مبلغین دعوتِ اسلامی کی انفرادی کوشش و نیکی کی دعوت کی بدولت عاشقانِ رسول کی دینی تحریک دعوت اسلامی کے تحت ملک و بیرون ملک لوگ گناہوں بھرے ماحول سے دوری اختیار کرکے عاشقانِ رسول کی صحبت پاتے ہیں۔ اسی وجہ سے شعبہ فیضانِ اسلام کے تحت آئے دن مدنی بہار دیکھنے میں آتی ہے۔

ایسا ہی ایک خوشی کا واقعہ اُس وقت پیش آیا جب نگرانِ شوریٰ مولانا حاجی محمد عمران عطاری مُدَّ ظِلُّہُ العالی ، مفتی عبد النبی حمیدی عطاری مُدَّ ظِلُّہُ العالی اور رکنِ شوریٰ مولانا حاجی عبد الحبیب عطاری گیبرون بوٹسوانا (Gaborone Botswana)میں منعقدہ سنتوں بھرے اجتماع میں شرکت کرکے ساؤتھ افریقہ (South Africa) واپس تشریف لارہے تھے۔رستے میں نگرانِ شوریٰ اور مفتی عبد النبی صاحب نے دوغیر مسلموں پر انفرادی کوشش کرتے ہوئے انہیں اسلام کی دعوت پیش کی۔ نیکی کی دعوت کی برکت سے دونوں غیر مسلم اسلام کی دعوت کو قبول کرتے ہوئے دائرہ اسلام میں داخل ہوگئے۔ نگران شوریٰ اور مفتی عبد النبی حمیدی صاحب نے انہیں کلمہ طیبہ پڑھایا اور سابقہ مذہب سے توبہ کروائی۔ دونوں نیو مسلم میں سے ایک کا نام محمد عمران اور دوسرے کا عبد الحبیب رکھا گیا۔

پچھلے دنوں دعوتِ اسلامی کے زیر اہتمام ایمسٹرڈیم (Amsterdam) کی مسجد فرید الاسلام میں ماہانہ تعلیمی سیشن کا انعقاد کیا گیا جس میں مقامی عاشقان رسول نے شرکت کی۔

مبلغ دعوتِ اسلامی نے سنتوں بھرا بیان کیا اور شرکا کو وضو، غسل اور نماز کے مسائل بتاتے ہوئے انہیں دینی ماحول سے وابستہ ہونے کی ترغیب دلائی ۔

دعوت اسلامی کے زیر اہتمام 11 جولائی 2023ء کو مدنی مرکز فیضان مدینہ روٹر ڈیم (Rotterdam) میں تربیتی سیشن اور میٹنگ کا سلسلہ ہوا جس میں مقامی ذمہ داران نے شرکت کی۔

نگرانِ یورپ اُسید رضا عطاری نے 12 دینی کاموں کو فروغ دینے کے حوالے سے شرکا کی تربیت کی اور دینی کاموں میں بڑھ چڑھ حصہ لینے کا ذہن دیا۔

عاشقانِ رسول کی دینی تحریک دعوت ِاسلامی کے تحت افریقی ملک بوٹسوانا کے سٹی گیبرون میں سنتوں بھرے اجتماع کا انعقاد کیا گیا جس میں بوٹسوانا  اور اس کے اطراف مختلف شعبہ ہائے زندگی سے تعلق رکھنے افراد بالخصوص بزنس کمیونٹی سے وابستہ عاشقانِ رسول نے شرکت کی۔

سنتوں بھرے اجتماع میں رکنِ شوری مولانا حاجی عبدالحبیب عطاری نے درودِ پاک کی فضلیت بیان کرتے ہوئے بارگاہ رسالت میں ہدیہ نعت پیش کی جبکہ سنتوں بھرے اجتماع میں دعوتِ اسلامی کی مرکزی مجلسِ شوریٰ کے نگران مولانا مولانا حاجی محمد عمران عطاری نے سنتوں بھرا بیان کیا اور اپنی اولاد کی دینی ماحول کے مطابق تربیت کرنے اور ایمان کی حفاظت کرنے کی ترغیب دی،دورانِ بیان نگران شوریٰ نے مسلمانوں کو تکالیف پہنچانے اور اسکی غیبت کرنے سے بچنے کا بھی ذہن دیا۔

