شعبہ جامعات المدینہ للبنات کی آٹھ مدنی کام کارکردگی میں بیرون ملک (ہند، سری لنکا، ماریشس، یوکے، موزمبیق) کی اسلامی بہنیں بھی شامل ہیں۔ اَلْحَمْدُ لِلّٰہِ عَزَّ وَجَلَّ! بیرون ملک میں بھی طالبات و معلمات آٹھ مدنی کاموں میں حصہ لیتی ہیں۔ ماہ نومبر2019ء کی کارکردگی کے مطابق درس نظامی اورفیضان شریعت کی کل طالبات 1352 اور معلمات 84 ہیں جس میں ہفتہ وار سنتوں بھرے اجتماع میں 1364نے شرکت کی، علاقائی دورہ میں 278 نے شرکت کی، 601 نے درس دینے کی سعادت حاصل کی، 1071 نے مدنی انعامات کا بک لِٹ جمع کروایا اور 100طالبات نے مدرسۃ المدینہ بالغات پڑھانے کی سعادت حاصل کی ۔

اسلامی بہنوں کے شعبہ مدرسۃ المدینہ بالغات کے تحت بیرون ملک میں بھی "مدنی قاعدہ کورس" اور "ناظرہ قرآن کورس" کا سلسلہ جاری ہے جس میں اسلامی بہنوں نے ٹیلی تھون میں اپنا حصہ بھی شامل کیا جن کی کارکردگی درج ذیل ہے:

٭یوکےمیں ناظرہ قراٰن کورس جاری ہے جس میں اسلامی بہنوں نے 44 یونٹس جمع کروائے۔

٭ ہندمیں ناظرہ قراٰن کورس جاری ہے جس میں اسلامی بہنوں نے 23 یونٹس جمع کروائے۔

٭ ہندمیں مدنی قاعدہ کورس جاری ہے جس میں اسلامی بہنوں نے 10 یونٹس جمع کروائے۔

٭عرب شریف میں ناظرہ قراٰن کورس جاری ہے جس میں اسلامی بہنوں نے 16 یونٹس جمع کروائے۔

٭ جرمنی میں ناظرہ قراٰن کورس جاری ہے جس میں اسلامی بہنوں نے 3.5 یونٹس جمع کروائے۔

دعوتِ اسلامی کے تحت پچھلے دنوں مدنی انعامات ذمہ دار ریجن سطح اسلامی بہن اورممبئی ریجن کی نگران اسلامی بہن نے ممبئی زون میں ایک  ٹیچر اسلامی بہن سے ملاقات کی اور انہیں دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ ہونے اور ہفتہ وار اجتماع میں شرکت کرنے کی ترغیب دلائی۔ ذمہ دار اسلامی بہنوں نے مختلف اصلاحی موضوعات پر کتب حاصل کرنے کے لئے قریبی مکتبۃالمدینہ یا دعوت اسلامی کی ویب سائٹ کے ذریعے کتابیں ڈاؤن لوڈ کر کے استفادہ حاصل کرنے کی ترغیب بھی دلائی۔

دعوتِ اسلامی  کے تحت10دسمبر2019ء کو نیپال میں ذمہ دار اسلامی بہنوں کا مدنی مشورہ ہواجس میں ڈویژن تا کابینہ ذمہ دار اسلامی بہنوں نے شرکت کی۔ نیپال کی نگران اسلامی بہن نے کارکردگی کا جائزہ لیتے ہوئے ان کی تربیت کی اور مدنی کاموں میں مزید بہتری لانے کے متعلق اہم امور پر نکات فراہم کئے۔ اس موقع پر مدنی کابینہ کی اسلامی بہنوں نے اس ماہ تمام شعبہ جات کی بہتر سے بہتر کارکردگی پیش کرنے کی نیتیں کی۔

اسلامی بہنوں کی مجلس    تعویذاتِ عطاریہ کے تحت یوکے کی پانچ بستہ ذمہ دار اسلامی بہنوں کا ماہانہ مدنی مشورہ ہواجس میں شعبہ ذمہ دار مجلس بیرونِ ملک اسلامی بہن نے کارکردگی کا جائزہ لیتے ہوئے ان کی تربیت کی اور شعبے میں مزید ترقی کے لئے مختلف امور پر نکات فراہم کئے۔

دعوت اسلامی کے تحت یکم دسمبر2019ء کو نارتھ امریکہ، سینٹرل اور ساؤتھ امریکہ ریجن سے (امریکہ اور کینیڈا) یورپین یونین ریجن سے (اٹلی، ڈنمارک، اسپین، فرانس، جرمنی، بیلجیئم) اسی طرح 3 دسمبر2019ء کو مڈل ایسٹ ریجن سے (عرب شریف، کویت) افغانستان ریجن سے (ایران) سینٹرل افریقہ اور ساؤتھ افریقہ سے (یوگنڈا،موریشس، کینیا، تنزانیہ، موزمبیق) جبکہ 4 دسمبر2019ء کو یوکے اور آسٹریلیاریجن کے ساتھ اور اسی طرح 5 دسمبر2019ء کو چائنہ، سری لنکا اور انڈونیشیا ریجن سے (ملائشیا ، ساؤتھ کوریا ، تھائی لینڈ، سری لنکا) میں بذریعۂ اسکائپ ذمہ دار اسلامی بہنوں کے مدنی مشوروں کا انعقاد کیا گیا جن میں مجموعی طور پر کم و بیش 52 ذمہ داراسلامی بہنوں (شارٹ کورسز ذمہ داران کے ساتھ ساتھ مَدَنی انعامات ذمہ داران ) نے شرکت کی۔ مدنی مشوروں میں ذمہ داراسلامی بہنوں کو "جنت کا راستہ " کورس کا تعارف، ایڈمیشنز ، تشہیر، مدرسے کا انتخاب اور آن لائن کورس میں ایڈمیشن سے متعلق نکات دئیے گئے نیز اس کورس کو مدنی انعامات ذمہ دار اسلامی بہنوں کے ذریعے زیادہ سے زیادہ مقامات پرکروانے کے متعلق گفتگو کی گئی۔

