دعوتِ اسلامی کے شعبہ مدرسۃ المدینہ  اسلامی بہنوں کے زیر اہتمام 19 کتوبر2021ء کو اورنگی ٹاؤن کابینہ ڈویژن قذافی چوک میں اجتماع میلاد کاانعقاد ہوا جس میں مدرسات و طالبات سمیت مقامی اسلامی بہنوں نے بھی شرکت کی۔

مدرسہ اسلامی بہن نے’’ سیرتِ مصطفی ٰ صلی اللہ علیہ وسلم ‘‘ کے موضوع پر بیان کیا اور اسلامی بہنوں کو ٹیلی تھون جمع کرنےکا ذہن دیا جس پر ایک مدرسہ اسلامی بہن نے ہاتھوں ہاتھ ایک یونٹ سے کچھ زائد رقم جمع کروائی اور دیگر طالبات نے بھی ایک ایک یونٹ جمع کروانے کی نیتیں پیش کیں۔

دعوتِ اسلامی کے تحت   21 اکتوبر 2021ء بروز جمعرات کو لیاری کابینہ ڈویژن موسیٰ لین میں اسلامی بہن کے گھر والدہ کے سوئم کے سلسلے میں محفل نعت کا انعقاد ہواجس میں گھر کی خواتین سمیت مقامی اسلامی بہنوں نے شرکت کی۔

عالمی مجلس مشاورت نگران اسلامی بہن نے ’’والدین کے حقوق‘‘ کے موضوع پر بیان کیا اور دعوت اسلامی کی دینی و فلاحی خدمات کے بارے میں بریفنگ دیتے ہوئے اسلامی بہنوں کو ہفتہ وار سنتوں بھرے اجتماع میں شرکت کرنےکاذہن دیا جبکہ کابینہ مشاورت شعبہ مالیات کی ذمہ دار اسلامی بہن نے دعا کروائی ۔

دعوتِ اسلامی کے زیر اہتمام 18 اکتوبر 2021ء کو کوئٹہ زون جامعۃ المدینہ  گرلز فیضان بی بی ہاجرہ میں اجتماع میلاد کا انعقاد ہوا جس میں کم وبیش 85 اسلامی بہنوں نے شرکت کی۔

اجتماع میلاد کا آغاز تلاوت کلام پاک و نعت رسول ﷺ سے ہو ا۔اس کےبعد جامعۃ المدینہ کی طالبات کے درمیان ذہنی آزمائش اور بیان کے مقابلے کا سلسلہ ہوا نیز مدنی اشعار کی تکرار کا سلسلہ بھی رہا۔ آخر میں جامعۃ المدینہ کی ناظمہ نے اسلامی بہنوں کو ٹیلی تھون کے حوالےسے ذہن دیا جس پر اسلامی بہنوں نے اچھی نیتوں کا اظہار کیا۔

دعوتِ اسلامی کےشعبہ تعلیم (اسلامی بہنیں )کے تحت 16 اکتوبر 2021ء کو کراچی ساؤتھ زون1 گلشن کابینہ دارالمدینہ الہلال کیمپس میں محفلِ نعت کا انعقاد کیا گیاجس میں پرنسپل 28 ٹیچرز سمیت تقریباً 41 اسلامی بہنوں نے شرکت کی۔

کابینہ مشاورت ذمہ دار اسلامی بہن نے ’’آخری نبی صلی اللہ علیہ والہ وسلم کے اوصاف‘‘ کےموضوع پر بیان کیااور ٹیچرز کو شعبہ تعلیم کے سیشن میں شرکت کرنے اور دینی کاموں کو کرنےکاذہن دیا ۔آخر میں رسائل بھی تقسیم کئے گئے۔

٭دوسری جانب دعوت اسلامی کے شعبہ تعلیم کے تحت لیاری کابینہ ڈویژن موسیٰ لین میں 18 اکتوبر 2021ء کو علاقائی دورہ ہوا جس میں کابینہ مشاورت ذمہ دار اسلامی بہن نے ڈویژن مشاورت ذمہ دار اسلامی بہن کے ہمراہ ڈاکٹرزاسلامی بہنوں کو نیکی کی دعوت دی اور انہیں اپنے گھر میں محفل میلاد رکھنے کا ذہن دیا جس پر انہوں نے ماہانہ شخصیات اجتماع میں شرکت کی نیت کی۔ مزید لیڈی ڈاکٹرز نےدعوت اسلامی کے بارے میں اچھے تأثرات دیئے۔