نگران شوریٰ کا کہنا تھا کہ جنت میں صرف وہی جائے گا جو دنیا سے ایمان سلامت لے کر گیا، جو اپنا ایمان ضائع کر بیٹھا اس کے لئے جنت نہیں بلکہ وہ ہمیشہ ہمیشہ کے لئے جہنم میں رہے گا۔ شیطان تو پوری کوشش کرتا ہے کہ کسی طرح مسلمان کا ایمان برباد کرے جبکہ ہماری توجہ یہ ہونی چاہئے کہ ہم اپنا ایمان سلامت لیکر دنیا سے جائیں۔

دعوتِ اسلامی  جہاں مسلمانوں کی دینی و اخلاقی تربیت کر رہی ہے وہیں غیر مسلموں کو دینِ اسلام کی تعلیمات سے آگاہ کرنے اور اسلام کے پیغام کو دنیا بھر میں پھیلانے میں مصروفِ عمل ہے۔

اسی سلسلے میں گزشتہ روز اسٹچفورڈ برمنگھم UK میں دعوتِ اسلامی کے ذمہ دار اسلامی بھائیوں کی کوشش سے ایک غیر مسلم نے اپنے سابقہ مذہب سے تائب (توبہ)ہو کر اسلام قبول کر لیا۔

معلومات کے مطابق ذمہ دار اسلامی بھائیوں نے اسلام قبول کرنے والے اسلامی بھائی کا نیا نام محمد عثمان رکھا اور انہیں دینِ اسلامی کے بارے میں ابتدائی چند اہم باتیں بتائیں۔اس موقع پر نگرانِ ویلز UK حاجی سیّد فضیل رضا عطاری سمیت دیگر اہم ذمہ دار اسلامی بھائی بھی موجود تھے۔( کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کی مرکزی مجلس شوری کے اراکین ان دنوں نگرانِ شوریٰ  مولانا حاجی محمد عمران عطاری کے ہمراہ ساؤتھ افریقہ کے سفر پر ہیں۔

اس دوران فیضانِ مدینہ فورڈسبرگ جوہانسبرگ حاضری کے موقع پر اراکینِ شوریٰ حاجی محمد اطہر عطاری اور حاجی محمد امین قافلہ عطاری نے اسلامی بھائیوں کو مدنی قافلوں میں سفر کرنے اور نیکی کی دعوت عام کرتے ہوئے دعوتِ اسلامی کے دینی کام بڑھانے کی ترغیب دلائی۔

ساؤتھ افریقہ  کے سٹی پریٹوریا کے علاقے لوڈیم میں نیکی کی دعوت کا سلسلہ ہوا جس میں مختلف شعبہ جات و بزنس کمیونٹی سے وابستہ اسلامی بھائیوں سمیت عاشقانِ رسول کی شرکت ہوئی۔

دعوتِ اسلامی کے تحت ساؤتھ افریقہ کے شہر جوہانسبرگ فورڈسبرگ میں قائم  مدنی مرکز فیضان مدینہ میں مدنی مشورے کا انعقاد ہوا جس میں مفتی عبدالنبی حمیدی ،اراکینِ شوری مولانا حاجی عبدالحبیب عطاری، حاجی محمد اطہر عطاری اور حاجی محمد امین قافلہ عطاری سمیت ساؤتھ افریقہ مشاورت کے اسلامی بھائیوں اور دیگر عاشقان رسول کی شرکت ہوئی۔

دورانِ مدنی مشورہ نگرانِ شوری ٰمولانا حاجی محمد عمران عطاری نے دعوتِ اسلامی کےدینی کاموں کے حوالےسے رہنمائی کرتے ہوئے اسلامی بھائیوں کو ساؤتھ افریقہ میں دینی کام بڑھانے اور مزید بہتری لانے کے لئے مختلف امور پر اُن کی رہنمائی کی۔

دوسری جانب جوہانسبرگ میں ہی بزنس کمیونٹی سے وابستہ شخصیت کے گھر نگرانِ شوریٰ و دیگر اسلامی بھائیوں کی تشریف آوری ہوئی۔اس موقع پر نگرانِ شوریٰ نے گفتگو کرتے ہوئے کہا کہ:ایسے ہزاروں عاشقا نِ رسول ہیں جن کا جذبہ ہوتا ہے کہ ہمیں اپنے کاروبار یا دیگر کام کے دوران دعوتِ اسلامی کے دینی کاموں میں ہاتھ بٹانے کا موقع ملے ۔

