دعوتِ اسلامی کے شعبہ مدرسۃ المدینہ گرلز کے زیرِاہتمام 12 فروری 2022ء بروز ہفتہ کراچی سٹی ذمہ دارو ڈسٹرکٹ ذمہ دار اسلامی بہنوں کا کراچی سٹی آفس میں مدنی مشورہ ہوا ۔

رکن عالمی مجلس مشاورت ذمہ دار اسلامی بہن نے مدنی مشورے میں تربیت کے مدنی پھول، نظامت پرتقررمکمل کرنا نیز نیو نظام کے مطابق تقسیم کاری کے بعد مدارس المدینہ کے معیارمیں مزید بہتری کی ضرورت کے حوالے سے نکات بتائے۔ مزید شخصیات و سرپرست اجتماع کا شیڈول اوراس کی تیاری کے اہداف دیئے گئے۔

اس کے علاوہ مدنی عطیات کے سالانہ اہداف، کورس فیضانِ تلاوت قراٰن و ماہِ رمضان کے دینی کاموں کے مدنی پھول پر کلام ہوا۔ اسی طرح چندہ جمع کروانے کے حوالے سے ٹیسٹ کا سلسلہ کرنے، تعلیم و تکمیلی کارکردگی نیز کارکردگی شیڈول پربھی تبادلہ خیال ہوا۔ 

دعوتِ اسلامی کے شعبہ تعلیم (اسلامی بہنیں) کے زیر اہتمام 11 فروری 2022ء بروز جمعہ پنجاب میں شعبہ تعلیم آن لائن کے مدنی مشورے کا انعقاد ہوا جس میں صوبہ ذمہ دار اورڈویژن ذمہ دار اسلامی بہنوں نے شرکت کی۔

پاک سطح شعبہ تعلیم ذمہ دار اسلامی بہن نے مدنی مشورے میں نئی ذمہ دار اسلامی بہنوں کو دینی کام کرنے کے حوالے سے مدنی پھول بیان کئے اور اس سے متعلق اہداف دیئے نیز شعبے کے دینی کام بڑھانے کی ترغیب دلائی جس پر ذمہ داراسلامی بہنوں نے اچھی اچھی نیتوں کا اظہار کیا ۔

دعوتِ  اسلامی کے شعبہ تعلیم (اسلامی بہنیں)کی پاکستان سطح کی ذمہ داراسلامی بہن نے 13 فروری2022 ء بروز اتوار صبح 10 سے 12 بجے راولپنڈی ڈویژن میں مدنی مشورے کا انعقاد ہوا جس میں تمام شعبہ تعلیم کی صوبہ تا علاقائی سطح تک کی ذمہ دار اسلامی بہنوں نے شرکت کی۔

پاکستان سطح شعبہ تعلیم کی ذمہ دار اسلامی بہن نےعالمی مشاورت نگران اسلامی بہن کےمیٹ اپ سے متعلق انتطامات کا جائزہ لیا اوردیگر مدنی پھول بیان کئے گئے نیز شعبے کے دینی کام بڑھانے کی ترغیب دلائی گئی جس پر ذمہ دار اسلامی بہنوں نے اچھی اچھی نیتوں کا اظہار کیا ۔

دعوت اسلامی کی جانب سے 14 فروری2022ء کو اسلام آباد زون 1 - G12 میں سیکھنے سکھانے کے حلقے کا انعقاد ہواجس میں لیڈی ڈاکٹرز ، لیڈی پروفیسرز و طالبات نے شرکت کی۔

نگر ان عالمی مجلس مشاورت ذمہ دار اسلامی بہن نے سنتوں بھرا بیان کیا اور اسلامی بہنوں کو دعوتِ اسلامی کے شعبۂ تعلیم کے تحت جو دینی کام ہورہے ہیں اس کی پریزنٹیشن پیش کی نیز فرض علوم سیکھنے سکھانے کی ترغیب دلائی جس پر خواتین نے خود کورس کرنے کی اچھی اچھی نیتوں کا اظہار کیا ۔ آخر میں ان کی حوصلہ افزائی کے لئے انہیں تحائف بھی دیئے گئے ۔

دعوت اسلامی کی جانب سے 14 فروری2022ء کو اسلام آباد زون 1 ، G11 میں مدنی مشورے کا انعقاد ہوا جس میں پنڈی کی زون ، ڈویژن و کابینہ نگران نیز اسلام آباد سٹی کی نگرانِ زون و کابینہ ذمہ دار اسلامی بہنوں نے شرکت کی۔

نگر ان عالمی مجلس مشاورت ذمہ دار اسلامی بہن نےاسلامی بہنوں کو تقرری کے اہداف دیئے اور ایک ذمہ دار کو اپنا کردار کیسا پیش کرنا چاہیئے کہ ما تحت اطاعت کے لئے تیار ہو جائیں اس پر مدنی پھول دیئے نیز ڈونیشن کی ترغیب دلائی۔ آخر میں اسلامی بہنوں کی حوصلہ افزائی کے لئے تحائف بھی دیئے۔ 

دعوتِ اسلامی شعبہ مدرسۃ المدینہ گرلزکے  زیرِاہتمام 12 فروری 2022ء بروز ہفتہ کراچی سٹی آفس میں مدنی مشورے کا انعقادہوا جس میں مدرسۃ المدینہ گرلزکی کراچی سٹی و ڈسٹرکٹ ذمہ دار اسلامی بہنوں نے شرکت کی۔