آخر میں اسلامی بہنوں کو مکتبۃ المدینہ کےمطبوعہ رسالہ اور ماہنامہ فیضانِ مدینہ بھی تحفتاً پیش کئے نیز لیڈی ڈاکٹر زکو شعبہ روحانی علاج کا تعارف پیش کیا ۔

دعوتِ اسلامی کے زیر اہتمام 21 اکتوبر 2021ء بروز جمعرات نیو کراچی کابینہ ڈویژن سندھی ہوٹل میں ماہانہ ڈویژن دینی حلقہ منعقد کیا گیا جس میں کم وبیش80 اسلامی بہنوں نے شرکت کی۔

کابینہ مشاورت ذمہ دار اسلامی بہن نے دینی حلقے میں ’’صدقے کے فضائل ‘‘ کے موضوع پر بیان کیااور ٹیلی تھون جمع کرنےسے متعلق نکات بتائے مزید اس بیان میں بتایا گیا کہ صدقہ بری موت سے بچاتا ہے۔

دینی حلقے میں فقہ میں فرض علوم کاسیشن بھی ہوا جس میں وقف کے متعلق اہم مسائل سکھائےگئے۔اس کےبعد رسالہ نیک اعمال کے متعلق بھی ترغیبی بیان کیا گیا جس میں سوال کی مذمت پر بیان ہوا اور اسلامی بہنوں کو سوال سے بچنے کا ذہن دیا گیا۔ اختتام پر دعائے مغفرت بھی کی گئی جس میں آقا صلی اللہ علیہ وسلم کی دکھیاری اُمت کے لئے بھی دعائیں مانگی گئیں۔

دعوتِ اسلامی کے تحت 21 اکتوبر 2021ء بروز جمعرات بلدیہ ٹاؤن کابینہ ڈویژن سعید آباد کراچی میں ماہانہ ڈویژن دینی حلقہ منعقد کیا گیا جس میں کم و بیش 47 اسلامی بہنوں نے شرکت کی۔

زون ذمہ دار اسلامی بہن نے ’’علم دین کی فضیلت و اہمیت ‘‘کے موضوع پر بیان کرتے ہوئے بتایا کہ علم کا حصول جہالت و گمراہی سے بچاتا ہے۔ مزید دینی حلقے میں فقہ میں فرض علوم کاسلسلہ ہوا جس میں نماز کے فرائض کے متعلق سکھایا گیانیز اصلاحِ اعمال کے متعلق بھی ترغیبی بیان کیا گیا جس میں درودِ پاک کی فضیلت بتاتے ہوئے اسلامی بہنوں کو روزانہ کم سے کم 313 بار درود شریف پڑھنے کا ذہن دیا گیا۔

اختتام پر ڈویژن ذمہ دار اسلامی بہن نےدعا کروائی جس میں آقا صلی اللہ علیہ وسلم کی دکھیاری اُمت کے لئے بھی دعائیں کی گئیں۔ آخر میں زون مشاورت ڈونیشن بکس ذمہ دار اِسلامی بہن نے جملہ ذمہ دار اسلامی بہنوں کو 25 گھروں میں گھریلو صدقہ بکسز رکھوانے کے اہداف پیش کئےجس پر اسلامی بہنوں نے اچھی اچھی نیتیں پیش کیں۔

دعوت اسلامی کے شعبہ اسلامی بہنوں کے مدرسۃ المدینہ کے زیر اہتمام 9 اکتوبر 2021ء کو کراچی ایسٹ  زون 1ڈرگ کالونی کابینہ میں اجتماع میلاد کا اہتمام کیا گیا جس میں مدرسات،طالبات اور ان کی سرپرست اسلامی بہنوں نے شرکت کی۔ مبلغہ دعوت اسلامی نے سنتوں بھرا بیان کیا۔ ساتھ ہی ٹیلی تھون کے لئے ترغیب دلائی اور اسلامی بہنوں کو اہدا ف دیئے نیز طالبات کی بہترین کارکردگی پر تحائف بھی پیش کئے۔