عاشقانِ رسول کی دینی تحریک دعوتِ اسلامی کے تحت  ساؤتھ افریقہ کے شہر جوہانسبرگ کے علاقے فورڈسبرگ میں قائم مدنی مرکز فیضان مدینہ میں ذمہ داران کا دو دن کا سنتوں بھرا اجتماع ہوا، جس میں ڈربن، پیٹرزمیزبرگ،کیپ ٹاؤن، پولوکوانے، کوکسٹڈ، ویلکوم وفری اسٹیٹ کے مختلف شہروں، جوہانسبرگ وپریٹوریاکے مختلف علاقوں سمیت ساؤتھ افریقہ کے مختلف مقامات اور لیسوتھو افریقہ سے مبلغینِ دعوتِ اسلامی و شعبہ جات کے ذمہ داران و عاشقان رسول اور جامعةالمدینہ و مدرسۃالمدینہ بوائز کے اساتذۂ کرام و طلبۂ کرام کی شرکت ہوئی، جبکہ اس موقع پر اراکینِ شوریٰ مولانا حاجی عبدالحبیب عطاری، حاجی محمد اطہر عطاری،حاجی محمد امین قافلہ عطاری اور مفتی عبدالنبی حمیدی موجود تھے۔

عاشقانِ رسول کی دینی تحریک دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری نیکی کی دعوت عام کرنے اور سنتوں کی ترویج و اشاعت کے سلسلے میں ساؤتھ افریقہ پہنچے، جوہانسبرگ کے انٹرنیشنل ائیرپورٹ میں رکنِ شوریٰ حاجی محمد اطہر عطاری اور دیگر  اسلامی بھائیوں نے انہیں خوش آمدید کہا ۔

اس موقع پر نگرانِ شوریٰ مولانا حاجی محمد عمران عطاری نےجمعہ کی مبارکباد دیتے ہوئے ساؤتھ افریقہ سمیت دیگر ممالک کے سفر کے حوالےسے گفتگو فرمائی۔

دوسری جانب جوہانسبرگ کے علاقے روبرٹ شم میں قائم فیضانِ عطار مسجد میں نماز جمعہ کی ادائیگی کے بعد نگرانِ شوری ٰ نے دعا کروائی اور اسلامی بھائیوں کے ہمراہ صلوة وسلام پڑھا پھرعاشقان رسول نے نگرانِ شوریٰ مولانا حاجی محمد عمران عطاری سے ملاقات کی۔

پچھلے  دنوں دعوتِ اسلامی کے تحت ترکی کے شہر استنبول میں نگران وسطی ایشیائی اور افریقی عرب شہاب الدین عطاری نے ترکی کے ذمہ دار حامد عطاری کے ہمراہ شیخ محمود آفندی رحمۃ اللہ علیہ کی رہائش گاہ کے ساتھ منسلک مدرسہ میں ان کے ایصال ِثواب کے سلسلے میں ہونے والی محفل میں دیگر ذمہ داران کے ساتھ شرکت کی ۔

جہاں مقامی عالم دین شیخ کُبلی احمد نے بیان کیا اور مرحوم شیخ محمود آفندی صاحب سمیت تمام اُمّت مسلمہ کے لئے دعائے مغفرت کروائی۔

بعدازاں ذمہ داران نے عالم صاحب سے ملاقات کی اور انہیں دعوتِ اسلامی کے دینی کاموں کے متعلق بتایا اس پر انہوں نے خوشی کا اظہار کیا ۔(کانٹینٹ:رمضان رضا عطاری)

عاشقانِ رسول کی  دینی تحریک دعوتِ اسلامی کے تحت کولمبو میں میٹنگ منعقد ہوئی جس میں کولمبو مشاورت کے اسلامی بھائیوں نے شرکت کی ۔

مرکزی مجلسِ شوریٰ کے رکن حاجی محمد امین عطاری نے ذمہ داران کی 12 دینی کاموں کو کرنے کے متعلق تربیت کی اور انھیں کولمبو میں دینی کام بڑھانے کے بارے میں تربیتی نکات فراہم کئے ۔(کانٹینٹ:رمضان رضا عطاری)