رکن عالمی مجلس مشاورت ذمہ داراسلامی بہن نے مدنی مشورے میں تربیت کے مدنی پھول، نظامت پرتقررمکمل کرنےاور نیو نظام کے مطابق تقسیم کاری کے بعد مدارس المدینہ کے معیارمیں مزید بہتری کی ضرورت پر اسلامی بہنوں کو نکات بتائے۔ اس کے علاوہ شخصیات و سرپرست اجتماع کا شیڈول اوراس کی تیاری نیز مدنی عطیات کے سالانہ اہداف دیئے۔ مزید فیضانِ تلاوت قراٰن کورس اور ماہِ رمضان کے دینی کاموں کے حوالے سے مدنی پھول دیئے۔علاوہ ازیں تعلیم و تکمیلی کارکردگی اور کارکردگی شیڈول پر بھی تبادلہ خیال کا سلسلہ ہوا۔ 

دعوتِ اسلامی کے شعبہ فیضان آن لائن اکیڈمی گرلز کے تحت  فروری 2022ء میں صوبہ پنچاب میں اسکولز و کالجز کی ٹیچرز اور لیڈی ٹرینرز کے درمیان 15دن پر مشتمل تلاوت قراٰن پاک مع ترجمہ کورس کا آغاز ہوچکا ہےجس میں 350 سے زائد ٹیچرز اور ٹرینرز اسلامی بہنیں شرکت کر رہی ہیں ۔

اس کورس میں قراٰ نِ پاک کو درست انداز میں پڑھنے کے ساتھ ساتھ دیگر قواعد و قراٰنی معلومات جاننے کا سلسلہ جاری ہے۔اس کلاس کے حوالے سے اسلامی بہنوں کے مثبت تأثرات کے ساتھ مزید کورسز میں ایڈمیشن لینے کی نیتیں بھی مجلس کو موصول ہوئیں۔

دعوتِ اسلامی کے شعبہ فیضان آن لائن اکیڈمی گرلز کےزیر اہتمام 11فروری2021ءسے کراچی شیرشاہ کالونی میں ہوم کلاسزکے تحت مدرسۃالمدینہ کی شفٹ کا آغاز  کر دیا گیا ہے۔ افتتاح کے موقع پر ڈویژن ذمہ دار اسلامی بہن کی موجودگی میں اسٹاف ممبرز نے طالبات کو سبق دیا ۔

بعدازاں ڈویژن ذمہ دار اسلامی بہن نے شفٹ کے قیام کا مقصد اور شفٹ کے کام کو مزید بڑھانے کے حوالے سے مفید مشورے پیش کئےجس پر اسٹاف کی جانب سے اچھی اچھی نیتوں کا اظہار کیا گیا۔

دعوتِ اسلامی کے شعبہ فیضان آن لائن اکیڈمی گرلز کے تحت چائنیز طالبات کو ان کی زبان میں علمِ دین سکھانے کے مقصد کو پورا کرنے کے سلسلے میں چائنیز ڈیپارٹمنٹ کے توسط سے پاکستان میں  ماہِ فروری 2022ء میں لینگویچ کلاس کا آغاز کردیا گیاہے جس میں فیضان آن لائن اکیڈمی کی 30سے زائد اسٹاف ممبرز اسلامی بہنیں فروغِ علمِ دین کی نیت سے چائنیز سیکھنے میں مصروفِ عمل ہیں۔ 

دعوتِ اسلامی کے تحت  پچھلے دنوں کراچی کے علاقےسولجر بازار میں سنتوں بھرے اجتماع کا انعقاد ہوا جس میں مقامی اسلامی بہنوں نے شرکت کی۔

نگران عالمی مجلس مشاورت ذمہ دار اسلامی بہن نے سنتوں بھرا بیان کیا اور صاحبزادیِ عطار سلمھاالغفار نے اسلامی بہنوں کو دینی کام کرنےکا ذہن بناتے ہوئے ذکر اور دعا کروائی۔آخر میں اسلامی بہنوں سے ملاقات بھی کی۔

دعوتِ اسلامی  کی طرف سے 10 فروری2022ء کوپاکستان اور اورسیز فیضانِ تلاوت قراٰن کورس کی ذمہ دار اسلامی بہنوں کا آن لائن مدنی مشورہ ہوا جس میں نگران عالمی مجلس مشاورت و مدرسۃ المدینہ ( اسلامی بہنیں ) کی عالمی سطح کی ذمہ دار اسلامی بہنوں نے ملک واوور سیز میں زیادہ سے زیادہ فیضان تلاوت قراٰن کورس کروانے کی ترغیب دلاتے ہوئے اسلامی بہنوں کو اس کے جدول سے متعلق تفصیلی نکات سمجھائے۔

دعوت اسلامی کے شعبہ تعلیم (اسلامی بہنیں)کےتحت 7 فروری 2022ء کو Thanks giving ) یوم تشکر ( آن لائن سیشن کا سلسلہ ہوا جس میں شعبہ تعلیم کی ذمہ داراسلامی بہنوں نے شرکت کی۔

سیشن کا مقصد سابقہ سال دینی کام کروانے والی اسلامی بہنوں کی حوصلہ افزائی تھا۔ پروفیشنل اسلامی بہنوں کو ان کی خدمات پر سرٹیفیکیٹ دیئے گئے ۔ اس کے علاوہ نگران عالمی مجلس مشاورت ، نگرا ن پاکستان اور عالمی سطح شعبہ تعلیم کی ذمہ دار اسلامی بہن نے مختلف امور مثلاً دینی کام ایک سعادت ہے ، اپنی اصلاح ، never quit پر مدنی پھول دیئے۔