المدینہ بوائز جوہانسبرگ ساؤتھ افریقہ کے طلبہ کے درمیان میٹ اپ کا انعقاد کیا گیا جس میں مرکز ی مجلسِ شوریٰ کے رکن حاجی محمد امین عطاری نے فیضانِ مدینہ کراچی سے بذریعہ انٹرنیٹ ’’ایک ذمہ دار کو کیسا ہونا چاہئے‘‘ کے موضوع پر آن لائن بیان فرمایا۔

دورانِ بیان حاجی امین عطاری نے طلبۂ کرام کو دعوتِ اسلامی کے 12 دینی کاموں کو کرنے کے حوالے سے تربیت دی اور انہیں ہفتہ وار سنتوں بھرے اجتماع میں شرکت کرنے اور مدنی مذاکرہ دیکھنے کا ذہن بھی دیا ۔) کانٹینٹ:رمضان رضا عطاری) 

دعوت اسلامی کے تحت آسٹریلیا (Australia) کے شہر میلبرن (Melbourne) میں مختلف شعبہ جات اور بزنس کمیونٹی سے وابستہ عاشقان رسول سمیت مقامی ایسوسی ایشن کے عہدیداران کے درمیان نیکی کی دعوت کا سلسلہ ہوا۔

دعوتِ اسلامی کے زیر اہتمام 22 اگست 2023ء کو Leppington, NSW,آسٹریلیا (Australia) کی المدینہ مسجد میں سنتوں بھرے اجتماع کا انعقاد کیا گیاجس میں بزنس کمیونٹی سمیت مختلف شعبہ جات سے وابستہ افراد اور مقامی اسلامی بھائیوں کی شرکت ہوئی۔

دعوت اسلامی کے زیر اہتمام 26 اگست 2023ء کو نیوزی لینڈ کے شہر Ranui کی الرحمان مسجد میں سنتوں بھرے اجتماع کا انعقاد کیا گیا جس میں بزنس کمیونٹی سے وابستہ افراد، مقامی عاشقان رسول اور ذمہ داران دعوت اسلامی نے شرکت کی۔