دعوتِ اسلامی کے تحت10دسمبر2019ء کو یوکے میں ذمہ دار اسلامی بہنوں کا مدنی مشورہ ہواجس میں اولڈہم، بولٹن، مانچسٹر، وارنگٹن،  بری، چیتھم ہِل ، راچڈيل اور آشٹن کی ذمہ دار اسلامی بہنوں نے شرکت کی۔ نگرانِ یوکے ریجن اسلامی بہن نے ذمہ دار اسلامی بہنوں کی کارکردگی کا جائزہ لیتےہوئے ان کی تربیت کی اور دعوت اسلامی کے تحت ان شہروں میں ہونے والے مدنی کاموں کی راہ میں حائل مشکلات اور پریشانیوں پر غور کیا گیانیز ان مسائل کے حل کے متعلق اسلامی بہنوں کی تربیت کی گئی۔

دعوت اسلامی کی مجلس مدرسۃ المدینہ بالغات کے تحت  اسپین میں بذریعۂ اسکائپ مدرسۃ المدینہ بالغات کا آغاز کیا گیا جس میں اسلامی بہنوں نے داخلہ لیا ۔ داخلے لینے والی اسلامی بہنوں کو درست مخارج کے ساتھ قراٰنِ پاک پڑھنے اور دیگر شرعی مسائل کےبارےمیں معلومات فراہم کی جارہی ہے۔

دعوتِ اسلامی  کے تحت نومبر2019ء میں ذمہ دار اسلامی بہنوں کی کوششوں سے بنگلہ دیش کے پانچ نئے مقامات پر اسلامی بہنوں کے ہفتہ وار سنتوں بھرے اجتماعات کا آغاز کیا گیا جن میں کثیر اسلامی بہنوں نے شرکت کی۔اسی طرح مبلغاتِ دعوتِ اسلامی کی انفرادی کوششوں کے ذریعے1609اسلامی بہنیں مدنی ماحول سے منسلک ہوئیں۔

دعوتِ اسلامی کے تحت 3دسمبراور6دسمبر2019ء کو عزیز آباداور حسین آباد کے علاقے میں محافل نعت کا انعقاد کیا گیا جن میں مقامی اسلامی بہنوں نے شرکت کی۔حنفی ممالک ذمہ دار اسلامی بہن نے  سنّتوں بھرے بیانات کئے اور محافلِ نعت میں شریک اسلامی بہنوں کو مدرسۃ المدینہ بالغات میں داخلہ لینے اور ہفتہ وار سنتوں بھرےاجتماع میں شرکت کرنے کی ترغیب دلائی۔

اسلامی بہنوں کی مجلس مدنی انعامات کے تحت8دسمبر2019ء کو ماریشس میں مدنی انعامات اجتماع کا  انعقاد کیا گیا جس میں کم و بیش 65 اسلامی بہنوں نے شرکت کی۔ مبلغۂ دعوتِ اسلامی نے سنّتوں بھرابیان کیا اور اجتماعِ پاک میں شریک اسلامی بہنو ں کو دعوتِ اسلامی کے مدنی ماحول سے وابستہ رہنے،مدنی انعامات پر عمل کرنے اور ہفتہ وار اجتماع میں شرکت کرنے کی ترغیب دلائی۔

دعوت اسلامی کے تحت 5دسمبر2019ء حیدرآباد میں قائم  دارالسنہ للبنات عبد الغفار منزل میں ادارتی شعبہ جات ،جامعۃ المدینہ للبنات، مدرستہ المدینہ للبنات اور مدرستہ المدینہ آن لائن کے مدنی عملوں کا مدنی مشورہ ہواجس میں عالمی مجلس مشاورت نگران نے”عدل وانصاف کے معاملات“ پر سنّتوں بھرا بیان کیا اورطلبہ جو کے مستقبل کا سرمایہ ہیں انہیں بطور استاد کیسے تربیت کرنی چاہیےاس پر قیمتی نکات دئیے نیزدور حاضر میں علم دین کی اشاعت اور درست قراٰن پاک پڑھانے کےلئے جدید طریقۂ کارکو درست انداز سے کروانے کو متعارف کروایا۔

اس کے بعد مجلس مالیات،اجارہ مجلس،مجلس ڈونیشن بکس اور دارالسنہ للبنات کے دفاتر کا جائزہ لیا گیا۔ بعد میں حیدرآباد زون ذمہ داراسلامی بہنوں کا بھی مدنی مشورہ ہواجس میں عمدہ کارکردگی کی حامل اسلامی بہنوں کو تحائف سے بھی نوازا گیا۔ اس موقع پر حیدرآباد ریجن نگران اسلامی بہن نے بھی ذمہ دار اسلامی بہنوں کو مختلف امور پر نکات دئیے۔