دعوتِ اسلامی کے شعبہ کفن دفن(اسلامی بہنیں ) کے تحت کراچی ساؤتھ زون1 رنچھورلائن کابینہ ڈویژن سولجر بازار میں22 اکتوبر بروز جمعہ مدنی مشورہ ہوا جس میں تقریبا 4 l اسلامی بہنوں نے شرکت کی۔

مبلغہ دعوت اسلامی نےاسلامی بہنوں کو کفن دفن ٹیسٹ دینےکاذہن دیا اور تقریاں مکمل کرنے کاہدف دیا ۔اس کےعلاوہ ایک اسلامی بہن کو علاقہ سطح پر ذمہ داری دی ۔ مزید کفن دفن اجتماع منعقد کرنے کی ترغیب بھی دلائی جس پر تمام اسلامی بہنوں نے اچھی اچھی نیتیں کیں۔

دعوت اسلامی کے شعبہ رابطہ برائے شخصیات (اسلامی بہنیں )کے تحت 19 اکتوبر 2021ء کو ڈویژن محمودآباد کے علاقہ بلوچ کالونی میں ایک بیوٹی پارلر میں محفل میلاد کا انعقاد کیا گیاجس میں کم و بیش 28 اسلامی بہنوں نے شرکت کی۔کابینہ ذمہ دار اسلامی بہن نے ’’شان مصطفیﷺ ‘‘ کے موضوع پر بیان کیا اورانفرادی کوشش کرتے ہوئے انہیں شخصیات کو ہفتہ وارسنتوں بھرے اجتماع کی دعوت دی۔

دعوتِ اسلامی کے شعبہ رابطہ برائے شخصیات کے تحت 15 اکتوبر 2021ء  کواہل ثروت اسلامی بہن کے گھر محفل نعت کا انعقاد کیا گیا جس تقریباً 30 اسلامی بہنوں نے شرکت کی۔

ڈویژن مشاورت ذمہ دار اسلامی بہن نے ’’سیرت النبی صلی اللہ علیہ وسلم‘‘ کے موضوع پر بیان کیا اور اسلامی بہنوں کو ہفتہ وار سنتوں بھرے اجتماع میں شرکت کرنے کاذہن دیا نیز پریشان حال اسلامی بہنوں کو روحانی علاج کا ذہن بھی دیاجس پر اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے شعبہ اصلاح اعمال (اسلامی بہنیں )کے تحت 16 اکتوبر 2021ء کو(لیاری کابینہ ڈویژن موسیٰ لین میں قائم مدرسے(محمدی اور فیضان اولیاء نیزبہار گلی نمبر 9 ،حنفیہ ،جمعہ بلوچ)اور محمود آباد کابینہ علاقہ بلوچ کالونی) میں اصلاح اعمال اجتماعات کاانعقاد ہوا جن میں تقریباً 542 اسلامی بہنوں نےشرکت کی۔

آغاز درود خوانی و نعت رسول ﷺ سے ہو ا۔ اس کے بعد مبلغات دعوت اسلامی نے ’’وقت کی قدر‘‘ کے موضوع پر بیانات کئے اور اسلامی بہنوں کو رسالہ نیک اعمال کے مطابق زندگی کےشب و روز گزارنے کا ذہن دیا۔ علاوہ ازیں نیک اعمال کے رسائل تقسیم ہوئے اور اسلامی بہنوں نے اچھی اچھی نیتیں بھی پیش کیں۔

دعوتِ اسلامی کے شعبہ اصلاح اعمال (اسلامی بہنیں )کے زیر اہتمام 15 اکتوبر 2021ء کوڈویژن محمودآباد کراچی میں اصلاح اعمال اجتماع ہوا جس میں تقریباً 31 اسلامی بہنوں نے شرکت کی۔

کابینہ مشاورت ذمہ دار اسلامی بہن نے ’’وقت کی قدر‘‘ کےموضوع پر بیان کیا۔درود پاک کا ورد اور تصور مدینہ بھی ہوا۔آخر میں دینی حلقہ لگا کر ہفتہ وار سنتوں بھرےاجتماع میں شرکت کرنےاور مدنی مذاکرہ دیکھنےکی دعوت دی گئی۔