دعوتِ اسلا می کےمدنی مرکز فیضانِ مدینہ ٹوبہ ٹیک سنگھ میں اسپیشل افراد کے درمیان سنّتوں بھرے اجتماع کا سلسلہ ہواجس میں مبلغ دعوتِ اسلامی نے سنّتوں بھرا بیان کیا۔اجتماع پاک کی برکت سےایک غیر مسلم نے ہاتھوں ہاتھ اسلام قبول کیااورخوش نصیب کا اسلامی نام احمد رضا رکھا گیا۔خوشی کےاس موقع پر وہاں موجود اسلامی بھائیوں نے نومسلم احمد رضا کو اسلام قبول کرنے پر مبارکباد پیش کی۔

دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مشورہ ہوا جس میں مختلف زون اور مجالس کے نگران اور ذمّہ داران نے شرکت کی۔رکنِ شوریٰ حاجی محمد امین عطاری اور رکنِ شوریٰ حاجی محمد  علی عطاری نےتربیت کی اور ذوالحجۃ الحرام میں قربانی کے گوشت کو تقسیم کرنے اور زیادہ سے زیادہ کھالیں جمع کرنے کے حوالے سے مدنی پھول دیئے۔

اسی طرح مجلسِ چرم قربانی کے تحت عالمی مدنی مرکز فیضانِ مدینہ کراچی سمیت مختلف مدنی مراکز میں چرم قربانی کے حوالے سے مدنی حلقے اور تربیتی اجتماع کا انعقاد کیا گیا جس میں مختلف زون کے ذمّہ داران نے شرکت کی ۔مبلغ دعوتِ اسلامی نے ذمّہ داران کی تربیت کی اور اجتماعی قربانی کرنے اور گوشت تقسیم کر نے حوالے سے مسائل بیان کرتے ہوئے قربانی کی کھالیں جمع کرنے کاذہن دیا۔ 

دعوتِ اسلامی کی مجلس مدنی کورسز کے تحت مدنی مرکز فیضانِ مدینہ اسلام آباد ریجن میں تین دن کے12 مدنی کام کورس کا سلسلہ جاری ہے جس میں ذیلی تا علاقہ مشاورت کے ذمّہ اسلامی بھائی شرکت کر رہے ہیں ۔نگرانِ پاکستان انتظامی کابینہ حاجی محمد شاہد عطاری بھی اس مدنی کورس میں شامل ہیں اور شرکا کی مدنی تربیت فرما رہے ہیں۔

دعوتِ اسلامی کی مجلس عطیات بکس کے تحت مدنی مرکز فیضانِ مدینہ آفندی ٹاؤن حیدرآباد میں 24 جولائی 2019ء کو ذمّہ داران کا مدنی حلقہ ہوا جس میں ریجن ذمّہ داران ،اراکینِ زون اور مفتشین سمیت دیگر ذمّہ داران نے شرکت کی ۔نگرانِ مجلس عطیات بکس نے ذمّہ داران کی مدنی تربیت کی اور مقصد میں کامیابی کے حوالے سے مدنی پھول دئیے۔

دعوتِ اسلامی کی مجلس شعبۂ تعلیم کےتحت مدنی مرکز فیضانِ مدینہ اسلام آباد میں تربیت کا سلسلہ ہوا جس میں شعبۂ تعلیم کے ذمّہ داران نے شرکت کی ۔رکنِ شوریٰ محمد اطہر عطاری نے شرکا کی تربیت کی اور کارکردگی کا جائزہ لیتے ہوئے کہا کہ اس شعبۂ تعلیم کے تحت  ایبٹ آباد اور کوہِ مری میں فیضانِ نماز کورس اور اصلاح ِاعمال کورس جاری ہےجس میں 300سے زائداسلامی بھائی شریک ہے ۔

 دعوتِ اسلامی کے مدنی مرکزفیضانِ مدینہ آفندی ٹاؤن حیدرآبادمیں ذمّہ داران کی تربیت کا سلسلہ ہوا جس میں مفتیِ اہلِ سنّت مولانا محمد قاسم عطاری مَدَّظِلُّہُ الْعَالِی نے سنّتوں بھرا بیان کیا اور شرکا کی مدنی تربیت کی۔ مفتی صاحب نے اپنےبیان میں فرمایا کہ آپ لوگ بہت اہم کام کررہے ہیں، گاؤں گاؤں مدنی قافلوں کو سفر کروانا اور نیکی کی دعوت کو عام کرنا یہ بہت ہی بڑا کام ہے۔ شرکا نے مفتی قاسم صاحب کی تربیت کو سراہا اور اچھی اچھی نیتں بھی کیں۔یاد رہے اس موقع پر کہ رکن شوریٰ حاجی محمد فاروق جیلانی عطاری ، نگران امجدی زون اور تمام شعبے کے ذمّہ داران نے شریک تھے۔

پاکستان کی خوبصورت وادی نیلم میں موجود دعوتِ اسلامی کے مدنی مرکز  فیضانِ مدینہ کیل (کشمیر)میں سنّتوں بھرے اجتماع کا انعقاد کیاگیا جس میں اہلِ علاقہ سمیت کثیر عاشقانِ رسول نے شرکت کی ۔رکنِ شوریٰ حاجی محمد اظہر عطاری نے سنّتوں بھرا بیان کیا اور شرکا کی مدنی تربیت کرتے ہوئےانہیں گناہوں سے توبہ کرنے اور نیکیوں کی طرف رغبت کا ذہن دیا ۔علاوہ ازیں رکنِ شوریٰ نے وادی نیلم کیل (کشمیر)میں موجود جامعۃ المدینہ کا دورہ بھی کیا اور مزید ترقی کے لئے دعا بھی فرمائی۔

دعوتِ اسلامی کی مجلس مدرسۃالمدینہ کے تحت مدنی مرکز فیضانِ مدینہ حیدرآباد میں سنّتوں بھرا  اجتماع ہوا جس میں مدرّس کورس مکمل کرنے والے عاشقان ِرسول نے شرکت کی۔ رکنِ شوریٰ حاجی محمد فاروق جیلانی عطاری نے سنّتوں بھرا بیان فرماتے ہوئےطلبہ کو اپنے شہر میں جاکر 12 مدنی کام کرنے کا ذہن دیا،اس پر طلبہ نے اپنی اپنی نیتوں کا اظہاربھی کیا۔

دعوتِ اسلامی کی مجلس تقسیمِ رسائل کے  تحت مدنی مرکز فیضانِ مدینہ حیدرآباد میں اجتماع کے بعد عاشقانِ رسول میں رسائل تقسیم کئے گئے ۔ حیدرآباد کی ایک کلاتھ کارکیٹ میں دکانوں پر تاجروں سے ملاقات کا بھی سلسلہ ہو ا اورذمّہ داران نےنیکی کی دعوت کے بعد رسائل تقسیم کئے ۔

اسی طرح فیصل آباد میں دعوتِ اسلامی کی مجلس تقسیمِ رسائل کے تحت دارالاحسان ٹاؤن میں ذمّہ داران نے مختلف دکانوں پر رسائل کے ریکس لگانے کی ترکیب بنائی جبکہ اسلام آباد مرکز G-9 میں مجلس تقسیم رسائل کے تحت ذمّہ داران نے دکان دکان جاکر رسائل ریکس رکھنے کا ذہن دیا نیز دکانداروں کو ماہنامہ فیضان مدینہ کی بکنگ کی ترغیب دلائی گئی اور چوک درس کا بھی سلسلہ ہواجس میں عاشقانِ رسول کو نیکی کی دعوت دی گئی۔