17جنوری 2020بروز جمعہ حافظ آباد کابینہ کی ڈویثرن کالیکی منڈی میں سوئم کے ختم شریف کے سلسلے میں ایک اسلامی بہن کے گھر اجتماع کا انعقاد ہوا۔ جس میں کثیر اسلامی بہنوں نے شرکت کی۔گوجرانوالہ مدنی انعامات زون ذمہ دار اسلامی بہن نے اچھے اعمال کی برکتوں کے موضوع پر بیان کیا ۔اسلامی بہنوں کو نماز کی پابندی کرنے، ہفتہ وار سنتوں بھرے اجتماع میں شرکت کرنے، مدرستہ المدینہ بالغات میں داخلہ لینے کی ترغیب دلائی، مرحومہ کےایصال ثواب کےلیے صدقہ و  خیرات کرنے کا ذہین دیا۔

دعوت اسلامی کے زیر انتظام 16جنوری2020بروز جمعرات رحیم یار خان زون کی کابینہ خانپور میں بالمشافہ مدنی مشورے کا اہتمام ہوا۔ڈویژن و حلقہ سطح مدنی انعامات نے شرکت فرمائی ۔زون ذمہ دار اسلامی بہن مدنی انعامات نے مدنی مذاکرہ و مدنی انعامات فارمز سمجھائے ،نیز جن حلقوں میں مدنی انعامات کا کام کمزور ہے وہاں عام اسلامی بہنوں کے مدنی انعامات اجتماعات کروانے کا ذہن دیا ۔اور مدنی انعامات ایپلیکیشن ڈاؤن لوڈ کرنے کا طریقہ سمجھایا۔ "جنت کا راستہ " کورس میں شرکت کرنے والی اسلامی بہنوں کے ساتھ رابطے میں رہنے اور ان مدنی انعامات کے رسائل وصول کرنے کا ذہن دیا۔

دعوت اسلامی کی مجلس مدنی انعامات  کے زیر اہتمام 16جنوری2020 بروز جمعرات فیروز پور کابینہ میں مدنی حلقہ کا انعقاد کیا گیا جس میں شمالی زون کی مدنی انعامات ذمہ دار اسلامی بہن نے مدنی مذاکرہ اور مدنی بہار کے سلسلہ میں نکات پیش فرمائے نیز غورو فکر کے فائدے بھی بتائے گئے۔اس اجتماع میں زون مدنی انعامات ذمہ دار اسلامی بہن نے بھی شرکت کی۔

دعوت اسلامی کی مجلس مدنی انعامات  کے زیر اہتمام9 جنوری2020 کو لاہور ریجن ماہانہ شیڈول کے نکات کے مطابق ٹیلی فونک اجلاس منعقد ہوا جس میں ریجن مدنی انعامات ذمہ دار ، ہزارہ زون کی زون اور کابینہ سطح کی مدنی انعامات ذمہ دار اسلامی بہنوں نے شرکت کی،جس میں شعبے کے اہم نکات پر بات ہوئی اور کارکردگی کا جائزہ لے کر اہداف دیے گئے،مزید اجلاس میں شریک اسلامی بہنوں نے مرکز کے طے شدہ طریقے کار کے مطابق مدنی کام بڑھانے کی نیتیں کیں۔

الحمد للہ عزوجل ! بنت عطار سلمہا الغفارنے 18 جنوری  2020بروزہفتہ جامعات المدینہ للبنات سے درس نظامی (عالمہ کورس) اور فیضان شریعت کورس مکمل کرنے والی حیدرآباد زون کی 78 طالبات کی ردا پوشی فرمائی جس میں مرکزی مجلس شوریٰ کے رکن نگران ریجن حیدر آباد ابو عمر حاجی محمد فاروق جیلانی مد ظلہ العالی نے بذریعہ انٹر نیٹ سنتوں بھرا بیان فرمایا۔

15 جنوری 2020 دہلی زون  کی اسلامی بہنوں کو 26 گھنٹے کا مدنی انعامات کورس کروایا گیا جس میں اسلامی بہنوں کو مدنی انعامات کے مطابق زندگی گزارنے اور مدنی کاموں کے لئے اپنی خدمات پیش کرنے کی ترغیب د لائی گئی۔اس کورس میں 39 اسلامی بہنوں نے شرکت کی سعادت حاصل کی۔

دعوتِ اسلامی کے تحت ممبئی ریجن کی بھیونڈی کابینہ میں ماہانہ مدنی حلقہ 16 جنوری بروز جمعرات کو ہوا ۔ مدنی حلقے میں  زون شارٹ کورسز ذمہ دار نےشرکت کی اور اسلامی بہنوں کو شارٹ کورسز کروانے کے لئے ذہن دیا جس پر ایک اسلامی بہن نے ہاتھوں ہاتھ شارٹ کورسز کے لئے اپنا نام پیش کیا۔

ممبئی ریجن کی باندرہ کابینہ میں 9تا13 جنوری کا  کفن دفن کورس کا انعقاد کیا گیا۔ کورس میں 14 شخصيات نے شرکت کی سعادت حاصل کی۔ کورس مکمل کرنے والی اسلامی بہنوں نے کتاب تجہیز و تکفین کا مطالعہ کرنے، اور ٹیسٹ دینے کی نیتیں کیں۔

الحمد للہ! اس ہفتہ کا رسالہ تانبے کے ناخن پڑھنے، سننے اور انفرادی کوشش کے ذریعے سے مطالعے کی کارکردگی مجلس جامعات المدینہ للبنات ملک و بیرون ملک کی 118854(ایک لاکھ اٹھارہ ہزار آٹھ سو چوون) رہی۔

دعوت اسلامی کےزیر اہتمام 16 جنوری 2020ء بروز بدھ  پاکستان نگران نے راولپنڈی کینٹ کابینہ کے ذیلی حلقے مسجد کبریٰ کے دعائے حاجات اجتماع میں "قبولیت دعا اور دعا مانگنے کا طریقہ" کے موضوع پر بیان کیا ، اختتام پر اجتماع میں شریک اسلامی بہنوں کوآٹھ مدنی کام کرنے کا ذہن دیا ۔

دعوت اسلامی کےزیر اہتمام 16 جنوری 2020ء بروز بدھ  دارالسنہ للبنات میں کورس میں شریک اسلامی بہنوں کے درمیان "آٹھ مدنی کام ذمہ دار کو کیسا ہونا چاہیے " کے موضوع پر بیان کا اہتمام کیا گیاجس میں پاکستان ذمہ دار اسلامی بہن نے بیان کیانیز ہفتہ وار رسالہ کارکردگی کا ہدف لیا گیا ، ہفتہ وار سنتوں بھرے اجتماع میں شرکت اور مدرستہ المدینہ بالغات لگانے کا ذہن دیا گیا ۔ 

دعوت اسلامی کےزیر اہتمام 15 جنوری کو لکی مروت کابینہ کا علاقہ پنیالہ میں ایک نئے مقام پر سنتوں بھرے اجتماع کا آغاز ہوا،جس میں کابینہ ذمہ دار اسلامی بہن نے شرکت فرما کر بیان فرمایا، اسلامی بہنوں کو مدنی کاموں کا ذہن دیا۔